Fréttablaðið - 04.03.2010, Blaðsíða 50

34 4. mars 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Eitt af hinum nýju nöfnum í tónlistarheiminum sem mikið er talað um
þessa dagana er Gonjasufi, en það er listamannsnafn Sumacks Ecks,
söngvara og jógakennara, sem búsettur er í Las
Vegas. Hann hefur búið til tónlist í nokkur ár
og gefið út sjálfur í takmörkuðu upplagi undir
Sumack-nafninu, en fyrsta platan hans sem fær
almenna dreifingu, A Sufi and a Killer, kemur út
hjá Warp-fyrirtækinu á mánudaginn.
Gonjasufi er fæddur og uppalinn í San Diego.
Hann er þriggja barna fjölskyldufaðir og hefur
kennt jóga í nokkur ár. Hann fékk fyrst áhuga á
tónlist þegar hann kynntist rapptónlist snemma
á tíunda áratugnum. Það er tvennt sem maður
tekur strax eftir hjá Gonjasufi. Röddin og útlitið,
en vegna þess síðarnefnda varð hann fyrir miklu
áreiti í kjölfar árásanna á World Trade Center 11.
september 2001.
Tónlist Gonjasufi er mjög sérstök blanda. Hún
er m.a. unnin með upptökustjóranum The Gas-
lamp Killer, sem var samstarfsmaður J. Dilla,
og raftónlistarsnillingnum Flying Lotus sem gaf
út hina rómuðu Los Angeles-plötu hjá Warp árið
2008. Það má heyra áhrif víða að á A Sufi and a
Killer. Hip-hop, lo-fi popp, soul, tilraunakennd
raftónlist og blús blandast á nýstárlegan hátt. Og svo er það röddin
sem er hrjúf og skemmtileg. Pitchforkmedia lýsir henni sem „rytju-
legu og óhræsislegu gargi sem gæti tilheyrt andlegu afkvæmi George
Clinton og Leadbelly“. Engin smá lýsing það. Guardian, sem veðjar á
að A Sufi and a Killer verði ein af plötum ársins, er líka með innblásna
lýsingu á tónlistinni: „Eins og Screamin Jay Hawkins að flytja tónlist
M.I.A. endurgerða af Portishead …“
Veit ekki alveg með það, en A Sufi and a Killer er allavega frábær
plata.
Hrjúf og nýstárleg blanda
HÁR- OG SKEGGPRÚÐ-
UR Gonjasufi varð fyrir
miklu áreiti eftir árás-
irnar á Tvíburaturnana
11. september.
Þriðja plata Gorillaz heitir
Plastic Beach og kemur út
á mánudaginn. Dr. Gunni
tékkaði á henni.
Damon Albarn og teiknarinn
Jamie Hewlett, sem best er þekkt-
ur fyrir Tank girl, fengu
hugmyndina að Gorillaz
árið 1998. Pælingin var
að búa til þykjustuband
þar sem meðlimirnir
yrðu teiknaðir af Jamie
og Damon myndi semja tón-
listina. Hugmyndin var eiginlega
nútímaútgáfa af svipaðri hugmynd
sem var í gangi í kringum 1970
þegar hið ofurgrípandi tyggjópopp
var hvað vinsælast. Tyggjópoppið
var samið og flutt af andlitslausu
starfsfólki í hljóðverum, en fal-
legt fólk látið vera í framlínunni
í „böndunum“. Stundum var not-
ast við teiknimyndafígúrur eins
og í „hljómsveitunum“ Banana
Splits og The Archies, sem voru
með stórsmellinn „Sugar, Sugar“
1969.
Hugmyndin að Gorillaz gekk
svona líka ljómandi vel upp.
Fyrstu tvær plöturnar (Gorill-
az (2001) og Demon Days (2005))
hafa selst í um 15 milljón eintök-
um og lög eins og Clint Eastwood
og Feel Good Inc. hafa notið mik-
illi vinsælda.
Á nýju plötunni er allt við það
sama. „Meðlimir“ Gorillaz eru enn
þau 2D, Murdoc Niccals, Russel
Hobbs og Noodle, og tónlistin sem
Damon stendur á bak við fer út um
víðan völl. Í grautnum má greina
döbb, hipp hopp, raftónlist og brit-
popp – en þó má alltaf greina per-
sónulegan keim Damons sjálfs,
enda syngur hann sum lögin.
Báðar fyrri plöturnar voru með
haug af spennandi tónlistarfólki
sem lagði inn. Plastic Beach er
engin undantekning, Górillur kalla
til samstarfsfólk úr ýmsum áttum.
Á plötunni leggur inn lið eins og
Lou Reed, Mark E Smith úr The
Fall, Gryff Rhys úr Super Furry
Animals og Mick Jones og Paul
Simonon úr The Clash, og ekki má
gleyma Snoop Dogg, De La Soul og
The Lebanese National Orchestra
for Oriental Arabic Music. Þá eru
þeir Bobby Wymack og Mos Def
saman í fyrsta smáskífulagi plöt-
unnar, „Stylo“.
Platan er létt og glaðleg og hún
hefur fengið rífandi góða dóma.
Tónlistardeild BBC og Q-tímaritið
hafa slengt fullum húsum á hana.
„Umfang og dýpt Plastic Beach er
ískyggilegt. Þeir sem eru skúff-
aðir yfir því að Blur gerði aldrei
„Hvíta albúmið“ sitt, þurfa ekki
að leita lengra,“ segir á vefsíðu
BBC og Q segir plötuna innihalda
framsæknasta poppið sem þú munt
heyra í ár.
MARK E SMITH Eins og Jamie Hewlett
teiknar hann í félagi við Gorillaz.
„MEÐLIMIR“ GORILLAZ Þau 2D, Noodle, Murdoc og Russel.
Górillur á plastströndinni
„Fyrir einhverja hundaheppni gátum við selt gam-
alt lag í North Face-auglýsingu í Japan og fengum
nógu mikið af peningum til að gera heila plötu. Og
þetta er hún,“ segir Bogi Reynisson í hljómsveitinni
Bacon Live Support Unit um plötuna Rodentmaster
sem er nýkomin út. „Þessi kona hafði bara samband.
Hún hafði heyrt lagið Powerprest – ég veit ekkert
hvernig hún heyrði það, líklega á ferðalagi hérna
– og vildi endilega fá að nota það. Og við bara, já já,
endilega.“
North Face selur útivistarfatnað, en Bogi segir
Bacon langt í frá flytja eitthvert útivistarrokk. „Við
spilum einhverja djöflasýru. Við erum tiltölulega
lausir við það að þurfa að gera einhverjum til geðs
nema okkur sjálfum. Við gerum bara þá tónlist sem
við myndum vilja heyra sjálfir. Og það er frekar
drungaleg tónlist þessa dagana,“ segir hann.
Bogi var á árum áður m.a. í Stjörnukisa og Soror-
ice, en með honum í Beikoni eru Maggi trommari
sem m.a. var í Bleiku böstunum, Guðmundur sem
var í 2001, Pétur sem var í Skátum og Gísli sem var
í Stjörnukisa. Rodentmaster inniheldur níu lög sem
eru öll flutt og samin af hljómsveitinni sjálfri, nema
titillagið Rodentmaster sem samið er af Páli Thayer.
Þrjú laganna eru sungin. Fyrir nokkrum árum gerði
Bacon þrjár styttri plötur (Krieg, Jenny og Kamel),
sem Bogi segir að innihaldi hálfgerð demó. Sum
þeirra laga eru á nýju plötunni í fyllri útgáfum.
Platan fæst í helstu plötubúðum og einnig er hægt
að nálgast hana á gogoyoko.com þar sem hægt er að
hlusta á hana í heild sinni án endurgjalds. Útgáfu-
tónleikarnir verða í kjallara Kaffi Kúltúra laugar-
dagskvöldið 13. mars og verður ókeypis inn.
- drg
Djöflasýrubeikon auglýsir úlpur
BACON LIVE SUPPORT UNIT Úr myndbandi við lagið „Things“,
sem Fiona Cribben – „búningahönnuður frá helvíti“ eins og
Bogi kallar hana – gerði.
> Plata vikunnar
Buxnaskjónar - Nýtt lýðveldi
★★★
„Hressandi en full hefðbundið pönk.“
Dr. Gunni
> Í SPILARANUM
Massive Attack - Heligoland
Shearwater - The Golden Archipelago
Joanna Newsom - Have One On Me
Liars - Sisterworld
Dr. Dog - Shame, Shame
MASSIVE ATTACK DR. DOG
Endurmat á snilli Johnny
Cash og endurkomu hans til
kúlheima má að stórum hluta
skrifa á upptökumanninn
Rick Rubin, sem fékk hann í
samstarf á 10. áratugunum.
Plöturnar sem þeir gerðu
saman bera yfirskriftina
„American“ og sjötta og síð-
asta afurðin úr samstarfinu,
American VI: Ain‘t no grave,
er nýkomin út. Lögin á plöt-
unni voru tekin upp á tíma-
bilinu maí-september 2003
og eru úr sömu lotu og lögin
á þarsíðustu plötu, American V: A Hundred
Highways. Johnny lést 12. september 2003,
fjórum mánuðum eftir að lífs-
förunautur hans, Jane Carter,
hafði gefið upp öndina. Því er
ekkert skrýtið að meginstef-
in á nýju plötunni eru dauði
og sorg.
Að vanda er megnið töku-
lög. Titillagið er eftir Claude
Ely, en þarna er að auki
lög eftir Sheryl Crow, Kris
Kristofferson, Tom Paxton
og fleiri. Platan hefur fengið
ágætis viðtökur, en þó finnst
sumum að gengið sé ansi
langt við að blóðmjólka arf-
leifð meistarans. Johnny Cash-aðdáendur
komast hins vegar í feitt. - drg
Síðasti Johnny Cashinn
UMSLAG AIN‘T NO GRAVE Strákur-
inn Johnny Cash.