Fréttablaðið - 28.01.2010, Page 6

6 28. janúar 2010 FIMMTUDAGUR
LÖGREGLUMÁL „Það mátti ekki tæpara standa
með hrossin,“ segir Guðmundur Eggertsson,
eigandi hesthúss í Víðidal. Eldur kom upp í
hesthúsinu í fyrrinótt. Vegfarandi sem átti leið
fram hjá sá reykinn og hringdi samstundis í
Neyðarlínuna. Slökkviliðið var kallað út um
hálffimm og fóru fjórir dælubílar á staðinn.
Slökkviliðsmenn sýndu mikið snarræði við að
ná út sextán hrossum sem voru í húsinu, þar af
sjö frá Guðmundi. Húsið er mikið skemmt af
eldi og reyk.
Eldurinn kom upp í bíl sem stendur við
annan enda hesthússins. Sonur Guðmundar átti
þann bíl. Verið var að skipta um vél í bílnum
og því stóð hann þarna. Sjálfur átti Guðmund-
ur annan bíl sem stóð fyrir aftan þann sem eld-
urinn kom upp í. Báðir bílarnir eru gjörónýtir.
„Það var um sexleytið sem hringt var í mig,“
segir Guðmundur. „Lögreglan var þá í sím-
anum að láta mig vita af brunanum. Mér brá
auðvitað, því mér skildist fyrst að þetta væri
allt brunnið, bæði hús og hross. En hrossunum
hafði þá verið komið út úr húsinu. Þeir björg-
uðu þessu. Algjörir snillingar. Ég kalla þá góða
því sum hrossanna eru ótamin.“
Guðmundur segir að hrossin sem bjargað
var úr brennandi hesthúsinu séu í sinni eigu og
barnanna sinna. Hrossin þau arna eru ekkert
gripin héðan og þaðan, því hópurinn er undan
Orra frá Þúfu, Orrasyni, svo og einn undan
syni Kjarvals frá Sauðárkróki. Móðir þeirra
flestra er frá Kirkjubæ.
Guðmundur segist ætla að endurbyggja
húsið. Hann sé þegar búinn að koma hross-
unum fyrir annars staðar með góðra manna
hjálp.
„Það eru allir vinir hérna í dalnum,“ bætir
hann við með áherslu. „Allir eru boðnir og
búnir til að hjálpa mér. Hér hafa menn hringt
hver á fætur öðrum til þess að bjóða mér hjálp
við að byggja húsið upp og annað sem þarf að
gera. Svona hlýhugur er ómetanlegur við þess-
ar dapurlegu aðstæður.“
Lögregla rannsakar eldsupptök.
jss@frettabladid.is
Mátti ekki tæpara standa
Hesthús í Víðidal stórskemmdist og tveir bílar eyðilögðust í bruna í Víðidal í fyrrinótt. Snarráðir slökkvi-
liðsmenn björguðu sjö hrossum sem voru í húsinu. Það var vegfarandi sem lét vita af eldsvoðanum.
BRUNASTAÐURINN Hesthúsið er illa farið eins og sjá má á myndinni. Bíllinn sem eldurinn kom upp í er ónýtur.
En hrossin undu hag sínum vel eftir björgunina. FRÉTTABLAÐIÐ/STEFÁN
„Það gekk illa að opna stíurnar sem
hrossin voru í, því reykjarkófið var
orðið svo þétt,“ segir Jörgen Valdimars-
son, varðstjóri hjá slökkviliðinu, sem
var á vettvangi í Víðidalnum.
Jörgen kveðst hafa reynt að opna
fyrir hrossunum, en orðið frá að hverfa
vegna kófsins. Tveir reykkafarar fóru
þá inn, tókst að losa tvær keðjur sem
lokuðu stíunum og reka flest hrossin
út. Tvö þeirra vildu þó ekki yfirgefa
stíurnar, en hross geta sem kunnugt
er ruglast við aðstæður sem þessar
og neitað að fara út. Einn slökkviliðs-
manna, sem þekkir til hrossa, teymdi
þau þá út og hestur sem var í innstu
stíunni stökk þá á eftir um leið og búið
var að losa efri keðjuna.
„Við vorum á síðustu hálfu mín-
útunni að bjarga hrossunum,“ segir
Jörgen. Að því loknu settum við vatn í
hjólbörur handa þeim og gáfum þeim
heytuggu í gerðið. Þá róuðust þau
strax.“
Jörgen Valdimarsson, varðstjóri hjá slökkviliðinu:
Tvö hross vildu fyrst ekki fara út
JÖRGEN
VALDIMARSSON
SAMFÉLAGSMÁL Iðnskólinn í Hafnar-
firði hefur boðist til þess að endur-
reisa Krýsuvíkurkirkju, sem brann
til grunna í byrjun janúar. Vinafé-
lag Krýsuvíkurkirkju mun standa
straum af kostnaði við bygging-
una, segir Jónatan Garðarsson,
formaður bráðabirgðastjórnar
hins nýstofnaða félags.
„Auðvitað getum við ekki byggt
fornminjar, en við getum byggt
kirkju sem byggir á gömlu kirkj-
unni eins og hún var, og heimildum
um þær kirkjur sem stóðu þarna á
undan henni,“ segir Jónatan.
Kostnaður við að endurreisa
kirkjuna er áætlaður um níu millj-
ónir króna. Þar af er kostnaður við
vinnu við smíði kirkjunnar áætl-
aður um 4 til 4,5 milljónir, en þar
sem Iðnskólinn hefur boðist til að
smíða kirkjuna fellur sá kostnað-
ur niður.
Til stendur að afla þeirra 4,5 til
5 milljóna sem upp á vantar með
frjálsum framlögum, segir Jónat-
an. Margir hafa þegar lýst áhuga
á að leggja fé í verkið, til dæmis
hafi hollensk hjón þegar lofað 150
þúsund krónum.
Áætlað er að tvö ár taki að reisa
kirkjuna, og því standa vonir til
þess að hægt verði að flytja bygg-
inguna á sinn stað sumarið 2012.
Vinafélag Krýsuvíkurkirkju var
stofnað 14. janúar, en þeir sem
skrá sig í félagið til 27. febrúar
verða skráðir stofnmeðlimir. - bj
Vinafélag ætlar að safna framlögum til að endurbyggja Krýsuvíkurkirkju:
Iðnskólinn smíðar kirkjuna
BRANN Krýsuvíkurkirkja brann til kaldra
kola í byrjun janúar. Safna þarf á fimmtu
milljón króna fyrir endurbyggingu.
EFNAHAGSMÁL Draga ætti launa-
kostnað ríkisins og útgjöld til
menntamála saman um fimmt-
ung og afnema styrki í landbúnað-
arkerfinu til að bregðast við erf-
iðu efnahagsástandi, segir Frosti
Ólafsson, aðstoðarframkvæmda-
stjóri Viðskiptaráðs Íslands.
Þetta kom fram í erindi Frosta
á fundi á vegum Samtaka atvinnu-
lífsins, Félags forstöðumanna ríkis-
stofnana og Stofnunar stjórnsýslu-
fræða og stjórnmála við Háskóla
Íslands um fjármál ríkisins á
Grand hhóteli í gær.
Lækka má útgjöld ríkisins til
menntamála um tuttugu prósent
án þess að veikja grundvöll kerfis-
ins, sagði Frosti. Þá megi ná launa-
kostnaði ríkisins niður um sama
hlutfall með afnámi lífeyrisréttinda
opinberra starfsmanna umfram
aðra og til lengri tíma með fækkun
opinberra starfsmanna. Almennt
þarf að skera niður fitulög í rík-
isrekstrinum sem orðið hafa til á
undanförnum árum og mögulega
draga úr framboði á þjónustu, sagði
Frosti.
Sjöfn Sigurgísladóttir, forstjóri
opinbera hlutafélagsins Matís, var
því ósammála að fitulag væri til
staðar hjá ríkinu. Hins vegar vanti
stefnu og forgangsröðun.
„Það er ekkert bruðl í kerfinu,“
sagði Sjöfn í erindi sínu á fundin-
um í gær. Laun opinberra starfs-
manna séu ekki há og ekki hægt að
ná fram verulegum sparnaði með
því að lækka þau. Ætli ríkið sér að
spara verði það að skera niður verk-
efni og störf. - bj
Aðstoðarframkvæmdastjóri Viðskiptaráðs:
Vill afnema styrki
til landbúnaðarins
NIÐURSKURÐUR Frosti sagði meðal ann-
ars að draga ætti launakostnað ríkisins
saman um fimmtung. FRÉTTABLAÐIÐ/GVA
MALASÍA, AP Gestir tveggja
moskna í Kúala Lúmpúr í Malasíu
gengu fram á afskorin svínshöfuð
þegar þeir gengu til bæna í gær.
Atburðurinn kemur í kjölfar árása
á kirkjur og deilur um notkun
kristinna á orðinu „Allah“ fyrir
guð, hefur fréttastofa AP eftir
staðaryfirvöldum.
Vanvirðingin við helga staði
múslima er sögð sú alvarlegasta
sem átt hefur sér stað eftir marg-
vísleg skemmdarverk og árásir á
ellefu kirkjur, eitt musteri síka,
eina mosku og tvo bænastaði mús-
lima í landinu. Meirihluti íbúa
Malasíu er múslimar, en þeir álíta
svín vera „óhreinar“ skepnur. - óká
Vanvirða við helga staði:
Svínshöfuð sett
í tvær moskur
HAUSINN Í POKA Rannsóknarlögreglu-
maður lætur í poka svínshöfð sem fannst í
mosku í Kúala Lúmpúr í gær. FRÉTTABLAÐIÐ/AP
STJÓRNMÁL Atkvæðagreiðsla utan
kjörfundar vegna þjóðaratkvæða-
greiðslunnar í Icesave-málinu
hefst á morgun og geta þeir sem
ekki sjá sér fært að kjósa á kjör-
dag kosið frá og með deginum
í dag og fram til 6. mars þegar
þjóðaratkvæðagreiðsla hefst.
Það sama gildir um þá sem kjósa
erlendis.
Kosið er utan kjörstaðar hjá
sýslumönnum, á aðalskrifstof-
um eða í útibúum þeirra, að því
er fram kemur á upplýsingavef
dómsmálaráðuneytisins, www.
kosning.is. Á vefnum má jafn-
framt finna upplýsingar um Icesa-
ve-málið og kosninguna. - jab
Atkvæðagreiðsla um Icesave:
Kosið utan kjör-
staðar í dag
IÐNAÐUR Toyota í Bandaríkjun-
um hefur innkallað 6,5 milljónir
bíla, bæði nýja og notaða, vegna
hugsanlegs galla sem veldur
því að bensíngjöf þeirra stend-
ur á sér og gæti átt til að festast.
Frá þessu er greint á vef Félags
íslenskra bifreiðaeigenda, FÍB.
Vísað er til innköllunar í nóv-
ember og annarrar í síðustu
viku til að rannsaka og lagfæra
umræddan galla. „Og til frekara
öryggis hefur Toyota í Banda-
ríkjunum nú stöðvað bæði sölu
og framleiðslu bíla af átta gerð-
um meðan gengið er úr skugga
um hvort gallinn sé til staðar og
hvort lagfæringar sé þörf,“ segir
á vef FÍB. - óká
Stöðva framleiðslu nýrra bíla:
Kalla inn 6,5
milljónir bíla
JEPPLINGUR Toyota í Bandaríkjunum
hefur innkallað átta tegundir sem þar eru
í sölu af nýjustu árgerðum, RAV 4, amer-
íska Corollu, Highlander jeppa, Matrix,
Avalon, Camry, Tundra og Sequoia.
Viltu sjá bankahrunsskýrsluna
áður en þú kýst um Icesave?
Já 79,3
Nei 20,7
SPURNING DAGSINS Í DAG:
Ætti að reyna að forðast að
drepa ísbirni?
Segðu skoðun þína á Vísi.is
Sviptur og fékk háa sekt
Ungur maður hefur verið dæmdur til
að greiða 200 þúsund krónur í sekt
fyrir að aka bifhjóli á 186 kílómetra
hraða í september á síðasta ári. Að
auki var hann sviptur ökuréttindum í
átta mánuði.
DÓMSMÁL
KJÖRKASSINN