Búnaðarrit - 01.01.1988, Page 176

fjársvelti, og séð verði fyrir fjármagnsþörfum hennar, svo sem framast er
unnt. Ekki verður við annað unað en þessi mál séu skilgreind sem
landbúnaður og lúti í einu og öllu yfirstjórn landbúnaðarráðuneytisins.
Til frekari rökstuðnings vísast til erindis stjórnar Búnaðarfélags íslands
á þingskjali nr. 44 tölulið 1 — 5.
Töluliðir 1—5 á þingskjali nr. 44, sem vitnað er til í greinargerðinni,
hljóða þannig:
1. Fiskeldi er í eðli sínu búskapur hliðstæður öðrum greinum ræktunar á
ýmsum dýrategundum. Um hann gilda sömu lögmál og við eldi annarra
dýrategunda, t.d. hvað varðar kynbætur og fóðrun.
2. Þær stofnanir, sem nú starfa og búa yfir mestri þekkingu og reynslu á
fiskeldi og þeim lögmálum, sem um það gilda, heyra flestar undir
Iandbúnaðarráðuneytið, svo sem Veiðimálastofnun, Rannsóknarstofn-
un landbúnaðarins, dýralæknaþjónustan og fisksjúkdómanefnd, Bún-
aðarfélag íslands og bændaskólarnir.
Veiðimálastofnun og veiðimálanefnd, sem lögum samkvæmt hefur
lengi stjórnað veiðimálum og leiðbeint um fiskrækt í ám og vötnum,
hefur einnig staðið fyrir rannsóknum á möguleikum á fiskeldi og
hlutum því tengdum, svo sem hafbeit.
Mikilvægt er að efla sjúkdómavarnir og starfsemi á því sviði undir
forystu dýralækna og fisksjúkdómanefndar. Rannsóknarstofnun land-
búnaðarins hefur á að skipa færustu sérfræðingum á sviði fóðurfræði og
kynbótafræði. Fiskeldi hefur þegar verið kennt við báða bændaskólana
um nokkurt skeið.
3. Fljá Búnaðarfélagi Islands starfar nú sérmenntaður ráðunautur í
fiskeldi, og veitir hann ásamt ráðunautum í vatnsvirkjun, byggingum,
bútækni og hagfræði, bændum, sem nú þegar stunda fiskeldi eða hafa
hug á að taka það upp, leiðbeiningar varðandi þessa búgrein.
Mikil eftirspurn er þegar komin í ljós eftir slíkum leiðbeiningum víða
um land.
4. Fiskeldi snertir á margan hátt annan búskap, svo sem í sambandi við
nýtingu lands, vatna og veiðihlunninda, og gæti það leitt til óþarfra
árekstra, ef farið væri með mál þess af öðrum aðilum en þau heyra nú
undir.
5. Fiskeldi er ein af þeim nýgreinum í búskap, sem líkleg er til að skapa
auknaatvinnu ísveitum, og mikilvægt er, aðtekin verði upp af bændum,
þar sem náttúruleg skilyrði leyfa. Minna má á, að þær búháttabreyting-
ar, sem nú fara fram í sveitum landsins, eru að sjálfsögðu á verksviði
landbúnaðarráðuneytisins og stofnana, sem undir það heyra.
174