Fréttablaðið - 06.01.2010, Blaðsíða 34

22 6. janúar 2010 MIÐVIKUDAGUR
sport@frettabladid.is
ÍÞRÓTTAMAÐUR ÁRSINS Handbolta-
maðurinn Ólafur Stefánsson endur-
skrifaði í gær sögu kjörs Samtaka
íþróttamanna á Íþróttamanni árs-
ins þegar hann var kosinn Íþrótta-
maður ársins með fullu húsi annað
árið í röð. Ólafur fékk 380 stig af
380 mögulegum og 193 stigum
meira en knattspyrnumaðurinn
Eiður Smári Guðjohnsen. Í fyrra
fékk Ólafur 480 af 480 mögulegum
stigum og hlaut þá einnig 193 stig-
um meira en næsti maður sem var
þá Snorri Steinn Guðjónsson.
Knattspyrnufólkið Eiður Smári
Guðjohnsen og Þóra Björg Helga-
dóttir komu í næstu sætum á eftir
Ólafi. Þóra var ein af þremur
konum meðal efstu fimm í kjör-
inu en á eftir henni komu körfu-
boltakonan Helena Sverrisdóttir
og frjálsíþróttakonan Helga Mar-
grét Þorsteinsdóttir.
Þetta er í fjórða sinn sem Ólaf-
ur hlýtur sæmdarheitið Íþrótta-
maður ársins en hann fékk einn-
ig þessa viðurkenningu fyrir árin
2002, 2003 og svo aftur 2008. Það
hefur aðeins einn maður verið
kosinn oftar en Ólafur og það er
frjálsíþróttamaðurinn Vilhjálm-
ur Einarsson sem var kosinn fimm
sinnum á sex fyrstu árum kjörs-
ins. Ólafur er hins vegar sá fyrsti
til að vinna þessi verðlaun fjórum
sinnum á sama áratugnum en Vil-
hjálmur vann þrisvar á sjötta ára-
tugnum og tvisvar í upphafi þess
sjöunda.
Hápunktur ársins hjá Ólafi Stef-
ánssyni var án nokkurs vafa seinni
úrslitaleikur Meistaradeildarinnar
í Quijote Arena í Ciudad Real 31.
maí. Ólafur skoraði 8 mörk í leikn-
um og sá til þess öðrum fremur
með frábærri frammistöðu að Ciu-
dad náði að vinna upp fimm marka
forskot þýska liðsins Kiel frá því í
fyrri úrslitaleiknum í Þýskalandi.
Ólafur var borinn á höfuðstól í lok
hans sem hetja spænska liðsins.
Ólafur kvaddi spænska liðið Ciu-
dad Real á árinu með því að vinna
sinn fimmtánda og sextánda titil
með félaginu frá því að hann kom
til Spánar sumarið 2002. Auk þess
að vinna Meistaradeildina í þriðja
sinn á fjórum árum þá varð liðið
einnig spænskur meistari þriðja
árið í röð.
Það er athyglisvert að Ólafur var
einnig kosinn Íþróttamaður ársins
tvö ár í röð þegar hann skipti síð-
ast um félag en hann fór frá Mag-
deburg til Ciudad Real árið 2002 og
var þá kosinn Íþróttamaður ársins
2002 og 2003. Ólafur fór til þýska
liðsins Rhein Neckar Löwen fyrir
núverandi tímabil og hefur verið í
aðalhlutverki hjá liðinu í sterkustu
deild í heimi.
ooj@frettabladid.is
Þetta var áratugurinn hans Ólafs
Ólafur Stefánsson er Íþróttamaður ársins 2009 og var alveg eins og í fyrra settur í efsta sætið hjá öllum
meðlimum Samtaka íþróttafréttamanna. Ólafur var kosinn í fjórða skiptið á frábærum ferli sínum.
ÞUNGUR ER HANN Ólafur Stefánsson varð í gær fyrstur til að lyfta nýja bikarnum
tvisvar þegar hann var kosinn Íþróttamaður ársins annað árið í röð. FRÉTTABLAÐIÐ/VILHELM
Íþróttamaður ársins 2009
1. Ólafur Stefánsson (handb.) 380 stig
2. Eiður Smári Guðjohnsen (knattspyrna) 187
3. Þóra Björg Helgadóttir (knattspyrna) 164
4. Helena Sverrisdóttir (körfubolti) 104
5. Helga Margrét Þorsteinsd. (frjálsar) 98
6. Jón Arnór Stefánsson (körfubolti) 86
7. Guðjón Valur Sigurðsson (handbolti) 78
8. Jakob Jóhann Sveinsson (sund) 63
9. Björgvin Páll Gústavsson (handbolti) 55
10. Hólmfríður Magnúsdóttir (knattspyrna) 50
11. Hermann Hreiðarsson (knattspyrna) 34
12. Róbert Gunnarsson (handbolti) 14
13. Ásdís Hjálmsdóttir (frjálsar íþróttir) 12
14. Katrín Jónsdóttir (knattspyrna) 12
15. Eyþór Þrastarson (íþróttir fatlaðra) 6
16. Auðunn Jónsson (lyftingar) 5
17. Snorri Steinn Guðjónsson (handbolti) 5
18.-19. Ólafur Björn Loftsson (golf) 4
18.-19. Kristján Örn Sigurðsson (knattsp.) 4
20. Jakob Örn Sigurðarson (körfubolti) 4
21. Berglind Íris Hansdóttir (handbolti) 4
22.-23. Viktor Kristmannsson (fimleikar) 3
22.-23. Guðmundur Stephensen (borðt.) 3
24. Þormóður Jónsson (júdó) 3
25.-27. Sölvi Geir Ottesen (knattspyrna) 2
25.-27. Björgvin Björgvinsson (skíði) 2
25.-27. Tinna Helgadóttir (badminton) 2
28.-30. Ragnheiður Ragnarsdóttir (sund) 1
28.-30. Sigurður Sigurðarson (hestar) 1
28.-30. Ásgeir Sigurgeirsson (skotfimi) 1
Eiður Smári
Guðjohnsen komst í gærkvöldi
í hóp með föður sínum Arnóri
Guðjohnsen í 2. til 4. sætið yfir
þá sem hafa oftast hafnað í 2.
sæti í kjörinu á Íþróttamanni
ársins. Eiður Smári var einnig
í 2. sæti 2003 og 2006 en
Arnór varð annar í kjörinu
1982, 1986 og 1994. Júdó-
maðurinn Bjarni Friðiksson hefur
oftast allra endað í öðru sæti eða
fjórum sinnum.
ÚRSLITIN Í KJÖRINU
Ólafur Stefánsson tók við titlinum Íþróttamaður ársins í gær í fjórða
sinn og gladdi gesti og sjónvarpsáhorfendur með hógværð sinni og
hugsjón. Hann viðurkenndi að hafa ekki verið mikið að pæla í því
að hann gæti orðið Íþróttamaður ársins annað árið í röð. „Ég hélt að
mér yrði kannski refsað fyrir að hafa ekkert gert á árinu fyrir Ísland
þannig að ég var ekkert að hugsa um þetta,“ sagði Ólafur Stefánsson.
„Þetta var gott ár en kannski má segja að þetta hafi verið
hálft gott ár þó svo að það sé búið að vera gaman hjá
Löven líka,“ sagði Ólafur Stefánsson af hógværð og sinni
vel þekktu gagnrýnu hugsun. Hann segir að sigurinn í
Meistaradeildinni í maí standi upp úr. „Stundin í maí var
afrakstur átta til níu mánaða, svita, tára og allt það.
Hún var mjög gleðileg og góð en jafnframt óvænt
og erfið. Ég sé ekki eftir því að hafa skipt um
lið og mér finnst frábært að vera kominn til
Þýskalands að reyna eitthvað nýtt og kynnast
nýjum hlutum,“ sagði Ólafur sem segir þýsku
deildina reyna á sig. „Það er meira um
morgunæfingar sem er ekki skemmtilegt
fyrir 36 ára skrokk. Maður venst því bara sem sýnir það að þú getur
aðlagast öllu. Manskepnan er aðlögunarhæfasta veran á jörðinni og
ég reyni að nýta mér það,“ segir heimspekingurinn.
„Auðvitað gæti maður hugsað; af hverju ekki að vinna fleiri titla á
Spáni? en lífið var bara orðið þannig að það hefði bara verið endur-
tekning. Það hefði ekki verið þess virði að taka við þessum bikar á ári
ef maður er að endurtaka sig,“ sagði Ólafur og hann segir að Löven-
liðið hafi ekki spilað nógu vel í vetur.
Ólafur snýr aftur í íslenska landsliðið á EM í Austurríki eftir meira en
ársfrí. „Ég hef gert rétt með því að taka mér frí frá landsliðinu fyrst
ég fékk þennan bikar og liðið komst á mótið. Það er því kannski
enn þá meiri pressa á mér á mótinu fyrst ég
gerði ekkert til þess að koma okkur þangað.
Ég verð að reyna þá að hjálpa þar til,“ segir
Ólafur en breidd liðsins sýndi sig í keppninni.
„Það komu margir góðir þættir út úr því að ég
var ekki með í undankeppni EM og fyrst að við
komumst þá er ég ekki með neitt samviskubit,“ sagði
Ólafur að lokum.
HANDBOLTAMAÐURINN ÓLAFUR STEFÁNSSON: KOSINN ÍÞRÓTTAMAÐUR ÁRSINS Í FJÓRÐA SINN Í GÆRKVÖLDI
Hélt að mér yrði refsað fyrir að gera ekkert fyrir Ísland
> Jakob og Helgi Már í stuði
Jakob Örn Sigurðarson og Helgi Már Magnússon áttu
báðir frábæra leiki í góðum sigrum sinna liða í sænsku
úrvalsdeildinni í gærkvöldi. Jakob Örn var með 28 stig
og 5 stoðsendingar í glæsilegum 91-79 útisigri Sunds-
vall á toppliði Norrköping og náði að minnka
forskot liðsins á toppnum í fjögur stig. Þetta
var fjórði sigur Sundsvall í röð og Jakob
hefur verið mjög góður í þeim öllum. Helgi
Már var með 23 stig og 10 fráköst fyrir
Solna á aðeins 22 mínútum í 98-82
heimasigri á 08 Stockholm. Helgi Már
var settur í byrjunarliðið eftir fjóra
tapleiki Solna í röð og sýndi að þar á
hann heima.