Fréttablaðið - 04.03.2010, Qupperneq 33
FIMMTUDAGUR 4. MARS 2010
Þrjár lyftur eru á skíðasvæðinu
í Tungudal við Ísafjörð og þær
voru allar í gangi um síðustu helgi
í fyrsta skipti á þessum vetri, að
sögn Margrétar Halldórsdótt-
ur, íþrótta- og tómstundafulltrúa
bæjarins. „Það snjóar í dag og svo
erum við með eina vél sem fram-
leiðir snjó,“ segir hún og upplýs-
ir að skíðasvæðið sé opið frá fjög-
ur til sjö þegar veður leyfir. „Svo
erum við með flottasta göngu-
skíðasvæði á landinu á Seljalands-
dal og hingað koma útlendingar í
gönguskíðakeppnir, til dæmis á al-
þjóðlegt skíðamót sem haldið er í
kringum 1. maí.“
Nú er Margrét að undirbúa
skíðavikuna á Ísafirði sem hefst 31.
mars og stendur fram yfir páska-
helgina. Hún segir fjölbreytta dag-
skrá þá daga, því fyrir utan skíða-
brunið leynist þar allt frá helgi-
stund til furðufataballs auk þess
sem karamellum rigni af himnum
ofan. Allt fer þetta að mestu fram
á skíðasvæðinu í Tungudal þar
sem lyfturnar verða opnar frá 10
til 17. „Reyndar er páskaeggjamót
fyrir krakkana uppi í Seljalands-
dal og þar verður líka skíðaskot-
fimin,“ tekur Margrét fram. „Svo
verður mót fyrir snjóbrettafólkið
líka, að líkindum í Ástarbrekkunni
og fyrirhuguð er ferð með Sjóferð-
um Hafsteins og Kiddýar og stefn-
an sett á skíðagöngu frá Aðalvík
til Hesteyrar. Auk þess er heilmik-
ið um að vera í bænum. Ef ekki er
verið að skíða þá er til dæmis hægt
að vera í íþróttahúsinu í körfubolta
eða skoða leikjadaginn.“
Margrét segir íbúafjöldann
gjarnan tvöfaldast á Ísafirði um
páskana. Skíðavikan dregur fólk
vestur og einnig rokkhátíð alþýð-
unnar, Aldrei fór ég suður, sem er
á sama tíma. „Það eru hátíðaguðs-
þjónustur í kirkjunum á svæðinu,
þrjú leikverk í gangi, tvö þeirra
sýnd í Arnardal og eitt í Edinborg-
arhúsinu, og svo eru böll á kvöld-
in,“ bendir Margrét á. „Það eiga
allir að geta fundið eitthvað við
sitt hæfi,“ segir hún og bendir á
vefinn www.skidavikan.is. - gun
Frá helgistund til furðufataballs
Margrét býst við að brettamótið verði í
Ástarbrekkunni. MYND ÚR EINKASAFNI
Skíðavikan er haldin í Tungudal þar sem þrjár lyftur eru í gangi. MYND/MARGRÉT
Sumir eru ótvírætt skrautlegri en aðrir á
skíðavikunni. MYND/ÚR EINKASAFNI
Útilíf er 36 ára gamalt fyrirtæki
sem býður upp á skíða- og
snjóbrettavörur fyrir alla
aldurshópa.
„Útilíf er langflottast í sportinu,“
segir Gauti Sigurpálsson, vöru-
stjóri skíða og snjóbretta hjá Úti-
lífi. Fyrirtækið byrjaði í litlu horni
á neðri hæð Glæsibæjar fyrir 36
árum en hefur vaxið og dafnað
síðan og nú til dags hýsir neðri
hæð Glæsibæjar stærstu skíða-
deild Útilífs. Þá eru einnig Útilífs-
verslanir í Holtagörðum, Smára-
lind og Kringlunni, þar sem mesta
úrvalið er af snjóbrettum. Í dag
hefst svokallað „skíða- og bretta-
fjör“ í verslunum Útilífs, sem þýðir
að boðið er upp á hvorki meira né
minna en 20 til 30 prósenta afslátt
af skíða- og snjóbrettavörum.
Aðspurður segir Gauti sjálf
skíðin vera það vinsælasta af vetr-
arvörum hjá Útilífi. „Síðustu árin
hefur verið mest sala í skíðunum
sjálfum. Við höfum tekið eftir því
að sala á snjóbrettum hefur minnk-
að að undanförnu, bæði vegna þess
að lítið hefur snjóað á okkur og svo
helst þetta líka við það sem gerist
erlendis. Brettasala hefur minnk-
að mikið úti um allan heim.“
Gauti segir það gerast í aukn-
um mæli að snjóbrettaáhugafólk
snúi sér að skíðum á nýjan leik og
þar komi svokölluð leikskíði, eða
„Twin-tip“ sterk inn. „Við erum
alltaf nokkrum árum á eftir hér á
Íslandi en þessi skíði eru það sem
koma skal, að við höldum. Þau eru
orðin mjög vinsæl úti í hinum stóra
heimi. Við bjóðum upp á svona
skíði en seljum ekki mörg pör, ekki
enn þá,“ segir Gauti og hlær.
Varðandi hin hefðbundnu skíði
segir Gauti söluna á þeim hafa
breyst töluvert eftir að kreppan
skall á, en þó á nokkuð óvæntan
hátt. „Þegar fjölskyldur voru að
fara til útlanda í skíðaferðir, svo
dæmi sé tekið, var það algengt að
þær leigðu allar skíðagræjurnar
þar. Þess vegna eru margir orðir
vanir dýrum skíðum og þessir við-
skiptavinir kaupa því dýrari græj-
ur en áður var þegar þeir ætla sér
að skíða innanlands.“
Að sögn Gauta býður Útilíf upp
á allar skíða- og snjóbrettavörur
fyrir alla aldurshópa, að klæðn-
aði meðtöldum. „Í skíðunum er
franska merkið Rossignol aðal-
merkið okkar. Það er 103 ára gam-
alt fyrirtæki, mjög stórt og virt,
enda um gríðarlega vandaðar
vörur að ræða. Þá seljast vörur frá
Blizzard alltaf vel, en það merki
hefur Útilíf boðið upp á nánast frá
upphafi,“ segir Gauti.
Hann bendir einnig á að skíða-
verkstæði Útilífs í Glæsibæ njóti
mikilla vinsælda, en þar er hægt
að láta gera við skíðavörur, slípa
til skíði, brýna þau og þar fram
eftir götunum. „Útilíf hefur mjög
traustan kúnnahóp, fólk sem
kemur aftur og aftur og er mjög
ánægt með þá þjónustu sem í boði
er hér,“ segir Gauti.
Skíðin eru alltaf sterkust
„Útilíf hefur mjög traustan kúnnahóp, fólk sem kemur aftur og aftur og er mjög
ánægt með þá þjónustu sem í boði er hér,“ segir Gauti Sigurpálsson. FRÉTTABLAÐIÐ/GVA
Rossignol Reserve
Dömubretti stærðir
139-143-148-153 cm
Verð 41.990,-
Binding verð 19.990,-
Rossignol Zenith 1
Herraskíði stærðir
162-170-176 cm
Verð með bindingum
64.990,-
Rossignol
Attraxion 1
Dömuskíði stærðir
146-154-162 cm
Verð með bindin-
gum 64.990,-
Rossignol Imperial
Bretti stærðir 145-150-155-
161-166 cm
Verð 41.990,-
Binding verð 19.990,-