Fréttablaðið - 16.09.2010, Blaðsíða 56

16. september 2010 FIMMTUDAGUR32
sport@frettabladid.is
100 ÍSLENSKA LANDSLIÐIÐ í knattspyrnu er í frjálsu falli undir stjórn Ólafs Jóhannes-sonar. Ísland féll um heil 21 sæti á nýjum styrkleikalista FIFA og er nú í sæti númer 100.
Lægst hefur Ísland lent í 117. sæti er Eyjólfur Sverrisson stýrði liðinu. Lið Ólafs nálgast það
sæti óðfluga en Ólafur hefur aðeins stýrt liðinu til sigurs í einum alvöruleik á þrem árum.
Dómari leiks KR og Breiðabliks í kvöld er Jóhannes Valgeirsson.
Jóhannes átti ekki góðan dag er hann dæmdi leik FH og Selfoss
í síðustu umferð og vekur því nokkra athygli að hann fái stærsta
leik þessarar umferðar.
„Það er stundum talað um að Jóhannes dæmi ekki vel í sjón-
varpsleikjum. Ég veit ekki hvort það sé rétt. Kannski höndlar
hann ekki pressuna. Það er aldrei að vita hvernig hann stendur
sig núna. Hann þarf að eiga betri leik núna en í síðasta leik.
Það er klárt mál. Hann þarf að eiga jafnari leik og leikurinn má
ekki ráðast á dómgæslunni,” segir Guðjón Þórðarson en þetta
verður annar KR-leikurinn í röð þar sem dómarinn er klárlega undir
pressu.
„Jói gerði mistök í síðasta leik og ég vona að leikurinn í kvöld verði
þannig að sem fæstir taki eftir því sem hann gerir.”
Munur eftir þjálfurum
Undir stjórn Loga Ólafssonar:
Leikir: 11
Mörk: 4
Guðjón: 5 leikir/2 mörk
Kjartan: 11 leikir/2 mörk
Undir stjórn Rúnars Kristinssonar:
Leikir: 8
Mörk: 12
Guðjón: 6 leikir/6 mörk
Kjartan: 8 leikir/6 mörk
Góðir saman
Leikir þar sem Guðjón og Kjartan
hafa verið saman í byrjunarliðinu:
Stjarnan (úti): 2-2 jafntefli
Selfoss (úti): 3-0 sigur
*Stjarnan (heima): 3-1 sigur
Fram (heima): 2-1 sigur
Fylkir (úti): 4-1 sigur
ÍBV (úti): 4-2 sigur
* Björgólfur byrjaði líka.
Samantekt:
5 sigrar í 6 leikjum
16 stig af 18 mögulegum
18 mörk eða 3,00 í leik.
FÓTBOLTI KR-ingar hafa fyrir löngu sagt skilið við
neðri hluta Pepsi-deildarinnar og eru komnir á fullt
í baráttuna um Íslandsmeistaratitilinn. Liðið hefur
tekið stakkaskiptum með komu Rúnars Kristinsson-
ar í brúna og það eru einkum tveir leik-
menn sem hafa sprungið út undir hans
stjórn.
Ein stærsta og áhrifamesta breyting-
in sem Rúnar gerði á KR-liðinu var að
setja markakóng síðustu leiktíðar
og 30 marka mann síðustu tvö
tímabil, Björgólf Takefusa, á
varamannabekkinn.
Rúnar hefur veðjað á
að nota frekar Guðjón
Baldvinsson og Kjart-
an Henry Finnboga-
son með Óskari Erni
Haukssyni í þriggja
manna framlínu liðsins.
Þeir Kjartan Henry og Guðjón
hafa svarað kallinu með því að raða
inn mörkum í sigurgöngu KR-liðsins
og Óskar Örn hefur komið að undirbún-
ingi tíu marka KR-liðsins síðan Rúnar tók
við.
Björgólfur Takefusa hefur fengið tak-
markan spilatíma undir stjórn Rúnars
(aðeins 2 sinnum í byrjunarliðinu í 8 deild-
arleikjum) og hefur aðeins skorað eitt deild-
armark síðan Rúnar tók við. Hann hafði
skorað 5 mörk í fyrstu 11 leikjunum undir
stjórn Loga.
Það er hins vegar aðra sögu að segja af
markaskorun Guðjóns og Kjartan Henrys. Kjartan
Henry hefur skorað í síðustu sex deildarleikjum
sínum og í Vestmannaeyjum skoraði Guðjón
sína þriðju tvennu í sex leikjum sínum undir
stjórn Rúnars.
Þeir félagar hafa skorað 12 mörk saman
í átta leikjum undir stjórn Rúnars, sex mörk
hvor, en gerðu aðeins saman 4 mörk í 11 leikjum
undir stjórn Loga Ólafssonar.
Það verður þó að taka inn í myndina að
Guðjón Baldvinsson var meiddur stór-
an hluta af tímabilinu þegar Logi
Ólafsson stýrði KR-liðinu en
munurinn á Kjartani Henry
Finnbogasyni er hins vegar
óumdeilanlegur.
KR-ingar hafa feng-
ið 16 af 18 möguleg-
um stigum út úr þeim
sex leikjum í sumar
þar sem Kjartan Henry og
Guðjón hafa byrjað hlið við hlið
í sumar og KR-liðið hefur skorað
alls 18 mörk í þessum sex leikjum. Í
einum af þeim leikjum var Björgólfur
reyndar einnig í byrjunarliðinu.
Logi Ólafsson notaði mikið Kjart-
an Henry og Björgólf saman eink-
um vegna meiðsla Guðjóns en
sú samvinna skilaði aðeins 11 af
mögulegum 24 stigum í hús og KR
skoraði þá 15 mörk í 8 leikjum eða
1,9 að meðaltali í leik. - óój
Tveir leikmenn eru óstöðvandi í sóknarleik KR þessa dagana:
Rúnar veðjaði á Guðjón og
Kjartan og uppskar ríkulega
FÓTBOLTI Þegar þrjár umferðir eru eftir af Pepsi-deild
karla er sú áhugaverða staða uppi að fjögur lið geta
hampað Íslandsmeistaratitlinum. Elstu menn muna
vart aðra eins spennu á Íslandsmótinu.
Tvö þessara liða – KR og Breiðablik – mætast í stór-
leik kvöldsins á KR-vellinum. Blikar eru á toppnum
og verða meistarar klári þeir sína leiki. KR verður
aftur á móti að vinna til þess að halda lífi í meistara-
vonum sínum.
„Nú er komið að Blikastrákunum að sýna að þeir
séu menn en ekki mýs. Þeir verða að sýna og sanna
að þeir séu vaxnir upp í það að berjast um titilinn,“
segir Guðjón Þórðarson, fyrrum landsliðsþjálfari, en
Blikar hafa staðist flest próf í sumar.
„Það var þúfa að þvælast fyrir þeim gegn Hauk-
um. Það var líka sérstakur undirbúningur fyrir þann
leik sem líklega truflaði eitthvað. Ég hef séð marga
leiki með Blikum í sumar og þeir spila mjög flottan
fótbolta. Þeir keyra líka á því sem þeir eru góðir í að
gera. Það þurfa þeir að gera í kvöld. Einbeita sér að
sjálfum sér. Mín tilfinning er sú að þessum leik muni
lykti með jafntefli.“
Það er síðan mikill Suðurlandsslagur á Selfossi
þegar ÍBV sækir „nágranna“ sína heim.
„Þetta er leikur upp á líf og dauða fyrir bæði lið.
Selfyssingar hafa sýnt á köflum að þeir geta strítt
hverjum sem er. Þá oftar en ekki þegar þeir hafa engu
að tapa. Þá koma þeir til baka og sýna af sér djörfung
og dug. Það dugar ekki til og Selfoss þarf að ná fullum
leik til þess að eiga möguleika gegn ÍBV,“ segir Guð-
jón sem telur Selfoss fallið með tapi í kvöld.
„Ég held samt að ÍBV sé of stór biti fyrir
Selfoss að þessu sinni. Þegar Eyjamenn sjá
hvað er í húfi þá munu þeir setja nógu mikið í leikinn
til þess að klára hann.“ henry@frettabladid.is
Blikarnir menn eða mýs?
20. umferð Pepsi-deildar karla fer fram í kvöld. Stórleikur kvöldsins er viður-
eign KR og Breiðabliks. Fréttablaðið fékk Guðjón Þórðarson til að spá í spilin.
BARÁTTA Það verður ekkert gefið eftir hjá KR og Breiðablik í
kvöld. FRÉTTABLAÐIÐ/VILHELM
Leikir kvöldsins:
KR - Breiðablik
Selfoss - ÍBV
Keflavík - Valur
Fylkir - Grindavík
Haukar - Fram
STAÐAN:
Breiðablik 19 11 4 4 41-22 37
ÍBV 19 11 3 5 31-22 36
FH 19 10 5 4 36-26 35
KR 19 10 4 5 38-25 34
Fram 19 8 5 6 31-29 29
Valur 19 7 7 5 31-33 28
Stjarnan 19 6 6 7 37-36 24
Keflavík 19 6 6 7 20-25 24
Grindavík 19 5 5 9 23-29 20
Fylkir 19 5 3 11 31-39 18
Haukar 19 2 8 9 25-40 14
Selfoss 19 4 2 13 27-44 14
Jóhannes dæmir í kvöld
Meistaradeild Evrópu
E-RIÐILL
Bayern München - AS Roma 2-0
1-0 Thomas Müller (79.), 2-0 Miroslav Klose (83.)
Cluj - Basel 2-1
F-RIÐILL
Zilina - Chelsea 1-4
0-1 Michael Essien (13.), 0-2 Nicolas Anelka (24.),
0-3 Anelka (28.), 0-4 Daniel Sturridge (48.), 1-4
Tomas Oravec (55.).
Marseille - Spartak Moskva 0-1
G-RIÐILL
AC Milan - Auxerre 2-0
1-0 Zlatan Ibrahimovic (66.), 2-0 Zlatan (70.).
Real Madrid - Ajax 2-0
1-0 Anita, sjálfsmark (31.), 2-0 Gonzalo Higuain
(73.).
H-RIÐILL
Arsenal - Braga 6-0
1-0 Cesc Fabregas, víti (9.), 2-0 Andrei Arshavin
(30.), 3-0 Marouane Chamakh (34.), 4-0 Fabre-
gas (53.), 5-0 Carlos Vela (68.), 6-0 Vela (84.).
Shakhtar Donetsk - Partizan Belgrad 1-0
ÚRSLIT
FÓTBOLTI Arsenal minnti ræki-
lega á sig í Meistaradeild Evrópu í
gær með 6-0 stórsigri á Braga frá
Portúgal. Þá vann Chelsea einn-
ig góðan sigur á MSK Zilina í Sló-
vakíu, 4-1. Bæði lið réttu þar með
hlut þeirra ensku í keppninni en
Manchester United og Tottenham
gerðu bæði jafntefl í sínum leikj-
um í fyrrakvöld.
Hin stórliðin sem öttu kappi í
gær – Real Madrid, AC Milan og
Bayern München – unnu 2-0 sigra
í sínum leikjum og var því fátt um
óvænt tíðindi í leikjum gærkvölds-
ins. Helst var að Spartak Moskva
vann óvænt 1-0 sigur á Marseille í
Frakklandi.
Cesc Fabregas sýndi í gær að
hann er með hugann við efnið.
Hann var sagður á leið til Bar-
celona í allt sumar og mun hafa
farið fram á það við Arsene Weng-
er knattspyrnustjóra að hann yrði
seldur. En allt kom fyrir ekki og
það virtist engu máli skipta í gær.
Hann átti stórleik – skoraði tvö og
lagði upp tvö til viðbótar.
„Mér hefur alltaf liðið frábær-
lega hér [hjá Arsenal]. Ég er mjög
ánægður hér,“ sagði hann eftir
leikinn. Helst varð hann fyrir
vonbrigðum að hafa ekki skorað
þrennu en hann fékk þó gott tæki-
færi til þess. „Það er eitthvað sem
mér hefur ekki tekist á mínum
atvinnumannaferli.“
Carlo Ancelotti, stjóri Chelsea,
lofaði Nicolas Anelka sem skor-
aði tvívegis í gær. „Hann spilaði
frábærlega, var duglegur að finna
svæði og skapa tækifæri. Hann
var lykillinn að sigri okkar.“ - esá
Stórliðin unnu öll í Meistaradeild Evrópu í gær:
Glæst tilþrif Arsenal
SNILLDARTAKTAR Cesc Fabregas, Carlos Vela og Emmanuel Eboue fagna einu marka
Arsenal í gær. NORDIC PHOTOS/GETTY