Fréttablaðið - 16.09.2010, Blaðsíða 29
starfsmennt ● fréttablaðið ●FIMMTUDAGUR 16. SEPTEMBER 2010 5
BARNA-
OG UNGLINGA-
NÁMSKEIÐ
TUNGUMÁL
NÁMS-
OG STARFS-
RÁÐGJÖF
MYNDLIST
GAGN OG GAMANNÁM ALLA ÆVI
Innritun fer fram í Skeifunni 8, í síma 580 1808 e›a á www.mimir.is
HAUSTÖNN
FULLT AF
SKEMMTILEGUM
NÁMSKEIÐUM Á
Skráning
stendur yfir!
Ná›u flér í bækling
á www.mimir.is
Í fullorðinsfræðslu er ekki bara kenn-
ari að kenna nemendum, heldur
líka öfugt, auk þess sem nemendur
kenna hver öðrum. Þetta segir Hulda
Ólafsdóttir framkvæmdastjóri Mímis
– símenntunar.
„Við erum einkum að sinna fólki sem er 20
ára og eldra, með stutta formlega skóla-
göngu og höfum aukið mjög tækifæri til
náms,“ segir Hulda sem hefur verið fram-
kvæmdastjóri Mímis – símenntunar í sjö ár
og segir það gefandi og skemmtilegt starf.
„Markhópur okkar er þannig að það er átak
fyrir hann að hefja nám og því þarf hann
oft mikinn stuðning til að finna leiðir og
ákveða sig. Svo er aðdáunarvert að sjá hvað
fólk er duglegt og áhugasamt þegar það er
komið af stað og tilbúið að leggja mikið á
sig í náminu. Hér eru ekki agavandamál
því hingað kemur fólk til að læra og kenna
öðrum. Í fullorðinsfræðslu er það ekki bara
kennari sem kennir nemendum heldur líka
nemendur sem kenna hverjir öðrum og
kennaranum. Þetta eru reynsluboltar sem
koma hingað, með mikla þekkingu sem þeir
leggja í púkkið og byggja ofan á.“
Eftir að efnahagsástandið breyttist til
hins verra í þjóðfélaginu segir Hulda at-
vinnuleitendur stóran hluta þess hóps sem
sæki til Mímis, bæði í starfsmenntun og
annað grunnnám. „Fólk kemur til okkar til
að auka sína möguleika á að leita að störf-
um og styrkja sig sem væntanlega starfs-
menn á nýjum stað,“ lýsir hún.
Náms- og starfsráðgjöf var tekin upp
hjá Mími – símenntun fyrir fjórum árum.
Hún er sá hluti starfseminnar sem hefur
vaxið mest undanfarið eða frá því að vera
eins manns starf í fimm, að sögn Huldu.
„Náms-og starfsráðgjöfin hjálpar einstakl-
ingum að finna út úr sínum löngunum og
þrám, hvað þeir vilji læra, hvort sem það
er hjá Mími eða formlega í skólakerfinu, til
dæmis í Iðnskólunum eða menntaskólunum.
Á síðasta ári voru tæplega 1.800 slík viðtöl,
það var 80 prósenta aukning frá árinu áður
og verða töluvert fleiri núna.“
Hulda segir að leitast sé við að finna
úrlausnir fyrir alla og segir áhugasviðs-
greininguna ganga út á að finna styrk-
leika hvers og eins. „Þeir sem koma í ráð-
gjöf kjósa helst að fara í eitthvað sem gefur
þeim einingar á framhaldsskólastigi eða
einhver réttindi. Við erum til dæmis með
félagsliðanám fyrir fólk sem vinnur í um-
önnun og leikskólaliðanám og við sjáum að
það skilar fólki töluverðu. Það fær frekar
ný tækifæri innan vinnustaðarins, það fær
ábyrgðarmeiri og fjölbreyttari störf og það
er meðvitaðra um styrkleika sína og lærir
að nýta þá.“
Í starfstengda náminu segir Hulda
stöðugt unnið með nýjar og nýjar hugmynd-
ir. „Við höfum undanfarið lagt áherslu á
ferðaþjónustu og verslun, til dæmis tungu-
mál, þjónustu og styrkingu í að koma fram
og ekki síst mikilvægi þess að þekkja nær-
umhverfið þannig að fólk geti frætt við-
skiptavini eftir þörfum. Við erum að opna
augu fólks fyrir því að ferðaþjónusta snýst
ekki bara um hótel- og leiðsögumannsstörf
heldur líka afgreiðslu á bensínstöðvum og á
búðarkössum. Dæmi um önnur starfstengd
mámskeið er jarðlagnatækni og flutninga-
skólinn sem við erum að keyra með Sam-
skipum, þar á vinnustaðnum.“
Mímir – símenntun býður upp á fjölbreytt
úrval af frístundanámi og Hulda segir tölu-
vert um að fólk byrji þar, fari í tungumála-
nám eða á önnur spennandi námskeið, kynn-
ist svo þjónustu starfs- og námsráðgjafa og
haldi áfram. „Frístundanámskeiðin eru mik-
ilvægur liður í okkar starfi og opnar mörg-
um dyr,“ segir hún. „Þar er fólk að sækja
nákvæmlega það sem það langar að gera
og einbeitir sér að því, finnur styrk sinn og
gleðina í að læra, kemur og vill meira.“
Finna styrk sinn og gleði í náminu
Frá árinu 2001 hefur Mímir – sí-
menntun boðið upp á námsleið-
ina Grunnmenntaskólann sem er
nám fyrir fólki eldra en 20 ára með
stutta formlega skólagöngu að baki.
Námið er 300 kennslustundir að
lengd og hafa um 400 manns lokið
því hjá Mími.
Nú í september munu tveir hópar
hefja nám. Annar hópurinn er dag-
hópur og kennt verður fimm virka
daga vikunnar frá kl. 8.30-12.15.
Náminu lýkur 14. desember nk.
Hinn hópurinn er kvöldhópur, kennt
verður á mánudögum og miðviku-
dögum frá kl. 16.30-20.30 og annan
hvern laugardag. Náminu lýkur 30.
mars nk.
Tilgangur námsins er að stuðla
að jákvæðu viðhorfi námsmanna
til áframhaldandi náms og auð-
velda þeim að takast á við ný verk-
efni. Meginviðfangsefni er að kenna
nemendum að tileinka sér nýja
þekkingu – að læra að læra, efla
sjálfstraust sitt og lífsleikni. Mikil
áhersla er lögð á virkni nemenda
í náminu, bæði í upplýsingaöflun
og meðferð og miðlun upplýsinga.
Lögð er áhersla á sjálfstæð vinnu-
brögð auk þjálfunar í að vinna að
lausn með öðrum – vera partur af
liðsheild.
Helstu námsþættir Grunn-
menntaskólans eru:
● Sjálfsefling og samskipti
● Námstækni
● Íslenska
● Framsögn og ræðumennska
● Enska
● Stærðfræði
● Tölvu- og upplýsingatækni
● Verkefnavinna
● Náms- og starfsráðgjöf
● Færnimappa
Nánari upplýsingar um námið
eru veittar í síma 580 1800 og á
heimasíðu Mímis – símenntunar,
www.mimir.is
UMSÖGN NEMANDA:
„Ég er stolt af því að hafa tekið
ákvörðun um að fara í þetta nám
og námstíminn hefur verið frá-
bær.
Markmiðin sem hópurinn setti
sér í upphafi um að auka sjálfs-
traustið, efla færni í samskiptum
og grunngreinum náðust. Næsta
skref hjá mér er að fara til náms-
ráðgjafa og kynna mér frekara
nám.“
Guðný Ólöf
Reimarsdóttir.
Grunnmenntaskólinn
Grunnmenntaskólinn er nám fyrir fólk eldra en 20 ára með stutta formlega skóla-
göngu að baki.
„Svo er aðdáunarvert að sjá hvað fólk er duglegt og áhugasamt þegar það er komið af stað og tilbúið að leggja mikið á sig,“ segir Hulda Ólafsdóttir framkvæmda-
stjóri. FRÉTTABLAÐIÐ/GVA