Fréttablaðið - 19.06.2010, Blaðsíða 30

30 19. júní 2010 LAUGARDAGUR
Engin þörf á niðurrifi
Í bók Snorra, 101 tækifæri, segir meðal annars
frá hugmyndum Torfusamtakanna um að húsin
innan gömlu Hringbrautar verði vernduð sérstak-
lega. Samtökin eru þó ekki andsnúin nýbygging-
um í 101. En þær eiga að vera í takt við það sem
fyrir er.
„Þetta þarf ekki að fara gegn nútíma-arkitekt-
úr,“ segir Snorri og bendir á Hæstarétt og Þing-
skálann sem velheppnuð dæmi þar sem saman
fari nýsköpun og virðing fyrir því sem fyrir er.
Gildandi áform borgarinnar gera ráð fyrir
13.000 fermetra niðurrifi í gamla bænum. Snorri
bendir á að um leið séu ónýttir reitir víða. Lóð-
irnar í kringum Héðinshúsið, Slippsvæðið, Lands-
bankareiturinn við Lækjargötu og margar fleiri.
„Ég held að autt byggingarland í borginni slagi
upp í bróðurhluta Kvosarinnar. Það er alls engin
þörf á niðurrifi.“ Um hvers vegna Reykvíking-
ar séu svo gjarnir á að rífa það sem fyrir stend-
ur, segist Snorri telja að þetta sé ákveðin gerð
af þjóðernishyggju. „Við viljum tala um London,
New York og Reykjavík í einu, en raunveruleikinn
staðsetur okkur við hlið Kúlúsúkk á Grænlandi og
Þórshafnar í Færeyjum.“ Þrátt fyrir að í Færeyj-
um sé einnig mikil þjóðernishyggja, var í Þórs-
höfn ákveðið að verja allan gamla bæinn, strax á
sjöunda áratugnum.
„Afleiðingin af þessu var til dæmis að eitt árið
var Ísland fært niður á lista National Geographic
yfir áhugaverða staði til að heimsækja, en Færeyj-
ar upp. Vegna gömlu húsanna,“ segir Snorri.
Ný hugsun
Margt hafi þó breyst á Íslandi. Til merkis um það
megi nefna að stjórnvöld vinni að því að koma
íslenska torfbænum á heimsminjaskrá UNES-
CO.
„Í framhaldi af því mætti líka huga að íslenska
steinbænum. Þetta eru iðnaðarmannahús sem
voru reist af smiðunum sem byggðu Alþingishús-
ið. Ef við tölum um sérstöðu þá er ekkert sem er
jafn einstakt fyrir Reykjavík og þau. Samt stend-
ur til að rífa þannig hús niðri í Skuggahverfi.“
Upp undir eitt hundrað hús, byggð fyrir 1918,
má rífa samkvæmt deiliskipulaginu, sem unnið
var upp úr 2002, í valdatíð R-listans. „Þetta er
FRAMHALD AF SÍÐU 28
Formaður Torfusamtakanna bendir á að ýmsir reitir í 101
leyni á sér. Á Hljómalindarreitnum, þar sem átti í góð-
ærinu að reisa mikla nýbyggingu, sé gamla hestaréttin,
þar sem menn í verslunarleiðangri í kaupstaðnum skildu
hestana eftir og gengu svo upp Laugaveginn. Danir og
einokunarkaupmenn hafi átt allan miðbæinn upp að
Hljómalind. Laugavegur sé því hluti af sögu sjálfstæðisbar-
áttunnar. Síðar hafi ferðamenn keppst um að heimsækja
Sirkus, vegna tengingar við íslenska poppmenningu. „Þetta
hús var orðið eins og Litla hafmeyjan í Kaupmannahöfn.
Ég er viss um að ef þú spyrðir danska myndlistarmenn
hvað væri merkast í Kaupmannahöfn myndi enginn þeirra
nefna Hafmeyjuna.“
Ég held að
autt bygg-
ingarland
í borginni
slagi upp í
bróðurhluta
Kvosarinnar.
Það er alls
engin þörf á
niðurrifi.
Reitir sem leyna á sér
Hafðu samband