Fréttablaðið - 09.02.2010, Blaðsíða 46

30 9. febrúar 2010 ÞRIÐJUDAGUR
1
6 7 8
10
13
119
12
15
16
18
21
20
17
14
19
2 3 4 5
LÁRÉTT
2. vera með, 6. fæddi, 8. meðal, 9.
lærir, 11. tveir eins, 12. orðrómur,
14. fet, 16. tveir eins, 17. knæpa, 18.
tímabils, 20. klaki, 21. afturendi.
LÓÐRÉTT
1. blöðru, 3. bor, 4. ölvun, 5. kraftur,
7. lúberja, 10. stykki, 13. struns, 15.
aflast, 16. lögg, 19. vörumerki.
LAUSN
LÁRÉTT: 2. hafa, 6. ól, 8. lyf, 9. les,
11. ll, 12. umtal, 14. skref, 16. tt, 17.
krá, 18. árs, 20. ís, 21. rass.
LÓÐRÉTT: 1. bólu, 3. al, 4. fyllerí, 5.
afl, 7. lemstra, 10. stk, 13. ark, 15.
fást, 16. tár, 19. ss.
MORGUNMATURINN
„Þessa dagana er það ferskur
safi úr safavélinni sem ég er með
í pössun. Hann er úr appelsínu,
gulrótum, epli og engifer. Ef ég
væri ógeðslega rík væri það
morgunverðarhlaðborð á hverj-
um degi með ferskum ávöxtum,
heitu croissanti og alls konar
ostum. Annars er það bara
hafragrautur og þessi safi.“
Aðalbjörg Árnadóttir leikkona.
VEISTU SVARIÐ?
Svör við spurningum á síðu 8.
1 Um 130 þúsund manns.
2 Á Hilton hótel Nordica við
Suðurlandsbraut í Reykjavík.
3 Á Akureyri.
Fréttablaðið sagði á dögun-
um frá áformum framleið-
andans Kristófers Dignus
um að gera sjónvarpsþátt
upp úr hugmyndum
og hugverki Egils
Gillzenegger, en
mannasiðabók
hans rokseldist
fyrir jól. Hug-
myndavinna
að þáttunum er langt komin og
samkvæmt heimildum Fréttablaðs-
ins hafa tilboð í sýningarréttinn
borist frá Skjá einum og Stöð 2.
Egill liggur nú undir feldi og íhugar
tilboðin en ljóst er að hann verður
hluti af haustdagskránni á annarri
sjónvarpsstöðinni …
Og meira úr sjónvarpsbransanum.
Grínistinn Steindi Jr. nýtti
krafta Netsins til að aug-
lýsa eftir tíu til fimmtán
sjálfboðaliðum í atriði
sem fór fram á Eng-
lish Pub á sunnudag.
Þrátt fyrir skamm-
an fyrirvara fékk
Steindi fjölmarga
sjálfboðaliða sem
vildu ólmir leggja grínistanum lið.
Þá voru vegfarendur á Austurstræti
afar áhugasamir um hvað væri á
seyði og voru duglegir við að stinga
höfðinu inn fyrir dyr pöbbsins …
Og enn þá meira úr sjónvarps-
bransanum. Til stóð að framleiða
sjálfstætt framhald af þáttunum
Atvinnumennirnir okkar, en í þeim
heimsótti Auðunn Blöndal meðal
annars Ólaf Stefánsson, Loga
Geirsson og Eið Smára Guðjohn-
sen. Nýja þáttaröðin átti að fjalla
um aðra Íslendinga
sem eru að gera það
gott erlendis og
heyrðust til dæmis
nöfn Anitu Briem
og Emilíönu Torrini
í því samhengi.
Hætt hefur verið við
framleiðslu þáttanna
í bili og er þar
kreppunni um að
kenna. - afb
FRÉTTIR AF FÓLKI
Magnús Scheving og félagar
hjá Latabæ hafa samið við eitt
stærsta fræðsluleikhús í heimi,
NTC eða National Theater for
Children. Leikhúsið er í Minn-
eapolis í Bandaríkjunum, hefur
verið starfrækt í næstum þrjátíu
ár og hefur gott orð á sér fyrir
starf sitt með börnum.
Að sögn Jordans Jedeikin,
framkvæmdastjóra Latabæjar
í Bandaríkjunum og Kanada,
voru það forsvarsmenn leik-
hússins sem óskuðu eftir sam-
starfi við Latabæ. „Þetta verð-
ur í fyrsta skipti sem leikhúsið
leitar í smiðju sjónvarps því
hingað til hafa þetta verið frum-
samin verk,“ segir Jedeikin en
vörumerkið Latibær hefur verið
notað til að kynna grænmeti og
ávexti í bandarískum skólum.
Leikhúsið mun ferðast til
þeirra ríkja Bandaríkjanna
þar sem offita barna er mest
en þar má meðal annars nefna
Alabama, Arkansas, Georgia,
Illinois, Kentucky, Louisiana og
Mississippi. Settir verða upp 25
mínútna leikþættir upp úr þátt-
unum um lífið í Latabæ. Jordan
segir líklegt að í kringum 750
þúsund manns, bæði kennarar,
foreldrar og nemendur, muni sjá
sýninguna á þessu ári en gert er
ráð fyrir því að sýningarferðin
hefjist á þessu hausti.
Fleira er í smíðum hjá Lata-
bæ í Ameríku því forsvarsmenn
American Fruit and Vegetable
Processors and Growers
Coalition, eða samtök ávaxta- og
grænmetisframleiðenda í Amer-
íku, hafa farið þess á leit að Lati-
bær hjálpi til við að auka neyslu
grænmetis og ávaxta í Suður-
Ameríku. „Þetta er mjög valda-
mikill hópur og því mjög gott
fyrir okkur að komast í sam-
starf með þeim,“ segir Jordan.
- fgg
Á FLAKK UM AMERÍKU Magnús Scheving og
félagar hjá Latabæ hafa samið við eitt stærsta
fræðsluleikhús í heimi, NTC.
Latibær berst við offitu í Ameríku
„Þetta verður mjög ævintýraleg plata og ekkert
líkt því sem við höfum áður gert,“ segir söngvarinn
Krummi Björgvinsson.
Krummi og félagar í hljómsveitinni Mínus eru á
leiðinni í hljóðver á ný í mars, en tæp þrjú ár eru
liðin frá útgáfu síðustu plötu hljómsveitarinnar, The
Great Northern Whale Kill. Platan verður unnin
ásamt hinum ástralska Ben Frost og félaga hans,
Daniel Rejmer.
„Þetta verður rokkplata, en ekki hefðbundin rokk-
plata eins og við gerðum síðast eða þar á undan,“
segir Krummi. „Við ætlum að spreyta okkur mikið á
músíkinni í þetta skipti – fara óhefðbundnar leiðir.“
Mínus hefur ekki látið mikið fyrir sér fara
undanfarin misseri, en fyrir ári hittust meðlimir
hljómsveitarinnar og byrjuðu að leggja drög að
nýju efni. Krummi segir að svo hafi þeir ákveðið
að taka pásu og sinna öðrum verkefnum, en Bjarni
gítarleikari og Bjössi trommari hafa mikið dvalið
erlendis undanfarið. „Við erum með nýtt efni en
ætlum að hittast í enda febrúar og fara á fullt við
að semja,“ segir Krummi. „En við ætlum ekki að
fara of undirbúnir í stúdíóið til þess að sjá hvort
einhverjir töfrar verði til. Við verðum samt búnir
að slípa okkur vel til.“
Mínus í hljóðver á ný
NÝ PLATA Í SMÍÐUM Mínus sendi síðast frá sér plötu árið
2007, en hyggst taka upp ævintýralega plötu í mars.
MYND/MACKYPHOTO.CO.UK
„Árshátíðir síðustu tveggja ára
hafa verið algjör hryllingur.
Drykkjuskapurinn og ólætin voru
yfirgengileg,“ segir Stefán Bene-
diktsson, aðstoðarskólameistari
Fjölbrautaskólans í Breiðholti, um
árshátíðir skólans sem haldnar
voru á Selfossi.
Nemendur FB mótmæltu í gær
ákvörðun skólayfirvalda að leyfa
nemendafélaginu ekki að halda
árshátíð úti á landi. Hefð hefur
skapast fyrir því að árshátíð skól-
ans sé haldin á Selfossi, en í bréfi
sem Guðrún Hrefna Guðmunds-
dóttir skólameistari sendi nem-
endum á föstudag kemur fram að
skólayfirvöld geti ekki ábyrgst
skemmtanahald „ … tengt gist-
ingu hluta nemendahópsins á hót-
eli og fjarri heimahúsum þar sem
foreldrar geta ekki sinnt eftirlits-
skyldu sinni með fullnægjandi
hætti“.
Aðstoðarskólameistari segir
ekki koma til greina að leyfa nem-
endafélaginu að halda árshátíð
utan Reykjavíkur. Hann segir
skólayfirvöld hafa boðist til að
hjálpa til við að halda árshátíð-
ina í Reykjavík og vilji í raun allt
fyrir nemendurna gera, en reynsl-
an sýni að þeim sé ekki treystandi
til að fara út úr bænum yfir nótt í
nafni skólans.
Erla María J. Tölgyes, formaður
nemendafélags FB, segir árshátíð-
ina á Selfossi vera hefð sem nem-
endur séu ekki tilbúnir að sleppa
auðveldlega. „Það er mikill hiti í
fólki og við erum ekki sátt,“ segir
hún. „Á þessum árshátíðum og
böllum yfirhöfuð er alltaf eitt-
hvað vesen; ölvun og slagsmál.
Það hefur ekki verið meira hjá
okkur en hjá öðrum.“
Málið snerist í annan hring
þegar Gettu betur-lið FB sendi
skólameistara bréf þar sem kom
fram að liðið myndi íhuga að
draga sig úr keppni ef málinu lyki
ekki á farsælan hátt á næstunni.
Brynjar Birgisson, annar þjálf-
ara liðsins, hafði ekki fengið við-
brögð við bréfinu þegar Frétta-
blaðið náði í hann í gær. Lið FB
er komið í átta liða úrslit í fyrsta
skipti í tólf ár og Brynjar segir
árangurinn vega þungt fyrir skól-
ann. „Skólayfirvöld hljóta að fara
yfir málið aftur,“ segir hann.
Kaldhæðni örlaganna hagaði
því svo þannig að lið FB á að
mæta liði Fjölbrautaskóla Suð-
urlands frá Selfossi í átta liða
úrslitum laugardaginn 27. febrú-
ar. Ólafur Yngvi Ólason úr liði
FSu segir að það yrði leiðinlegt að
missa FB úr keppni. „Við viljum
að sjálfsögðu keppa, til þess erum
við í þessu,“ segir hann, en liðið
var á æfingu þegar Fréttablaðið
hafði samband. „Við erum að æfa
núna þannig að við reiknum með
að keppa við þá.“
atlifannar@frettabladid.is
STEFÁN BENEDIKTSSON: SELFOSS KEMUR EKKI TIL GREINA
Drykkjuskapur og ólæti
stoppa árshátíð á Selfossi
NEMENDUR MÓTMÆLA Nemendur FB mótmæltu í gær, en skólayfirvöld haggast
ekki; árshátíðin verður ekki á Selfossi. FRÉTTABLAÐIÐ/GVA
Smáauglýsingar
Fréttablaðsins
eru einnig á visir.is