Fréttablaðið - 14.08.2010, Qupperneq 36

36 14. ágúst 2010 LAUGARDAGUR
Herramenn og
ungfrúr Íslands
Bækurnar um Herramennina og ungfrúrnar sem síðar bættust við, eftir
Roger Hargreaves, hafa komið út hér á landi í slétt þrjátíu ár og notið mik-
illa vinsælda. Í tilefni tímamótanna fékk Kjartan Guðmundsson nokkra val-
inkunna andans álitsgjafa til að segja til um hvaða Íslendingar gætu mögu-
lega séð sjálfa sig í Herra Subba, Ungfrú Ráðríkri og fleiri félögum þeirra.
ÁLITSGJAFAR FRÉTTABLAÐSINS
JÓHANN ALFREÐ
KRISTINSSON GRÍNISTI
FREYR EYJÓLFSSON
FJÖLMIÐLAMAÐUR
HILDUR LILLIENDAHL
SKÁLD
UNGFRÚ STRÍÐIN
H: „Ellý Ármanns. Dundar sér við að skrifa fyrirsagnir sem sjá
Barnalandi fyrir umræðuefni dögum saman, hallar sér svo
afturábak í stólnum og horfir á landann froðufella af bræði
meðan heimsóknateljarinn á síðunni bræðir úr sér undan
álaginu.“
F: „Íslenska krónan. Hefur strítt Íslendingum meira en góðu
hófi gegnir.“
J: „Það er þá helst Björk Guðmundsdóttir. Hún er alltaf eitt-
hvað að flippa og að stríða auðvaldinu og svona. Svo purrar
hún örugglega á magann á Matthew áður en þau fara að
sofa.“
HERRA SUBBI
H: „Sveinn Andri Sveinsson. Tekur að sér subbulegustu málin.”
F: „Íslenski útrásarvíkingurinn. Búinn að sverta orðspor Íslend-
inga um aldur og ævi.“
J: „Hrafn Gunnlaugsson er Herra Subbi. Hann er kannski ekki
á sama máli en borgaryfirvöld voru það og Herra Subbi var
látinn taka til eftir sig á eigin kostnað.“
HERRA SÆLL
H: „Maggi mix. Ekkert kemur þessum dreng úr jafnvægi. Hann
er lukkudýr heillar kynslóðar og er fullfær um að leiða hjá sér
gagnrýnisraddir – nú, eða svara þeim með léttu tónlistaratriði.“
F: „Jón Gnarr. Alltaf svo glaður og ætlar að gera alla aðra glaða
í kringum sig.“
J: „Friðrik Weisshappel er eitthvað svo einstaklega vel haldinn
og flottur úti í Kaupmannahöfn. Hann veit líka að sælla er að
gefa en að þiggja.“
UNGFRÚ RÁÐRÍK
H: „Agnes Bragadóttir. Ráðrík er vægt til
orða tekið. Það er auðvelt að ímynda sér
hissífittin heima hjá Agnesi þegar hún
fær ekki það sem hún vill.“
F: „Björk Guðmundsdóttir. Sendir stjórn-
völdum og viðskiptajöfrum tóninn í
Magma-málinu.“
J: „Það er sama hvað ég velti þessu fyrir
mér, alltaf kemur Álfheiður Ingadóttir
upp í hugann. Hún er svona ráðríki í
ríkinu. Spyrjið bara Steingrím Ara.“
HERRA ÖNUGUR
H: „Eiður Svanberg Guðnason. Það er eins og hann
sé að reyna að ávinna sér hatur. Aldrei hefur nokkur
maður verið jafnönugur og jafn viljugur til að sýna það
á sama tíma.”
F: „Davíð Oddsson. Virðist sérlega önugur í skrifum
sínum og hegðun.“
J: „Þjóðfélags- og veitingarýnirinn Jónas Kristjánsson er
skuldlaust önugastur allra Íslendinga. Bloggfærslan „Er
nema von að ég sé kallaður einmana, gamall og geðstirð-
ur?“ segir allt sem segja þarf.“
HERRA RUGLI
H: „Árni Páll Árnason er augljóslega Herra Rugli, enda ruglar
hann fram og til baka. Og svo er hann súkkulaðibrúnn eins og
herra Rugli.“
F: „Íslenski þingmaðurinn.“
J: „Hér er um auðugan garð að gresja og í raun nýr Herra Rugli
í hverri viku en nýlegast var það auðvitað Runólfur sem var í
ruglinu. Engin fyrirgreiðsla sem máli skiptir svo sem, kannski
hálfur milljarður. Einmitt!“
UNGFRÚ STJARNA
H: „Haffi Haff er svo mikil stjarna að eitt tungumál dugar
honum ekki til að mynda setningu. Þar fyrir utan eru ekki allir
nógu frægir til að geta haldið þrenna útgáfutónleika á sama
staðnum sama daginn.“
F: „Ásdís Rán. Sún eina sem gæti titlað sig sem stjarna í
símaskránni.“
J: „Halló! Ásdís Rán Gunnarsdóttir á stjörnunni í Playboy.
MYNDIR!“
UNGFRÚ HEPPIN
H: „Ragnheiður Elín Clausen. Þetta eru öfugmæli. Hún er
ýmist rekin eða hrakin af öllum stöðum sem hún reynir að
koma sér inn í. Verður fyrir einelti í keramikdeild LHÍ, hrökklast
svo milli skóla og vinnustaða næstu tíu árin og er að lokum
rekin tíu sinnum af Facebook. Geri aðrir betur.“
F: „Kúlulánadrottningin. Milljarðamæringar sem fá skuldir
afskrifaðar og eignast fyrirtækin sín aftur.“
J: „Ungfrú Heppin er skattadrottning Íslands og heitir Guð-
björg Matthíasdóttir. Guðbjörg seldi auðvitað 1,7 prósent í
Glitni korteri fyrir þjóðnýtingu fyrir fleiri milljarða. Hún er ein-
hvers konar frummynd heppninnar þessi kona. Hvernig væri
ef landsliðið í fótbolta fengi smá lánað af þessari heppni!“