Fréttablaðið - 09.02.2010, Blaðsíða 25

ÞRIÐJUDAGUR 9. FEBRÚAR 2010
Algengt er að mæður setji sjálfar
sig til hliðar eftir fæðingu barna
sinna. Það er fullkomlega eðli-
legt en þó er einnig nauðsynlegt
að þær hlúi að sjálfum sér til að
vera sem best í stakk búnar til
að takast á við hið kröfuharða
móðurhlutverk.
Hreyfing er ávallt af hinu góða
en mæður eiga oft erfitt með að
finna tíma til æfinga sérstaklega
þar sem ekki er auðsótt að fá pöss-
un fyrir lítil kríli. Mömmujóga er
því kjörin leið til að næra líkama
og sál þar sem börnin fara með
mæðrum sínum í tíma. Svo er það
auðvitað kjörið tækifæri fyrir
mæður að komast út úr húsi og
hitta aðrar konur á svipuðum stað
í lífinu.
Yfirleitt er miðað við að konur
geti byrjað í mömmujóga um sex
vikum eftir fæðingu. Barnið er
virkur þátttakandi í tímunum
og telja sumir að það geti styrkt
tengsl móður og barns. Einnig
getur móðirin gert æfingarnar
ein meðan barnið sefur eða kannar
heiminn á dýnu á gólfinu.
Í mömmujóga er lögð áhersla
á styrkjandi æfingar fyrir grind-
arbotn og kvið svo og mýkjandi
æfingar fyrir háls og herðar.
Hægt er að fara í mömmujóga
á nokkrum stöðum í borginni. Til
dæmis í heilsumiðstöðinni 9 mán-
uðum í Hlíðasmára 2, Lótus jóga-
setri að Borgartúni 20 og í Mecca
Spa á Níbýlavegi og Hótel Sögu.
- sg
Mæður og börn fara
saman í jógatíma
Mömmujóga er stundað á nokkrum stöðum. Hér er mynd úr Lótus jógasetri en einn-
ig er boðið upp á tíma í 9 mánuðum og Mecca Spa. FRÉTTABLAÐIÐ/ANTON
Fræðimönnum og heilbrigðis-
starfsfólki ber einróma saman
um kosti brjóstagjafar en brjósta-
mjólkin þykir fullkomin næring
fyrir nýbura fyrstu sex til níu mán-
uði ævinnar. Alþjóðaheilbrigðis-
málastofnunin (WHO) mælir með
því að börn séu eingöngu á brjósti
fyrstu 6 mánuði ævinnar og að
hluta til í að minnsta kosti 12
mánuði og jafnvel upp í tvö ár.
Kostir móðurmjólkurinnar eru
ótvíræðir. Hún er alltaf til stað-
ar, rétt samsett, mátulega volg, án
sýkla, auðmeltanleg og löguð að
viðkvæmum og óþroskuðum melt-
ingarfærum barnsins. Næringar-
gildið er sniðið að þroska barns-
ins hverju sinni og má segja að
nýburinn fái sína fyrstu bólusetn-
ingu með broddinum. Brjóstagjöf-
in hefur einnig jákvæð áhrif á til-
finningasamband móður og barns
og gerir það nánara. Þá eykur
brjóstagjöf strax eftir fæðingu
samdrátt í legi móður og minnkar
líkurnar á blæðingu.
Brjóstagjöf geta þó fylgt
ýmis vandkvæði og þá sérstak-
lega fyrst um sinn. Má þar nefna
verki, aumar og sárar geirvörtur,
sýkingar, stálma, mjólkurleka og
þá óþægilegu tilfinningu kvenna
að framleiða ekki næga mjólk til
að fæða börn sín. Á heilbrigðis-
stofnunum víða um land starfa
brjóstagjafarráðgjafar sem er
gott að leita til ef þannig stendur
á en flest vandamálin er hægt að
laga. Þó kemur fyrir að konur geti
ekki haft börn sín á brjósti og er
mikilvægt að þær fyllist ekki sam-
viskubiti yfir því enda geta börn
líka dafnað vel á þurrmjólk.
Konur sem gefa brjóst eru oft
óöruggar með hvenær sé best að
hætta og eins mikið og lagt er upp
úr brjóstagjöf fyrst um sinn þá
hafa margir sitthvað við það að at-
huga ef henni er haldið áfram langt
fram á annað ár. Mörgum finnst
undarlegt að sjá stálpuð börn
skríða upp í kjöltu móður sinnar
og fá sér sopa. Móðir og barn ættu
þó að halda áfram eins lengi og
þau eru ánægð með brjóstagjöfina
og má segja að allt frá sex til níu
mánuðum til tveggja ára sé innan
góðra marka. - ve
Ekkert jafnast á við
móðurmjólkina
Sumum finnst skrítið að sjá stálpuð börn
fá sér sopa en Alþjóðaheilbrigðismála-
stofnunin mælir þó með því að börn séu
að hluta til á brjósti í allt að því tvö ár.
NORDICPHOTOS/GETTY
ıwww.itr.is sími 411 5000
Sundsamlega gott!
Heilsulindir í Reykjavík