Fréttablaðið - 09.02.2010, Blaðsíða 8

8 9. febrúar 2010 ÞRIÐJUDAGUR
1 Hvað er búið að bólusetja
marga gegn svínainflúensu hér
á landi?
2 Hvar hefur Icelandair hug á
að starfrækja spilavíti?
3 Hvar lokar SÁÁ göngudeild
í vor?
SVÖRIN ERU Á SÍÐU 30
FUNDUR Ódýrara er fyrir karl og
konu að mæta saman á morgun-
verðarfundinn Fjölbreytni í for-
ystu en fyrir einstakling að skrá
sig til leiks. Á fundinum verður
greint frá leiðum sem viðskiptalíf-
ið hyggst fara til að fjölga konum
í forystusveit atvinnulífsins auk
þess sem nýjar tölur Creditinfo
um kynjahlutföll í atvinnulífinu
verða birtar.
Rakel Sveinsdóttir, framkvæmda-
stjóri Creditinfo, segir reynsluna
sýna að konur mæti vel á fundi
sem þessa en ekki karlar. Því hafi
verið farin þessi leið og konur
hvattar til að bjóða körlum með
sér á fundinn. „Við vildum gera
eitthvað skemmtilegt og öðruvísi,“
segir Rakel sem sjálf hafði tekið
upp símann og boðið Haraldi Jóns-
syni, forstjóra Innnes, með sér á
fundinn.
Fundurinn verður haldinn í
fyrramálið og hefst klukkan átta
á Hótel Nordica. - sbt
Konur bjóða körlum á stefnumót:
Nýstárleg leið til
að fá karla á fund
RAKEL SVEINSDÓTTIR Framkvæmdastjóri
Creditinfo tók upp símann og bauð
forstjóra Innes á fundinn með sér.
11. febrúar Bæjarhraun Réttindi lífeyrisþega
18. febrúar Hornafjörður Fjármál heimilisins
25. febrúar Grafarholt Fjármál heimilisins
11. mars Sauðárkrókur Fjármál heimilisins
18. mars Snæfellsbær Fjármál heimilisins
Skráning og nánari upplýsingar eru á vef Landsbankans, landsbankinn.is,
og í síma 410 4000. Allir velkomnir.
Landsbankinn kynnir röð fjármálanámskeiða
fyrir almenning undir yfirskriftinni Fimmtu-
dagskvöld eru fjármálakvöld. Markmið nám-
skeiðanna er að auðvelda fólki að öðlast betri
yfirsýn yfir fjármál heimilisins.
Réttindi lífeyrisþega
Á námskeiðinu verður farið yfir helstu breytingar sem gerðar voru á réttindum
og greiðslum lífeyrisþega frá Tryggingastofnun ríkisins á árinu 2009. Sólveig
Hjaltadóttir, framkvæmdastjóri, og Margrét Jónsdóttir, deildarstjóri á Réttindasviði
TR, kynna breytingarnar og svara fyrirspurnum ásamt sérfræðingum bankans.
Fjármál heimilisins
Námskeiðinu er ætlað að auðvelda fólki að halda utan um fjármálin. Sérfræðingar
bankans fjalla um skipulag og stýringu fjármála heimilisins, útgjöld, endurskipu-
lagningu, kosti heimilisbókhalds, sparnaðarleiðir og lánamöguleika.
Fimmtudagskvöld
eru fjármálakvöld
N
B
I h
f.
(L
an
d
sb
an
ki
nn
),
k
t.
47
10
0
8
-0
28
0
.
E
N
N
E
M
M
/
S
ÍA
/
N
M
40
46
6
Námskeiðin verða haldin í eftirtöldum útibúum:
STJÓRNSÝSLA Bjóða þarf aftur út
rekstur á mötuneyti Landspítal-
ans segir kærunefnd útboðsmála
sem kveður Ríkiskaup hafa brotið
á Sláturfélagi Suðurlands með því
að vísa frá tilboði fyrirtækisins í
útboði í fyrra.
Matsala fyrir starfsmenn Land-
spítalans var boðin út af Ríkis-
kaupum í júlí í fyrra. Sláturfélag
Suðurlands var meðal bjóðenda en
tilboði félagsins var vísað frá þar
sem Ríkiskaup töldu það ekki stutt
nægjanlegum gögnum um hæfi
til að annast matsölu. Verkið kom
í hlut Sælkeralausna, félags sem
stofnað var í október 2008.
Sláturfélagið átti lægsta tilboðið
í útboðinu. Kærunefndin tók undir
með þeim sjónarmiðum félagsins
að tilboð þess hafi í raun uppfyllt
skilmála útboðsins.
Enn fremur tók kærunefndin
undir með Sláturfélaginu að Sæl-
keralausnir uppfylltu ekki skilyrði
útboðsins um að hafa að minnsta
kosti tveggja ára reynslu að baki.
Engu skiptu rök Ríkiskaupa um að
„bjóðandinn á bak við“, Sælkera-
veislur, uppfyllti skilyrðið eins
og Ríkiskaup töldu fullnægjandi.
Kærunefndin úrskurðaði Ríkiskaup
til að greiða Sláturfélaginu 400 þús-
und króna kostnað við kærumálið.
Að auki eru Ríkiskaup skaðabóta-
skyld gagnvart Sláturfélaginu. - gar
Kærunefnd segir Ríkiskaup bótaskyld eftir brot á Sláturfélagi Suðurlands í útboði:
Útboð á mötuneyti Landspítala ógilt
LANDSPÍTALINN Sælkeralausnir, sem
fengu matsölu til starfsmanna Landspít-
alans í sinn hlut, uppfylltu ekki skilmála
útboðs en tilboði Sláturfélagsins, sem
uppfyllti skilmálana, var vísað frá.
FRÉTTABLAÐIÐ/VILHELM
NORÐUR-ÍRLAND, AP Einn af nokkr-
um klofningshópum úr Írska lýð-
veldishernum á Norður-Írlandi,
hópur sem nefnir sig Írska þjóð-
frelsisherinn, eða INLA, hefur nú
lagt niður vopn.
Talsmaður hópsins, Martin
McConacle, segir þó enga iðrun
að finna meðal félagsmanna
vegna fjölda hryðjuverka sem
hópurinn ber ábyrgð á.
„Við biðjum engan afsökunar
á okkar hlutdeild í átökunum,“
sagði McConacle, sem dvaldi sjö
ár í fangelsi fyrir að hafa skipu-
lagt sprengjuárásir á helstu leið-
toga norður-írskra sambands-
sinna.
Tveir aðrir klofningshópar úr
Írska lýðveldishernum, IRA, hafa
enn ekki lagt niður vopn og eru
andvígir friðarsamkomulaginu
frá 1998. - gb
Klofningshópur úr IRA:
Segist leggja
niður vopnin
ÚKRAÍNA, AP Viktor Janúkovitsj, leið-
togi stjórnarandstöðunnar í Úkra-
ínu, virtist ótvíræður sigurvegari
seinni umferðar forsetakosning-
anna, sem haldin var á sunnudag.
Þegar talin höfðu verið 99 prósent
atkvæða hafði hann þriggja pró-
senta forskot á mótframbjóðanda
sinn, Júlíu Tímosjenko forsætis-
ráðherra.
Tímosjenko sakaði Janúkovitsj,
sem tvisvar hefur verið forsætis-
ráðherra landsins, um kosningasvik
og neitaði að sætta sig við úrslitin.
Kosningaeftirlitsmenn á vegum
Öryggis- og samvinnustofnunar,
ÖSE, Evrópu fullyrða hins vegar
að framkvæmd kosninganna hafi
verið landinu til mikils sóma.
Stofnunin gagnrýnir helst Júlíu
Tímosjenko fyrir að hafa misnot-
að aðstöðu sína fyrir kosningarn-
ar sem forsætisráðherra landsins:
„Nú er tími kominn til að pólitískir
leiðtogar landsins hlýði á úrskurð
þjóðarinnar og tryggi að valda-
skiptin fari friðsamlega og upp-
byggilega fram,“ sagði Joao Soares,
forseti þings ÖSE, og beindi orðum
sínum greinilega einkum til Júlíu
Tímosjenko.
Stuðningsmenn Janúkovitsj
hvöttu Tímosjenko til að viður-
kenna ósigur.
„Hún ætti að rifja upp sín eigin
lýðræðisslagorð og viðurkenna
úrslit kosninganna,“ sagði Anna
German, varaformaður Hér-
aðaflokksins, stjórnmálaflokks
Janúkovitsj.
Núverandi forseti, Viktor
Jústsjenko, sem er fyrrverandi
samherji Tímosjenko úr appels-
ínugulu byltingunni gegn Jan-
úkovitsj veturinn 2004 til 2005,
lætur af embætti 23. janúar.
Vinslit urðu milli þeirra Júst-
sjenko og Tímosjenko eftir að
þau unnu sigur í appelsínubylt-
unni. Fjandskapurinn milli þeirra
hefur torveldað allt stjórnmálalíf
í landinu síðustu árin.
„Loksins virðist sem við sjáum
fyrir endann á þessu tilgangs-
lausa þrefi síðustu fimm ára,“
sagði Vladislav Kuprinchuk,
63 ára stuðningsmaður Janú-
kovitsj.
Fastlega má reikna með því að
Janúkovitsj muni efla tengsl Úkr-
aínu við Rússland, en draga að
sama skapi úr tengslum landsins
við Vestur-Evrópu.
Vegna þess hve naumur sigur
Janúkovitsj varð gæti hann hins
vegar átt erfitt með að tryggja
stefnu sinni framgang.
gudsteinn@frettabladid.is
Vel staðið að
kosningum
Öryggis- og samvinnustofnun Evrópu segir forseta-
kosningar í Úkraínu hafa farið vel fram. Stofnunin
gagnrýnir helst Tímosjenko fyrir að misnota að-
stöðu sína sem forsætisráðherra. Hún tapaði samt.
ÚRSLITUM FAGNAÐ Stuðningsmenn Viktors Janúkovitsj flagga bláa litnum.
NORDICPHOTOS/AFP
MENNING „Íbúum Skagastrandar
fjölgaði um 21 prósent á síðasta ári
miðað við þá 108 listamenn sem
bjuggu í bænum á vegum Ness
listamiðstöðvar. Miklu munar um
þá 173 listamenn sem til Skaga-
strandar hafa komið frá upphafi,“
segir á skagastrond.is.
Fyrstu erlendu gestalistamenn-
irnir komu árið 2008. „Listin
hefur mikil og ótvírætt góð áhrif
á sveitarfélagið, til dæmis rekst-
ur þjónustufyrirtækja svo sem
matvöruverslunar, veitingastaðar,
kaffihúss og svo framvegis. Vonir
standa til að enn fleiri listamenn
komi á þessu ári, jafnvel um 140
manns,“ segir á skagastrond.is - gar
Listamiðstöðin á Skagaströnd:
Vonast eftir 140
listamönnum
VEISTU SVARIÐ?