Fréttablaðið - 19.06.2010, Blaðsíða 47
LAUGARDAGUR 19. júní 2010 5
Stál og stuð
Marel óskar eftir
málmiðnaðarmönnum og rafvirkjum
Við leitum að áhugasömum og hæfileikaríkum iðnaðarmönnum.
Veitum góða starfsþjálfun og vekjum athygli á að störfin henta jafnt konum sem körlum.
Rafvirkjar
Rafvirkjar sinna fjölbreytilegum og krefjandi
verkefnum við frágang rafbúnaðar fyrir
framleiðsluvörur Marel. Þeir sjá einnig um
stillingu og prófun tækja og búnaðar.
Málmiðnaðarmenn
Málmiðnaðarmenn vinna við smíði úr ryðfríu
stáli, samsetningu og frágang tækja og búnaðar.
Við leitum að áhugasömum og hæfileikaríkum
málmiðnaðarmönnum og veitum þjálfun í smíði
samkvæmt gæðakröfum Marel.
Við bjóðum upp á snyrtilegt og öruggt vinnu-
umhverfi, gott mötuneyti og barnaherbergi.
Verkefnin eru fjölbreytt, vinnutíminn sveigjanlegur
og sjálfstæð vinnubrögð í fyrirrúmi. Félagslíf er virkt,
þökk sé öflugu starfsmannafélagi. Starfsmenn hafa
aðgang að þremur sumarhúsum og mjög góðri
íþróttaaðstöðu, þ.á.m. tveimur íþróttasölum,
tækjasal, Boot Camp og öðrum æfingahópum.
Hvað segir starfsfólkið?
„Okkur er treyst til að gera hlutina”
„Þú færð ekki betri vinnuaðstöðu”
„Ég nota íþróttaaðstöðuna mikið”
„Góður starfsandi og góðir vinnufélagar”
Í framleiðslu Marel hf. er unnið í sellum eða litlum,
sjálfstæðum liðum. Sellan er samábyrg fyrir því
að uppfylla kröfur og væntingar viðskiptavina
um gæði vöru, pökkun og útskipun búnaðar á
afhendingardegi. Í sellunni er lögð áhersla á að
fólk fái að vinna sjálfstætt og að því sé treyst fyrir
sínu vinnusviði. Góð samvinna og liðsandi skiptir
jafnframt miklu máli.
Vinsamlegast sækið um á heimasíðu Marel:
www.marel.com/jobs
Umsóknarfrestur er til 29. júní nk.
Nánari upplýsingar um störfin veita
Axel Jóhannsson, axel.johannsson@marel.com og
Björn Pálsson, bjorn.palsson@marel.com
www.marel.com