Fréttablaðið - 28.01.2010, Blaðsíða 48
36 28. janúar 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Þó að stærstu stjörnurnar í tónlistarheiminum sendi yfirleitt ekki frá
sér nýtt efni í byrjun árs þá hefur það færst í aukana að listamenn
í óháða geiranum gefi út á fyrstu vikum nýs árs. Þannig var það til
dæmis með Animal Collective-plötuna Merriweather Post Pavilion í
fyrra og árið 2010 byrjar af miklum krafti.
Önnur plata Íslandsvinanna í Vampire Weekend, Contra, er nýkomin
út og hefur fengið góðar viðtökur enda fín plata. Hún fór beint á topp
Billboard-listans sem verður að teljast afrek þar sem það sæti hefur
að mestu verið frátekið fyrir öskubuskur úr raunveruleikaþáttum og
annað sjónvarpstengt léttmeti síðustu misseri.
Og fleiri ferskar sveitir eru að gefa út þessa dagana. Þriðja plata
Baltimore-dúósins Beach House, Teen Dream, var að koma út, ný plata
Texas-sveitarinnar Midlake, The Courage of Others, kemur út í næstu
viku, önnur plata Brooklyn-sveitarinnar Yeasayer, Odd Blood, er vænt-
anleg 8. febrúar og nýja Liars-platan, Sisterworld, kemur í byrjun
mars.
Bretarnir eru líka komnir í gang á nýju ári. Nýja Four Tet-plat-
an There Is Love in You var að koma út og þykir afbragð og í næstu
viku kemur fjórða plata eðal danspoppsveitarinnar Hot Chip, One Life
Stand. Í sömu viku kemur ný Massive Attack-plata, Heligoland, en við
verðum að bíða fram í mars eftir Gorillaz-plötunni, Plastic Beach.
Svo eru það nýju nöfnin. Þau eru kafli út af fyrir sig, en ég nefni
Manchester-tríóið Delphic sem spilar þróað rafpopp undir áhrifum
frá New Order og sem er spáð mikilli velgengni. Fyrsta plata tríósins,
Acolyte, stendur undir væntingum.
Árið byrjar af krafti
FOUR TET Nýja platan, There Is Love in You, er ein af mörgum flottum plötum sem
eru að koma út þessa dagana.
Ýmsir risar í rokkheimum
snúa aftur í ár með nýjar
plötur. Dr. Gunni kannaði
málið.
Bono og félagar í U2 gáfu út No
Line on the Horizon á síðasta ári,
en á sama tíma og sú plata var
tekin upp tóku þeir upp níu önnur
lög sem pössuðu ekki og voru sett
á ís. Þessi lög og önnur sem hafa
verið tekin upp síðan eru nú hugs-
uð til útgáfu í sumar á næstu U2-
plötu sem ber titilinn Songs of
Ascent. Bono hefur sagt um þessa
músík að hún fjalli á „íhugulan
hátt um pílagrímsferðir“. Alltaf
djúpir, U2.
R.E.M. var síðast á ferðinni 2008
með plötuna Accelerate. Bandið
hefur verið að taka upp nýtt efni
og má allt eins búast við plötu á
árinu.
Stelpurnar
Hljómsveitin No Doubt hefur legið
í salti síðan 2001 því Gwen Stefani
hefur staðið í velheppnuðu sóló-
stússi. Hljómsveitin fór í fyrsta
tónleikaferðalagið sitt í mörg ár í
fyrra og hamast nú í hljóðveri við
að klára nýju plötuna.
Britney Spears stefnir á plötu
í sumar og hefur pródúserana
Darkchild og David Guetta sér
til aðstoðar. Önnur söngkona sem
hefur átt í veseni með líf sitt er
Amy Winehouse. Hún hefur ekki
gert plötu síðan Back to Black
kom árið 2006. Amy dvaldi á eyj-
unni St. Lucia í Karíbahafinu í
fyrra og vann þar með pródúsern-
um Salaam Remi, sem gerði síð-
ustu plötu með henni. Ef allt geng-
ur upp ættu aðdáendur Amy að fá
nýjan skammt í ár.
Aðrar vinsælar poppsöngkonur
sem eru með plötur á teikniborð-
inu í ár eru Katy Perry, Janet Jack-
son, Christina Aguilera, Beyoncé
og Madonna gæti jafnvel birst með
nýja plötu, ef hún verður ekki of
upptekinn við að líta unglega út.
Imelda á plötu
David Byrne, söngvari Talking
Heads, og Fatboy Slim er undar-
legur kokteill, en þeir leiða saman
hesta sína á konsept-plötunni Here
Lies Love, sem kemur út í febrúar.
Platan fjallar um samband Imeldu
Marcos, alræmda forsetafrú Fil-
ippseyja, við einn þjóna hennar
frá bernskuskeiði. Þetta er mik-
ill pakki, tvöfaldur diskur og 100
blaðsíðna bæklingur. Alls koma 22
gestasöngvarar fyrir á plötunni,
meðal annars Tori Amos og Cyndi
Lauper.
Hinn enski Mike Skinner, öðru
nafni The Streets, kemur með
fimmtu plötuna sína, Computer
and Blues, í febrúar. Þetta verð-
ur síðasta platan með The Streets-
nafninu, því Mike segist vera
„drulluþreyttur“ á nafninu og öllu
því sem fólk býst við af því. Plat-
an verður „dimm og framtíðar-
leg“ en þó glittir alltaf í grínið því
eitt lagið heitir til að mynda „He’s
Behind You, He’s Got Swine Flu“.
Í indí-rokkinu má segja að The
Arcade Fire og LCD Soundsyst-
em séu skærustu stjörnurnar um
þessar mundir. Báðar sveitirnar
verða með plötur á árinu. Búist er
við þriðju Arcade Fire-plötunni í
maí, en engin nánari dagsetning á
þriðju plötu LCD Soundsystem er
fáanleg að sinni.
Í pungsveitta rokkinu má búast
við plötum frá Velvet Revolver og
Linkin Park á árinu og Limp Bizk-
it snýr meira að segja aftur með
fullmannað lið. Nýja platan með
þeim heitir Gold Cobra og er vænt-
anleg.
Hvað er að frétta af risunum?
Framsækna þungarokkshljómsveit-
in System of a down var síðast með
plötu 2005, Hypnotize. Ekkert
kombakk er í spilunum enda
er söngvarinn og gítarleikar-
inn Serj Tankian með mörg járn
í eldinum. Hann gerði sólóplötuna
Elect the Dead árið 2007 og væntan-
leg í mars er sinfónísk útgáfa af þeirri
plötu á CD og DVD, gerð með sinfón-
íuhljómsveitinni í Auckland á Nýja-
Sjálandi. Þá stefnir Serj á nýja
sólóplötu í sumar og geng-
ur platan undir vinnuheit-
inu Music Without Bor-
ders. „Þetta er á margan
hátt alveg ný tónlist,“
sagði Serj nýlega í tíma-
ritinu Billboard. „Þetta
er elektró sinfónískt
djass-rokk. Þarna er sinfóníu-
hljómsveit, þungir elektrónískir
taktar, hefðbundin rokkhljóðfæri
og „sömpl“. Nefndu það, það er
þarna. Þetta er risastór veggur
af hljóðum.“
Serj segist hafa öðlast mikið
sjálfstraust með því að vinna
með sinfóníuhljómsveit. „Mér
finnst ég færari í að ná því fram
sem ég heyri fyrir mér. Þegar
þú hefur starfað fyrir sin-
fóníuhljómsveit eru
þér eiginlega allir
vegir færir í tónlist-
inni.“
NÝ PLATA Í SUMAR Serj
Tankian.
SOAD enn í pásu
AÐRAR „STÓRAR“
PLÖTUR Á ÁRINU
Aphex Twin - Ónefnd enn
Bad Religion - Ónefnd enn
Beastie Boys - Hot Sauce Comm-
ittee Part 1
Blink 182 - Ónefnd enn
Deftones - Ónefnd
Fear Factory - Mechanize
Fleet Foxes - Ónefnd enn
Goldfrapp - Head First
Interpol - Ónefnd enn
Justice - Ónefnd enn
Kraftwerk - Ónefnd enn
MGMT - Congratualation
M.I.A. - Ónefnd enn
Peter Gabriel - Scratch My Back
Dúndurfréttir, öflugasta „kóver-
band“ Íslands, fagnar fimmtán ára
afmæli í ár. Bandið var stofnað á
Gauki á Stöng af hópi vina úr tón-
listarbransanum og var tilgangur-
inn einfaldur: að spila uppáhaldslög-
in með gömlu rokkmeisturunum. Á
þessum fimmtán árum hefur sveit-
in glatt landann með mörgum metn-
aðarfullum uppákomum og haldið
heiðri klassísks rokks hátt á lofti.
Má nefna stóra viðburði eins og
The Wall með Sinfóníuhljómsveit-
um Íslands og Færeyja, Dark Side
Of The Moon í Borgarleikhúsinu
og tónleika með Ken Hensley, for-
sprakka Uriah Heep, í Austurbæ.
Á afmælisárinu er margt á döf-
inni. Sveitin ætlar að halda Led
Zeppelin-tónleika í tilefni þess
að 40 ár verða liðin frá tónleikum
Zeppelin í Laugardalshöll. Stað-
setning tónleikanna er óákveðin
en dagsetningin verður sú sama og
fyrir 40 árum, 6. júní. Í júlí verð-
ur sveitin í Vestmannaeyjum í til-
efni af goslokahátíð og í október
verða sjálfir fimmtán ára afmæl-
istónleikar sveitarinnar haldnir í
Reykjavík.
Dúndurfréttir hefja afmælisár-
ið með trukki annað kvöld, föstu-
dagskvöldið 29. janúar, og halda
stórtónleika með gamla góða
rokkinu í Hvíta húsinu á Selfossi.
Á vormánuðum er svo fyrirhugað
að heimsækja alla landsfjórðunga
og rokka. - drg
Dúndur afmælisfréttir
ÖFLUGIR Dúndurfréttir gefa í á afmælis-
árinu.
ÖLL Í START-
HOLUNUM
Amy, Britney, The
Streets og U2 verða
öll með plötur í ár ef
heilsan og lukkan
leyfir.
> Tilvitnunin
„Hann horfði upp á Ron Wood
fara í hundana og honum
líkaði það ekki mjög illa,“ segir
ónefndur vinur Keiths Richards.
Keith er nú búinn að vera edrú
í fjóra mánuði, sem er lengsta
þurrkatímabil síðan 1961!
> Í SPILARANUM
Úlpa - Jahiliya
David Bowie – A Reality Tour
Lady Gaga - The Fame Monster
Vampire Weekend - Contra
Insol - Ísland skal aría griðland
INSOLÚLPA