Fréttablaðið - 19.06.2010, Blaðsíða 34
34 19. júní 2010 LAUGARDAGUR
MARGT UM AÐ VERA Dagskrá Lykkja er stútfull af skemmtilegum viðburðum. Hér prjóna þær Gréta Sörenssen og
Tinna Þórudóttir Þorvaldsson námskeiði Pickles, en annað námskeið á þeirra vegum verður á sunnudag.
STJÓRNANDINN Ilmur umföðmuð af
verki Isabel Berglund, „Borg lykkjanna”.
HUGMYNDASMIÐUR LYKKJA Ilmur Dögg Gísladóttir á sjálf í ástarsambandi við prjónaskap. Sýningin Lykkjur, sem nú stendur yfir í Norræna húsinu, er jafnframt lokaverkefni hennar í hagnýtri menningarmiðlun við HÍ.
Hér stendur hún fyrir framan verkið „Teppi úr teppum” eftir Söruh Applebaum, eina af þeim mörgu erlendu listamönnum sem hér eru staddir vegna sýningarinnar.
KNÚTUR Þessi ísbjörn, sem heitir Knútur, er ættaður
úr hugarfylgsnum listakonunnar Patriciu Waller.
P
rjónahátíðin Lykkjur, sem nú stendur yfir í Nor-
ræna húsinu, er í reynd lokaverkefni listræns
stjórnanda og verkefnastjóra sýningarinn-
ar, Ilmar Daggar Gísladóttur, sem jafnframt
er starfsmaður Norræna hússins. „Ég er að
útskrifast úr hagnýtri menningarmiðlun
við Háskóla Íslands og lokaverkefnið mitt
var að búa til þennan viðburð. Ég valdi alla listamennina
sem að hátíðinni koma sjálf og setti sýninguna saman, með
dyggri hjálp frá Norræna húsinu að sjálfsögðu. Ég hef verið
að vinna að þessu í marga mánuði, eða frá því í nóvember.
Þetta hefur verið mikil vinna en ég er ótrúlega ánægð með
útkomuna.“
Rétt eins og aðrir íslenskir krakkar lærði Ilmur að
prjóna í barnaskóla, hélt svo áhuganum gangandi og var
mikið í því að prjóna óformlegar flíkur í menntaskóla,
þar sem hún studdist helst aldrei við uppskriftir. Síðar
meir fékk hún svo leið á prjóni og lagði það á hilluna.
Þegar prjónið fór að taka á sig nýjar myndir, í takti
við uppgang internetsins, féll Ilmur kylliflöt fyrir því
aftur. „Þegar ég kynntist nýbylgjuprjóni, prjónagraff-
iti og prjónaviðburðum fann ég mig aftur í prjón-
inu. Svo hef ég alltaf haft gaman af því að skapa
stemningu, fá fólk með í að búa til eitthvað innan
skemmtilegrar umgjarðar. Ég notaði þennan áhuga
í að setja þessa sýningu saman.“
Ilmur lítur á prjónaskap sem list og eflaust fá
fleiri þá tilfinningu, eftir að hafa heimsótt sýning-
una í Norræna húsinu og séð hversu fjölbreytileg
hún er. „Þegar maður segir prjónasýning hugs-
ar fólk um sokka og peysur. En prjónaskapur
getur líka verið miðill til listrænnar tjáning-
ar, alveg eins og listamenn nota leir eða tré,“
segir Ilmur.
Fjölmargir listamenn, íslenskir og erlendir,
koma að listahátíðinni Lykkjum. Meðal þeirra
eru meðal annars margir af fremst prjóna-
hönnuðum Norðurlandanna. Fyrir utan
sýninguna í Norræna húsinu, sem teygir
sig um alla ranghala hússins, er marga
viðburði að finna í tengslum við hátíð-
ina allt til loka hennar þann 4. júlí.
Nýbylgja í
prjónaskap
Nú stendur yfir í Norræna húsinu prjónalistahátíðin
Lykkjur, sem varpar fersku ljósi á þá vanmetnu list-
grein að prjóna. Hólmfríður Helga Sigurðardótt-
ir lét heillast af dýrðinni og spjallaði í leiðinni
við listrænan stjórnanda hátíðarinnar, Ilmi
Dögg Gísladóttur.