Fréttablaðið - 06.01.2010, Blaðsíða 8

8 6. janúar 2010 MIÐVIKUDAGUR
Forseti Íslands synjar staðfestingu Icesave-laga
NÝI TÖLVU- OG VIÐSKIPTASKÓLINN – VIÐURKENNDUR EINKASKÓLI Á FRAMHALDSSKÓLASTIGI
Helstu námsgreinar:
» Sölukerfi - 18 stundir
» Launakerfi - 24 stundir
» Fyrningar - 12 stundir
» Lán - 18 stundir
» Skattskil - 24 stundir
» Afstemmingar og lokafærslur - 18 stundir
» Gerð ársreikninga - 30 stundir
» Lokaverkefni - 24 stundir
BÓKARANÁM
FRAMHALD
68 stundir - Verð: 198.000.-
Kvöldnámskeið 8. feb. - 17. maí.
Morgunnámskeið 8. feb. - 17. maí.
Frábært námskeið fyrir alla sem hafa
almenna þekkingu á bókhaldi.
Að loknu námskeiðinu eiga nemendur að vera færir að
sjá um viðskiptamannakerfi, launakerfi og vera færir um
að framkvæma einföld uppgjör á bókhaldi ásamt öllum
þeim afstemmingum og lokafærslum sem þarf fyrir skil til
endurskoðanda.
Upplýsingar og skráning: 544 4500 / www.ntv.is
LÖGIN FRÁ Í SEPTEMBER
Verði eftirstöðvar af láninu 2024 verði að semja upp á
nýtt.
Ríkisábyrgðin tekur ekki gildi fyrr en Bretar og Hollending-
ar hafa samþykkt fyrirvara.
Skuldbindingar Tryggingarsjóðs séu háðar sömu fyrirvör-
um og ríkisábyrgð.
1) Lánasamningar túlkaðir í samræmi við Brussel-viðmið
(um erfiðar og fordæmalausar aðstæður Íslands.) 2)
Komið verði í veg fyrir aðför að eignum Íslands. 3) Yfirráð
yfir náttúruauðlindum tryggð.
Sett hámark á afborganir sem ekki verði farið yfir.
1) Mat Eurostat á vergri landsframleiðslu. 2) Miðað við
meðallag miðgengis Seðlabankans árlega.
Látið reyna á hvort kröfur Tryggingarsjóðs í þrotabú
Landsbankans séu forgangskröfur.
LÖG UM BREYTINGAR
Verði eftirstöðvar af láninu 2024 framlengist samningur til
2030 og þá um fimm ár til ef með þarf.
Fellt úr gildi. Bretar og Hollendingar höfnuðu sumum
fyrirvörum.
Fellt úr gildi.
1) Brussel-viðmið aðeins til hliðsjónar, ekki beitt við
túlkun. Ensk lög gilda um samningana. 2) Sagt tryggt. 3)
Sagt tryggt.
Sett hámark á afborganir, en þó tryggt að vextir verði
ávallt greiddir sem gætu farið yfir hámark, en talið ólík-
legt. Gólf á greiðslum þar sem vaxtagreiðslur eru tryggðar.
1) Mat AGS á vergri landsframleiðslu. 2) Miðað við meðal-
lag miðgengis Seðlabankans ársfjórðungslega.
Svipað ákvæði í viðaukasamningum. Þó veikamikill
munur:
1) Ekki útilokað að viðsemjendur eigi frekari kröfur en
sjóðurinn.
2) Niðurstaða íslenskra dómstóla má ekki vera í andstöðu
við ráðgjafandi álit EFTA-dómstóls.
3) Niðurstöður íslenskra dómstóla breyta ekki sjálfkrafa
samningi.
Greiðslutími
Fyrirvarar samþykktir
Tryggingarsjóður
Forsendur ríkisábyrgðar
Greiðsluhámark
Hagtölur
Forgangskröfur
Innan tíðar verða lög um breyt-
ingar á ríkisábyrgð vegna Icesa-
ve borin undir þjóðina til synjun-
ar eða samþykktar. Þar fær hún
tækifæri til að taka afstöðu til þess
hvort þær breytingar sem Alþingi
gerði á fyrri lögum um málið, sem
samþykkt voru í september, verði
grundvöllur samninga við Breta
og Hollendinga.
Atkvæðagreiðslan gengur
þannig ekki út á hvort eigi að
greiða skuldbindingar vegna Icesa-
ve, heldur hvernig þeim greiðslum
verður háttað og hvaða fyrirvarar
gilda um þær.
Lögfræðingurinn Helgi Áss
Grétarsson skrifaði greinargerð
sem fylgdi breytingartillögunum.
Þar fór hann yfir mismun á ákvæð-
um viðaukasamninga breytingar-
tillagnanna og ákvæðum laganna
frá því í september. Þar sem kjós-
endur taka afstöðu til breyting-
anna í þjóðaratkvæðagreiðslunni
tók Fréttablaðið saman það helsta
úr greinargerð Helga Áss.
Friðrik Már Baldursson, forseti
viðskiptadeildar HR, segir í raun
eitt atriði standa upp úr fyrirvör-
um fyrri laganna, þegar kemur að
greiðsluákvæði; greiðslutíminn.
Hann telur litlar líkur að komi til
þess að taka þurfi afstöðu til með-
ferðar eftirstöðva eftir árið 2024.
Mikið þurfi að gerast til að lánið
verði ekki að fullu greitt þá. Hann
segir það að mörgu leyti vafamál
hvað í raun sé verið að setja í þjóð-
aratkvæðagreiðslu.
Björg Thorarensen, deildarfor-
seti lagadeildar HÍ, segir lagalega
fyrirvara fyrri laganna vera víð-
tæka, þeir hafi verið mjög afdrátt-
arlaus skilyrði ríkisábyrgðar.
Samningunum hafi verið breytt,
en hluti fyrirvaranna hafi komið
fram í viðaukasamningum og hluti
í lögunum sem forsetinn neitaði að
undirrita. kolbeinn@frettabladid.is
Þjóðin kýs um hvort
lögum verður breytt
Þjóðin mun taka afstöðu til breytinga á lögum um ríkisábyrgð vegna Icesave.
Hafni þjóðin þeim þurfa viðsemjendur að samþykkja fyrirvara í eldri lögum
sem þeir hafa áður hafnað. Þá verður Icesave-skuld greidd eftir eldri lögunum.
BJÖRG
THORARENSEN
FRIÐRIK MÁR
BALDURSSON
Þ a ð m u n d i
standast stjórn-
arskrána að
Alþingi felldi
Icesave-lögin úr
gildi í stað þess
að vísa þeim til
þjóðaratkvæða-
greiðslu. Það er
þó pólitískt ólík-
legt að núver-
andi ríkisstjórn-
arflokkar afgreiði málið með þeim
hætti.
Þetta er mat Gunnars Helga
Kristinssonar, prófessors í stjórn-
málafræði við Háskóla Íslands. Í
sama streng tekur Eiríkur Tómas-
son, lagaprófessor við HÍ.
„Hins vegar er spurning hvort
það sé pólitískt mögulegt fyrir
núverandi stjórnarflokka að aftur-
kalla lögin,“ segir Gunnar Helgi.
Hann vísar til þess að sumir leið-
togar ríkisstjórnarflokkanna hafi
gagnrýnt það
harðlega árið
2004 að ríkis-
stjórn Fram-
sóknarflokks
og Sjálfstæð-
isflokks felldi
fjölmiðlalög úr
gildi eftir synj-
un forseta án
þess að vísa
þeim til þjóðar-
atkvæðagreiðslu.
Margir stjórnarandstæðingar
þess tíma hafi þá talið það brjóta
gegn stjórnarskránni að vísa mál-
inu ekki til þjóðaratkvæðagreiðslu
eftir synjun forsetans.
Eiríkur segir að það myndi hins
vegar ekki standast stjórnarskrána
að leggja fyrir Alþingi frumvarp
með minni háttar breytingum á
Icesave-lögunum á Alþingi.
Gunnar Helgi segist sammála
Eiríki um það. - pg
Prófessorar um synjuna á breytingum Icesave-laga:
Ógilding lögleg en
pólitískt ólíkleg
GUNNAR HELGI
KRISTINSSON
EIRÍKUR
TÓMASSON
Allir helstu fjölmiðlar heims
skýrðu frá því á vefsíðum sínum í
gær að forseti Íslands hefði ákveð-
ið að vísa Icesave-lögunum til
þjóðaratkvæðis. „Ísland neitar að
borga bankaskuld“, segir í fyrir-
sögn danska dagblaðsins Politik-
en og þýska tímaritið Spiegel talar
um bakslag í málinu.
Víða er vitnað í danska sér-
fræðinginn Lars Christensen hjá
Danske Bank, sem sendi frá sér
yfirlýsingu í gær: „Þetta mun
stefna í alvarlega hættu samningi
Íslands við Alþjóðagjaldeyrissjóð-
inn og getur því dýpkað enn frekar
hina alvarlegu efnahags- og fjár-
málakreppu á Íslandi,“ segir hann.
Á vefsíðum þýska tímaritsins
Spiegel er Hans van Baalen, þing-
maður á Evrópuþinginu, sem segir
ótækt að hleypa Íslandi inn í Evr-
ópusambandið ef íslenska þjóðin
hafnar Icesave-lögunum.
Í hollenskum fjölmiðlum er einn-
ig rætt við þingmanninn Frans
Weekers, sem segist hafa fengið
nóg af Íslendingum: „Þetta land
er ekki traustsins vert. Við erum
nógu góð fyrir þau þegar þau þurfa
peninga en ekki þegar kemur að
endurgreiðslu.“ - gb
Grannt fylgst með utanlands:
Neitunin vekur
víða furðu
STRÍÐ VIÐ ÍSLAND Bloggarinn Iain Mart-
in á Wall Street Journal veltir því fyrir sér
hvort Gordon Brown ætli að gera innrás.
Fyrir Alþingi liggja tvö frumvörp
um fyrirkomulag þjóðaratkvæða-
greiðslu, eitt stjórnarfrumvarp
og annað þingmannafrumvarp.
Allsendis er þó óvíst að við ann-
aðhvort þeirra verði stuðst við
fyrirkomulag þessarar atkvæða-
greiðslu.
Jóhanna Sigurðardóttir for-
sætisráðherra sagði í samtali við
Fréttablaðið að hægt væri að fara
aðrar leiðir en að byggja á stjórn-
arfrumvarpinu. „Það væri hægt
að smíða einfaldara frumvarp sem
gengi hraðar í gegnum þingið og
svo er líka möguleiki á að byggja
atkvæðagreiðsluna á reglugerð.
Við skoðum hvernig þetta verður
fljótast og best gert.“
Málið var rætt á þingflokki
Vinstri grænna í gær, en engin
ákvörðun tekin.
Alþingi hefur ekki enn verið
kallað saman, að sögn Ástu Ragn-
heiðar Jóhannesdóttur þingfor-
seta. Hún segir það hins vegar
taka skamman tíma þegar til
kemur. - kóp, bþs
Ekki endilega stuðst við stjórnarfrumvarpið:
Óvíst hvaða reglum
verður kosið eftir
Á ALÞINGI Tvö frumvörp liggja fyrir þinginu um fyrirkomulag þjóðaratkvæðagreiðslu.
Að mati forsætisráðherra kemur til greina að smíða einfaldara frumvarp sem færi
hratt í gegnum þingið. FRÉTTABLAÐIÐ/GVA