Fréttablaðið - 14.08.2010, Side 86

54 14. ágúst 2010 LAUGARDAGUR
folk@frettabladid.is
„Við erum mjög spenntir. Það verður
gaman að fá að kveðja landann með dúnd-
urtónleikum,“ segir söngvarinn Ingólfur
Ólafsson. Dauðarokkssveitin Severed
Crotch heldur kveðjutónleika á Sódómu
á laugardagskvöld. Ástæðan er sú að
trommarinn, Gunnar Þór Einarsson, er
að flytja til Kanada í hljóðvinnslunám í
að minnsta kosti eitt ár. Á meðan tekur
sveitin sér hlé frá tónleikahaldi.
Severed Crotch hefur starfað frá
árinu 2004 og hefur með árunum sannað
sig sem ein fremsta öfgarokksveit lands-
ins. Í sumar gaf sveitin út sína fyrstu
stóru plötu, The Nature of Entropy, og
verða lög af henni spiluð á tónleikunum.
Ingólfur viðurkennir að það sé dálítið
skrítið að sveitin haldi kveðjutónleika
rétt eftir að hafa gefið út sína fyrstu
plötu. „En á sama tíma fáum við tíma til
að einbeita okkur að því að semja nýtt
efni fyrir næstu útgáfu. Við gerum það
besta úr þessu.“
Severed Crotch hefur spilað einu sinni
erlendis, í Hollandi árið 2008. Sveitin
hyggur á frekari landvinninga, enda erf-
itt að spila sífellt fyrir sama fólkið hér á
landi. „Við ætlum að reyna að skipuleggja
tónleika erlendis fyrir næsta sumar og
hugsanlega eitthvað í Norður-Ameríku,“
segir Ingólfur.
Hljómsveitirnar Manslaughter, Angist
og Gone Postal spila einnig á tónleikun-
um á Sódómu, sem hefjast klukkan 23.
Ókeypis er inn og aldurstakmark er 18
ár. - fb
Dauðarokkarar kveðja í bili
SEVERED CROTCH Íslenska dauðarokkssveitin
spilar á kveðjutónleikum á Sódómu á laugar-
dagskvöld.
Vinkonurnar Harpa Fönn
Sigurjónsdóttir og Helga
Sveinsdóttur ferðuðust um
á puttanum í sumar og próf-
uðu heitu laugarnar sem
landið hefur upp á að bjóða.
„Undirbúningur fyrir verkefnið
hófst í kringum síðustu jól eftir að
við rákumst á bókina Heitar laugar
á Íslandi. Við höfum báðar ferðast
mikið erlendis en hingað til hefur
það farið forgörðum að ferðast um
landið okkar, Ísland. Okkur lang-
aði til þess að ferðast um landið á
puttanum og ákváðum að slá tvær
flugur í einu höggi og gerast putta-
ferðalangar og heimsækja flestar
heitar laugar landsins í leiðinni,“
útskýrir Harpa Fönn Sigurjóns-
dóttir, sem lagði land undir fót
ásamt vinkonu sinni, Helgu Sveins-
dóttur.
Stúlkurnar höfðu kvikmyndavél-
ar með í för og í haust hyggjast þær
gefa út heimildarmynd sem fjallar
um ferðir þeirra um landið.
Harpa Fönn og Helga húkkuðu
sér far alla leið austur á Seyðis-
fjörð þaðan sem þær héldu áfram
upp á hálendi Íslands. Stúlkurn-
ar heimsóttu meðal annars Kára-
hnjúka, Öskju, Mývatnssveit og
Sprengisand og segir Harpa Fönn
það hafa gengið misvel að fá far
milli staða. „Það var alveg merki-
lega auðvelt að fá far við hring-
veginn en það var mun erfiðara á
hálendinu, enda færri á ferð um
það svæði. Það kom okkur í raun
svolítið á óvart hvað Íslending-
ar voru duglegir að stoppa fyrir
puttaferðalöngum.“
Harpa Fönn segir margar falleg-
ar laugar leynast víða á landinu,
en það kom þó fyrir að stúlkurnar
yrðu fyrir vonbrigðum. „Við lent-
um tvisvar í því að koma að upp-
þornuðum laugum og aðrar voru
einfaldlega of heitar til að baða sig
í. Flestar voru þó afskaplega nota-
legar og Kaldbakslaug var eigin-
lega eins og stór tjörn þar sem við
gátum tekið góðan sundsprett.“
Innt eftir því hvaða laug henni
hafi þótt fallegust svarar hún án
þess að hika: „Laugin við Lauga-
fell var án efa fallegust. Við náðum
að plata hollenska parið sem hafði
tekið okkur upp í til að koma með
og þau sáu svo sannarlega ekki
eftir því,“ segir Harpa glaðlega.
Stúlkurnar héldu úti bloggi meðan
á ferðalaginu stóð og hægt er að
skoða það á síðunni www.heitar-
laugar.blogspot.com.
sara@frettabladid.is
Gera heimildarmynd um
heitar laugar á Íslandi
PUTTAFERÐALANGAR Harpa Fönn Sigurjónsdóttir og Helga Sveinsdóttir ferðuðust
um landið á puttanum og vinna nú að heimildarmynd um ævintýri sín.
FRÉTTABLAÐIÐ/ANTON
Söngvarinn Robbie Williams,
sem gekk að eiga Anya Field um
síðustu helgi, hefur sent aðdá-
endum sínum skilaboð þar sem
hann þakkar þeim fyrir stuðn-
inginn.
Hann bætir við að hann hafi
aldrei verið hamingjusamari.
„Takk fyrir allar kveðjurnar.
Þær skipta okkur miklu máli.
Svo virðist sem endirinn verði
góður eftir allt saman,“ sagði
Williams, sem er einnig ánægð-
ur með samstarfið við sína
gömlu hljómsveit, Take That.
„Ég hef aldrei verið hamingju-
samari í tónlistinni. Ég hef ekki
bara eignast eiginkonu heldur
líka fjóra bræður.“
Aðdáendur fá þakkir
ROBBIE WILLIAMS Söngvarinn hefur
þakkað aðdáendum sínum fyrir stuðn-
inginn að undanförnu.
Um þrjátíu heimildarmyndir verða sýndar á Alþjóð-
legri kvikmyndahátíð í Reykjavík í haust. Myndirn-
ar eiga það allar sameiginlegt að hafa gert það gott
á kvikmyndahátíðum víða um heim að undanförnu.
Þær fjalla meðal annars um eiturlyf í Afganistan og
hommaklám.
Í myndinni Addicted in Afghanistan er fylgst með
Jabar og Zahir, tveimur 15 ára gömlum drengjum
sem búa í Kabúl og eru báðir háðir heróíni. Þeim er
fylgt eftir í heilt ár þar sem þeir takast á við hvers-
dagsleikann frá degi til dags.
Myndin All Boys frá Finnlandi fjallar um
hommaklám. Þar er skoðað hvernig slík kvikmynda-
gerð fer fram í austurhluta Evrópu. Þar leiðast
fátækir, ómenntaðir og atvinnulausir ungir menn
inn í þennan heim, sem um margt er afar óhugnan-
legur.
Í bandarísku myndinni Monica And David er fylgst
með hjónabandi tveggja einstaklinga með Downs-
heilkennið og fjölskyldum þeirra sem reyna að styðja
þau með ráðum og dáð. Monica og David eru að
mörgu leyti eins og börn en þrá fullorðinslega hluti.
Nánari upplýsingar um kvikmyndahátíðina má
finna á Riff.is.
Heróín og hommaklám á RIFF
EITURLYF Í AFGANISTAN Heimildarmyndin Addicted in Afgan-
istan fjallar um fimmtán ára drengi sem eru háðir heróíni.
> FÍNT AÐ VERA EINN
Jennifer Aniston segir að of
margir sætti sig við að vera í
föstu sambandi vegna þess
að þeir eru hræddir við að
vera einir. „Málið snýst um
að finna réttu manneskj-
una og festa sig ekki þang-
að til. Margt einhleypt fólk
er hamingjusamt og ég veit
um fullt af giftu fólki sem er
ekkert ánægt með lífið.”
TRYGGÐU ÞÉRÁSKRIFT ÍSÍMA 512 5100EÐA Á STOD2.IS
512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
Gummi Ben. og Hjörvar gera upp leiki helgarinnar
alla sunnudaga kl. 17:00
SUNNUDAGSMESSAN
Leikbrúðusafn - Brúðuleikhús
Veitingar - Gjafavara
www.bruduheimar.is
Sími 530 5000
Opið í Borgarnesi alla
daga frá 10:00 til 22:00
L E I K S Ý N I N G
á sunnudaginn kl 14:00
MÓTETTUKÓR
HALLGRÍMSKIRKJU
Áheyrnarprufur
30. og 31. ágúst 2010
í Hallgrímskirkju.
Skráningar í síma 510 1000
motettukor@hallgrimskirkja.is
www.motettukor.is
www.facebook.com/motettukor
Mótettukórinn getur nú bætt
við sig nokkrum góðum tenórum
vegna næsta starfsárs. Reynsla og
nótnalestur eru æskileg skilyrði.
Meðal verkefna framundan eru
fjölradda mótettur eftir J.S. Bach,
Eric Whitacre og Max Reger
á tónleikum í lok október og
fjölmörg önnur krefjandi verk.