Fréttablaðið - 12.05.2010, Síða 16

16 12. maí 2010 MIÐVIKUDAGUR
SVEITARSTJÓRNAR-
KOSNINGAR 2010
PÉTUR GUNNARSSON
peturg@frettabladid.is
Stormasömu kjörtímabili að ljúka í Kópavogi
Kjörtímabilið hefur verið
stormasamt í bæjarpólitík-
inni í Kópavogi. Hart hefur
verið tekist á um skipulags-
mál. Meirihlutinn hefur
verið sakaður um spillingu.
Ráðstöfunum stjórnar Lífeyris-
sjóðs starfsmanna Kópavogsbæjar
í kjölfar hrunsins haustið 2008 var
vísað til lögreglurannsóknar. Þrír
bæjarfulltrúar sátu þá í stjórninni,
Gunnar I. Birgisson bæjarstjóri,
Flosi Eiríksson, Samfylkingu, og
Ómar Stefánsson, Framsóknar-
flokki. Gunnar vék úr embætti
bæjarstjóra og tók sér leyfi úr bæj-
arstjórn, vegna þessa máls.
Gunnsteinn Sigurðsson tók við af
Gunnari og hefur verið bæjarstjóri
síðasta ár kjörtímabilsins. Hann
kaus að leita ekki eftir endurkjöri
og sakaði Gunnar um að vinna gegn
sér. Einnig var hart deilt á Gunn-
ar I. Birgisson vegna umdeildra
viðskipta bæjarins við fyrirtæki í
eigu dóttur hans. Um tíma hrikti í
meirihlutasamstarfi Framsóknar-
flokks og Sjálfstæðisflokks vegna
þeirra mála en meirihlutinn stóð
þær deilur af sér. Ekki er þó vafi á
því að margir sjálfstæðismenn eru
enn sárir eftir átök við flokksbræð-
ur sína í bænum síðustu misseri.
Í prófkjöri flokksins bar Ármann
Kr. Ólafsson, forseti bæjarstjórn-
ar, naumlega sigurorð af Gunnari
I. Birgissyni.
Skipulagsmál hafa hvað eftir
annað orðið tilefni harðra deilna
í Kópavogi síðustu ár. Harðast-
ar urðu þær vegna fyrirhugaðrar
uppbyggingar á Kársnesi en einn-
ig urðu langvinnar deilur vegna
landakaupa í landi Glaðheima og
við Vatnsenda.
Kópavogur er það sveitarfélag
sem vaxið hefur hvað hraðast und-
anfarna áratugi. Miklar bygginga-
framkvæmdir stóðu yfir í nýjum
hverfum og fjölmörgum byggingar-
lóðum hafði nýlega verið úthlutað
þegar efnahagslífið hrundi. Í kjöl-
far þess hefur bæjarsjóður orðið
fyrir nokkru áfalli vegna þess að
byggingarlóðum hefur verið skil-
að í miklum mæli með gríðarlegum
útgjöldum fyrir bæjarsjóð.
Sjálfstæðisflokkurinn hefur
nú fimm bæjarfulltrúa af ellefu í
bæjarstjórn Kópavogs, Framsókn-
arflokkurinn einn, Samfylkingin
fjóra og Vinstri grænir einn. Odd-
vitar meirihlutaflokkanna tveggja
segjast ganga óbundnir til kosn-
inga. Oddvitar minnihlutans telja
hins vegar víst að meirihlutasam-
starfið verði endurnýjað nema
kjósendur gefi skýr skilaboð um
annað.
Lokasprettur kosningabarátt-
unnar er fram undan. Kjósend-
ur hafa úr sjö framboðslistum að
velja. Auk stóru flokkanna fjög-
urra, sem eiga fulltrúa í bæjar-
stjórn, býður Frjálslyndi flokk-
urinn fram lista í Kópavogi. Það
gerir einnig Y-listi Kópavogsbúa,
sem eru óháðir flokkum og emb-
ættismönnum. Næst besti flokk-
urinn teflir fram landsþekktum
leikara, Hjálmari Hjálmarssyni,
í fyrsta sæti. Hann segir að þeir
vindar sem veitt hafa Bestaflokkn-
um meðbyr í Reykjavík blási einn-
ig í Kópavogi.
Meirihluti Framsóknarflokks og
Sjálfstæðisflokks hefur nú verið við
völd í Kópavogi í tuttugu ár. Könn-
un sem Fréttablaðið gerði í Kópa-
vogi fyrir mánuði gaf til kynna að
sá meirihluti njóti stuðnings um
51% kjósenda. Athygli vakti þó að
einungis 54,9% aðspurðra höfðu
tekið afstöðu. Úrslitin eru því
hvergi nærri ráðin.
Sami meirihluti við völd í 20 ár
KÓPAVOGUR Það er gott að búa í Kópavogi var frægt slagorð Gunnars I. Birgissonar,
fyrrverandi bæjarstjóra. Störf hans hafa verið í brennidepli umræðunnar um málefni
Kópavogsbúa síðustu ár.
„Mikilvægasta verkefnið er að ná tökum á fjármálunum,“
segir Guðríður Arnardóttir, bæjarfulltrúi og oddviti
Samfylkingarinnar. Á næsta kjörtímabili þurfi stjórnmála-
menn að verja velferðarsamfélagið um leið og nýta þurfi
tækifæri til að skapa ný störf.
Guðríður segir að kjörtímabilið, sem nú er að líða, hafi
verið viðburðaríkt. Tekist hafi verið harkalega á um stór
mál, til dæmis skipulagsmál og óeðlilega fyrirgreiðslu
til aðila sem tengjast meirihlutanum. „Það er algjörlega
ljóst að ef meirihlutinn fellur ekki mun hann starfa
áfram,“ segir Guðríður. Eftir 20 ára samstarf gangi ekki hnífurinn milli Fram-
sóknarflokks og Sjálfstæðisflokks. Bæjarbúar þurfi að fella meirihlutann ef
þeir vilji sjá breytingar í stjórn bæjarins.
Af kosningamálum Samfylkingarinnar nefnir hún „metnaðarfullar tillögur í
atvinnu- og húsnæðismálum“. Bærinn hafi milligöngu um að ljúka við bygg-
ingu hálfkláraðs húsnæðis og komi því í langtímaleigu. „Þetta er eitthvað
sem sveitarfélagið ræður við að gera og rétti tíminn til þess er núna,“ segir
Guðríður. „Þetta leggur grunn að langtímaleigumarkaði, sem hefur skort á
Íslandi.“
Ekki breytingar nema meirihlutinn falli
Frjálslyndi flokkurinn setur íbúalýðræði á oddinn og vill
að bæjarmálasamþykkt verði breytt svo að kjósend-
ur geti krafist kosninga um mikilvæg mál og komið
málum á dagskrá bæjarstjórnar. Helgi Helgason,
stjórnmálafræðingur er oddviti F-listans. Hann segir
að núverandi bæjarstjórn hafi oft gengið fram með
valdníðslu og þvergirðingshætti í umhverfis- og
skipulagsmálum, til dæmis á Kársnesi. Framganga
meirihlutans hafi valdið óánægju. „Við leggjum áherslu
á að verja þetta samfélag sem við eigum í Kópavogi án
þess að til komi skattahækkanir eða hækkanir á þjónustugjöldum,“ segi
hann. Bærinn eigi ekki að að hækka útsvar þótt heimildir til þess verði
rýmkaðar. Frjálslyndir vilja einnig beita sér fyrir flutningi málefna fatlaðra
til sveitarfélagsins og leggja áherslu á notendastýrða þjónustu. Einnig vill
F-listinn að Kópavogur segi sig frá samstarfi um Strætó bs. ef þörf krefur
en Helgi segir að líklega hafi aðildin komið í veg fyrir að samþykkt bæjar-
stjórnar um ókeypis strætisvagnasamgöngur nái fram að ganga. „Við erum
að borga 250-300 milljónir á ári til Strætó bs. og það þarf enginn að segja
mér að við getum ekki rekið gott strætókerfi fyrir þann pening,“ segir hann.
Reynsla frá Akureyri og Reykjanesbæ sýni að farþegum fjölgi um 70-80%
ef strætisvagnasamgöngur eru ókeypis. Það sé kjarabót fyrir bæjarbúa og
spari þeim kostnað við rekstur bíls og bænum kostnað við samgöngu-
mannvirki.
Ókeypis strætó
Það mikilvægasta sem verðandi bæjarstjóri ætlar að
gera er að taka völdin frá þessum ónýtu stjórnmála-
mönnum og færa þau til fólksins,“ segir Hjálmar Hjálm-
arsson, leikari og oddviti X-lista Næstbesta flokksins í
Kópavogi. „Við höfum fundið fyrir mikilli óánægju með
stjórnmálin í bæjarfélaginu og fjöldi fólks hefur komið
að máli við okkur og tjáð sig um spillingu flokkanna,
ekki síst í Kópavogi.“
Næstbesti flokkurinn vill nýta sér þann meðbyr sem
Besti flokkurinn nýtur í Reykjavík. Sömu vindar hafa
blásið í Kópavogi. Hjálmar segir að allir flokkar í bæjarstjórninni tilheyri
fjórflokknum og fólki finnist minnihlutinn hafa verið ósýnilegur og ekki
haldið uppi nægilega öflugri stjórnarandstöðu. Harðasta gagnrýnin beinist
að núverandi meirihluta: „Það er með ólíkindum hvernig Framsóknarflokk-
urinn og sérstaklega Sjálfstæðisflokkurinn hafa komið fram við kjósendur í
bænum,“ segir Hjálmar. „Það er greinilega eitthvað mikið að í bæjarlífinu.“
Frambjóðendur Næstbesta flokksins eru ótengdir flokkunum og hafa engra
hagsmuna að gæta úr embættismannakerfinu. „Við ætlum að leggja okkur
fram um að standa við það sem við segjum og gera lífið skemmtilegra og
gleðilegra og fylla bæinn af hamingju, ást og yl.“ Meðal stærstu mála X-
listans er að Kópavogur verði gerður að borg en ekki bæ og að bæjarstjórn-
in endurreisi sparisjóð í eigu bæjarbúa. Einnig verði að minnsta kosti ein
sundlaug í bænum opin allan sólarhringinn.
Taka völd frá ónýtum stjórnmálamönnum
„Við erum fyrst og fremst að bjóða okkur fram vegna
þess að við teljum að samfélagið okkar sé brotið,“ segir
Rannveig Ásgeirsdóttir, oddviti Y-lista Kópavogsbúa.
„Við viljum gefa fólki raunhæfan kost til að kjósa ein-
staklinga sem bera samfélagið fyrir brjósti en ekki flokka
og sérhagsmunahópa. Langstærstu málin eru siðbót í
stjórnmálum, siðbót í málum bæjarins.“
Rannveig segir að stefnumálin séu ekki mörg en skýr:
„Við viljum koma á faglegum vinnubrögðum í málefn-
um bæjarins og að farið sé eftir þeim siðareglum sem
bærinn hefur sett sér.“ Næsta bæjarstjóra eigi að ráða með faglegum hætti
en ekki sækja hann í biðröð hjá einhverjum flokkanna. „Við leggjum til að
bæjarfulltrúar sitji í mesta lagi tvö kjörtímabil,“ segir Rannveig og vill að
bæjarbúar fái reglubundnar upplýsingar um gang mála í sveitarfélaginu og
komið verði á hverfaráðum til að tryggja áhrif bæjarbúa. „Við viljum opna
bæjarfélagið og gefa bæjarbúum færi á að koma sínum málum á framfæri.“
Siðbót í málum bæjarins
Samstarf Sjálfstæðisflokks og Framsóknarflokks hefur
gengið mjög vel að mínu mati, svona heilt yfir,“ segir
Ómar Stefánsson, bæjarfulltrúi og oddviti Framsókn-
arflokksins í Kópavogi. Framsóknarflokkurinn gangi þó
óbundinn til kosninga enda hafi allir flokkar hafi unnið
vel saman í bæjarstjórninni á síðustu árum, meðal
annars hafi þeir sameinast um gerð fjárhagsáætlunar.
Fyrir kosningarnar leggja framsóknarmenn áherslu á
sex atriði: Ekkert barn útundan kalla þeir hugmyndir
um rétt barna til þjónustu í leikskólum, dægradval-
ar í skólum, skólamáltíða og íþrótta og tómstundastarfs óháð efnahag
foreldra. Spara eigi 10% í launum bæjarfulltrúa og fulltrúa í nefndum
bæjarins. Skapa eigi 300 ný störf með sérstöku verkefni í samstarfi við
Vinnumálastofnun og fyrirtæki í bænum.
Þá segist Ómar leggja áherslu á snjóframleiðslu á skíðasvæðinu í Bláfjöll-
um og byggingu stúdentagarða á Kársnesi. Kanna eigi möguleika á að
veita afslátt af byggingargjöldum til að örva byggingariðnað og fasteigna-
markað í bænum.
Samstarfið hefur gengið mjög vel
Aðalmarkmiðið að fella meirihlutann
„Aðalmarkmiðið í þessum kosningum er að fella meiri-
hlutann,“ segir Ólafur Þór Gunnarsson, bæjarfulltrúi og
oddviti VG í Kópavogi. „Við erum algjörlega tilbúin að
taka við.“ Ólafur Þór segir kosningarnar snúast um val
á hugmyndafræði og forgangi; hvort leggja eigi áherslu
á fólk og félagsleg gildi eða byggingar og þenslu. „Við
skerum okkur úr. Við erum tilbúin að taka við því búi
sem hrunflokkarnir skilja eftir sig. Eftir 20 ára valdatíð
þeirra skuldar bærinn tæplega 43 milljarða. Það er
gríðarlegt verkefni að takast á við.“
„Öðrum þræði snúast kosningarnar líka um það að
standa vörð um stoðir velferðarkerfisins á erfiðum tíma. Við treystum okkur
til að verja það í gegnum þessar þrengingar,“ segir Ólafur Þór. Núna sé
ekki tími fyrir mikil kosningaloforð. „Núna er tími til að stjórna með ábyrgð
og festu eins og við viljum meina að hafi einkennt hugmyndafræði VG frá
upphafi.“ VG leggi áherslu á að auka samráð við íbúa, efla íbúalýðræði og
styrkja íbúasamtök. VG vill koma á sameiginlegri skipulagsnefnd höfuðborg-
arsvæðisins þannig að það sé skipulagt með hagsmuni heildarinnar en ekki
samkeppni sveitarfélaga að leiðarljósi. Þá teflir VG fram hugmyndum um
uppbyggingu hálfbyggðra hverfa, eflingu leigumarkaðar og hvernig efla megi
námsframboð fyrir atvinnulausa.
„Ég held að kosningarnar muni að miklu leyti snúast
um atvinnulífið og að verja grunnþjónustuna,“ segir
Ármann Kr. Ólafsson, forseti bæjarstjórnar og oddviti
sjálfstæðismanna. „Við viljum skapa umgjörð til sóknar
fyrir atvinnulífið frekar en að vera með inngrip. Við erum
með alla innviði uppbyggða og þurfum lítið sem ekkert
að byggja á næstu árum.“
Sjálfstæðismenn hafa lagt fram útfærða stefnuskrá þar
sem m.a. er lögð áhersla á að breyta skipulagi til að
skapa sóknarfæri fyrir ferðaþjónustu og útivist á ýmsum
svæðum í bænum, til dæmis Hálsatorgi, í Kópavogsdal, á Kópavogstúni og
við Elliðavatn. Þeir vilja breyta skipulagi í nýjum hverfum og fjölga smærri
íbúðum til þess að auðvelda ungu fólki að kaupa sína fyrstu íbúð, byggja
stúdentaíbúðir á Kársnesi, fjölga minni íbúðum í nýjum hverfum til að auð-
velda ungu fólki að kaupa sína fyrstu íbúð og skipuleggja orlofsíbúðir fyrir
ferðamenn við Elliðavatn og brúa Fossvoginn fyrir göngu- og hjólreiðafólk.
„Við göngum opin til þessara kosninga en ég tek það skýrt fram að þetta
samstarf hefur gengið vel og rekstur bæjarins er traustur,“ segir Ármann.
„Vegna lóðaskila hefur orðið mikil skuldaaukning sem verður hægt að
grynnka á þegar hjól atvinnulífsins fara að snúast og lóðirnar í Kópavogi,
sem eru þær best staðsettu á höfuðborgarsvæðinu, fara að ganga út á ný.“
Viljum skapa umgjörð til sóknar