Fréttablaðið - 05.06.2010, Blaðsíða 108
72 5. júní 2010 LAUGARDAGUR
sport@frettabladid.is
6 DAGAR Í HM
HANDBOLTI N1-deild karla í hand-
bolta verður í heild sinni fyrir
mikilli blóðtöku í sumar. Margir
bestu leikmenn deildarinnar yfir-
gefa landsteinana og reyna fyrir
sér erlendis. Sumir fara í atvinnu-
mennsku, aðrir ætla að spila með
vinnu eða námi og enn aðrir eru enn
að leita sér að félögum en ætla út.
Fimm leikmenn af sjö úr liði árs-
ins í deildinni fara út eða stefna
þangað. Þeirra á meðal eru besti
leikmaður deildarinnar, Valdimar
Fannar Þórsson, og markahæsti
leikmaðurinn, Bjarni Fritzson.
Fréttablaðið hafði samband við
þjálfara allra félaganna átta sem
spiluðu í N1-deildinni á síðasta
tímabili, og þjálfara félaganna
sem komust upp í deildina. Þeir
voru spurðir hvaða leikmenn væru
á leiðinni frá félaginu til að spila
erlendis. Í töflunni hér til hliðar
má sjá lista yfir leikmennina en
ætla má að fleiri leikmenn gætu
bæst í hópinn í sumar.
Það eru ekki bara leikmenn sem
eru á leiðinni út, heldur líka þrír
þjálfarar. Þeir eru Aron Kristj-
ánsson sem tekur við Hannover í
Þýskalandi, Gunnar Magnússon
sem fer til Kristiansund í Nor-
egi og Patrekur Jóhannesson sem
tekur við Eisenach.
Viðmælendur Fréttablaðsins
voru margir sammála um að deild-
in yrði alls ekki jafn sterk eftir að
hafa misst svo marga leikmenn.
Þeir bentu þó á að þetta væri gott
tækifæri fyrir yngri leikmenn til
að koma upp.
Allir voru sammála um að þetta
sýndi ágæti íslensks handbolta.
Sebastian Alexandersson, þjálfari
Selfoss, sagðist síðast á fimmtu-
daginn hafa fengið símtal frá þjálf-
ara í Frakklandi sem vantaði örv-
hentan hornamann.
„Þetta skiptir svo miklu máli
hvað þú ætlar þér að gera. Ef þú
ert ekkert endilega að stefna á A-
landsliðið og ert búinn að gefa það
upp á bátinn eru margir möguleik-
ar í stöðunni, neðri deildir í Evr-
ópu eins og í Frakklandi eða deild-
irnar í Austurríki eða Sviss. Þar
geta verið miklir peningar í boði
en að sama skapi er deildin ekkert
sérstaklega sterk, þannig lagað.
Ekki endilega mikið sterkari en
N1-deildin,“ segir Sebastian.
„Umboðsmaðurinn í Frakk-
landi gat boðið leikmanni 2000
evrur eftir skatta [um 315 þús-
und íslenskar krónur á gengi gær-
dagsins] auk frírrar íbúðar og bíls.
Þetta er svona b-stigs atvinnu-
mennska.“
Fjöldi íslenskra leikmanna yfir-
gefur landið eftir hvert tímabil en
styrkur þeirra hefur líklega sjald-
an verið meiri. Í það minnsta þrír
fyrrverandi atvinnumenn koma þó
heim. Logi Geirsson mun spila með
FH, Jóhann Gunnar Einarsson fer
aftur til Fram og Ólafur Bjarki
Ragnarsson fer til HK eftir dvöl
í Þýskalandi.
hjalti@frettabladid.is
Þeir bestu yfirgefa Ísland
Íslenskir handboltamenn yfirgefa landsteinana til að reyna fyrir sér erlendis.
Sumir eru komnir með samning, aðrir leita enn að félagi. Mikil eftirsjá verður
að mörgum bestu leikmönnum deildarinnar, sem og þremur góðum þjálfurum.
Leikmenn úr N1-deildinni sem eru á leiðinni út:
Haukar:
Sigurbergur Sveinsson (Dormagen í Þýskalandi): Einn besti leikmaður liðsins,
markahæstur á síðasta tímabili. Valinn í lið ársins. Hefur spilað 23 landsleiki og er í
leikmannahópnum sem mætir Dönum í næstu viku.
Pétur Pálsson (Danmörk): Mun flytja til Árósa í Danmörku. Er að leita sér að félagi.
Spilaði stóra rullu á línunni hjá Haukum á síðasta tímabili. Var valinn í lið ársins.
Elías Már Halldórsson (Haugasund í Noregi): Spilaði alla leiki með Haukum á
síðasta tímabili og var lykilmaður í liðinu.
Valur:
Fannar Þór Friðgeirsson (Emsdetten í Þýskaland): Einn besti leikmaður Vals, hefur
spilað þrjá A-landsleiki.
Arnór Þór Gunnarsson (Bittenfeld í Þýskalandi): Lang markahæsti leikmaður Vals
á síðasta tímabili, og jafnbesti maður tímabilsins. Valinn í lið ársins, er í landsliðshópn-
um sem mætir Dönum í næstu viku. Hefur spilað sex A-landsleiki.
Ingvar Árnason (Stavanger í Noregi): Spilaði alla leiki Vals á síðasta tímabili. Sterkur
leikmaður sem stóð sig vel. Hefur spilað tvo A-landsleiki.
Gunnar Harðarson (Óvíst): Gæti verið á leiðinni í nám til Norðurlandanna og spilar
þá hugsanlega handbolta samhliða því.
Akureyri:
Andri Snær Stefánsson (Danmörk): Fer til reynslu hjá Århus GF í júlí og reynir að fá
samning þar. Mun flytja til Árósa og finna sér annað lið ef það gengur ekki.
Jónatan Magnússon (Kristiansund í Noregi): Fyrirliði Akureyrarliðsins, leiðtogi
innan sem utan vallar. Einn mikilvægasti leikmaður félagsins.
Árni Þór Sigtryggsson (Dormagen í Þýskalandi): Örvhent skytta sem var næst-
markahæstur hjá Akureyri á síðasta tímabili. Hefur spilað fjóra A-landsleiki.
HK:
Valdimar Fannar Þórsson (Óvíst): Er á reynslu hjá Viborg í Danmörku og undir
smásjá marga félaga. Mun að öllum líkindum spila úti á næsta tímabili. Valinn besti
sóknarmaður N1-deildarinnar, fékk Valdimarsbikarinn, var valinn handboltamaður
ársins og í lið ársins. Hefur spilað sex A-landsleiki.
Ólafur Víðir Ólafsson (Haugasund í Noregi): Mun væntanlega semja við félagið,
ásamt vini sínum Elíasi Má úr Haukum. Hefur spilað tvo A-landsleiki.
Stjarnan:
Sverrir Eyjólfsson (Eisenach í Þýskalandi?): Fer í æfingabúðir
hjá Eisenach og eftir þær kemur í ljós hvort hann semur við
félagið eða ekki.
Afturelding:
Bjarni Aron Þórðarson (Dusseldorf í Þýskalandi?): Var til
reynslu hjá félaginu í vikunni, óljóst hvort hann fái samning.
Markahæsti leikmaður Aftureldingar.
FH:
Bjarni Fritzson (Óvíst): Er að leita sér að félagi úti og sagði við
Fréttablaðið í vikunni að hann ætlaði að nota júnímánuð í það.
Markahæsti leikmaður N1-deildarinnar á síðasta tímabili, valinn í
lið ársins, hefur spilað 39 landsleiki.
Jón Heiðar Gunnarsson (d’Aix Handball í Frakklandi): Línu-
maðurinn sterki var lykilmaður hjá FH.
* Ólafur Guðmundsson (AG í Danmörku): Hefur samið við AG en
verður lánaður til FH á næsta tímabili og spilar því heima.
Enginn er á leiðinni út frá Fram, Gróttu eða Selfossi.
Hreiðar Levý Guðmundsson spilar í dag með Emsdetten gegn Berg-
ischer um sæti í úrslitarimmu við Dormagen um laust sæti í þýsku
úrvalsdeildinni í handbolta á næsta tímabili. Emsdetten vann fyrri
leikinn 33-27 og er því í vænlegri stöðu.
„Við vorum komnir níu mörkum yfir þegar það
voru sex mínútur eftir, þetta hefði því getað verið
betra en var nokkuð gott,“ sagði Hreiðar Levý Guð-
mundsson markmaður Emsdetten. Patrekur Jóhann-
esson tekur við liðinu í sumar og Fannar Þór Friðgeirs-
son gengur í raðir þess á sama tíma.
„Það er fínasta sjálfstraust í liðinu fyrir leikinn. Fyrir mína
parta vil ég bara fara í leikinn og vinna hann, við viljum ekki
halda neinu forskoti eða neitt slíkt. Liðið er líka búið að vinna
18 af síðustu 20 leikjum og við viljum ekki tapa neinu þar,“
sagði Hreiðar sem segir fyrri leikinn hafa verið einn þann allra
skemmtilegasta sem hann hefur spilað með félagsliði.
„Það voru um 4.000 manns í húsinu. Það var bara trufluð
stemning, algjörlega trufluð. Áhorfendur eru nálægt vellinum og
líklega kemst úrslitaleikurinn í Svíþjóð sem ég spilaði næst þessu, en
við töpuðum þar svo þetta var kannski skemmtilegra.”
„Við höfum verið að berjast fyrir þessu allan veturinn og þetta er
besti árangur félagsins í sögunni. Það hefur verið
í einhver 20 ár í þessari deild held ég. Við erum
líka nettar hetjur hérna í bænum,“ sagði Hreiðar
hress.
Tímabilið hefur verið langt og strangt hjá lands-
liðsmanninum en hann segist fá aukakraft í útihlaup-
unum þegar hann sér fyrir endann á tímabilinu. Fram
undan eru jú mikilvægustu leikir tímabilsins.
„Ég spila seinni leikinn, svo kem ég heim á sunnudaginn
og spila leikina tvo gegn Dönum í næstu viku og fer svo von-
andi strax aftur út til að spila við Dormagen á sunnudaginn,“
sagði Hreiðar sem segir að þetta sé ekkert of mikið fyrir sig,
enda í besta formi.
HREIÐAR LEVÝ GUÐMUNDSSON: SPILAR ÚRSLITALEIK MEÐ EMSDETTEN Í DAG
Erum orðnir að nettum hetjum í bænum
Robert Prosinecki er eini leikmaðurinn í sögu HM sem
hefur náð því að skora fyrir tvær þjóðir í úrslitakeppninni.
Prosinecki skoraði á 90. mínútu í 4-1 sigri
Júgóslavíu á Sameinuðu arabísku fursta-
dæmunum á HM 1990 og skoraði síðan
fyrir Króata í 3-1 sigri á Jamaíku á HM
1998. Þetta met mun aldrei verða slegið
því FIFA hefur nú lokað á þann
möguleika að leikmaður geti
spilað fyrir tvær þjóðir.
TVEIR STERKIR Á ÚTLEIÐ Sigurbergur Sveinsson og Fannar Þór, tveir af bestu leik-
mönnum deildarinnar, yfirgefa Ísland í sumar. FRÉTTABLAÐIÐ/VILHELM
Rockwood Premier 2317G 12 fet.
Verð: 2.998.000kr Verð: 2.798.000kr
Rockwood 191XR OFF ROAD 10 fet.
Verð: 2.698.000kr
Rockwood Premier 1904 10 fet.
Ríkulegur staðalbúnaður í Rockwood fellihýsum
Opnunartími:
Mán - Föst. kl: 10-18
Laug - Sun. kl: 12-16
• Galvaníseruð grind
• Evrópskar þrýstibremsur
• Upphitaðar 12 cm springdýnur
• Tjakkar með sandskeifum á öllum
hornum
• Góð fjöðrun, fjaðrir sem henta vel á
íslenskum vegum
• Útdraganleg trappa við inngang
• Breitt nefhjól (uppblásið gúmmídekk)
• Handbremsa og varadekk m/hlíf
• 50 mm kúlutengi
• 220v tengill (blár skv. reglugerð)
• Útvarp með geislaspilara,
hátalarar inni og úti
• Radial dekk / 13” álfelgur
• Vatnsh. öndunardúkur í svefnrými
• Dometic kæliskápur XL 2,5 cubic
• SMEV ryðfrí gaseldavél m/rafstarti
• 2 gaskútar
• Gasviðvörunarkerfi
• Öflug Truma combi 4 miðstöð
m/heitu vatni
• Stór loftlúga m/þriggja hraða viftu
• Skyggni (markísa)
• Skyggðir gluggar
• Flugnanet f. gluggum og hurð
• Gardínur f. gluggum og svefnrými
• 2ja feta geymsluhólf
• Stórt farangurshólf
• Voldugir öryggisarmar fyrir þak
og tjald
• 3 x 12 volta loftljós og 1 x útiljós
• 1 x færanlegt lesljós með viftu
• 110 amp rafgeymir
• Heitt og kalt vatn, tengt
• Rafmagnsvatnsdæla
• 86 lítra vatnstankur
• Klósett með hengi
Fossháls 5-7
110 Reykjavík
Sími 551 5600
Fax 551 5601
utilegumadurinn.is
Rockwood fellihýsi fyrir Íslenskar aðstæður
Torfæru útgáfan frá Rockwood fyrir þá sem
vilja komast lengra.
m/ útdraganlegri hlið.
• upphækkað á 15” dekkjum
• sér styrkt grind og sterkari hjólabúnaður.