Fréttablaðið - 09.02.2010, Blaðsíða 38

22 9. febrúar 2010 ÞRIÐJUDAGUR
folk@frettabladid.is
> VILL VINNA MEÐ
DOLLY
Rokkarinn Jack White úr The
White Stripes hefur mikinn
áhuga á að stjórna upptökum á
næstu plötu sveitasöngkon-
unnar Dolly Parton. „Hann
virðist vera aðdáandi. Hver
veit? Það er aldrei að vita
hvað ég geri,“ sagði Dolly.
The White Stripes söng
einmitt lag Dolly, Jol-
ene, fyrir nokkrum
árum.
Elíza Newman – oftast kennd við Kolrössu
krókríðandi, en í seinni tíð stundum við
kvennaklúbbinn Trúbatrixur – kynnir aðra
sólóplötu sína, Pie in the Sky, á tónleikum
á Café Rósenberg í kvöld. Elíza stundar nú
nám í London, en er mætt með alþjóðlega
hljómsveit til að spila plötuna og fagna
útgáfunni. Bandið skipa þeir Ken Rose á
gítar, Alex Yeoman á bassa og Sy Davis á
hljómborð og klukkuspil. Einnig er Gísli
Kristjánsson í bandinu og spilar á tromm-
ur. Gísli tók plötuna upp og hljóðvann hana
með Elízu í London. Hann er einnig popp-
ari á eigin vegum og var tíðum líkt við
Beck. EMI gaf út plötuna How about That
með honum árið 2004.
Á Pie in the Sky er frískandi
draumapopp og hefur plötunni
gengið vel, hún er uppseld á
Íslandi. Nýtt upplag er komið
með glænýju umslagi og verður
platan seld á sérstöku tilboðs-
verði á tónleikunum í kvöld.
Tvær hljómsveitir hita upp:
krúttstelpurnar í Pascal Pinon og
hljómveitin Andvari, sem skartar
hinni efnilegu söngkonu og Trúba-
trixu Myrru Rós. Tónleikarnir
hefjast stundvíslega kl. 21.
Elíza + fjórir í kvöld
ÚTGÁFUTÓNLEIKAR Í KVÖLD Elíza er með
fjögurra manna band.
Hljómsveitin Limited Copy gefur
á næstunni út endurhljóðblandaða
EP-plötu með laginu Wagon. Plat-
an hefur að geyma upprunalega
lagið auk níu endurhljóðbland-
aðra útgáfna. Á meðal þeirra
sem settu lagið í nýjan bún-
ing eru Deluxe, Thrills, The
„S“, Stereo Killaz, The Snipp-
lers og Alex Drone, sem koma
frá Ítalíu og Bandaríkjunum.
„Við höfum starfað saman í
rúman áratug en ekki undir
þessu nafni heldur okkar
eigin nöfnum,“ segir Þor-
björn Einar Guðmunds-
son úr Limited Copy.
Aðrir meðlimir sveit-
arinnar eru Garðar
Eyfjörð, sem kemur
frá Reykjanesbæ eins
og Þorbjörn, og Elias
Mar úr Kópavogi. „Þetta er elektró-
danstónlist með smá rímnaívafi,“
segir hann um tónlistina.
Platan var unnin í Niceland
Production í Keflavík og stefnt
er á útgáfu hennar í þessum
mánuði. Henni verður dreift
á netverslanir víða um heim
og einnig má hala henni
frítt niður. Sá sem hannaði
umslag plötunnar er Frakkinn
Sebastien Cuypers, vinur
þeirra félaga, sem starf-
ar hjá tískufyrirtækinu
Louis Vuitton. - fb
Í tíu útgáfum
LIMITED COPY Hljómsveitin
Limited Copy gefur á
næstunni út EP-plötu með
laginu Wagon.
Leikarinn Tom Cruise vill endilega að
dóttir sín, Suri, feti í fótspor hans og verði
leikkona þegar hún verður eldri. Hann
og móðirin, Katie Holmes, hafa þegar
farið með hana á söngleikinn Mary Popp-
ins bæði í New York og Los Angeles til að
auka áhuga hennar á leiklistinni.
Cruise vonast til að Suri verði jafn-
áhugasöm um feril sinn og hann hefur
verið um sinn eigin feril. „Það yrði frá-
bært. Ég elska að leika. Mér finnst gaman
að búa til persónur og sögur,“ sagði hann.
Suri er eina barn Cruise og Holmes. Hún
fæddist í apríl 2006, ári eftir að þau byrj-
uðu að hittast.
Suri í leiklist
SURI Suri, dóttir Tom Cruise
og Katie Holmes, á tökustað
nýjustu myndar föður síns
Knight and Day.
„Ég bjóst ekki við að fá svona mikla
athygli út á þetta,“ segir Ása Steinars-
dóttir, sem vann fyrstu verðlaun
á grímuballi Kvennaskólans fyrir
Avatar-búning sinn.
„Fólk var í svolítið miklu sjokki en
aðallega vinkonur mínar þegar þær
sáu mig. Maður er að poppa upp á
annarri hverri Facebook-síðu þar
sem ókunnugt fólk var að koma
og taka myndir. Þetta er bara
mjög gaman,“ segir Ása. Hún
segir ákvörðunina um að mæta í
Avatar-búningi hafa verið tekna
í skyndi. „Það höfðu allir frek-
ar litla trú á mér með þetta. Svo
keypti ég einhverja liti og var með
gular litalinsur. Annars var þetta ekk-
ert rosalega mikið mál.“ Hún saumaði
búninginn sjálf og fékk hjálp við flétt-
un á hárinu á meðan hún horfði á
íslenska handboltalandsliðið í beinni
útsendingu frá EM.
Eins og gefur að skilja er Ása mik-
ill aðdáandi hinnar vinsælu Avatar-
myndar og ákvað því að slá tvær flug-
ur í einu höggi á grímuballinu. „Ég
ætlaði að taka þetta með stæl á síðasta
árinu sínu í menntaskóla. Ég hef allt-
af lagt mikla vinnu í þetta og í fyrra
var ég býfluga en í þetta sinn var fólk
að segja við mig: „Núna topparðu þig
alveg.“ - fb
Sló í gegn á grímuballi
Í FULLUM HERKLÆÐUM Ása Steinarsdóttir í
Avatar-búningnum sem hún saumaði fyrir
grímuballið.
Línur eru allverulega farn-
ar að skýrast í Eurovision.
Hera Björk keppir fyrir
okkar hönd með lagið „Je
ne sais quai“ og freistar
þess að komast upp úr
undan úrslitakvöldinu,
þriðjudagskvöldið 25. maí.
Andrúmsloftið var rafmagnað
þegar Jógvan og Hera Björk stóðu
titrandi á pallinum á laugardags-
kvöldið. Símakosningin var líka
hnífjöfn, aðeins 203 atkvæði
skildu lögin að. Einhver hefði sem
sé getað eytt 20.380 krónum í að
koma Jógvani til Óslóar. Það geng-
ur bara betur næst.
Á Euro-nördsíðum eru skipt-
ar skoðanir um ágæti sigurlags-
ins. Margir minnast á að þetta
sé alls ekki eins gott lag og „Is It
True“, sumir að það líkist „This Is
My Life“ einum of mikið og sé of
fyrirsjáanleg Eurovision-klisja.
Aðrir eru þó mun hrifnari.
Í vondum riðli
Búið er að skipa flytjendum í riðla
og það má segja að Ísland hafi
lent í „vondum“ riðli. Lagið er
eitt af sautján sem keppa þriðju-
dagskvöldið 25. maí og tíu af þeim
fara áfram í aðalkeppnina. Ekki
er búið að ákveða röð laganna, en
þeim hefur verið skipt í tvo hópa.
Hera flytur sitt lag í seinni hópn-
um. Í gegnum tíðina hafa íslensk
lög fengið mestan stuðning frá Sví-
þjóð, Danmörku, Noregi, Bretlandi
og Portúgal. Af þessum fimm lönd-
um er aðeins Portúgal með okkur
í riðli. Finnland er eina Norður-
landaþjóðin auk Íslands í riðlinum.
Þarna er Rússland og fjöldi fyrrum
ráðstjórnarríkja, en einnig Malta,
Grikkland og Belgía. Þýskaland og
Spánn, sem fara beint í úrslitaþátt-
inn, taka þátt í símakosningunni á
okkar kvöldi. Í seinni riðlinum,
fimmtudagskvöldið 27. maí, eru
Danmörk og Svíþjóð, auk þess sem
Noregur kýs þetta kvöld. Úrslitin
fara svo fram laugardagskvöldið
29. maí með samtals 25 lögum.
Enskan á undanhaldi
Samtals keppa 39 lög í Eurovision í
ár. Lögin detta nú inn eitt af öðru,
síðast ísraelska lagið 14. mars.
Með íslenska laginu eru átta lög
tilbúin. Danir völdu þau Chanée &
N’evergreen og lagið „In a Mom-
ent Like This“. Það hljómar ekki
ósvipað og „Every Breath You
Take“ með The Police áður en það
hrynur í Eurovision-viðlag. Norð-
menn unnu síðast og fara því beint
í úrslitaþáttinn. Þeir völdu ægileg-
an spaða sem heitir Didrik Solli-
Tangen og er 22 ára. Lagið er grát-
bólgin hetjuballaða sem gæti verið
með Celine Dion. Finnarnir senda
kvennadúettinn Kuunkuiskaajat.
Það hefur að skipa tveimur ljósk-
um sem voru í þjóðlagagrúppunni
Värttinä – báðar syngja og önnur
spilar líka á harmóniku. Finnar
taka þjóðlagavinkilinn á keppnina
í ár og syngja fjörugt lagið á sínu
gullfallega tungumáli.
Enskan virðist á undanhaldi í
Eurovision í ár. Lögin virðast oftar
sungin á þjóðtungu keppnisland-
anna en áður. Albanar senda Julí-
önu Pasha, sem syngur á albönsku,
Sviss sendir Michael von der Heide
sem syngur á frönsku, rokkarinn
Vukašin Braji frá Bosníu og Herse-
góvínu syngur á bosnísku og hol-
lenski söngvarinn Sieneke syngur
á hollensku. Þótt ekki sé búið að
velja lögin hafa Slóvakía, Króat-
ía og Slóvenía tilkynnt að þeirra
lög verði flutt á heimatungumál-
unum. Vonandi fara fleiri þjóðir
þessa leið því þá fer Eurovision
að standa undir nafni sem dægur-
lagakeppni allrar Evrópu.
drgunni@frettabladid.is
Línur skýrast í Eurovision
HERA OG
KEPPINAUTARNIR
Kuunkuiskaajat frá
Finnlandi, Chanée and
N’evergreen hin dönsku og
norski spaðinn Didrik Solli-
Tangen.