Fréttablaðið - 28.01.2010, Blaðsíða 14
14 28. janúar 2010 FIMMTUDAGUR
FJÖLMIÐLAR Hópur Austfirð-
inga hefur boðað til mótmæla
við starfsstöð Ríkisútvarpsins á
Austurlandi (RÚVAust) á laug-
ardag. Hópurinn vill mótmæla
niðurskurði hjá stofnuninni en
þremur starfsmönnum RÚVAust
var sagt upp í liðinni viku og útlit
er fyrir að útsendingar svæðis-
stöðvarinnar leggist af.
Austurglugginn sagði frá. Í
ályktun sem hópurinn sendi frá
sér í gær segir að eftir aðgerðirn-
ar standi RÚV ekki lengur undir
nafni sem útvarp allra lands-
manna þar sem það geti ekki
lengur sinnt skyldum sínum.
- shá
Mótmæla niðurskurði RÚV:
Stendur ekki
undir nafni
SAMKEPPNISMÁL Bitur reynsla sýnir
að bankar taka eingöngu ákvarð-
anir sem stuðla að hámarks-
hagnaði hverju sinni, án tillits til
afleiðinga. Bönkunum er því ekki
treystandi til að gæta að sam-
keppnismarkmiðum.
Þetta segir Baldur Björnsson,
framkvæmdastjóri Múrbúðarinn-
ar. Hann sendi Samkeppniseftir-
litinu harðort bréf nýverið vegna
umræðu um yfirtöku banka á fyr-
irtækjum á samkeppnismarkaði.
Eins og sagt hefur verið frá í
Fréttablaðinu komst áfrýjunar-
nefnd samkeppnismála að þeirri
niðurstöðu að heimildir Samkeppn-
iseftirlitsins til að setja skilyrði
við yfirtöku banka á fyrirtækjum
séu ríkari en eftirlitið taldi.
Í bréfinu bendir Baldur á að
Samkeppniseftirlitið hafi enga
burði til að fylgjast með því að
bankarnir vinni ekki gegn sam-
keppnislögum í þeim fyrirtækj-
um sem þeir taki yfir. Það nálgist
kjánaskap hjá eftirlitinu að setja
fram slík óskhyggjumarkmið.
„Af þessu leiðir að líta verður á
eignarhald bankanna á fyrirtækj-
um á samkeppnismarkaði sem ógn
við markmið samkeppnislaga, en
ekki styrk fyrir samkeppnina eins
og Samkeppniseftirlitið ályktar,“
segir í bréfi Baldurs.
„Sá fjárhagslegi styrkur sem
bankarnir veita með aðkomu sinni
gerir yfirteknu fyrirtækjunum
kleift að vaða á skítugum skónum
yfir keppinauta sína með undir-
boðum og misnotkun á markaðs-
ráðandi stöðu, halda þeim niðri og
koma þannig í veg fyrir eðlilega
samkeppni,“ segir í bréfinu.
Ótækt er að bankar taki yfir
rekstur fyrirtækja á samkeppnis-
markaði, segir Baldur.
Eðlilegra væri að setja fyrir-
tæki, sem hafi verið illa rekin og
séu of skuldsett, í þrot. Þá geti
aðrir keypt úr þrotabúinu, eða
komið nýjum fyrirtækjum inn á
erfiðan markað.
Baldur tekur Húsasmiðjuna sem
dæmi, einn samkeppnisaðila Múr-
búðarinnar á byggingavörumark-
aði. Landsbankinn tók fyrirtækið
yfir á síðasta ári og kom í veg fyrir
að fyrirtækið færi í þrot. Baldur
fullyrðir í samtali við Fréttablaðið
að Landsbankinn hafi hafnað því
að selja fyrirtækið og kjósi frekar
að reka það áfram enn um sinn.
Baldur bendir í bréfi sínu á risa-
vaxið húsnæði Bauhaus sem enn
standi autt. „Allt eins mætti álykta
að með því að halda Húsasmiðj-
unni á floti, þá sé verið að koma í
veg fyrir að Bauhaus taki til starfa
og þar með verði minni samkeppni
en ella.“ brjann@frettabladid.is
Eignarhald banka
ógn við samkeppni
Bönkunum er ekki treystandi til að gæta að samkeppnismarkmiðum hjá yfir-
teknum fyrirtækjum segir framkvæmdastjóri Múrbúðarinnar. Með fjárhagsleg-
um styrk bankanna geta fyrirtæki vaðið yfir keppinautana á skítugum skónum.
SAMKEPPNI Mögulega væri búið að opna Bauhaus-verslun hér á landi ef Húsasmiðjan hefði ekki fengið líflínu frá Landsbankan-
um segir Baldur Björnsson, framkvæmdastjóri Múrbúðarinnar. FRÉTTABLAÐIÐ/GVA
Auglýsingasími
– Mest lesið
FÓLK Það hefur verið líf í tuskunum í Háteigskirkju
þessa vikuna, þar hafa fjörutíu unglingar frá jafn-
mörgum löndum fræðst um föðurlönd hinna, menn-
ingu í breiðum skilningi og trúarbrögð. Ungling-
arnir, sem flestir eru um fimmtán ára gamlir, eru
frá litlum bæ í Norður-Tyrklandi, smábæ á Sikiley,
frá Vilníus í Litháen og svo frá Íslandi.
Björgvin Þórðarson, framkvæmdastjóri Háteigs-
kirkju, hefur haft umsjón með verkefninu sem er
styrkt af Evrópu unga fólksins. Hugmyndin að
verkefninu kviknaði í fyrra, segir Björgvin, sem
þótti það áhugaverð hugmynd að leiða saman ungl-
inga af ólíku þjóðerni. „Þetta hefur tekist afar vel,
þau skemmta sér vel saman og eru metnaðarfull í
sinni menningarkynningu,“ segir Björgvin sem er
afar ánægður með verkefnið til þessa, krakkarnir
læri heilmikið um menningu annarra og fá að sjá
hvernig jafnaldrar þeirra búa. Í apríl hittist hóp-
urinn svo aftur á Ítalíu og svo er Tyrklandsferð á
dagskránni með haustinu. - sbt
Fjörutíu unglingar læra um Evrópumenningu:
Fjölþjóðlegt fjör í Háteigskirkju
MIKIÐ FJÖR Unglingar frá Íslandi, Ítalíu, Tyrklandi og Litháen á
tröppum Háteigskirkju. FRÉTTABLAÐIÐ/VILHELM
VERÐ
KR.
9.900
VERÐ
KR.
13.900 Handklæða-ofnar
Hitastýrð sturtusett
með öllu
MILLJÓNIR BEINT Í VASANN
Tryggðu þér miða á www.hhi.is, í síma 8OO 6611
eða hjá næsta umboðsmanni.
ÖRN Á FLUGI Ljósmyndari náði að
fanga þennan örn á filmu þar sem
hann sveimaði yfir hreiðri sínu í Mex-
íkó. FRÉTTABLAÐIÐ/AP
SAMKEPPNI Landsbankanum er full-
kunnugt um þá viðkvæmu stöðu
sem nú er uppi og hefur fullan
skilning á nauðsyn samkeppninn-
ar, segir í svari bankans við fyrir-
spurn Fréttablaðsins. Þar segir að
samkeppnisstaðan sé best tryggð
með því að tryggja lífvænlegum
fyrirtækjum rekstrargrundvöll.
Landsbankinn mun stunda áfram
venjulega bankastarfsemi löngu
eftir að yfirstandandi erfiðleik-
um lýkur. Því er það hagur bank-
ans að mörg sterk fyrirtæki séu
á markaði. Hagur bankans, fyrir-
tækjanna, og samfélagsins alls fer
saman, segir í svari bankans.
„Það blasir við og óskiljanlegt að
nokkur haldi því fram að hagsmun-
um bankans sé betur þjónað með
því að rústa framtíð hugsanlegra,
eða jafnvel núverandi, viðskipta-
vina,“ segir þar ennfremur.
Bankinn telur alls ekki heppi-
legast í öllum tilvikum að taka yfir
fyrirtæki og halda rekstri þeirra
áfram. Mörgum fyrirtækjum hafi
þegar verið stefnt í gjaldþrot.
Almannahagsmunir krefjist þess
þó að lífi sé haldið í fyrirtækjum í
góðum rekstri, þó þau séu of skuld-
sett. Slíkar skuldsetningar tengist
oft gengishruni krónunnar.
Landsbankinn telur að sam-
keppni muni ekki bíða varanlegan
skaða af skammvinnu eignarhaldi
banka á nokkrum fyrirtækjum.
Oftar en ekki mæli samkeppnis-
sjónarmið með því að fyrirtæki séu
ekki sett í þrot. - bj
Segja samkeppni best tryggða með því að bjarga lífvænlegum fyrirtækjum:
Hafa skilning á nauðsyn samkeppni
AÐALÚTIBÚ LANDSBANKANS Bankinn
telur alls ekki heppilegast í öllum tilvik-
um að taka yfir fyrirtæki og halda rekstri
þeirra áfram.