Fréttablaðið - 10.09.2010, Page 16

16 10. september 2010 FÖSTUDAGUR
Núverandi og fyrrverandi
kennarar við Iðnskólann í
Hafnarfirði segja mennta-
málaráðuneytið hafa
brugðist með því að láta
langvinna samstarfsörðug-
leika í skólanum halda
áfram óáreitta. Ekki var
orðið við ósk kennara um
stjórnsýsluúttekt.
Langvarandi deilur hafa staðið und-
anfarin ár milli hóps kennara við
Iðnskólann í Hafnarfirði og skóla-
meistara skólans. Sumir kennar-
anna eru enn við störf í skólanum,
en um tugur segist í samtali við
Fréttablaðið hafa látið af störfum
vegna ósamkomulags við skóla-
meistarann.
Kennararnir átelja menntamála-
ráðuneytið fyrir að hafa ekki brugð-
ist við því sem þeir lýsa sem viðvar-
andi ófremdarástandi í skólanum.
Aðrir starfsmenn skólans segjast
ekki kannast við þær lýsingar og
benda á að sjaldan valdi einn þá
tveir deili. Þeir benda enn fremur á
að skólameistarinn hafi unnið mikið
og gott uppbyggingarstarf í skólan-
um frá því hann tók við fyrir ríflega
sautján árum.
Sumir kennaranna segja að tveir
hópar starfsmanna séu í skólanum.
Þeir sem séu í náðinni hjá skóla-
meistaranum og þeir sem séu það
ekki. Þetta skapi svo togstreitu á
kennarastofunni, í samskiptum
kennara sín á milli jafnt sem í sam-
skiptum þeirra við stjórnendur skól-
ans.
„Þeir sem eru í vonda liðinu hætta.
Í þessum skóla verður þú að vera í
hans liði, annars ertu útilokaður.“
Svona lýsir einn fyrrverandi starfs-
maður samstarfinu við skólameist-
arann. Aðrir taka í sama streng.
Sumir núverandi og fyrrver-
andi starfsmanna skólans lýsa
því í samtölum við Fréttablaðið að
skólameistarinn hafi ítrekað misst
stjórn á skapi sínu þegar þeir hafi
komið til hans hugmyndum um það
sem betur hafi mátt fara í skólan-
um. „Hann missti oft stjórn á skapi
sínu, hann sleppti sér oft við mig
út af engu,“ segir einn fyrrverandi
kennara við skólann. „Margir kenn-
arar máttu una því að láta tala við
sig eins og óþekka krakka.“
Annar fyrrverandi kennari
tekur í sama streng: „Það voru
allir hræddir við að tjá sig á kenn-
arastofunni, fólk passaði sig að
láta ekki gagnrýnisraddir heyrast.
Þetta var mjög þvingandi. Ég upp-
lifði þetta eins og einelti.“
Samskiptaörðugleikar hluta
kennara skólans við skólameist-
arann og yfirstjórn skólans náðu
ákveðnu hámarki þegar kennar-
ar gerðu athugasemdir við launa-
greiðslur árið 2003. Við eftir-
grenslan kom í ljós að útgreidd
laun kennara voru lægri en kjara-
samningar sögðu til um, og höfðu
verið frá árinu 2001, segir Margrét
Ingólfsdóttir, sem þá var formaður
kennarafélags skólans.
Þetta hafði í för með sér umtals-
verða launaskerðingu fyrir kennar-
ana, án þess að um það væri samið
eða það viðurkennt fyrir kennur-
unum.
Málið fór fyrir félagsdóm, sem
dæmdi kennurum í vil í maí í fyrra.
Skólinn þurfti í kjölfarið að greiða
kennurum á annað hundrað millj-
óna króna sem þeir höfðu verið
hlunnfarnir um, en umtalsverður
hluti krafna kennaranna var fyrnd-
ur. Margrét segir að gróft áætlað
hafi kennarar við skólann orðið af
um 70 milljóna króna launagreiðsl-
um vegna þess að málið reyndist
fyrnt að hluta.
Þeir kennarar sem Fréttablaðið
hefur rætt við segja það algerlega
skýrt að skólameistarinn hafi ekki
á nokkurn hátt hagnast á þessu
persónulega. Flestir taka fram að
fyrra bragði að hann hafi alltaf vilj-
að skólanum vel, og unnið þrekvirki
í uppbyggingu skólans.
Vildi stjórnsýsluúttekt í skólanum
Í kjölfar niðurstöðu félagsdóms átti
Margrét fund með Katrínu Jak-
obsdóttur menntamálaráðherra
og Ástu Magnúsdóttur, ráðuneyt-
isstjóra menntamálaráðuneytis-
ins. Þar lagði hún fram bréf stílað
á ráðherra þar sem óskað var eftir
því að stjórnsýsluúttekt yrði gerð á
starfsemi skólans.
Margrét segir í bréfi sínu að þeir
sem ekki séu sammála skólameist-
aranum í einu og öllu fái að finna
fyrir því að þeir séu ekki í náð-
inni. Það gerist til dæmis með því
að þeir fái leiðinlegar stundatöflur,
fái ekki fastráðningu, og yfirvinna
sé minnkuð. Þá sé fólk hundsað og
því ekki heilsað sé það í ónáð.
Margrét segist ekki hafa fengið
svar við ósk sinni um stjórnsýslu-
úttekt fyrr en hún óskaði eftir
fundi með ráðuneytisstjóra. Þar
hafi henni verið tjáð að ekki stæði
til að gera slíka úttekt.
Bæði núverandi og fyrrverandi
kennarar við skólann furða sig á
því að menntamálaráðuneytið hafi
ekki gripið í taumana, sérstaklega
eftir að dæmt var í launamálinu í
fyrra. Skólameistarinn hafi komist
upp með að brjóta lög með því að
skerða laun kennara árum saman.
Ekki var talin ástæða til að veita
honum áminningu vegna skerðing-
arinnar.
„Það eru mörg ár síðan ráðu-
neytið hefði átt að skipta honum
út,“ segir einn þeirra kennara sem
segjast hafa hætt störfum við skól-
ann vegna samskiptaörðugleika við
skólameistarann. Annar sagði það
furðulegt að ráðuneytið hafi ekki í
það minnsta fært skólameistarann
til í starfi.
Margrét segir alvarlegt að ráðu-
neytið hafi ekkert aðhafst þegar
í ljós hafi komið að skólastjórinn
hafi brotið lög á kennurum. Marg-
ir kennarar hafi reiknað með því að
honum væri ekki sætt félli dómur
honum í óhag. Hún segir að af sinni
hálfu sé það alvarlega í málinu ekki
að skólameistarinn hafi ekki greitt
umsamin laun. Það alvarlega sé að
hann hafi reynt að fela það með því
að neita ítrekað að veita upplýsing-
ar um launaútreikninga.
Undir það tekur Sigríður Júlía
Bjarnadóttir, kennari við skólann.
Hún segir að hefði skólameistar-
inn viðurkennt að rangt hafi verið
reiknað strax í upphafi hefði mátt
leysa úr málinu með einföldum
hætti. „Ef hann hefði komið fram
og viðurkennt mistök sín og sýnt
að hann væri tilbúinn til samvinnu
við kennara hefði málinu lokið þá
og þar. En það virtist ekki koma til
greina.“
Margrét gagnrýnir einnig skóla-
nefnd Iðnskólans í Hafnarfirði
harðlega fyrir að hafa látið málið
viðgangast. Hún bendir á að kenn-
arar hafi fengið Ragnar H. Hall
hæstarréttarlögmann til að vinna
lögfræðiálit um málið áður en það
fór til félagsdóms. Hún sendi skóla-
nefndinni afrit af álitinu, en segir
formann nefndarinnar hafa ákveð-
ið að koma því ekki áleiðis til ann-
arra nefndarmanna. Þeir hafi því
ekki verið búnir að sjá lögfræði-
álitið þegar þeir hafi þurft að taka
afstöðu til málsins. Niðurstaða lög-
fræðiálitsins var sú sama og niður-
staða félagsdóms.
Skólameistarinn, sem verður 68
ára í næsta mánuði, hefur tilkynnt
að hann ætli að láta af störfum
fyrir aldurs sakir um áramótin.
Sumir þeirra kennara sem Frétta-
blaðið hefur rætt við leggja áherslu
á að nýr skólameistari verði ekki
einn af núverandi starfsmönnum
skólans. Hreinsa verði andrúms-
loftið og því algerlega nauðsynlegt
að fá utanaðkomandi einstakling í
starfið eigi skólinn að dafna.
Einn þeirra kennara sem hætt
hafa störfum við skólann segir
málið ekki snúast um persónu skóla-
meistarans. Það sé fyrst og fremst
menntamálaráðuneytið sem verði
að draga lærdóm af þessu máli.
Ráðherra beri á endanum ábyrgð
á því að hafa ekki leyst úr vanda-
málunum í skólanum með viðeig-
andi hætti heldur látið þau krauma
undir lengi. Það leiði hugann að því
hvort víðar sé pottur brotinn í skól-
um landsins eða stofnunum ríkisins
almennt.
„Skólameistarinn hefur alltaf haft,
og hefur enn, fullan stuðning
skólanefndar skólans í öllum
sínum störfum og öllum sínum
rekstri á þessari stofnun,“ segir
Björn Ingi Sveinsson, formaður
skólanefndar Iðnskólans í Hafnar-
firði. „Skólameistarinn hefur gert
mjög fína hluti fyrir þennan skóla,
sem er það sem hann er vegna
hans, fyrst og fremst.“
Stjórnin styður
skólameistarann
FRÉTTASKÝRING: Ósætti í Iðnskólanum í Hafnarfirði
Kennarar saka stjórnvöld um sinnuleysi
Brjánn
Jónasson
brjann@frettabladid.is
ÓSÆTTI Kennarar við Iðnskólann í Hafnarfirði deila á menntamálaráðuneytið fyrir að hafa ekki brugðist við þegar skólameistarinn
lækkaði laun kennara og fyrir að hafa ekki brugðist við langvarandi ósætti á vinnustaðnum. FRÉTTABLAÐIÐ/GVA
Það er skylda menntamálaráðuneytisins að skoða öll mál sem upp koma
eins og hægt er, en gæta verður þess að rannsaka mál í þaula áður en
eitthvað er gert, segir Ásta Magnúsdóttir, ráðuneytisstjóri í mennta- og
menningarmálaráðuneytinu.
Spurð um gagnrýni núverandi og fyrrverandi kennara á það sem þeir kalla
aðgerðaleysi menntamálaráðuneytisins í málefnum Iðnskólans í Hafnarfirði
segir Ásta: „Við reynum alltaf að gera okkar besta, og mér finnst afskaplega
leitt að það hafi ekki tekist að ljúka þessu máli. Við höfum sannarlega ekki
viljað að neinn færi óánægður frá því.“
Eftir að kennari við skólann óskaði eftir því að stjórnsýsluúttekt yrði gerð á
starfsemi skólans lagði ráðuneytið mat á hvort rétt væri að fara í slíka úttekt,
segir Ásta. Niðurstaðan hafi verið sú að ekki væri þörf á því. Ráðuneytið lét
gera stjórnsýsluúttekt á starfsemi Menntaskólans á Ísafirði vegna samskipta-
örðugleika kennara við skólameistara skólans. Spurð hvers vegna ekki hafi
verið ástæða til að láta gera sambærilega úttekt á Iðnskólanum í Hafnarfirði
segir Ásta málin einfaldlega öðruvísi vaxin.
Menntamálaráðuneytið brást við með því að fá vinnustaðasálfræðing til
að vinna með skólameistara og kennurum. Þá var ákveðið að gera könnun
á starfsánægju starfsmanna skólans í haust, og er ráðuneytinu ekki kunnugt
um annað en að hún fari fram þrátt fyrir að skólameistarinn muni láta af
störfum um næstu áramót, segir Ásta.
Leitt að ekki hafi tekist að ljúka málinu
Jóhannes Einarsson, skólameistari Iðnskólans
í Hafnarfirði, segir samstarfserfiðleika sína við
starfsmenn í skólanum einskorðast við tvo
einstaklinga, en segist ekki kannast við ósætti
við fjölda fyrrverandi kennara við skólann, sem
Fréttablaðið hefur rætt við.
„Ég neita því að hér hafi verið samstarfs-
örðugleikar, því ég hef gert svo mikið fyrir
mitt fólk, hjálpað því til að komast í gegnum
kennsluréttindanám. Ég hef tekið maka þeirra
í vinnu til þess að gera hluti. En það eru, því
miður ekki allir hæfir kennarar,“ segir Jóhannes.
Hann þvertekur fyrir að hann láti það bitna með nokkr-
um hætti á kennurum séu þeir honum ósammála, eins
og fullyrt er í bréfi kennara til menntamálaráðherra.
Spurður um fullyrðingar um að hann eigi til að missa
stjórn á skapi sínu segir Jóhannes: „Það hefur komið
einstaka sinnum fyrir [...] en það hefur verið ráðist á mig
líka. Ég segi náttúrulega þegar fólk er að brjóta af sér,
og það getur alveg farið í skapið á manni þegar er ekki
farið eftir neinu sem fólk á að gera, hvorki nemendur né
kennarar. Það getur verið að ég hafi einhverntíman [gert
það] en það er ekki algengt.“
Jóhannes segir launamálið sem kennarar við skólann
fóru með fyrir félagsdóm hafa komið til þar sem
hann hafi ekki fengið undirskrift frá Kennara-
sambandi Íslands þegar hann gerði breytingar
á vinnufyrirkomulagi. Breytingarnar hafi leitt til
þess að vinnuskilyrði kennara hafi batnað mikið.
Skólinn hafi getað tekið inn fleiri nemendur,
kennarar hafi því getað unnið meira og laun
þeirra því hækkað í heildina vegna breytinganna.
„Það eina sem félagsdómurinn skoðaði í
þessu máli var að [...] það var ekki formleg
undirskrift frá Kennarasambandinu áður en
ég breytti. Það má segja að ef ég hefði gert
það þá hefði þetta ekki verið neitt. Það var bara eitt
ákvæði í kjarasamningnum um að það þyrfti undirskrift
kennarasambandsins,“ segir Jóhannes. Hann segir það
algera fjarstæðu að hann hafi ætlað sér að hafa laun af
kennurum.
Jóhannes hefur ákveðið að láta af störfum um næstu
áramót. Hann segist hafa tekið þá ákvörðun án þrýstings
frá menntamálaráðuneytinu. „Ég er bara orðinn gamall
maður,“ segir Jóhannes. Hann segist hafa verið löngu
búinn að ákveða að sitja ekki til sjötugs, en hann verður
68 ára á árinu.
Kannast ekki við ósætti við aðra en tvo starfandi kennara
JÓHANNES
EINARSSONBörn -10: Þriðjud. 17:20, fimmtud. 17:00,
Börn +10: Þriðjud. 18:00, fimmtud. 18:00
Fullorðnir byrjendur:
Mánud, Þriðjud, Fimmtud. kl 19:00 og Laugard. 10:30
Fjölbreyttur hópur þjálfara sér um æfingarnar og því eru engar
tvær æfingareins. Börn 8.500, fullorðnir 12.500.
Það kostar ekkert að prófa! Upplýsingar á www.ir.is/taek-
wondo eða hjá Jakobi (s. 823-4074) og Ólafi (s. 825-7267).
Wax on Wax off hvað, þú þarft ekki einu
sinni jakka til að æfa Taekwondo!