Fréttablaðið - 19.06.2010, Blaðsíða 10

10 19. júní 2010 LAUGARDAGUR
SAMFÉLAGSMÁL Leigusamningur
TF-EIR sem er ein þriggja þyrlna
Landhelgisgæslunnar, rennur út
um mánaðamótin og verður ekki
endurnýjaður. Í kjölfarið mun
Landhelgisgæslan aðeins hafa
tvær þyrlur á sínum snærum.
„Þetta tekur mið af því að við
erum með þrjár þyrlur og ein
þeirra er lítil. Í stöðunni eins og
hún er núna munum við láta þessa
þyrlu fara. Það hefur verið unnið
að því á undanförnum mánuðum
að klára skoðanir á hinum tveimur
þyrlunum, stóru vélunum, þannig
að þær eiga báðar að vera til reiðu
í sumar,“ sagði Georg Lárusson,
forstjóri Landhelgisgæslunnar,
og bætti því við að stefnt væri að
því að leigja aðra stóra þyrlu þegar
líða fer á veturinn.
„Við erum betur sett til að láta
vélina fara en við vorum í vetur,
viðhaldslega séð, og teljum að hún
sé óhagkvæm þar sem hún er dýr
í rekstri og afkastalítil miðað við
það sem þyrfti að vera. Í staðinn
ætlum við því að safna peningum
til að koma okkur upp betri vél
þegar meira reynir á,“ sagði Georg
enn fremur.
Vonir standa til að þetta komi
lítið niður á störfum Landhelgis-
gæslunnar þar sem unnið hefur
verið að endurskipulagningu og
viðhald verið klárað á hinum
þyrlunum.
Spurður hvort tvær vélar nægðu
sagði Georg: „Auðvitað vildum við
helst hafa hér fjórar vélar eins og
talin er þörf á en nú árar illa svo
þetta er það skásta sem við teljum
okkur geta gert.“
Starfsemi Landhelgisgæslunnar
hefur að sögn Georgs verið skor-
in niður um 40 til 45 prósent frá
Landhelgisgæslan
fækkar þyrlum
Ákveðið hefur verið að endurnýja ekki leigusamning einnar af þremur þyrlum
Landhelgisgæslunnar. Leigusamningur TF-EIR rennur út um mánaðamótin.
Stefnt er að því að leigja aðra stærri þyrlu þegar líða fer á næsta vetur.
TF-EIR Þyrlan hefur verið í notkun hjá Landhelgisgæslunni frá ársbyrjun 2007.
Landhelgisgæslan á von á nýju varðskipi, V/S Þór, en það hefur verið í
smíðum í skipasmíðastöð í Chile frá því í október 2007. Upphaflegar áætlan-
ir gerðu ráð fyrir að skipið yrði afhent fyrri hluta ársins í ár en jarðskjálftinn
sem varð í Chile í febrúar setti strik í reikninginn. Þegar jarðskjálftinn reið
yfir voru tveir mánuðir í afhendingu og skipið 96 prósent tilbúið en flóð-
bylgja sem varð í kjölfar skjálftans komst ofan á skipið og flæddi sjór í vélar-
rúmið og olli skemmdum á vélinni. Nú liggur fyrir að þetta mun valda allt að
tólf mánaða seinkun á framkvæmdinni en Landhelgisgæslan mun ekki bera
fjárhagslegan skaða af því. Búist er við afhendingu fyrri hluta árs 2011.
Seinkar um allt að tólf mánuði
DALVÍK J-listinn í Dalvíkurbyggð er ekki lengur með
hreinan meirihluta í bæjarstjórn eftir að kjörnefnd
úrskurðaði að átta vafaatkvæði sem nefndin hafði
áður úrskurðað ógild séu nú gild.
Eftir kosningarnar í lok maí fékk J-listinn fjóra
menn kjörna. A, B- og D-listi fengu einn mann
hver listi. Því var J-listinn með hreinan meirihluta.
Nú hafa átta atkvæði sem áður voru dæmd ógild
verið dæmd gild svo Framsókn fær fjórða mann-
inn af lista J-listans. Eftir kosningarnar kærðu
framsóknarmenn niðurstöður talningar atkvæða til
sýslumannsins á Akureyri og fóru fram á að þessi
átta atkvæði skyldu dæmd gild. Kjörnefnd féllst
á sjónarmið framsóknarmanna en dómurinn var
kveðinn upp í morgun.
Ásgeir Páll Matthíasson, umboðsmaður J-listans á
Dalvík, segir í samtali við Vísir.is að málið sé mikið
áfall fyrir listann. „Það hlýtur að vera er það ekki?
Þetta er verulega óþægileg staða,“ segir Ásgeir og
segir jafnframt að niðurstaðan komi á óvart.
Niðurstöðu kjörnefndar er hægt að skjóta til
dómsmála- og mannréttindaráðuneytisins og hefur
J-listinn eina viku til að gera það.
Ásgeir Páll Matthíasson segir að ekki sé búið að
ákveða hvort listinn ætli með málið lengra. „Það
verður gert eins fljótt og auðið er. Það á bara eftir
að kryfja þennan úrskurð til mergjar og sjá hvort
það sé einhver ástæða til að halda áfram.“ -bl
Kjörnefnd úrskurðar að átta vafaatkvæði sem áður voru ógild séu nú gild:
Vafaatkvæði felldu J-listann
FRÁ DALVÍK J-listinn í Dalvíkurbyggð hefur ekki lengur hreinan
meirihluta í bæjarstjórn eftir úrskurð kjörnefndar.
FRÉTTABLAÐIÐ/KRISTJÁN
Nýr lögreglubíll á Eskifirði
Nýr lögreglubíll hefur verið tekinn
í umferð á Eskifirði. Bíllinn er af
tegundinni Skoda Scout, disel, 4x4. Í
bílnum er hefðbundinn og fullkom-
inn búnaður til umferðareftirlits, svo
sem Golden Eagle radar, Eyewitness
mynd- og hljóðupptökutæki, Vhf
talstöðvar, ferilvöktunar- og staðsetn-
ingartæki, að því er fram kemur á vef
Ríkislögreglustjóra.
LÖGREGLUMÁL
REYKJAVÍK Alþjóðadagur flótta-
manna verður haldinn hátíðlegur
á Ingólfstorgi á morgun. Rauði
krossinn, Mannréttindastofa og
Alþjóðahús efna til hátíðarinnar
sem verður frá klukkan 13 til 15.
Yfirskrift alþjóðadags flótta-
fólks árið 2010 er „Heimili“. Er
með því verið að vísa til þess að
í heiminum eru ríflega 40 millj-
ónir karla, kvenna og barna sem
hafa neyðst til að yfirgefa heim-
ili sín sökum átaka, ofbeldis eða
annarra hamfara.
Boðið verður upp á dans, tón-
list, kaffi og léttar veitingar og
um leið verður athygli vakin á
málefnum flóttafólks í heiminum.
- sv
Alþjóðadagur flóttamanna:
Fjörutíu millj-
ónir hafa misst
heimili sín
FLÓTTAMENN Yfirskrift flóttamannadags-
ins á morgun er „Heimili”.
HEILBRIGÐISMÁL Heildarkostnað-
ur heilbrigðisþjónustunnar vegna
eldgossins í Eyjafjallajökli hefur
verið metinn 41,5 milljónir króna.
Kostnaðurinn hefur að mestu fall-
ið á Heilbrigðisstofnun Suðurlands
(HSu) en áætlað er að alls muni
gosið kosta HSu 32,8 milljónir.
Stærstur hluti kostnaðarins er
launakostnaður starfsmanna sem
HSu hefur þurft að ráða til að
bregðast við gosinu en HSu réð
þrjá starfsmenn til níu mánaða.
Er þar um að ræða einn lækni,
einn hjúkrunarfræðing og einn
sálfræðing. Að auki vegur kostn-
aður vegna aksturs, vinnuaðstöðu
og búnaðar nýrra starfsmanna
þungt.
HSu gerir ráð fyrir að á næstu
mánuðum verði áfram þörf fyrir
þjónustu við áfallahjálp.
Landspítalinn hefur að beiðni
sóttvarnalæknis sett á fót sérstakt
rannsóknarteymi vegna öndunar-
færa- og bólgusjúkdóma af völd-
um gosefna hjá þeim sem eru með
einkenni um sjúkdóm eða eru með
undirliggjandi hjarta- og lungna-
sjúkdóma. Kostnaður vegna þess-
ara rannsókna er talinn nema 2,6
milljónum króna. - mþl
Eldgosið í Eyjafjallajökli hefur kostað heilbrigðisþjónustuna rúmar fjörutíu milljónir króna:
Aukið álag á heilbrigðisstofnanir vegna eldgossins
Skipað í ráð og nefndir
Eirný Valsdóttir verður bæjarstjóri í
Vogum á Vatnsleysuströnd en þetta
var samþykkt á bæjarstjórnafundi í
vikunni. Þá verður Inga Sigrún Atla-
dóttir, oddviti H-lista, forseti bæjar-
stjórnar, og Hörður Harðarson E-lista,
formaður bæjarráðs.
VOGAR
KNÚTUR MATAST Ísbjörninn Knútur,
sem frægur varð fyrir krúttlegheit á
fyrsta ári tilveru sinnar í dýragarðinum
í Berlín, virðist þarna harla ánægður
með fisk í kjafti. NORDICPHOTOS/AFP
SUÐURNES Alls voru framin 64
hegningarlagabrot í umdæmi lög-
reglunnar á Suðurnesjum í síðasta
mánuði, að því er fram kemur á
vef Víkurfrétta.
Það er nokkur fækkun brota
samanborið við maí 2009 þegar
þau voru 82 talsins.
Umferðarlagabrotum fækkaði
einnig milli ára í maí, voru 244 nú
samanborið við 341 brot í fyrra.
Fíkniefnamálum fjölgaði hins
vegar úr sex í níu. - kh
Lögreglan á Suðurnesjum:
64 brot komu til
kasta lögreglu
FR
ÉTTA
B
LA
Ð
IÐ
/VILH
ELM
EYJAFJALLAJÖKULL
Eldgosið í Eyja-
fjallajökli hefur
valdið Íslend-
ingum ýmsum
vandræðum.
árinu 2008. Gengi íslensku krón-
unnar hefur þar haft mikil áhrif
en starfsemi stofnunarinnar er
mjög háð breytingum í gengi henn-
ar. Stafar það af því að tæki eru
leigð frá útlöndum og bæði olía og
varahlutir koma að utan líka en
þessir útgjaldaliðir skipta Land-
helgisgæsluna miklu.
magnusl@frettabladid.is