Fréttablaðið - 12.08.2010, Blaðsíða 54

34 12. ágúst 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Jónsi úr Sigur Rós kemur fram á
bandarískri tónlistarhátíð til heið-
urs Robert Moog í lok október.
Moog fann upp samnefnda hljóð-
gervla sem hafa verið mikið notað-
ir af tónlistarfólki í gegnum tíðina.
Þessi árlega hátíð fer fram í fyrr-
um heimabæ Moog í Asheville í
Norður-Karólínu og nefnist einfald-
lega Moogfest. Auk Jónsa koma þar
fram þekktir flytjendur á borð við
Massive Attack, MGMT, Hot Chip,
Four Tet, Panda Bear og Thievery
Corporation.
Tónlistarmönnum sem eru þekkt-
ir fyrir að skapa einstakan hljóð-
heim og búa yfir mikilli sköpunar-
gáfu var boðið að spila á Moogfest.
Auk tónleikanna verða haldnir fyr-
irlestrar um Moog og kvikmyndir
sýndar, auk þess sem gestir fá sjálf-
ir að prófa Moog-hljóðfæri.
Hátíðin verður haldin á sama
tíma og hin vinsæla hrekkjavaka
fer fram í Bandaríkjunum en þrátt
fyrir það verður áherslan alfarið
á Moog og hans arfleifð. Robert
Moog, sem lést árið 2005, var
frumkvöðull í rafrænni tónlist.
Auk hljóðgervla bjó hann til önnur
hljóðfæri sem tónlistarmenn hafa
haft mikil not fyrir.
Jónsi er á tónleikaferð um
Norðurlönd þessa dagana. Í kvöld
spilar hann í Gautaborg, á sunnu-
daginn í Helsinki og á þriðjudag-
inn verður hann á tónleikastaðn-
um Vega í Kaupmannahöfn.
Jónsi spilar á Moogfest
JÓNSI Jón Þór Birgisson spilar á banda-
rískri tónlistarhátíð til heiðurs Robert
Moog. FRÉTTABLAÐIÐ/GVA
Ensku þungarokkararnir
í Iron Maiden eru hvergi
nærri hættir þrátt fyrir 35
ár í bransanum. Fimmtánda
hljóðversplatan, The Final
Frontier, er á leiðinni.
Fimmtánda hljóðversplata þunga-
rokkaranna í Iron Maiden, The
Final Frontier, kemur út á þriðju-
daginn. Þetta er fyrsta plata þess-
ara ensku rokkara í fjögur ár, eða
síðan A Matter of Life and Death
kom út. Aldrei hefur jafnlangur
tími liðið á milli hljóðsversplatna
Iron Maiden. The Final Frontier
er jafnframt lengsta platan í sögu
sveitarinnar, eða rúmar 76 mínút-
ur.
Iron Maiden er ein af vinsæl-
ustu þungarokkssveitum sögunn-
ar. Ferill hennar hófst árið 1975 og
síðan þá hefur hún selt um áttatíu
milljónir platna og spilað á yfir tvö
þúsund tónleikum, þar á meðal hér
á landi.
Fyrstu tuttugu árin var Iron
Maiden fimm manna band en árið
1999 bættist þriðji gítarleikarinn
í hópinn og þéttleikinn varð meiri
en nokkru sinni fyrr. Auk
Dickinsons skipa sveitina
þeir Steve Harris, Nicko
McBrain, Adrian Smith,
Dave Murray og Janick
Gers. Þeir eru allir komn-
ir á sextugsaldurinn en
virðast alls ekki á þeim
buxunum að slaka eitt-
hvað á í rokkinu.
Iron Maiden sló í gegn
með þriðju plötu sinni,
The Number of the Beast,
árið 1982, sem var sú
fyrsta með söngvarann
og flugmanninn Bruce Dickinson
um borð. Hljómsveitin var óstöðv-
andi á níunda áratugnum og gaf á
þeim tíma út sjö hljóðversplötur
og fór í jafnmargar tónleikaferðir
um heiminn. Nærvera skrímslisins
Eddie átti sinn þátt í vinsældunum,
enda var það á öllum plötuumslög-
um og stuttermabolum sveitarinn-
ar og var í bakgrunni á hverjum
einustu tónleikum. Leikarinn Guð-
mundur Ingi Þorvaldsson
berst einmitt við skrímslið
í nýju myndbandi sveitar-
innar við titillag plötunn-
ar, eins og komið hefur
fram. Þar eigast þeir við
úti í geimi í æsispennandi
bardaga um lykil sem
getur eytt mannkyninu,
hvorki meira né minna.
Iron Maiden hóf tón-
leikaferð sína um heim-
inn til að fylgja The Final
Frontier eftir þann 9. júní.
Sveitin spilaði í Bergen í
Noregi í gær og á laugardaginn
verður hún í Búdapest í Ungverja-
landi. Tónleikaferð um Ástralíu
hefst síðan í febrúar.
freyr@frettabladid.is
Á sextugsaldri með sína
fimmtándu hljóðversplötu
IRON MAIDEN Frá vinstri: Gítarleikarinn Adrian Smith, trommarinn Nicko McBrain, söngvarinn Bruce Dickinson og gítarleikarinn
Janick Gers. NORDICPHOTOS/GETTY
> Í SPILARANUM
Robyn - Body Talk, Pt. 2
Nóra - Er einhver að hlusta?
Ólöf Arnalds - Lög af Innundir skinni
ROBYN NÓRA
80
Þær milljónir
hljómplatna
sem Iron
Maiden hefur
selt á ferli
sínum.
Frakkinn Serge Gainsbourg var að margra mati einn af merkustu tón-
listarmönnum tuttugustu aldarinnar. Ferill hans spannaði rúma þrjá
áratugi og á þeim tíma samdi hann hundruð laga og texta og kom m.a.
við í frönskum sönglögum, djassi, poppi, sýrurokki, reggí, glysrokki,
diskói og fönki, auk þess sem hann samdi tónlist við nokkra tugi kvik-
mynda. Gainsbourg lést
úr hjartaáfalli 2. mars
1991, en lögin hans lifa
enn góðu lífi og tónlistin
hans virðist höfða sterkt
til nýrra kynslóða tón-
listarmanna. Á meðal
þeirra sem hafa tekið
lögin hans má nefna
Belle & Sebastian, Mike
Patton, Franz Ferdin-
and, Okkervil River og
Arcade Fire, svo við
nefnum aðeins örfáa og
hann hefur líka notið
vinsælda hjá íslenskum
tónlistarmönnum.
Fyrir nokkrum mán-
uðum var fyrsta leikna
kvikmyndin um ævi
Gainsbourg frumsýnd í
Frakklandi og í dag er
hún að koma út á DVD
hér á landi. Ævi Gains-
bourg var bæði viðburðarík og skrautleg. Hann gekk ítrekað fram af
samlöndum sínum, m.a. með hinu alræmda „stunulagi“ Je t‘aime moi
non plus sem hann gerði með Jane Birkin árið 1969 og sem seldist eins
og heitar lummur þrátt fyrir spilunarbann í flestum löndum Evrópu.
Ástalíf hans var líka einkar líflegt og frægt varð samband hans við
Brigitte Bardot.
Ég verð að viðurkenna að ég verð iðulega fyrir vonbrigðum með
leiknar kvikmyndir um tónlistarmenn, en Gainsbourg Vie Héroïque,
sem í íslensku þýðinguni heitir Gainsbourg frækið líf, er bara ansi
góð. Hún fer aldrei mjög langt frá staðreyndunum, leikaraval er vel
heppnað og tónlistin kemst vel til skila. Leikstjóri myndarinnar, Joann
Sfar, er teiknimyndasöguhöfundur og blandar þeim heimi inn í mynd-
ina, en sú blöndun er bara skemmtileg og verður aldrei óþægilega til-
gerðarleg. Skemmtileg mynd um ævi snillings.
Ævisaga snillings
■ Lagið Incomplete með banda-
ríska R&B-söngvaranum Sisqó
fór á topp Billboard 100-listans á
þessum degi fyrir tíu árum síðan.
■ Lagið er það eina sem Sisqó
hefur komið á toppinn þrátt
fyrir að vera miklu frægari fyrir
subbusmellinn Thong Song, sem
náði þriðja sætinu á Billboard og
var tilnefndur til fjölmargra MTV-
verðlauna.
■ Lagið er á fyrstu plötu Sisqó sem
kallast Unleash the Dragon.
■ Hann hefur oft viljað láta kalla sig
The Dragon, sbr. nafn annarrar
plötu hans; Return of the
Dragon.
■ Sisqó kunni illa að meta
Incomplete þegar hann heyrði
það fyrst, enda angurvær ball-
aða en ekki fjörugur smellur.
■ Sisqó ætlaði að senda frá sér
síðustu plötuna í „dragon-
þríleiknum“ árið 2008. Hann
var tilbúinn með plötuna Last
Dragon, en hún kom því miður
aldrei út.
■ Sisqó er ekki með plötusamn-
ing í dag og er að reyna að
koma sér á framfæri.
■ Í janúar tók Sisqó þátt í raun-
veruleikaþættinum Celebrity
Big Brother í Bretlandi. Þar lenti
hann í fimmta sæti og þurfti að
berjast við ofurefli stjarna á borð
við Stephen Baldwin og Ivönu
Trump.
■ Á meðal annarra þátta sem
hann hefur komið fram í eru
Gone Country, I Love the New
Millennium og Keith Sweat‘s
Platinum House.
■ Við höfum ekki heldur heyrt
um þessa þætti.
TÍMAVÉLIN SISQÓ FÓR Í FYRSTA SKIPTI Á TOPPINN FYRIR ÁRATUG
Fyrsta og eina topplagið
Dæmi um það sem
tekið er fyrir í náminu:
Lita- og línufræði
Tónalgreining
Vaxtarbygging
Heitt og kalt rými
Stórt og lítið rými
Uppröðun hluta
Stílistun á:
Baðherbergi
Svefnherbergi
Barnaherbergi
Eldhúsi
Garðhýsi
Stofu
Og margt fleira.
The Academy of Colour and Style býður nú upp á nám í
innanhússtílistun. Farið er í helstu grunnþætti í lita- og
línufræði. Einnig er kennt að meta stíl út frá persónunni
sjálfri. Þá er hún greind út frá vaxtarbyggingu og
litgreiningu en þær upplýsingar segja mikið til um hvernig
einstaklingur vill hafa sitt nánasta umhverfi eins og liti og
stíl. Nemendur vinna svo verkefni í hverri viku og taka þá
fyrir stílistun á stofu, baðherbergi, barnaherbergi o.fl.
Gestafyrirlesarar koma í tíma og kynna fyrir nemendum
ýmis atriði sem koma þeim til góða.
Hver önn tekur þrjá mánuði. Kennsla fer fram í
Tækniskólanum einu sinni í viku frá 18-22.
UPPLÝSINGAR OG SKRÁNING Í SÍMA 533 5101
Anna F. Gunnarsdóttir
Stílisti
Helga Sigurbjarnadóttir
Innanhúsarkitekt
Þorsteinn Haraldsson
Byggingafræðingur
INNANHÚSSTÍLISTANÁM