Fréttablaðið - 09.02.2010, Blaðsíða 28

9. FEBRÚAR 2010 ÞRIÐJUDAGUR8 ● fréttablaðið ● börn
Fæðingartíðni kvenna hér á landi
hefur lækkað um helming frá því
um 1960 þegar hún var hvað hæst.
Þá eignaðist hver kona að meðal-
tali fjögur börn á ævinni en árið
2006 var talan komin í 2,0. Hún
hefur hins vegar hækkað á ný og
var árið 2008 komin í 2,14.
Yfirleitt er miðað við að frjó-
semin þurfi að vera um 2,1 barn
til þess að viðhalda mannfjöldan-
um til lengri tíma litið. Undanfar-
in ár hefur frjósemi á Íslandi verið
rétt um 2 börn. Árið 2008 fór hún
í fyrsta sinn síðan 1996 yfir 2,1
barn. Þó er frjósemin ekki nema
helmingur af frjóseminni kringum
1960, en þá gat hver kona vænst
þess að eignast 4,27 börn.
Á vef Hagstofunnar eru birtar
fæðingartölur. Árið 2008 fæddust
4.835 börn hérlendis, 2.470 drengir
og 2.365 stúlkur. Það eru 275 fleiri
börn en árið áður, en þá fæddust
hér 4.560 börn. Aðeins tvisvar í
sögu Íslands hafa fleiri lifandi
fædd börn komið í heiminn á einu
ári, árin 1960 og 1959. Árið 1960
fæddust 4.916 börn og árið 1959
fæddust 4.837 börn. - sg
Fæðingartíðni kvenna lækkað um helming
Fæðingartíðni árið 2008 var 2,14. Það er meira en verið hefur frá 1996 en helmingi
minna en árið 1960.
● KEISARASKURÐUM
HEFUR FJÖLGAÐ Hlutfall
keisaraskurða við fæðingar
hefur aukist yfir árin samkvæmt
tölum frá fæðingaskrá.
Árið 1980 voru 7,4 prósent
barna tekin með keisara. Árið
1990 voru 11,9 prósent tekin
með keisara, árið 2000 var
hlutfall keisaraskurða orðið 17,9
prósent og hefur haldist svipað
síðan en árið 2007 var hlutfall
þeirra 17,1 prósent.
● SVEFNÖRYGGI BARNA
Þegar ungbörn eru lögð til
svefns er ýmislegt sem þarf að
hafa í huga til að tryggja ör-
yggi þeirra. Mælt er með því að
ungbörn sofi á bakinu því þá er
minnsta hættan á vöggudauða.
Þó að barn liggi á bakinu getur
það auðveldlega losað sig við
ælu með því að snúa höfðinu til
hliðar. Þegar börnin eldast geta
þau snúið sér sjálf og breytt um
svefnstellingar.
● ÖRVUN OG AÐLÖGUN
Námskeið í ungbarnasundi eru
haldin víðs vegar um land allt
árið um kring. Markmiðið er
meðal annars að veita foreldr-
um tækifæri á að venja barn
sitt við vatn og köfun, að veita
barninu útrás fyrir hreyfiþörf
sína og örva þar með hreyfi-
þroska þess og styrk og að
skapa umhverfi þar sem foreldr-
ar og börn geta myndað sterkari
tengsl. Er þá fátt upptalið. Hægt
er að nálgast allar nánari upp-
lýsingar á vefsíðu Busls, Félags
ungbarnasundkennara, á slóð-
inni www.ungbarnasund.is.