Fréttablaðið - 19.02.2010, Qupperneq 62

34 19. febrúar 2010 FÖSTUDAGUR
1
6 7 8
10
13
119
12
15
16
18
21
20
17
14
19
2 3 4 5
LÁRÉTT
2. járna, 6. holskrúfa, 8. ílát, 9. upp-
hrópun, 11. tveir eins, 12. máttur, 14.
pabbi, 16. tveir eins, 17. líða vel, 18.
for, 20. tveir eins, 21. malargryfja.
LÓÐRÉTT
1. íþróttafélag, 3. karlkyn, 4. ósam-
lyndi, 5. örn, 7. frjáls, 10. temja, 13.
svelg, 15. pottréttur, 16. verkur, 19.
óreiða.
LAUSN
LÁRÉTT: 2. skóa, 6. ró, 8. ker, 9. aha,
11. ii, 12. megin, 14. faðir, 16. tt, 17.
una, 18. aur, 20. gg, 21. krús.
LÓÐRÉTT: 1. fram, 3. kk, 4. óeining,
5. ari, 7. óheftur, 10. aga, 13. iðu, 15.
ragú, 16. tak, 19. rú.
VEISTU SVARIÐ?
Svör við spurningum á bls. 8
1 Viggo Mortensen.
2 Við Grundarstíg.
3 Sjúkrastofnun sem mun
sérhæfa sig í liðskipta- og offitu-
aðgerðum fyrir útlendinga.
„Við erum byrjaðar að pæla aðeins
og hugsa en það er ekkert niður-
neglt. Við erum með ákveðn-
ar hugmyndir í kollinum,“ segir
Hera Björk Þórhallsdóttir en
Birta Björnsdóttir hjá Júniform
mun hanna kjólinn sem söngkonan
klæðist þegar hún syngur framlag
Íslands í Eurovision-söngvakeppn-
inni í Ósló. Hera segir þær fullar
af eldmóði en Birta hannaði kjól-
inn sem Hera klæddist á úrslita-
kvöldinu hér á landi og einnig kjól-
inn sem söngkonan var í þegar
hún hafnaði í öðru sæti í dönsku
söngvakeppninni fyrir rúmu ári.
„Ég hef alltaf verið mjög hrifin
af hennar hönnun og hún hentar
konum með mitt vaxtarlag mjög
vel.“
Nafn Birtu hefur verið á allra
vörum að undanförnu eftir að
Fréttablaðið greindi frá bréfi
Lindu Bjargar Árnadóttur, fag-
stjóra fatahönnunarbrautar LHÍ,
til Evu Maríu Jónsdóttur, þar sem
kjólar hönnuðarins voru gagnrýnd-
ir harðlega og þeir sagðir ljótustu
kjólarnir sem sést hefðu í sjón-
varpi. Birta sendi í gær fjölmiðlum
afrit af bréfi sínu til rektors LHÍ
þar sem hún óskaði eftir afsök-
unarbeiðni frá skólanum en eins
og Fréttablaðið greindi frá í gær
þá stendur rektorinn, Hjálmar H.
Ragnarsson, með fagstjóranum,
Hera segir að þessi umræða hafi
ekki dregið þær niður. „Nei, síður
en svo. Við látum þetta ekki hafa
nein áhrif á okkur, við erum bara
fullar eldmóðs og það er hlaupið í
okkur eitthvert keppnisskap. Við
getum bara ekki beðið eftir því
að hneyksla fólk,“ segir Hera og
hlær.
Hera var reyndar ekki í mikl-
um Eurovision-pælingum þegar
Fréttablaðið náði tali af henni því
hún var að renna sér á skíðum í
Hlíðarfjalli með fjölskyldunni.
„Maður verður að slappa líka
af en vinnan er í fullum gangi,“
segir Hera en hamingjuóskum
hefur rignt yfir hana, meðal ann-
ars frá bakröddunum sem sungu
með Heru í danska Eurovisioninu.
Hera segir að bakraddirnar sem
voru henni til halds og trausts í
Söngvakeppni Sjónvarpsins verði
með henni, að viðbættri stórsöng-
konunni Kristjönu Stefánsdótt-
ur. „Hún verður fjórða bakröddin
og svo verður hún raddþjálfarinn
minn. Þótt ég sé raddþjálfari líka
þá þarf ég manneskju til að huga
að röddinni.“
freyrgigja@frettabladid.is
HERA BJÖRK ÞÓRHALLSDÓTTIR: HLAKKA TIL AÐ HNEYKSLA FÓLK Í OSLÓ
Birta hannar kjól Heru
BIRTA SNÝR AFTUR
Birta Björnsdóttir mun hanna
kjólinn sem Hera Björk Þór-
hallsdóttir klæðist í Eurovision.
Hera Björk klæddist kjól frá
Birtu á lokakvöldi Söngva-
keppni sjónvarpsins og þegar
hún hafnaði í öðru sæti í
danska Eurovision.
FRÉTTABLAÐIÐ/ANTON
„Það er afskaplega gaman að Þjóð-
verjar skuli hafa áhuga á þessari
bók,“ segir rithöfundurinn Elías
Snæland Jónsson.
Bók hans, Rúnagaldur, verð-
ur gefin út í Þýskalandi á næsta
ári og er þetta fyrsta bók Elíasar
sem fær dreifingu erlendis. Ryður
hún vonandi brautina fyrir næstu
bækur hans. „Ég er mest hissa á
því hvað þeir voru fljótir til því
þeir höfðu samband strax í byrjun
desember, nokkrum vikum eftir að
bókin kom út.“ Bókin kemur út hjá
forlaginu Aufbau sem er mjög virt
á sínu sviði og ætti því að fá góða
kynningu.
Elías, sem hefur lengi fengist
við ritstörf, hefur gefið út þó nokk-
uð af barna- og unglingabókum.
Nágrannalöndin hafa sýnt áhuga
á að gefa þær út en aldrei hefur
orðið af því. Hann vill þó ekki
meina að langþráður draumur sé
að rætast með útrásinni til Þýska-
lands. „Maður er fyrst og fremst
að skrifa fyrir íslenskan markað
og íslenska neytendur. Það er rós
í hnappagatið ef útlendingar hafa
áhuga á að gefa út bækur eftir
mann en það er ekkert sérstakt
keppikefli í sjálfu sér.“
Rúnagaldur er spennusaga sem
tengir saman sögur Eddukvæð-
anna um norrænu goðin og þann
áhuga sem sumir af forystumönn-
um þriðja ríkisins höfðu á kvæð-
unum. Bókin er einnig sú fyrsta
sem útgefandinn Skrudda selur á
erlendri grundu. - fb
Rúnagaldur ryður brautina
ELÍAS SNÆLAND JÓNSSON Rúnagaldur
er fyrsta bók Elíasar sem fær dreifingu
erlendis. Hún kemur út seinni part
næsta árs á vegum Aufbau.
FRÉTTABLAÐIÐ/VALLI
MORGUNMATURINN
„Hann byrjar varla dagurinn
án þess að ég fái mér rótsterkan
kaffibolla. Það er aðaluppistað-
an í morgunmatnum. Svo reynir
maður að fá sér ávöxt eða
eitthvað með þessu til að koma
sér aðeins í gang.“
Bjartmar Þórðarson leikari.
Norræni sjónvarps-og kvikmyndasjóð-
urinn hafnaði því að styrkja sjón-
varpsþáttaröð sem Gunnar Hansson
og bróðir hans, Ragnar Hans-
son, hafa verið að gera með
mörgum af fremstu grínistum
Norðurlandanna.
Stöð 2 sætti sig ekki við
niðurstöðu sjóðsins og
hefur skrifað honum bréf
þar sem farið er fram
á að sjóðurinn endur-
skoði ákvörðun sína. „Við
borgum í þennan sjóð og
við fórum fram á það við
þá að þeir tækju umsókn-
ina aftur til umfjöllunar,“
segir Pálmi Guðmundsson
hjá Stöð 2. Hann segir þætt-
ina vera einstaklega frum-
lega og þeir hefðu þennan samnorræna brag.
„Við höfum aldrei þurft að gera þetta áður
en þetta sýnir kannski líka hvað við höfum
mikla trú á þessum þáttum.“ Hið sama hefur
danska sjónvarpsstöðin TV 2 gert sem hefur
þegar keypt sýningarréttinn. Til stóð að RÚV
myndi sýna þættina en Stöð 2 virðist
vera með forskot í því kapphlaupi.
Fréttablaðið hefur fylgst náið með
gerð þáttaraðarinnar en meðal þeirra
sem koma fram í henni eru Jón
Gnarr, Björn Gustafsson og síðast en
ekki síst Klovn-stjarnan Frank Hvam
en Frímann og Hvam hittust meðal
annars á Laundromat-kaffihúsi Frið-
riks Weisshappel fyrir skemmstu. Þá
upplýsti Gunnar í viðtali við Tvíhöfða um
helgina að samkomulag við breska grín-
istann Matt Berry væri í höfn og hann
myndi koma fram í þáttunum. - fgg
Norræni sjóðurinn hafnaði Frímanni
María Sigrún
Hilmarsdóttir
hefur farið vel af
stað í hlutverki
sínu sem frétta-
lesari. Samkvæmt
upplýsingum
Fréttablaðsins
hefur áhorfið
á fréttir RÚV
aukist eftir að
hún tók við af
Elínu Hirst, ekki
síst meðal ungra
karla. Ekki léleg
byrjun það.
RÚV hefur fengið á sig gagnrýni
úr ýmsum áttum undanfarið.
Kvikmyndagerðarmenn eru ósáttir
við forgangsröðun hlutafélagsins
opinbera á meðan aðrir setja
spurningarmerki við uppsagnir
og niðurskurð á öðrum sviðum.
Karlinn í brúnni, Páll Magnússon,
gefur færi á sér á laugardaginn,
en hann hefir boðað komu sína í
þátt Tvíhöfða, Sigurjóns
Kjartanssonar og Jóns
Gnarrs, á Kananum.
Þeir ná oft alls kyns
leyndarmálum upp úr
viðmælendum sínum,
svo að spennandi
verður að heyra
hvort útvarps-
stjórinn
varpar nýju
ljósi umræð-
urnar.
Danski stórleikarinn Viggo
Mortensen er staddur á landinu,
eins og Fréttablaðið greindi frá í
gær. Stúlkan sem talað var um að
væri með honum í för er spænska
leikkonan Ariadna Gil, en hún lék
meðal annars í stórmyndinni Pan‘s
Labyrinth frá árinu 2006. Viggo og
Ariadna hafa sést á leið aust-
ur á land, en eins og fram
kom í blaðinu
í gær ferðast
Daninn
vopnaður
myndavél
og
smell-
ir af í
gríð
og
erg.
- fgg,
afb
FRÉTTIR AF FÓLKI
SYNJAÐ Þáttaröð Gunnars Hanssonar fékk ekki styrk
hjá Norræna kvikmynda- og sjónvarpssjóðum. Stöð
2 skrifaði sjóðnum bréf í fyrsta skipti og óskaði eftir
því að sú ákvörðun yrði endurskoðuð. Matt Berry og
Frank Hvam eru meðal þeirra sem koma fram.
Auglýsingasími
Allt sem þú þarft…