Fréttablaðið - 25.02.2010, Blaðsíða 46
30 25. febrúar 2010 FIMMTUDAGUR
folk@frettabladid.is
Kvikmyndahátíðin North-
ern Wave Film Festival er
haldin í þriðja sinn dagana
5. til 7. mars næstkomandi.
Hátíðin er haldin á Grundar-
firði og í ár verður bryddað
upp á skemmtilegri nýjung
því á föstudagskvöldinu
munu heimamenn keppa í
fiskisúpugerð og mun lands-
liðskokkurinn Hrefna Rósa
Jóhannsdóttir Sætran til-
nefna sigurvegarann.
Dögg Mósesdóttir, framkvæmda-
stjóri Northern Wave Film Festi-
val, segir fiskisúpukeppnina vera
til þess gerða að gefa Grund-
firðingum tækifæri til að kynn-
ast gestum sínum og bjóða þá
velkomna. Þetta er í fyrsta sinn
sem slík súpukeppni er haldin á
Grundarfirði og að sögn Daggar
er þátttaka góð.
„Miðað við þann fjölda sem
hefur skráð sig til leiks þá ættu
menn að geta borðað sig metta af
súpu. Fólk getur svo greitt uppá-
haldssúpunni sinni atkvæði en
úrslitavaldið hefur Hrefna Rósa.
Við erum með góð tengsl við menn
í fiskvinnslunni á Grundarfirði og
þeir munu sjá um að útvega hrá-
efni í súpurnar,“ segir Dögg. Hún
mælir með að fólk mæti vel klætt
því súpukeppnin verður haldin
inni í fiskmarkaði
Grundarfjarðar sem er niðri við
höfn. Aðspurð segir hún sjö manns
þegar hafa skráð sig í keppnina en
gera megi ráð fyrir því að fleiri
bætist í þann hóp á næstu dögum.
Listamaðurinn Humanizer mun
leika tónlist með karíbaívafi fyrir
gesti og að auki verður boðið upp á
snafs til að halda hita á mönnum.
Hrefna Rósa segist hlakka mikið
til að bragða þær fiskisúpur sem
í boði verða. „Ég verð enginn
Gordon Ramsey en ég mun taka
dómarahlutverkið mjög alvarlega.
Mér finnst alltaf gaman þegar
almenningur tekur sig til og gerir
eitthvað svona og oftar en ekki fær
maður skemmtilegar hugmyndir í
leiðinni,“ segir hún. Að fiskisúpu-
keppninni lokinni verður haldið
ball á nærliggjandi kaffihúsi þar
sem heimamenn og gestir geta
dansað saman inn í nóttina. Frítt
er inn á Northern Wave Film Festi-
val og að sögn Daggar er enn eitt-
hvað um laust gistirými í bænum.
sara@frettabladid.is
Landsliðskokkur dæmir í
súpukeppni Grundfirðinga
GLEÐI Á GRUNDARFIRÐI Dögg Mósesdóttir, framkvæmdastjóri kvikmyndahátíðarinn-
ar, segir keppnina vera til þess gerða að heimamenn fái að kynnast gestum sínum
betur. FRÉTTABLAÐIÐ/STEFÁN
RÉTTLÁTUR DÓMARI
Landsliðskokkur-
inn Hrefna Rósa
Jóhannsdóttir
Sætran hlakk-
ar mikið til að
smakka fiski-
súpurnar sem
heimamenn
munu bjóða
upp á.
FRÉTTABLAÐIÐ/
ARNÞÓR
Í kvöld í Íslandi í dag verður hollustukokkurinn Sólveig
Eiríksdóttir með snilldaruppskrift eins og venjulega á
fimmtudagskvöldum og að þessu sinni er það heimagerð
pestósósa. Allt hráefni er hægt að eiga á lager, þannig
að auðvelt er að grípa til þess hvenær sem er og slá upp
dúndurveislu. Skella pasta í pott og búa síðan til pestóið á
örfáum mínútum. Getur ekki verið fljótlegra eða betra!
Uppskrift:
Speltpasta og heimagerð pestósósa
225 g speltpenne
100 g soðnar kjúklingabaunir
2 hvítlauksrif, skorin í bita
50 g ferskt basil
25 g furuhnetur, þurrristaðar á pönnu eða í ofni
25 g kasjúhnetur, þurrristaðar á pönnu eða í ofni
2 msk. sítrónusafi
½-1 dl græn ólífuolía
smá sjávarsalt og cayenne pipar
2 döðlur
Setjið penne út í sjóðandi vatn og sjóðið samkvæmt
leiðbeiningunum á pakkanum. Á meðan það sýður setjið
hvítlauk, ferskt basil, hnetur og sítrónusafa í matvinnslu-
vél, maukið í smá stund og bætið svo ólífuolíu út í og
bragðið til með sjávarsalti og cayennepipar, hellið vatninu
af pastanu, setjið það í skál ásamt kjúklingabaununum og
blandið pestóinu saman við.
Speltpasta og heimagerð pestósósa
> FARINN Í MEÐFERÐ
Bandaríska sjónvarpsstöðin CBS
hefur frestað framleiðslu á gam-
anþáttaröðinni vinsælu Two and
a Half Men eftir að aðalleikarinn
Charlie Sheen ákvað að fara í með-
ferð. Ekki fylgir sögunni hvers
vegna. Tveir mánuðir eru liðnir
síðan Sheen var handtekinn eftir
að hafa ógnað og ráðist á eigin-
konu sína, Brooke, sem er sömu-
leiðis í meðferð.
Keith Harris, umboðsmaður
Stevie Wonder, heldur fyrirlest-
ur á næsta fræðslukvöldi Útóns
sem verður haldið þriðjudaginn
2. mars í Norræna húsinu. Þar
verður fjallað um höfundarrétt-
artekjur og samninga. Skoðuð
verða tengsl höfundarréttar og
sölu tónlistar í kvikmyndum,
sjónvarpi og auglýsingum.
Jenný Davíðsdóttir fjallar um
hlutverk Stefs varðandi úrvinnslu
upplýsinga, Hjördís Halldórsdótt-
ir um helstu hugtökin í höfundar-
rétti og tónlistarmaðurinn Ólafur
Arnalds um reynslu sína af höf-
undarréttarsamningum. Skrán-
ing fer fram á thorey@utflutn-
ingsrad.is og í síma 5114000.
Umbi Stevie Wond-
er kemur til Íslands
STEVIE WONDER Umboðsmaður tón-
listarmannsins Stevie Wonder heldur
fyrirlestur á næsta fræðslukvöldi Útóns.
HEILSUHORN Sollu og Völu Matt
Haldin verður Kerlingarfjallaskemmt-
un í veislusalnum í Skógarhlíð á föstu-
dagskvöld þar sem Eyjólfur Kristjánsson
verður í essinu sínu. Eyfi starfaði sem
skíðakennari í Kerlingarfjöllum í fimmt-
án sumur og spilaði einnig á kvöldvökum
við góðar undirtektir.
„Þetta var æðislegur tími. Ég byrjaði
að vinna þar þegar ég var fjórtán ára.
Það má segja að seinni hluti uppeldis
míns hafi átt sér stað þarna og að ég hafi
farið úr því að vera strákur í að vera
maður,“ segir Eyfi. „Þetta var mjög
rómantískur tími. Þarna urðu til ýmis
sambönd og jafnvel hjónabönd. Ég get
ekki sagt að ég hafi hitt eiginkonuna
mína þarna en það voru einhver skot
sem áttu sér stað. Ég var þarna fimmtán
sumur og það var náttúrlega eitthvað sem
átti sér stað,“ viðurkennir hann.
Tilurð skemmtunarinnar er sú að
starfsfólk skíðaskálans í Kerlingarfjöll-
um í gegnum tíðina hittist á síðasta ári,
hátt í tvö hundruð manns, og skemmti
sér saman. Gekk það svo vel að ákveðið
var að endurtaka leikinn í ár og þá einn-
ig fyrir þá sem heimsóttu Kerlingarfjöll.
„Fólk getur fengið tækifæri á að upplifa
þessa stemningu sem myndaðist í Kerl-
ingarfjöllum,“ segir Eyfi og hvetur fólk
til að láta sjá sig.
Húsið verður opnað klukkan 21 og
kvöldvaka hefst klukkutíma síðar. Eftir
hana tekur við ball með Eyfa og hljóm-
sveit. Hægt er að nálgast miða á Kerling-
arfjoll.is og einnig við innganginn. - fb
Rómantískur tími í fjöllunum
Í KERLINGARFJÖLLUM Fyrrum skíðakennararnir
Eyjólfur Kristjánsson og Gunnar Grímsson í
Kerlingarfjöllum árið 1988.
Sendu okkur
símamynd!
Nýtt fylgirit Fréttablaðsins
Við viljum tvífara fræga fólksins!
Er kærastan þín eins og Angelina Jolie eða er vinur þinn eins
og Jack Black? Sendu okkur mynd til sönnunar og hún gæti birst
í næsta tölublaði.
POPP er nýtt fylgirit Fréttablaðsins og kemur út mánaðarlega.
Við viljum að þið sendið okkur klikkuðustu símamyndirnar ykkar.
Bestu myndirnar birtast í næsta tölublaði og höfundur bestu
myndarinnar fær tvo kassa af Doritos í verðlaun.
Sendið myndirnar í síma: 696 POPP (696 7677)
eða á popp@frettabladid.is