Fréttablaðið - 10.06.2010, Side 30

B æ j a r h r a u n i 4 • H a f n a r f i r ð i • S : 5 5 5 - 4 8 8 5
AL-AMIR
RESTAURANT
TILBOÐ 1
hvítlauksmarineraður humar, salatblanda,
hvítlauksristaðir tómatar, shiraz salat
og lárperumauk
Þurfum við að segja meira?!?
Veitingastaðurinn Faktorshúsið
í Hæstakaupstað á Ísafirði hefur
verið opnaður eftir langan dvala.
Faktorshúsið verður opið frá
klukkan 11.30 á morgnana til
23.00 á kvöldin. Þar er hægt að fá
sér súpu dagsins sem er elduð frá
grunni eða velja sér smárétti af
matseðli. Einnig eru ísréttir, kaffi
og meðlæti í boði. Eftir klukkan
18 tekur við kvöldverðarmatseðill
sem inniheldur meðal annars vest-
firskan fisk.
„Hér eru þrír kokkar til skipt-
is og einn þeirra franskur. Elda-
mennskan ber keim af því. Við
erum með hangikjöt, plokkfisk
og fleira íslenskt góðmeti en líka
íslenskt hráefni eldað með frönsk-
um hætti,“ segir vertinn Arndís
Dögg Jónsdóttir og er bjartsýn á
reksturinn.
Faktorshúsið er með elstu bygg-
ingum á landinu, það var reist árið
1788 af Björgvinjarkaupmönnum.
- gun
Íslenskt og franskt
Hangikjöt er framreitt með hefðbundn-
um hætti í Faktorshúsinu í Hæstakaup-
stað. FRÉTTABLAÐIÐ/VÖLDUNDUR
Í matjurtagörðum má nú sjá full-
sprottinn rabarbara sem bíður
þess að vera nýttur til matar-
gerðar. Rabarbari er af súruætt,
eins og hundasúra og túnsúra, og
stöngullinn rauðleitur, stökkur og
getur orðið jafn gildur og barns-
handleggur. Blaðið upp af stilkn-
um er mikið um sig og minnir á
grófgerða blöðku.
Stilkur rabarbarans er vin-
sæll til sultugerðar, í rabarbara-
bökur, rabarbaragrauta og súpur
og einnig til saft- og víngerðar.
Neðsti hlutinn er hvítur og oft
soðinn niður, en sá hluti rabar-
barans nefnist rabarbarapera
vegna sköpulags síns sem minnir
á flysjaða peru.
Í stilk rabarbarans er talsvert
magn oxalsýru sem gerir hann
súran, en í miklum styrk getur
oxalsýra haft óæskileg áhrif á
nýrnastarfsemi og því ætti ekki
að neyta hans í of miklum mæli,
auk þess sem mikil neysla rabar-
bara getur einnig eytt glerungi
tanna.
Því er um að gera að njóta hans
í hófi og gera sér glaðan dag úr
dásemdum hans í matargerð.
Ný rabarbarasulta
Nú er rétti tíminn til að taka upp rabarbarann í garðinum og útbúa
dýrindis rabarbarasultu og gómsætar rabarbarakökur eða eftirrétti.
Rabarbari er hollt og gott sælgæti sem gaman er að gera tilraunir með.
NORDICPHOTOS/GETTY
Margar íslenskar jurtir má nota
í te eða aðra matreiðslu og hæg
heimatökin að tína knippi í
bolla.
Ljónslappa er gott að nota í te en
hann er talinn hafa, styrkjandi og
græðandi áhrif. Ljónslappate er
gjarnan drukkið við hálsbólgu og
hæsi og eins er jurtin sögð hafa
róandi áhrif á meltinguna.
Ljónslappann skal tína í blóma
eða rétt eftir blómgun, í júní og
júlí. Hann er að finna um allt land
á melum og í skriðum. Best er að
tína jurtir í þurrki fyrrihluta dags
og tína ekki í vegköntum þar sem
vegaryk og útblástur bíla geta
mengað plöntuna. Ljónslappann
skal skera rétt fyrir ofan rót og
þurrka strax. - rat
Ljónslappi
í tebollann
Ljónslappa má fara að tína í júní og júlí.
Rabarbarasulta er ljúffeng sem
meðlæti með kjöti, dásamleg
ofan á ristað brauð með smjöri
og lostæti í kökum, eins og
hjónabandssælu, og ofan á
vöfflur með rjóma.
1 kg rabarbari, hreinsaður og skorinn
í litla bita
800 g sykur
Setjið rabarbara í pott með sykri
og kveikið undir. Hitið rólega og
látið malla við vægan hita þar
til rabarbarinn er allur kominn í
mauk og maukið farið að þykkna.
Hrærið reglulega í pottinum,
einkum
þegar líður á
suðutímann.
Setjið sultuna í
heitar, dauð-
hreinsaðar
krukkur og
lokið vel.
RABARBARASULTA
GRÆNMETI OG ÁVEXTIR geta dregið úr líkunum á ýmsum langvinnum
sjúkdómum, þar á meðal hjarta- og æðasjúkdómum, sykursýki af gerð tvö og
offitu. Segja mætti að neysla ávaxta og grænmetis vinni óbeint gegn krabbameini.