Búnaðarrit - 01.01.1988, Síða 181
Mál voru líka venju fremur fá, 34, þegar allt er talið. Þau voru öll til
meðhöndlunar í nefndum, sem skiluðu þeim frá sér í 29 ályktunum, sem
þingið svo afgreiddi.
Starfsnefndir þingsins.voru 5 eins og nú er fast í vinnureglum, og unnu
þær allar af mikilli elju og samvizkusemi, það vil ég fullyrða, ræddu við
fjölda manns innan og utan Búnaðarfélags fslands og öfluðu þinginu
mikilla verðmætra upplýsinga.
Ef spurt væri, hver hafi verið helztu mál þessa Búnaðarþings, býst ég
við, að rétta svarið væri, að það hafi verið þau mál, og þau voru nokkur,
sem lúta að skipulagi, starfsemi og vinnubrögðum Búnaðarfélagsins,
einkum ráðunautaþjónustu þess og annarri leiðbeiningaþjónustu í land-
búnaði í landinu.
Það er í gangi mikil umræða um þessa hluti bæði innan samtaka
landbúnaðarins og víðar. Þessi umræða varð fyrirferðarmeiri á þinginu
nú, m.a. af því, að því var send til umsagnar nýútkomin áfangaskýrsla
stjórnskipaðrar nefndar, sem gera átti úttekt og ályktanir um leiðbeininga-
þjónustuna og skyld mál.
Þá settu óneitanlega svip á þingið hin nýju fjárhagslegu viðhorf, sem
Búnaðarfélagið stendur frammi fyrir og verður að bregðast við eins og
bezt gegnir. Af þeim sökum varð verkefni fjárhagsnefndar t.d. miklum
mun örðugra en oftast eða nokkru sinni áður.
Þó held ég, að segja megi, að enginn svartsýnisblær hafi verið á
þingstörfunum, miklu fremur, að þau hafi borið merki af mjög almennum
og einbeittum ásetningi manna, að Búnaðarfélag íslands haldi hlut sínum í
kerfinu og í landinu á komandi tímum, eins og það hefur gert í vaxandi
mæli alla öldina.
Nú, þegar kemur að þingslitum, vil ég þakka þingfulltrúum og
starfsmönnum þingsins ágætlega unnin störf þessar nærri tvær vikur. Ég vil
alveg sérstaklega þakka skrifstofustjóra og bókara þingsins, þeim ráðu-
nautunum Ólafi E. Stefánssyni og Axel Magnússyni.
Ég þakka skrifurum og meðforsetum mínum og síðast en ekki sízt
skrifstofufólkinu, sem vinnur sín verk fyrir þingið á bak við tjöldin og
aldrei fellur verk úr hendi. Ég þakka ykkur líka, góðir gestir, fyrir komuna
á þennan fund.
Ég bið þingið að samþykkja, að forsetar og fundarritari gangi frá
fundargerð þriggja síðustu funda.“
Nú tók til máls Jón Ólafsson. Hann bar fram þakkir fulltrúa og
árnaðaróskir til forseta. Hann kvað þingfulltrúa hafa fengið gott veganesti
á þinginu. Óskaði hann forseta og fjölskyldu hans velfarnaðar og vænti
þess að sjá hann hressan á næsta Búnaðarþingi.
Forseti þakkaði góðar óskir í sinn garð og sagði: „Að svo mæltu óska ég
179