Fréttablaðið - 11.02.2010, Page 41

FIMMTUDAGUR 11. FEBRÚAR 2010 7fermingarföt ●
Fermingarhárgreiðslan þarf að passa við
fermingarfötin og á hárgreiðslustofunni
Hár Expo er reynt að taka mið af því.
„Mér finnst vera mikið um rómantík og blúnd-
ur og reynum við að hafa hárið í samræmi við
það og pössum okkur að hafa greiðsluna ekki of
stífa,“ segir Ágústa Hreinsdóttir, eigandi Hár
Expo. Hún segir bylgjur og mjúka liði vinsæla
auk þess sem margar stúlkur vilji fléttur. „Oft
þarf aðeins að taka hárið frá andlitinu á þeim og
þá getur verið gott að flétta. Við tökum þó mið
af því sem stúlkurnar vilja en þær eru allar að
hugsa sitt. Þær koma í létta prufugreiðslu sem
gefur þeim hugmynd um hvernig þær koma til
með að líta út en svo leggjum við auðvitað allt í
þetta þegar stóri dagurinn rennur upp.“
Ágústa segir ekki mikið um skraut og glimm-
er og að flestar fermingarstúlkur vilji nátt-
úrulega greiðslu. „Það getur þó verið fallegt
að stinga litlum perlum eða öðru skrauti inn
í hárið og úða það síðan með glansspreyi sem
gefur því heilbrigða áferð og gljáa.“
Aðspurð segir Ágústa eitthvað um að stelpur
fái strípur eða lit fyrir ferminguna en þó alls
ekki allar. „Margar koma í fyrstu strípurnar
um þetta leyti en þá er yfirleitt sett voða lítið
og kannski rétt til að birta til í kringum andlitið
eða tengja við og laga gamla sólarupplitun.“ - ve
Bylgjur, fléttur og mjúkir liðir
í stíl við rómantískan fatnað
Bylgjur og mjúkir liðir eru vinsælir. Flestar stúlkur vilja
náttúrulega greiðslu. HÁR/ÁGÚSTA HREINSDÓTTIR MYND/ÍRIS ANN
Oft þarf aðeins að taka hárið frá andlitinu og þá getur
verið fallegt að flétta. HÁR/KATRÍN ÓSK GUÐLAUGSDÓTTIR MYND/ÍRIS ANN
Rómantíkin ræður ríkjum bæði í fatnaði og hári um
þessar mundir. HÁR/KATRÍN ÓSK GUÐLAUGSDÓTTIR MYND/ÍRIS ANN
Ferming snýst um að stað-
festa trú sína á guð en orðið
trú nær einkum yfir þrennt:
Að halda að eitthvað sé satt,
að treysta og að reiða sig á
að það sem maður treystir á
muni reynast traustsins vert.
Í Hebreabréfi 11.1 segir einn-
ig: „Trúin er fullvissa um
það sem menn vona, sann-
færing um þá hluti sem eigi
er auðið að sjá.“ Í fermingar-
fræðslunni er farið yfir þetta
og fleira sem lýtur að trúnni
á guð en hana þarf svo að
rækta. Það má gera með því
að lesa í biblíunni en þannig
má komast að því hvert megi
sækja trú og í hvaða farveg
megi beina henni. -ve
Að rækta
trúna á guð
Orðið trú nær einkum yfir þrennt.
Fermdust í
eins kjólum
Þær Erna og Birna Jónsdætur
fermdust í eins kjólum vorið 1945.
Kjólarnir voru sérsaumaðir á þær
af vinkonu móður þeirra sem bjó
á Skólavörðustígnum og var afar
flink í höndunum. Hún saumaði
líka á þær „eftirfermingarkjól-
ana“. Þeir voru rauðir með ásaum-
uðum rósum.
Ernu vantaði eitt ár upp á að
teljast nógu gömul til að fermast
þetta vor en hún fékk þó undan-
þágu, að beiðni föður hennar sem
var heilsuveill á þessum tíma.
Hún minnist enn þeirra erfiðu
stunda þegar hún þurfti að standa
stillt og prúð uppi á stól á meðan
saumakona var að mæla og máta.
- gun
LAUGAVEGI 42
SÍMI 552 1818
MOMO.IS
FULL BÚÐ AF NÝJUM VÖRUM
Fermingarkjólar frá 4.900 kr. • Leggings frá 1.900 kr. • Ermar frá 1.900 kr.
Erna og Birna Jónsdætur fermdust í eins
kjólum árið 1945 en þeir voru sérsaum-
aðir á þær.