Fréttablaðið - 28.08.2010, Blaðsíða 8

8 28. ágúst 2010 LAUGARDAGUR
HEILBRIGÐISMÁL Samningur um
frumhönnun og gerð alútboðs-
gagna vegna byggingar nýs Land-
spítala var undirritaður við hátíð-
lega athöfn í gær.
„Þetta er stór dagur. Allt sem
hingað til hefur verið gert, frá
4. nóvember síðastliðnum þegar
samkomulagið var staðfest á milli
lífeyrissjóðanna og stjórnvalda,
hefur gengið eins og klukka,“ segir
Álfheiður Ingadóttir heilbrigðis-
ráðherra. „Það vekur manni vonir
um að það muni gera það áfram.
Verkið er í öruggum höndum og
á trúverðugri vegferð.“ Álfheið-
ur segir verkefnið vera það lang-
stærsta sem heilbrigðisþjónustan
hefur tekist á við. „En það er ekki
eins og við höfum ekki góðan spít-
ala í dag. Við ætlum bara að gera
hann betri.“
Nú fer frumhönnun bygginganna
af stað og Arinbjörn Friðriksson,
stjórnarformaður SPITAL-hönn-
unarhópsins, segist afar bjartsýnn
á að áætlanir, bæði þær sem varða
tíma og fjárhag, gangi eftir.
Kristín Ingólfsdóttir, rektor
Háskóla Íslands, segir að breyting-
arnar fyrir heilbrigðisdeildir HÍ
verði miklar og jákvæðar eftir að
þær verði sameinaðar í nýju bygg-
ingum Landspítalans.
„Það mun gera okkur kleift að
efla samstarf spítalans og háskól-
ans. Samnýting tækja og mann-
skaps verður gríðarlega mikilvæg
fyrir starfsemina og bætir hana til
muna,“ segir Kristín.
SPITAL-hönnunarhópurinn bar
sigur úr býtum í samkeppni um til-
lögur að byggingunni fyrr í sumar
og skrifaði Arinbjörn Friðriksson
undir samninginn ásamt Gunnari
Svavarssyni, stjórnarformanni
hlutafélagsins Nýr Landspítali ehf.
- sv
SPITAL og Nýr Landspítali ehf. undirrituðu saming um frumhönnun og gerð nýs Landspítala í gær:
Bjartsýni um að áætlanir standist áfram
SAMNINGURINN STAÐFESTUR Arinbjörn
Friðriksson, stjórnarformaður SPITAL, og
Gunnar Svavarsson, stjórnarformaður
hlutafélagsins Nýr Landspítali ehf., tak-
ast í hendur eftir undirritun samnings-
ins. FRÉTTABLAÐIÐ/VILHELM
CHILE, AP Ættingjar og vinir 33
námumanna, sem eru fastir í námu í
Chile, önduðu léttar þegar sýnt var í
sjónvarpi nýtt myndband, sem tekið
var niðri í námunni. Þar sáust menn-
irnir syngja þjóðsöng landsins kátir
í bragði og hrópa: „Lengi lifi Chile,
og lengi lifi námumennirnir!“ Þeir
voru berir að ofan, héldust í hendur
og virtust vel á sig komnir.
„Þetta er algjör andstaða þess
sem ég bjóst við,“ sagði Antonio
Bugueno, bróðir eins innilokuðu
námumannanna. „Ég hélt hann
myndi líta miklu verr út. En hann
virtist sterkur á hjarta og í huga.“
Mennirnir lokuðust inni í nám-
unni 5. ágúst síðastliðinn og ekki er
útlit fyrir að þeir komist út fyrr en
eftir fjóra mánuði.
Í sjónvarpinu voru sýndar fimm
mínútur af alls 45 mínútna löngu
myndbandi, sem mennirnir tóku á
litla tökuvél sem var send til þeirra
niður um þröng göng. Þau voru
boruð í því skyni að koma til þeirra
helstu nauðsynjum þangað til unnt
verður að koma þeim út.
Það verður enginn hægðarleikur,
því reiknað er með að það taki fjóra
mánuði að bora nægilega breið göng
niður til þeirra. Það tók heila 17
daga að bora litlu göngin, sem eru
15 sentimetrar að þvermáli.
Þótt mennirnir hafi borið sig vel í
myndbandinu fer enginn í grafgötur
með það að erfitt verður fyrir þá að
halda út þessa mánuði. Þessa sautj-
án daga sem liðu áður en hægt var
að ná sambandi við þá misstu þeir að
meðaltali tíu kíló hver og þurfa nú
að drekka mikið til að bæta sér upp
vökvatap.Hitinn þarna niðri mun
vera tæpar þrjátíu gráður á Celsius.
Veikist einhver mannanna alvarlega
verður erfitt að veita honum nauð-
synlega læknishjálp.
Námufélagið San Esteban, sem
hefur starfrækt námuna, virðist
ekki hafa fjárhagslegt bolmagn til
að taka neinn þátt í björgunarað-
gerðunum. Að öllum líkindum fer
það á hausinn. Yfirmenn þess full-
yrtu fyrst eftir að göngin lokuðust
að öryggismál hefðu verið í góðu
lagi. Undanfarið hefur hins vegar
ekkert gengið að ná tali af þeim.
gudsteinn@frettabladid.is
Sungu fyrir
ættingjana
Námumennirnir í Chile eru komnir í betra sam-
band við umhverfið. Námufélagið San Esteban
hefur ekki getað tekið þátt í björgunarkostnaði.
1. Hvað heitir formaður skipu-
lagsráðs Reykjavíkur?
2. Hver fyllir skarð Spaugstof-
unnar hjá RÚV á laugardags-
kvöldum í vetur?
3. Hvað er gert ráð fyrir að
íbúðasafn Íbúðalánasjóðs verði
orðið stórt í árslok.
SVÖRIN ERU Á SÍÐU 62
Nú stendur yfir gerð fjárhagsáætlunar fyrir næsta ár.
Reykjavíkurborg auglýsir eftir umsóknum um styrki vegna
starfsemi á árinu 2011. Meðal markmiða styrkveitinga er að
styrkja og efna til samstarfs við félagasamtök, fyrirtæki og
einstaklinga um uppbyggilega starfsemi og þjónustu í
samræmi við stefnumörkun, áherslur og forgangsröðun
borgaryfirvalda. Styrkir eru m.a. veittir til verkefna á sviði
eftirtalinna málaflokka:
félags- og velferðarmála
menntamála - grunnskólar/leikskólar
íþrótta- og æskulýðsmála
mannréttindamála
menningarmála
Vakin er athygli á því að reglur um styrkveitingar er að finna
á vef Reykjavíkurborgar www.reykjavik.is/styrkir. Þar er
einnig að finna nánari upplýsingar um áherslur borgarinnar
í einstökum málaflokkum.
Umsóknum skal skilað á sérstökum eyðublöðum sem nálgast
má á vef Reykjavíkurborgar, www.reykjavik.is/styrkir.
Eyðublöðum þessum skal skilað rafrænt ásamt fylgigögnum,
eða, ef þess er ekki kostur, í Ráðhús Reykjavíkur,
merktum Reykjavíkurborg – styrkumsókn.
Umsóknarfrestur er til 1. október nk. og eru einungis
teknar til greina umsóknir sem berast innan tilskilins
frests og uppfylla þær kröfur sem reglur Reykjavíkurborgar
kveða á um.
Viðburðir eða verkefni eru ekki styrkt eftir á. Þá eru
styrkir alla jafna hvorki veittir til kaupa á húsnæði né til
greiðslu fasteignagjalda. Umsóknir verða metnar með
hliðsjón af eftirfarandi:
markmiðum sem lýst er og hvort líklegt sé að
þeim verði náð
hvort verk- og tímaáætlun sé raunhæf
hvort unnt sé að meta framvindu verksins
hvort skilagreinar og fyrri verkefni sem styrk hafa
hlotið uppfylli lágmarkskröfur
væntanlegum árangri og ávinningi fyrir
umrædda starfsemi
fjárhagsáætlun og greinargerð um aðra fjármögnun
sem einnig skal fylgja umsókn
Styrkumsókn felur í sér að umsækjendur undirgangast
ákvæði reglna Reykjavíkurborgar um styrki. Gert er ráð
fyrir að úthlutun nefnda og ráða verði lokið í árslok 2010.
Styrkir
Reykjavíkurborgar
Fyrirspurnir og óskir um nánari upplýsingar
má senda á netfangið styrkir@reykjavik.is
www.reykjavik.is/styrkir
Þú færð Fréttablaðið á kostnaðarverði
á 90 stöðum um land allt.
Nánari upplýsingar á
visir.is/dreifing
Fjögurra mánaða verkefni
Mikið verk verður að ná námumönnum 33 út úr
námunni og er reiknað með að fjóra mánuði þurfi
til verksins. Björgunarfólk er byrjað að senda mat og
aðrar nauðsynjar gegnum þröng göng.
San Jose námanCHILE
Copiago
Kyrrahaf
ARGENTÍNA
Santiago
Aðalgöng námunnar
Loftræstigöng og neyðarútgangar
Námusvæði
Metrar
neðan
yfirborðs
Námuinn-
gangur
250 km
100
200
300
400
500
600
700
San Jose náman
Vökvaknúinn bor, fram-
leiddur í Suður-Afríku,
notaður til að bora holu,
75 sm að þvermáli, svo
hægt verði að ná námu-
mönnunum upp.
Þröngar borholur,
gerðar til að útvega
mönnunum mat,
vatn og tengingu við
umheiminn.
Aðalgöng og loft-
ræstigöng lokuðust
vegna hruns.
Innikróaðir námu-
menn hafast við í
neyðarskýli
© Graphic News Heimild: San Esteban námufélagið
VEISTU SVARIÐ?