Fréttablaðið - 25.02.2010, Blaðsíða 6

6 25. febrúar 2010 FIMMTUDAGUR
Dagur menntunar í
ferðaþjónustu
Ráðstefna á Grand Hóteli um mikilvægi fræðslu
og símenntunar starfsfólks í ferðaþjónustu
25. febrúar kl.13:30-17:00.
Nánari upplýsingar, dagskrá og skráning á
www.saf.is
VERÐ
KR.
9.900
VERÐ
KR.
13.900 Handklæða-ofnar
Hitastýrð sturtusett
með öllu
ASÍ krefst ...
... þess að stöðugleikasáttmálinn standi!
Efling atvinnulífsins verði
algjört forgangsmál.
Nánari upplýsingar á www.asi.is
VIÐSKIPTI Stóru viðskiptabankarnir þrír, Arion,
Íslandsbanki og Landsbankinn, hafa að undanförnu
skipað fjölda fólks í stjórnir samtals 48 fyrirtækja.
Hafa þær ráðstafanir komið í kjölfar yfirtöku
bankanna á fyrirtækjunum, að hluta eða öllu leyti.
Íslandsbanki hefur skipað fólk í stjórnir 21 fyrir-
tækis, Landsbankinn í átján og Arion í níu. Að auki
hefur Arion sett yfirtekna eignarhluti í fyrirtækj-
um í sérstök félög sem hafa eigin stjórnir.
Þessar upplýsingar koma fram í svari fjármála-
ráðherra við fyrirspurn Sigríðar Ingibjargar
Ingadóttur Samfylkingunni.
Ráðherra leitaði til bankanna sjálfra um svör.
Í svari Íslandsbanka kemur fram að bankinn
hefur ekki sett sér reglur um stjórnarskipanir og
jafnframt að fjórðungur stjórnarmanna á hans
vegum eru konur.
Arion greinir aðeins frá stjórnarskipan í félögum
sem „hafa verið í opinberri umræðu“ og ber við
ákvæðum laga um trúnaðarskyldu. Segist bankinn
stefna að jafnrétti kynjanna við skipun í stjórnir. Af
gögnum bankans má ráða að konur skipa tvö stjórnar-
sæti af þeim fjórtán sem bankinn hefur ráðstafað í
fyrirtækjum sem teljast til úrvinnsluverkefna.
Landsbankinn kveðst hafa sett sér virka jafnréttis-
stefnu sem gildi um skipun manna í stjórnir. Hún
taki mið af jafnréttislögum. Engu að síður kemur
fram í upptalningu bankans á stjórnarfólki að af 47
stjórnarsætum sitja konur í þremur. - bþs
Viðskiptabankarnir þrír hafa tekið fjölda fyrirtækja yfir að hluta eða öllu leyti:
Bankamenn í stjórnum 48 fyrirtækja
ÁBYRGÐARMENN BANKANNA Birna Einarsdóttir Íslands-
banka, Finnur Sveinbjörnsson Arion og Ásmundur Stefáns-
son Landsbankanum.
DANMÖRK Danska stjórnin setur sér
háleit markmið í nýrri stefnuyfir-
lýsingu, sem Lars Løkke Rasmus-
sen forsætisráðherra og Lene
Espersen, nýr utanríkisráðherra,
kynntu í gær. Daginn áður hafði
Rasmussen stokkað upp í stjórninni
með gjörbreyttri ráðherraskipan.
Meðal annars stefnir stjórn
frjálslyndra og íhaldsmanna að
því að Danmörk verði eitt af tíu rík-
ustu löndum heims. Einnig er stefnt
að því að atvinnustig verði með
því sem best gerist í heiminum,
dönsk skólabörn verði með þeim
allra duglegustu í heimi, og í það
minnsta einn danskur háskóli verði
í hópi tíu bestu háskóla heims.
Þá er stefnt að því að frelsi verði
meira í Danmörku en víðast hvar
annars staðar og að óvíða gangi
aðlögun útlendinga að samfélaginu
betur en þar.
Til þess að ná þessum markmið-
um, og fleiri til af svipuðu tagi, er
sett fram starfsáætlun í 76 liðum
þar sem meðal annars er stefnt
að ströngu aðhaldi í ríkisfjármál-
um, fimm þúsund nýjum störfum
á næsta ári, tryggt verði að dönsk
börn verði fljúgandi læs að lokn-
um öðrum skólabekk og sjúkling-
um verði gert auðveldara að leggja
fram kærur – svo aðeins fátt sé
nefnt af þessum 76 liðum. - gb
Forsætisráðherra Danmerkur kynnir stefnuskrá nýrrar ríkisstjórnar:
Danmörk í hóp tíu ríkustu
LARS LØKKE RASMUSSEN Setur ríkis-
stjórn sinni háleit markmið.
NORDICPHOTOS/AFP
STJÓRNMÁL „Mér finnst þetta
jákvætt álit og í því felst við-
urkenning á Íslandi sem sam-
starfsríki innan EFTA og EES
og jafnframt á aðgerðum ríkis-
stjórnarinnar til að endurreisa
íslenskt efnahagslíf. Vissulega
kemur fram að
margt sé eftir
en líka að við
séum á réttri
leið. Þess vegna
finnst mér fel-
ast í þessu
stuðnings- og
traustsyfirlýs-
ing við Ísland.“
Þetta segir
Stefán Hauk-
ur Jóhannes-
son, sendiherra
Íslands í Brus-
sel og aðalsamn-
ingamaður,
um álit fram-
kvæmdastjórn-
ar Evrópusam-
bandsins um
aðildarumsókn
Íslands sem
fjallað er um
framar í blaðinu. Framkvæmda-
stjórnin telur Ísland fullnægja
öllum skilyrðum sem umsóknar-
ríki og leggur til við aðildarríkin
að aðildarviðræður verði hafnar.
Hugsanlegt er að formleg
ákvörðun þar um verði tekin á
fundi ráðherra ESB í marslok.
Stefán Haukur segir Ísland fá
jákvæða einkunn í flestu og raun-
ar mjög jákvæða í sumum mála-
flokkum. Niðurstaðan sé að við-
ræður um málefni er varða EES
og Schengen ættu ekki að verða
flóknar. Aðlögun þurfi á öðrum
sviðum, svosem í sjávarútvegi,
landbúnaði og byggðamálum en
það komi ekki á óvart. „Það hefur
alltaf legið fyrir og um það verður
samið. Viðræðurnar munu ganga
út á hvaða sérlausnum við getum
náð fram,“ segir Stefán Haukur.
Eitt og annað í íslensku þjóðlífi
er gagnrýnt. Til dæmis dómstól-
ar, hagsmunatengsl, bankahrun-
ið og einkavæðing fyrirtækja.
„Það má kannski segja að vinur
til vamms segi,“ segir Stefán
Haukur. „Og ég tel að við þurf-
um að taka þessar ábendingar
alvarlega og reyna að bregðast
við þeim. Evrópusambandið veiti
ríkjum í raun aðhald hvað ýmis-
legt svona lagað varðar.“
Árni Þór Sigurðsson, formað-
ur utanríkisnefndar Alþingis,
segir ekki koma á óvart að fram-
kvæmdastjórnin telji Ísland upp-
fylla skilmála fyrir aðild. Hann er
ekki þeirrar skoðunar að Alþingi
muni á næstu mánuðum og miss-
erum drífa í að laga íslenska lög-
gjöf að löggjöf ESB til að greiða
fyrir aðild. „Það liggur ekki á því
enda liggur ekki fyrir hver ákvörð-
un þjóðarinnar í þjóðaratkvæða-
greiðslu verður. En við getum auð-
vitað tekið upp ábendingar um
atriði sem okkur finnast sjálfsögð
mál, burtséð frá aðild að ESB.“
bjorn@frettabladid.is
Stuðnings- og trausts-
yfirlýsing við Ísland
Álit framkvæmdastjórnar ESB um aðildarumsókn Íslands er jákvætt, að mati
aðalsamningamanns Íslands. Bregðast þurfi við gagnrýni í álitinu. Formaður
utanríkismálanefndar segir ekki liggja á að laga íslensk lög að löggjöf ESB.
HÖFUÐSTÖÐVAR FRAMKVÆMDASTJÓRNARINNAR Íslenska samninganefndin heldur
áfram sinni heimavinnu á meðan beðið er eftir formlegri ákvörðun ráðherra Evrópu-
sambandsins um hvort hefja beri aðildarviðræður. FRÉTTABLAÐIÐ/BÞS
STEFÁN HAUKUR
JÓHANNESSON
ÁRNI ÞÓR
SIGURÐSSON
GRÆNLAND Óvenjumikil hlýindi
hafa verið á Grænlandi í vetur,
einkum þó á sunnanverðu land-
inu. Janúarmánuður hefur verið
sá hlýjasti síðan mælingar hóf-
ust árið 1958. Ástæðan mun vera
þrálát hæð yfir Grænlandi og
Baffineyju, sem gerir það að
verkum að kalda veðrið fer fram
hjá, eins og til dæmis Bandaríkja-
menn og Íslendingar hafa fengið
að kynnast.
Grænlendingar eru hæstánægð-
ir með hlutskipti sitt, sérstaklega
þeir sem búa syðst á landinu. - gb
Hitametin falla:
Óvenjuhlýtt á
Grænlandi í ár
Ætlar þú að fara og kjósa um
gamla Icesave-samninginn ef
betri samningur verður í boði?
Já 66,7
Nei 33,3
SPURNING DAGSINS Í DAG:
Ætti að styrkja sjálfstæði
íslenskra dómstóla?
Segðu skoðun þína á Vísi.is
KJÖRKASSINN