Fréttablaðið - 04.03.2010, Blaðsíða 58

42 4. mars 2010 FIMMTUDAGUR
sport@frettabladid.is
Haukar hafa misst spón úr aski sínum því þjálfari liðsins, Aron Kristj-
ánsson, heldur til Þýskalands næsta sumar þar sem hann
mun þjálfa Hannover Burgdorf næstu tvö árin.
Aron skilar af sér góðu búi hjá Haukum en hann hefur
gert liðið að Íslandsmeisturum bæði árin sem hann hefur
þjálfað hjá félaginu, Haukar urðu bikarmeistarar á dögunum
og deildarbikarmeistarar um jólin. Haukar eru því handhafar
allra stóru titlanna í dag.
„Það er gott að vera búinn að fá niðurstöðu í málið. Ég
heyrði fyrst í félaginu um áramótin og þetta hefur verið und-
irliggjandi síðan. Ég var ekkert endilega búinn að ákveða að
fara út næsta sumar en ef gott tækifæri kæmi þá var ég til
í að hoppa á það,“ segir Aron. „Ég hef metnað fyrir því að
þjálfa í Þýskalandi og einhvers staðar verður að byrja.“
Aron var einnig orðaður við danska félagið Århus GF
en það félag vildi einnig fá hann í fyrra. „Þeir höfðu
samband aftur en ég var mjög nálægt því að fara síðasta sumar. Ég
skildi ekki í nokkurn tíma eftir á af hverju ég fór ekki,“ segir Aron
léttur en honum líst vel á nýja félagið.
„Þetta er einn af fáum klúbbum þar sem er mikið og gott
unglingastarf. Ekki ósvipaður Magdeburg að því leyti. Þetta er
því klúbbur með sál. Það er alltaf að aukast áhuginn fyrir liðinu
á svæðinu og það skilar vonandi meira fjármagni á næstu árum.
Þetta félag á möguleika á að stækka mikið á næstu árum,“ segir
Aron. Hannes Jón Jónsson er á mála hjá félaginu og Aron
segist ætla að halda honum. Hann staðfestir einnig að
félagið sé í viðræðum við línumanninn Vigni Svavarsson.
Þjálfarinn segist skilja stoltur við Hauka. „Ég er gríðar-
lega ánægður með þennan tíma í Haukunum. Þetta hafa
verið frábær ár. Það hefur gengið vel innan sem utan
vallar. Það er metnaðarfullt starf í félaginu og verður það
áfram.“
ARON KRISTJÁNSSON: ÞJÁLFAR ÞÝSKA ÚRVALSDEILDARLIÐIÐ HANNOVER BURGDORF NÆSTU TVÖ ÁRIN
Þetta félag á möguleika á að stækka mikið
> „Þetta er ekki eins og í sjónvarpinu”
Tómas Ingi Tómasson var sparkspekingur Stöðvar 2 Sport
síðasta sumar og gagnrýndi mann og annan eins og ætl-
ast var til. Hann er núna kominn hinum megin við borðið
þar sem hann þjálfar HK. Tómas hefur ekki farið vel af
stað með liðið en það steinlá meðal annars fyrir KR, 5-1, á
dögunum. Í stúkunni var Ólafur Þórðarson, þjálfari Fylkis,
sem er þekktur fyrir að hafa munninn fyrir neðan nefið.
Þegar HK var lent nokkrum mörkum undir
snemma gall í Ólafi: „Þetta er ekki eins og í
sjónvarpinu, Tommi.“ Allir nærstaddir ráku
upp mikinn hlátur en Tómas ku hafa verið
hálfvandræðalegur á hliðarlínunni. Má hann
líklega búast við fleiri álíka skotum í sumar
þegar illa árar.
FÓTBOLTI Tillaga ÍBV um að KSÍ
ætti að sjá um innheimtu félaga-
skiptagjalda en ekki félögin sjálf
var felld á ársþingi sambandsins
í febrúar. Eyjamenn settu fram
tillöguna vegna máls sem þeir
lentu í 2008.
„Á síðasta degi félagaskipta
vorum við að reyna að fá leik-
mann til okkar. Félagið sem hann
var í neitaði að skrifa undir skipt-
in nema við myndum greiða því
félagaskiptagjaldið sem er 100
þúsund krónur. Það gerðum við
og sendum félaginu félagaskipta-
blaðið,“ segir Sigursveinn Þórð-
arson hjá ÍBV.
„KSÍ fékk hins vegar blað-
ið aldrei í hendurnar og þessi
leikmaður skráðist aldrei í ÍBV.
Félagið sagðist hafa sent blaðið
til þeirra. Peningana höfum við
ekki séð eftir þetta,“ segir Sigur-
sveinn sem vildi þó ekki gefa upp
hvert umrætt félag væri. Leik-
maðurinn lék alltént aldrei með
ÍBV. - egm
ÍBV lenti í leiðindamáli:
Borguðu en
fengu aldrei
FÓTBOLTI Það er orðið ljóst að
framherjinn Guðmundur Péturs-
son spilar ekki með KR næsta
sumar.
Samkvæmt áreiðanlegum
heimildum Fréttablaðsins er
KR í viðræðum við bæði Val og
Breiðablik um sölu á leikmann-
inum.
Guðmundur fór sem lánsmað-
ur til Blika í fyrra og blómstraði
þar. Hann hefur sjálfur lýst því
yfir að hann vilji spila með Blik-
um.
Fjárhagsstaða Blika er aftur á
móti sögð vera afar veik og ekki
víst að Blikar geti keppt við Vals-
menn á þeim vettvangi. Þeir hafa
þó reynt í allan vetur að kaupa
leikmanninn en hafa ekki viljað
borga það sem KR vill fá fyrir
leikmanninn.
Forráðamenn KR vildu ekki tjá
sig um málið þegar eftir því var
leitað í gær. - hbg
Guðmundur fer frá KR:
Seldur til Vals
eða Breiðabliks
GUÐMUNDUR PÉTURSSON Spilar annað-
hvort með Val eða Breiðablik næsta
sumar. FRÉTTABLAÐIÐ/DANÍEL
FÓTBOLTI Hólmfríður Magnúsdótt-
ir, Ólína G. Viðarsdóttir og Dóra
María Lárusdóttir skoruðu í 3-0
sigri Íslands á Portúgal í lokaleik
liðsins á mótinu. Leikurinn var um
níunda sætið og komu öll mörkin í
seinni hálfleik. Keppnisvöllurinn
þótti minna á mýrarboltavöll.
„Þetta var fínn leikur miðað
við mjög erfiðar aðstæður. Völl-
urinn var allur úti í leðju og poll-
um, hann var enn verri en þessi
sem við spiluðum á gegn Noregi.
Þetta var ekki boðlegt,“ sagði Sig-
urður Ragnar Eyjólfsson, þjálfari
Íslands, sem var að horfa á úrslita-
leik mótsins sem fram fór á sama
velli.
„Það er búið að rigna svo mikið
hér að þetta er alveg skelfilegt.
Það er bara furðulegt hve vel við
náðum að halda boltanum. Vörn-
in small saman og það er fínt að
enda mótið vel.“
Ólína var notuð á miðjunni í
leiknum og stóð sig vel, hún kór-
ónaði svo frammistöðuna með
marki. „Hún kom mjög vel út í
þessari stöðu. Það er mjög gott
fyrir okkur enda mikið um meiðsli
hjá miðjumönnum liðsins,“ sagði
Sigurður.
Katrín Ómarsdóttir var ekki
með í leiknum í gær en hún fann
fyrir verkjum á þriðjudagskvöld
og fór á sjúkrahús. Þar þurfti
að taka úr henni botnlangann og
verður hún frá í 3-4 vikur af þeim
sökum.
„Næstu verkefni eru leikir í
undankeppni HM í lok mánað-
arins við Serbíu og Króatíu. Það
eru erfiðir útileikir svo við þurf-
um núna að gera upp þetta mót og
fara yfir leikina. Ég þarf að skoða
allt vel áður en ég vel hópinn fyrir
þessi verkefni,“ sagði Sigurður.
„Stefnan er að búa til úrslita-
leik gegn Frökkum á menning-
arnótt í sumar. Til að það takist
þá verðum við að vinna Serbíu og
Króatíu. Við förum í þá leiki til að
sigra.“
-egm
Íslenska kvennalandsliðið vann öruggan sigur á Portúgal á Algarve Cup og endaði í níunda sæti mótsins:
Góður leikur miðað við leðju og polla
GÓÐ Á MIÐJUNNI Ólína G. Viðarsdóttir
stóð sig vel gegn Portúgal. MYND/AP
FÓTBOLTI Íslenska karlalandsliðið í fótbolta
gerði markalaust jafntefli í fyrsta leik árs-
ins 2010 þegar liðið sótti Kýpverja heim í
gær. Þetta var hálfgerð upphitun fyrir við-
ureignir liðanna í undankeppni EM sem
hefst í haust en þjóðirnar drógust saman í
riðli á dögunum.
Íslenska landsliðið átti mjög góðan enda-
kafla í leiknum en stærsta hluta leiksins
gekk liðinu illa að halda boltanum innan
liðsins og Kýpverjar voru mun meira með
boltann. Það má segja að það hafi fyrst
kviknað almennilega á íslenska liðinu þegar
markvörðurinn Gunnleifur Gunnleifs-
son bjargaði frábærlega með því að verja
þrumuskot á 62. mínútu.
Heiðar Helguson fékk gott færi á 67. mín-
útu og aðeins mínútu síðar átti Rúrik Gísla-
son langskot sem kýpverski markvörður-
inn varði í slána og yfir. Emil Hallfreðsson
átti sláar skot úr aukaspyrnu á 74. mínútu
og aðeins þremur mínútum síðar átti Rúrik
frábært langskot í slána og niður og að því
virtist inn fyrir marklínuna en búlgarski
aðstoðardómarinn dæmdi þó ekki mark.
Það hefði ekki verið leiðinlegt fyrir Rúrik
Gíslason að opna markareikninginn með
íslenska landsliðinu með því að skora sigur-
mark með þrumuskoti í slána og inn. Búlg-
arski aðstoðardómarinn rændi Rúrik hins
vegar fullkomlega löglegu marki.
„Mig langar ekki að kenna dómaran-
um um að við gerðum jafntefli en hann átti
einstaklega lélegan dag fannst mér. Það
átti allavega einn af þremur að sjá að bolt-
inn var inni. Ef dómaratríóið hefði verið á
tánum þá hefðum við unnið þennan leik. Við
skoruðum eitt mark en ekki þeir þannig
að við hefðum átt að vinna,“ sagði
Rúrik eftir leikinn.
„Heiðar var næst þessu og hann
sagði við mig að boltinn hefði ekki
verið inni. Það var þess vegna sem ég
var ekki að æsa mig á hlutunum þá.
Auðvitað er þetta pirrandi eftir á þegar
allir eru búnir að segja manni að
boltinn hafi verið greinilega
inni. Það er sárt,“ segir Rúrik
sem verður að bíða lengur
eftir fyrsta A-landsliðs-
markinu.
„Það hefði verið
gaman að opna
markareikninginn
með landsliðinu
með svona marki
en það verður
bara gaman hve-
nær sem það
kemur og
jafnvel
væri það
skemmti-
legra ef
það gerð-
ist á Laugardalsvellinum,“
segir Rúrik jákvæður.
„Mér fannst okkar leikur
vaxa eftir því sem á leið. Í
byrjun vorum við ekki alveg
að þora að halda boltanum
innan liðsins. Það er alveg
hægt að segja það í gegnum
allan leikinn því að við spil-
uðum ekki neinn stjörnuleik,“ sagði
Rúrik sem var ekkert að reyna að
fela það að íslenska liðið getur spilað
betur en það gerði í gær.
„Það sem við höfum Íslendingarn-
ir er að berjast og mér fannst við
gera það ágætlega í dag. Við erum
ekki bestu fótboltamenn í heimi
en við börðumst ágætlega í
dag og vonandi er þetta það
sem koma skal. Við erum
ekki sérstaklega vinsæl-
ir á Íslandi þar sem það
er leiðindaumfjöllun
um að við séum ekki
að leggja okkur fram.
Ég vona að það breyt-
ist þegar við förum
að leggja okkur fram
í hverjum einasta
leik,“ segir Rúrik.
Rúrik var besti
maður íslenska liðs-
ins ásamt miðverðinum
Sölva Geir Ottesen sem
fann sig vel við hliðina á
Kára Árnasyni í miðverð-
inum.
ooj@frettabladid.is
Mark Rúriks ekki dæmt gilt
Íslenska karlalandsliðið gerði markalaust jafntefli á Kýpur í gær þar sem íslenska liðið tók góðan kipp síð-
ustu 25 mínúturnar og átti þá þrjú skot í slá þar af eitt sem fór greinilega inn fyrir marklínuna.
FÓTBOLTI Ólafur Jóhannesson, lands-
liðsþjálfari var ekkert óánægður
með leikinn á móti Kýpur.
„Markmiðið var náttúrulega
að halda hreinu. Auðvitað hefð-
um við viljað vinna leikinn en
það gekk ekki eftir. Heilt yfir
var ég þokkalega ánægður
með leikinn. Eins og oft áður
þá vorum við frekar varnars-
innaðri heldur en hitt. Seinni hálfleikur
var ágætur þó að við gætum gert aðeins
betur,“ segir Ólafur en Ísland mætir
Kýpur í undankeppni EM sem hefst í
haust.
„Miðað við þennan leik þá lýst mér
ekkert illa á að mæta þeim. Við eigum
alveg í fullu tré við þessa gæja þannig
að við eigum alveg að geta unnið þá. Ég
er ekki alveg búinn að skoða það hvort
að það hafi vantað einhverja í þeirra lið
en ég á eftir að skoða það betur. Þessir
menn eru ekkert framar en við í fót-
bolta,“ sagði Ólafur en hvað varð til þess
að íslenska liðið sótti í sig veðrið í lokin?
„Ég held að menn hafi fengið meiri trú
á því að þeir gætu þetta. Ég hef kannski
verið of grimmur að prenta inn í þá að
verjast vel. Þá fóru menn að þora að gera
aðeins meira. Við gáfum ekki mörg færi
á okkur en fengum heldur ekki mörg
færi. Bæði lið hefðu getað stolið sigri í
þessum leik,“ sagði Ólafur að lokum.
- óój
Ólafur Jóhannesson, landsliðsþjálfari Íslands um leikinn við Kýpverja í gær:
Bæði lið hefðu getað stolið sigri
ÓLAFUR JÓHANNESSON
FLOTT MARK Rúrik Gíslason hefði
opnað markareikning sinn með íslenska
A-landsliðinu hefði mark hans verið
dæmt gilt.
FRÉTTABLAÐIÐ/DANÍEL