Fréttablaðið - 09.02.2010, Blaðsíða 12

12 9. febrúar 2010 ÞRIÐJUDAGUR
FRÉTTAVIÐTAL: Lögleiðing fjárhættuspila
Uppi eru hugmyndir um
að reka spilavíti á Hótel
Nordica og hefur verið sótt
um leyfi til þess frá stjórn-
völdum. Að hugmyndinni
standa Icelandair Hótel
í samstarfi við tvíbura-
bræðurna Arnar og Bjarka
Gunnlaugssyni. Blaðamað-
ur settist með Bjarka og
fékk að heyra allt af létta.
Beiðni um lög-
leiðingu fjár-
hættuspils á
Íslandi var lögð
inn til iðnaðar-
ráðherra og
dómsmálaráð-
herra fyrir jól
af félagi sem
kallast Ábyrg
spilamennska
ehf. Félagið
eiga til helminga annars vegar
Icelandair Hótel og hins vegar
bræðurnir Arnar og Bjarki Gunn-
laugssynir. Fundað hefur verið um
málið með ráðherrunum og málið
er nú í óformlegu umsagnarferli
nokkurra hagsmunaaðila. Því
lýkur 12. febrúar.
Ferðamenn vantar afþreyingu
Bjarki segir hugmyndina hafa
verið í vinnslu lengi. Þeir bræð-
ur hafi leitað eftir samstarfi við
íslenska hótelkeðju fyrir fimm
árum og síðan hafi málið verið í
vinnslu hjá þeim og Icelandair.
Hugmyndin hafi kviknað þegar
þeir urðu varir við það að erlendir
ferðamenn hér á landi væru sumir
hverjir ósáttir við það hversu lítil
afþreying væri í boði á Íslandi.
„Við höfum Gullfoss og Geysi, en
það er í raun ekkert mikið meira,“
segir Bjarki. „Við höfum enga
afþreyingu fyrir þetta fólk.“
Bjarki segir að spilavítið yrði
fyrst og fremst hugsað fyrir
ferðamenn, og myndi þannig til
dæmis gera landið mun fýsilegra
fyrir ýmiss konar alþjóðlega fundi
og ráðstefnur, en myndi að sama
skapi gagnast þeim Íslendingum
sem á annað borð hafa áhuga á
fjárhættuspili.
Erlendir fagmenn reki starfsemina
Bjarki bendir á að fjárhættuspil
séu leyfileg undir opinberu eftir-
liti víðast hvar á Evrópska efna-
hagssvæðinu. Raunar séu Ísland
og Noregur einu löndin þar sem
svo sé ekki.
Tillaga Ábyrgrar spilamennsku
ehf. er að danskri fyrirmynd. Þar
úthlutaði ríkið sex rekstrarleyf-
um fyrir spilavíti árið 1990 og sá
fjöldi hefur haldist samur síðan.
Umræðan þar var drifin áfram
af flugfélaginu SAS, sem var
umsvifamest í ferðaþjónustu
þar ytra, líkt og Icelandair er á
Íslandi.
Bjarki segir hugmyndina ganga
út á að reka hér á landi eitt spila-
víti, um þúsund fermetra að stærð,
og fá til þess erlendan fagaðila sem
hefur reynslu af slíkum rekstri.
Best sé að hafa það utan við mið-
borgarkjarnann, en reynslan sýni
að affarasælast sé að hafa spilavíti
á hóteli. Því sé Hótel Nordica lang-
ákjósanlegasta staðsetningin.
Tæpast sé rekstrargrundvöll-
ur fyrir fleiri en einu spilavíti hér
á landi, auk þess sem ólíklegt sé
að hljómgrunnur sé fyrir því hjá
yfirvöldum að veita meira en eitt
leyfi.
Gera ráð fyrir ströngu eftirliti
Eftirlitið yrði gríðarlega stíft,
segir Bjarki. Gestir yrðu krafð-
ir um skilríki og aðgangseyri, og
starfað yrði náið með samtökum
á borð við SÁÁ til að vinna gegn
spilafíkn. Bæklingar um spilafíkn
og meðferðir við henni myndu
vera áberandi í anddyri spilavít-
isins og mögulegt yrði fyrir gest-
ina sjálfa eða ættingja þeirra að
láta banna viðkomandi ef í óefni
stefndi.
„Það er mikil samfélagsleg
ábyrgð sem fylgir því að reka
„casino“,“ segir Bjarki.
Hundruð milljóna í skatttekjur
Ljóst er að fjárhættuspil er stund-
að á Íslandi, bæði í til þess gerðum
klúbbum víða um höfuðborgina,
sem og á Netinu.
Bjarki segir að með því að opna
löglegt spilavíti væri ætlunin að
útrýma þessum neðanjarðarklúbb-
um. Sú hafi einmitt orðið raunin
í Danmörku. „Þar lognuðust allir
ólöglegir klúbbar bara út af,“ segir
hann.
Þá segir Bjarki til mikils að
vinna fyrir ríkið, sem gæti inn-
heimt skatttekjur af starfseminni,
Enda er í tillögunni gert ráð fyrir
að umtalsverður hluti af öllu spila-
fé renni rakleiðis í ríkissjóð sem
skatttekjur.
Í Danmörku eru spilavítin
misstór, og fer skatthlutfallið af
spilafénu eftir stærð þeirra –
þeim mun stærri sem spila-
vítin eru, þeim
mun hærri er skattprósentan. Í
því stærsta í Danmörku er skatt-
prósentan 68 prósent, en Bjarki
segir að verði af opnun spilavít-
is á Íslandi verði það þó líklega
nokkru smærra. Skatthlutfallið
sé útfærsluatriði, en helst sé horft
til 45 til 50 prósenta. Í Danmörku
mæti eftirlitsmaður á vegum hins
opinbera daglega á staðinn og telji
upp úr kössunum, og gert sé ráð
fyrir svipuðu fyrirkomulagi hér.
Heimildir Fréttablaðsins herma
að frumútreikningar á mögulegum
skatttekjum ríkisins af starfsem-
inni bendi til að þær gætu numið
450 til 750 milljónum á ári.
Blátt bann eða leyfisskyld spilavíti
Nokkur gagnrýni hefur komið
fram á hugmyndina, meðal annars
frá heilbrigðisráðherra, formanni
SÁÁ og formanni samtaka áhuga-
fólks um spilafíkn.
Bjarki segir slíka gagnrýni eðli-
lega og viðbúna en bendir fólki þó
á að kynna sér málið í þaula áður
en endanleg afstaða er tekin. Fjár-
hættuspil hafi tíðkast hér á landi,
meðal annars á vegum SÁÁ, og
ekki hafi gengið ýkja vel að sporna
við ólöglegri klúbbastarfsemi eða
spilafíkninni sem óhjákvæmilega
fylgir.
„Eins og við sjáum þetta er
bara tvennt í stöðunni,“ segir
hann. „Annaðhvort að banna þetta
algjörlega og taka þá almenni-
lega á því og loka klúbbum um
leið og þeir spretta upp, eða þá að
leyfa þetta með þessum ströngu
skilyrðum og undir eftirliti.“
Hann líkir málinu við deilurnar
um lögleiðingu bjórsölu á níunda
áratugnum og bendir á að þegar
ríkið fór að hafa tekjur af bjórn-
um hafi ólöglegt brugg einnig að
mestu leyti horfið.
Vilja reka samfélagslega
ábyrgt spilavíti á Íslandi
BJARKI
GUNNLAUGSSON
FRÉTTAVIÐTAL
STÍGUR HELGASON
stigur@frettabladid.is
Hefur þú
skolað
í dag?
Að skola daglega með
flúorlausn er áhrifarík leið til
að verjast tannskemmdum
og góð viðbót við
tannburstun með
flúortannkremi.
Flux og Flux Junior
– flúormunnskol
FLUX – 0,2% flúormunnskol fyrir fullorðna og börn eldri en 12 ára.
FLUX Junior – 0,05% flúormunnskol fyrir börn 6–12 ára.
Regluleg notkun Flux flúormunnskols styrkir tennur og fyrirbyggir
tannskemmdir.
Nánari upplýsingar um Flux flúormunnskol er að finna á vefsíðu Actavis,
www.actavis.is
Einnig er að finna góðar upplýsingar um notkun flúors
og almenna tannhirðu á vefsíðu Lýðheilsustöðvar,
www.lydheilsustod.is
Jóhann Ólafsson & Co
NÚNA!
SKIPTU
OSRAM SPARPER
UR
ALLT AÐ
80%
ORKU-
SPARNAÐ
UR
SPARAÐU með OSRAM
SPARPERUM.
Stofnfundur fyrir félagið Sjálfstæðir Evrópumenn verður
haldinn í Þjóðmenningarhúsinu við Hverfisgötu föstudag-
inn 12. febrúar klukkan 16.30.
Tilgangur félagsins er að standa vörð um sjálfstæði Íslands,
áframhaldandi samvinnu Íslands við vestrænar lýðræðisþjóðir
og stuðla að efnahagslegum og pólitískum stöðugleika, trausti,
einstaklings- og atvinnufrelsi og frjálsum viðskiptum. Til þess
að ná þessum markmiðum vill félagið stuðla að hagstæðum
samningi um aðild Íslands að Evrópusambandinu.
Fundurinn er opinn öllum þeim sem styðja tilgang
félagsins.
Ávörp:
Ragnheiður Ríkharðsdóttir, alþingismaður
Jónas Haralz, hagfræðingur
Katrín Helga Hallgrímsdóttir, lögfræðingur
Gunnar Þórðarson, fv. útgerðarmaður Ísafirði
Fundarstjóri:
Ragnhildur Helgadóttir, fv. ráðherra
Fundarboðendur:
Baldur Dýrfjörð, form. fulltrúaráðs Sjálfstæðisfélaganna á
Akureyri, Benedikt Jóhannesson ritstjóri, Einar Leif Nielsen,
stjórnarm. í Heimdalli, Einar Stefánsson prófessor, Guðfinna S.
Bjarnadóttir, fv. alþingismaður, Halldór Halldórsson, bæjarstjóri
Ísafjarðarbæjar, Hanna Katrín Friðriksson framkvæmdastj., Jón
Benediktsson, stjórnarmaður í Heimdalli, Katrín Fjeldsted, fv.
alþingismaður, Sigrún Gísladóttir, fv. skólastjóri í Garðabæ,
Sigrún Ingibjörg Gísladóttir laganemi, Þorsteinn Pálsson, fv.
formaður Sjálfstæðisflokksins, Þór Whitehead sagnfræðingur.
Sjálfstæðir Evrópumenn
Sjálfstæðir Evrópumenn
SKIPTAR SKOÐANIR UM ÁGÆTI MÁLSINS
Ekki eru allir á einu máli um það
hvort skynsamlegt sé að koma á
fót spilavíti á Íslandi undir eftirliti
ríkisins.
Þórarinn Tyrfingsson, yfirlæknir
á Vogi og formaður SÁÁ, galt var-
hug við hugmyndinni í hádegis-
fréttum á Bylgjunni í gær. Sagðist
hann lítt hrifinn af hugmyndum
sem kynnu að auka á spilafíkn,
sem væri alvarlegur sjúkdómur.
Margt annað ætti að vera í for-
gangi þegar kemur að atvinnusköpun á Íslandi en þetta.
Júlíus Þór Júlíusson, formaður Samtaka áhugafólks um spilafíkn, sagði
við DV.is að það yrði til háborinnar skammar ef stjórnvöld myndu liðka
fyrir opnun spilavítis á Íslandi.
Erna Hauksdóttir, framkvæmdastjóri Samtaka ferðaþjónustunnar, tekur
aftur á móti ekki illa í hugmyndina. Samtökin voru fengin til að veita
óformlega umsögn um málið. „Menn svöruðu því sem svo að þeir sæju
ekkert athugavert við þetta svo framarlega sem gerðar yrðu góðar reglur og
litið til reynslu nágrannalandanna.“
Þá sagði Katrín Júlíusdóttir iðnaðarráðherra í samtali við Fréttablaðið í
fyrradag að hún sæi bæði kosti og galla við að fara þessa leið.
ERNA
HAUKSDÓTTIR
ÞÓRARINN
TYRFINGSSON