Fréttablaðið - 06.01.2010, Blaðsíða 19
Sölufulltrúar Henný Árnadóttir henny@365.is 512 5427 Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
HUGARFAR hefur mikil áhrif á líðan námsmanna
og árangur. Mikilvægt er að tileinka sér jákvætt hugarfar
gagnvart námsgreinum, kennurum, skólanum og sjálfum
sér. Námsgreinar geta verið fólki miserfiðar. Þá er gott að
taka strax á vandanum og leita leiða til bætts árangurs en
forðast hugsanir um að efnið sé óskiljanlegt.
„Þetta var ótrúlega skemmtileg ferð
og ég sé ekki eftir að hafa tekið mér
hana á hendur. Það getur verið mjög
skemmtilegt að stinga niður fæti
þar sem ferðamannaiðnaðurinn er
lítið áberandi og ég mæli sérstak-
lega með því,“ segir Lúðvík Kalmar
Víðisson sem starfar sem teiknari,
eða senior concept artist upp á eng-
ilsaxnesku, hjá tölvuleikjafyrirtæk-
inu CCP. Lúðvík ferðaðist um stór-
an hluta Ítalíu ásamt þremur vinum
sínum sumarið 2007, og tók ferða-
lagið alls um fjórar vikur.
Hópurinn ferðaðist um á bíla-
leigubíl allan tímann, og segir Lúð-
vík þá ákvörðun hafa gefið ferð-
inni meiri ævintýrablæ en ella.
„Við hófum ferðina rétt norðan við
Napólí og enduðum í Toskaníu-hér-
aði, þannig að við fórum ansi langt
á þessum mánuði. Við fórum eftir
nokkuð grófri áætlun, sem gerði
ráð fyrir að við værum komin á
ákveðna staði fyrir ákveðinn tíma
og svo framvegis, en að öðru leyti
var þetta nokkuð laust í reipunum.
Ef við kunnum vel við okkur á ein-
hverjum stað þá áttum við til að
ílengjast þar.“
Í Toskaníu tók hópurinn hús á
leigu hjá hjónum sem ráku býflugna-
bú, og segir Lúðvík þá viku sem eytt
var þar hafa verið einn af hápunkt-
um ferðalagsins. „Við leituðum ein-
faldlega að upplýsingum á netinu og
fundum þar þetta frábæra hús með
myndum af hjónunum og umhverf-
inu. Þau töluðu reyndar litla sem
enga ensku, eins og víðar þar sem
við komum í ferðinni, en samskipt-
in björguðust þó með barnalegum
handabendingum og slíku. Þetta
var alveg frábær vika og fegurðin í
kringum okkur mikil. Þar sem við
slökuðum á í sundlauginni horfðum
við yfir að því er virtist óendanlega
græna dali,“ segir Lúðvík.
Hann segist hafa mætt mikl-
um almennilegheitum í samskipt-
um sínum við íbúa þeirra mörgu
litlu þorpa sem heimsótt voru. „Ég
man til dæmis eftir lítilli kjörbúð
sem við fórum nokkrum sinnum í,
en þar var okkur varla hleypt inn
fyrr en starfsfólkið hafði gengið
úr skugga um að við hefðum feng-
ið glas af heimabrugguðu rauðvíni
til að dreypa á meðan við versluð-
um. Svo var stöðugt fyllt á glasið, og
auðvitað endaði það með því að við
keyptum af þeim smá brugg,“ segir
Lúðvík og hlær.
Lúðvík mælir eindregið með því
að fólk leiti sér upplýsinga á netinu
áður en haldið er í slíkt ferðalag.
„Þar er endalaust af upplýsingum
og hægur leikur að uppgötva frá-
bæra staði sem maður hefði líklega
aldrei kynnst annars,“ segir Lúðvík
Kalmar.
kjartan@frettabladid.is
Óendanlegir grænir dalir
Lúðvík Kalmar Víðisson, teiknari hjá CCP, fór í mánaðarlangt ferðalag um Ítalíu fyrir tveimur árum ásamt
vinum sínum. Þeir eyddu meðal annars viku í Toskaníu í góðu yfirlæti hjá býflugnabóndahjónum.
Lúðvík Kalmar segist hafa mætt miklum almennilegheitum á Ítalíu. FRÉTTABLAÐIÐ/GVA