Fréttablaðið - 16.09.2010, Blaðsíða 58

16. september 2010 FIMMTUDAGUR34
golfogveidi@frettabladid.is
3.600 110
Arnór Þórir Sigfússon, dýra-
vistfræðingur hjá ráðgjaf-
arfyrirtækinu Verkís, hefur
safnað og greint vængi af
rúmlega 25 þúsund gæsum
síðan 1993. Frá upphafi
verkefnisins hefur víð-
tækt samstarf þróast milli
vísinda- og veiðimanna og
mikil vitneskja orðið til um
veiðistofna.
„Markmið þessara rannsókna er
að vakta varpárangur veiðistofn-
anna en hlutfall unga í veiði gefur
vísbendingu um það hvernig varp
tegundanna hefur gengið,“ segir
Arnór.
Góð samsvörun er á milli rann-
sókna á vængjum veiddra fugla og
talninga breskra vísindamanna á
vetrarstöðvum gæsarinnar í Bret-
landi. Þessar rannsóknir gefa góða
vísitölu fyrir ungaframleiðslu í
stofnunum. Hlutfall unga í grá-
gæsaveiðinni 2008 er það hæsta
sem sést hefur og fjórða hæsta í
fyrra.
Veiði á grágæs hefur sjaldan verið
meiri hérlendis en undanfarin þrjú
ár. Fimmtíu þúsund grágæsir og
fimmtán þúsund heiðagæsir voru
skotnar í fyrra. Arnór segir veiðitöl-
ur fyrir grágæsir háar en stofninn
virðist standa undir mikilli veiði.
Við talningu síðasta haust var stofn-
inn 109 þúsund fuglar, sem er um
ellefu prósenta
auk ni ng frá
2008. Stofninn er
hins vegar talinn
tvöfalt stærri.
Heiðagæsastofn-
inn var talinn
365 þúsund fugl-
ar síðasta haust
og hefur fjölgað
gífurlega á und-
anförnum árum
en blesgæs, sem hefur verið friðuð
síðan 2006, er í vandræðum. Það er
talið eiga rætur að rekja til varp-
svæða á Grænlandi en eftir friðun
hefur stofninn staðið í stað.
Arnór hefur náð góðu samstarfi
við veiðimenn hérlendis en rúmlega
þrjú þúsund manns ganga til gæsa-
veiða á hverju hausti. „Ég hef feng-
ið góða innsýn í heim veiðimanna og
hef veitt sjálfur í Skotlandi. Það er
gaman að bera þetta saman.“
Arnór segir að veiðihefð okkar
einkennist af því að hér hafi menn
löngum veitt til að hafa í sig. „Við
erum gjörn á að meta veiði eftir
magni. Á Bretlandseyjum er þetta
upphaflega sport hefðarmanna sem
litu fyrst og síðast til skemmtana-
gildis veiðanna. Hér er veiðimenn-
ingin þó að breytast hægt og bít-
andi.“ svavar@frettabladid.is
Veiðihefð Íslendinga
mótaðist í maganum
Bjarni Júlíusson, fyrrverandi formaður SVFR, er nýkominn úr Hítará. Sex laxar
komu á land, allir úr Langadrætti. Svona lýsir hann aðstæðum við fengsæl-
asta stað árinnar.
„Þetta er langur samfelldur veiðistaður, eins og nafnið reyndar gefur til
kynna. Venjulega er hann veiddur vestan frá en það má vel vaða yfir, fyrir
ofan veiðistaðinn og alveg þess virði að reyna hann að austanverðu líka.
Sé veitt að vestan, er ágætt að hefja veiðina ofarlega. Þar eru þrír stórir
steinar sem mynda eiginlega beina línu í ánni og rétt fyrir utan þá hefst
strengurinn. Veiðimenn ættu að halda sig landmegin við þessa steina og
kasta varlega á strenginn utan þeirra. Svo veiða menn sig einfaldlega niður
allan hylinn.
Í strengnum eru stór grjót og steinar sem mynda strauma og tögl sem
laxinn liggur gjarnan í.
Í litlu vatni virðist mest af laxinum liggja ofarlega. Í miklu vatni heldur hann
sig gjarnan neðar í grjótunum beint út af bílaplaninu, og jafnvel enn neðar.
Þegar líður á sumarið þá fyllist hylurinn gjarnan af fiski og laxinn stekkur
þar og byltir sér ótt og títt. Sennilega er þetta einn mesti „stökk- og sýningar-
staður“ fyrir laxa á landinu öllu. Stundum er sá silfraði þó sýnd veiði en ekki
gefin og margur reynir lengi án árangurs. Svo breytist eitthvað, ský dregur
fyrir sólu, vindurinn gárar hylinn og þá er hann á um leið. Þetta er Langidrátt-
ur.
Veiðistaðurinn - Langidráttur í Hítará
SENTIMETRA hængur veiddist í Norðurá
fyrir skömmu. Er þetta stærsti lax sem þar hefur
veiðst um langt árabil. Laxinn veiddist á staðnum
Leggjabrjót og tók Green Butt-túbu.
URRIÐAR veiddust í Laxá í Laxárdal og
Mývatnssveit á liðnu sumri. Veiðiaukning frá
fyrra sumri nam 28 prósent í Mývatnssveit en
14 prósent í Laxárdal.
Green Highlander er ein af
klassísku flugunum. Hún er
dæmigerð stórlaxafluga. Hér er
hún hnýtt sem túpa. Reynslan
sýnir að flugan veiðir vel bæði
á Íslandi og í Rússlandi og er
þess vegna alltaf í boxi margra
fluguveiðimanna sem hafa víð-
tæka reynslu af stangveiði hér
og erlendis.
AF MÝRUNUM Umhverfið er stórkostlegt við ána. MYND/BJARNI JÚLÍUSSON
HELSINGJAR Á FLUGI Veiði á helsingja hefur verið 1.600 fuglar að meðaltali síðan
2003. Meðalveiði á grágæs er 33 þúsund fuglar og þrettán þúsund heiðagæsir.
MYND/AÞS
ARNÓR ÞÓRIR
SIGFÚSSON
FL
U
G
A
N
GREEN HIGHLANDER
Skylda í boxið
Laxveiðiárnar loka nú hver af
annarri og niðurstöðutalna úr
mörgum ám er að vænta í dag.
Fyrir liggur að Elliðaárnar skila
góðri veiði, 1164 löxum á móti
880 í fyrra.
Þorsteinn Þorsteinsson á
Skálpastöðum, sem heldur saman
tölfræði úr 25 völdum ám, segir
að Vesturland komi vel út þrátt
fyrir vatnsleysi. Norðurland
einnig í því tilliti að tveggja ára
lax er áberandi. Í Laxá í Aðaldal
er fjórði hver lax stórlax. Heild-
artalan er eitthvað lægri en í
fyrra og má rætur þess rekja til
Rangánna sem ekki hafa skilað
eins mikilli veiði og oft áður. - shá
Laxveiði að ljúka víða:
Stórlax áberandi
FRÁ SELÁ Í VOPNAFIRÐI Fimmta árið í
röð sem þar veiðist frábærlega.
MYND/ORRI VIGFÚSSON
Á veiðivefnum votnogveidi.is
eru gerðir að því skórnir að sjó-
bleikjuveiði sé að koma til. Það
er jú alkunna að menn hafa talið
sjóbleikju vera í töluverðri niður-
sveiflu og kenna menn um ofveiði
og hlýnun. Í sumar hefur þó bor-
ist talsvert af mjög líflegum sjó-
bleikjufréttum. - shá
Víða meira af silungi:
Sjóbleikjan að
sýna batamerki
Þúsund laxa múrinn verður rof-
inn í fyrsta skipti í Breiðdalsá í
sumar. Þetta hefur legið fyrir um
skeið og þegar þetta er skrifað
eru komnir á land 985 laxar. Múr-
inn verður því felldur í dag eða á
morgun.
Leigutaki árinnar, Þröstur Ell-
iðason hjá Strengjum, segir veitt
út mánuðinn og líklegar lokatölur
verði um 1.200 laxar. Stórlaxar
veiðast inn á milli en Breiðdalsá
hefur fest sig í sessi sem stór-
laxaá. - shá
Nýtt met í Breiðdalsá:
Þúsund laxa
múrinn rofinn
VIÐ GLJÚFRAHYL Þessi 19 punda hæng-
ur veiddist í gær. MYND/ÞRÖSTUR ELLIÐASON
A
F
B
A
K
K
A
N
U
M
Nýr fiskvegur um svokallaðan Efri-foss í Selá í Vopnafirði var opnaður
um miðjan ágúst. Með því opnast fyrir allt að 20 kílómetra ný svæði fyrir
göngufisk í aðalánni og einnig langa kafla í hliðará Selár sem heitir Selsá.
Fyrir fjórum áratugum var gerður laxastigi í Selárfoss, sem er um sjö kíló-
metra frá sjó og opnaðist við það um 21 kílómetri af nýjum búsvæðum
fyrir lax. Sú aðgerð margfaldaði stofnstærð laxins í Selá.
Nýr laxastigi opnaður í Selá
Mjög skemmtilegar upplýsingar um lífríki og veiði í Elliðaánum eru á
fræðsluvef Orkuveitu Reykjavíkur sem annast umsjón ánna. Þar er meðal
annars að finna stutt myndbönd af sextán völdum veiðistöðum í ánum með
fróðlegum lýsingum á hverjum stað. Óhætt er að mæla með þessu fyrir þá
sem stefna á Elliðaárnar næsta sumar og vilja koma vel undirbúnir til leiks.
Skoðið á or.is undir flokknum Umhverfi og fræðsla.
Myndbönd frá Elliðaánum
Forúthlutun veiðileyfa fyrir sumarið 2011
Umsóknarfrestur til að sækja um veiðileyfi í forúthlutun fyrir veiðisumarið
2011 er til 29. september n.k. Í forúthlutun geta allir sótt um veiðileyfi ,
félagsmenn sem utanfélagsmenn og fyrirtæki.
Skrifl egum umsóknum skal skila til skrifstofu SVFR, Háaleitisbraut 68 eða
með tölvupósti til svfr@svfr.is eða halli@svfr.is.
Eftirfarandi ársvæði og tímabil eru til forúthlutunar:
Norðurá I: 21. júní – 8. ágúst
Norðurá II: 6. júlí – 2. ágúst
Hítará I: 8. júlí – 13. ágúst
Laxá í Aðaldal - Nessvæðið: 1. júlí – 5. sept
Laxá í Dölum: 12. júlí – 10. sept
Langá á Mýrum: 24. júní – 27. ágúst
Leirvogsá: 8. júlí – 2. ágúst
Straumar: 28. júní – 3. ágúst
Laxárdalur og
Mývatnssveit*: 29. maí – 31. ágúst
*Athugið að allt tímabilið er boðið í forúthlutun. Það sem ekki selst í forúthlutun fer í Söluskrá 2010.
Umsóknarfrestur er til 29. september 2010.