Fréttablaðið - 14.10.2010, Síða 12

12 14. október 2010 FIMMTUDAGUR
Veldu þér Škoda
Notaðir bílar · Kletthálsi og Laugavegi 174 · Sími: 590-5040 · Opið virka daga 10–18 og laugardaga 12–16.
HAFÐU HANN Í ÁBYRGÐ MEÐ BÍLAÁBYRGÐ HEKLU
Komdu við hjá okkur á Kletthálsi og skoðaðu úrvalið
af nýlegum og sparneytnum Škoda bílum. Verðið er
sérlega hagstætt og með Bílaábyrgð HEKLU getur þú
haft bílinn í ábyrgð þar til hann nær fimm ára aldri.
Škoda Octavia 1.9 TDi dísil
Ásett 2.390.000 kr. – Ekinn 62.000 km.
Skráningardagur 14.05.07. Beinskiptur.
Ásett 2.190.000 kr. - Ekinn 78.000 km.
Skráningardagur 18.12.06. Sjálfskiptur.
Ásett 2.490.000 kr. – Ekinn 69.000 km.
Skráningardagur 29.05.07. Sjálfskiptur.
Ásett 2.250.000 kr. – Ekinn 76.000 km.
Skráningardagur 11.05.07. Beinskiptur.
Ásett 1.900.000 kr. – Ekinn 60.000 km.
Skráningardagur 21.11.07. Beinskiptur.
Ásett 1.950.000 kr. – Ekinn 21.000 km.
Skráningardagur 07.04.08. Beinskiptur.
Škoda Octavia 2.0 FSi bensín Škoda Octavia 1.9 TDi dísil
Škoda Octavia 1.9 TDi dísil Škoda Roomster 1.6 bensín Škoda Fabia Combi 1.2 bensín
MEÐ BÍLAÁBYRGÐ HEKLU
MEÐ BÍLAÁBYRGÐ HEKLU
MEÐ BÍLAÁBYRGÐ HEKLU
F
í
t
o
n
/
S
Í
A

SÍLE Björgun 33 námuverkamanna í Síle hefur
gengið eins og í sögu. Fyrsti maðurinn var
hífður upp aðfaranótt þriðjudags og í gær-
kvöld var meirihluti þeirra laus úr prísund-
inni. Þeir síðustu verða væntanlega komnir
upp á yfirborð jarðar fyrir hádegi í dag.
Fyrstur upp á yfirborðið var Florencio
Avalos, sem talinn var heilsuhraustastur
mannanna. Honum var ákaft fagnað meðan
hann faðmaði að sér sjö ára son sinn, eigin-
konu sína og loks Sebastian Pineira forseta,
sem hefur fylgst grannt með undirbúningi
og aðdraganda björgunaraðgerðanna.
Næstur kom Mario Sepulveda, lífsglaður
maður sem talar hátt og lætur margt flakka.
„Ég tel mig hafa verið ótrúlega hepp-
inn,“ sagði hann. „Ég var með guði og með
djöflinum, og ég valdi guð.“
Mönnunum hefur verið tekið eins og þjóð-
hetjum. Þrautseigja þeirra og samstaða
hefur verið lofuð í hástert. Pineira forseti
hefur meira að segja sagt þá eiga að vera
þjóðinni til fyrirmyndar.
Dvöl þeirra í meira en tvo mánuði í ein-
angrun neðanjarðar hefur þó reynst þeim
erfið. Fréttir hafa borist af harkalegum
ágreiningi í hópnum og þeir eru sagðir hafa
samþykkt að láta ekkert uppi um alvarleg
atvik sem áttu sér stað fyrstu vikurnar.
Eftir að mennirnir komu upp á yfirborðið
hafa þeir allir verið settir á sjúkrabörur og
þeir síðan fluttir stutta leið yfir í sjúkraskýli
þar sem heilsufar þeirra er kannað. Þeir hafa
síðan hver á fætur öðrum verið lagðir inn á
sjúkrahús í Copiapo þar sem betur verður
hugað að þeim næstu tvo sólarhringana.
Stjórnvöld hafa heitið því að hugsa vel um
mennina í hálft ár að minnsta kosti, og leng-
ur ef einhverjir þeirra þurfa á frekari aðstoð
að halda.
Sálfræðingar telja fullvíst að þessi reynsla
muni setja mark sitt á líf þeirra það sem
eftir er. Mennirnir hafa verið innilokað-
ir á meira en 700 metra dýpi síðan 5. ágúst
þegar námugöngin lokuðust. Enginn vissi
hvort þeir væru á lífi fyrr en sautján dögum
síðar, þegar þröng hola hafði verið boruð
niður til þeirra. Þeim tókst að senda lítinn
miða upp á yfirborðið þar sem á stóð, krotað
með rauðu bleki: „Við erum hér í afdrepinu í
góðu ástandi, allir 33.“
Mennirnir höfðu farið inn í afdrep í göng-
unum til að snæða hádegismat þegar hrunið
varð hinn 5. ágúst.
Hægt var að koma til þeirra samskipta-
búnaði niður þröngu göngin og síðan var
hafist handa við að bora göng sem væru
nógu breið til að hægt væri að koma einum
manni upp í einu.
Sjálf björgunin hófst rétt fyrir miðnætti
á miðvikudag, 69 dögum eftir að þeir lok-
uðust inni. Fyrst var björgunarmaður
sendur niður í hylkinu, sem sérstaklega
var hannað til að flytja mennina upp á
yfirborðið.
Eftir að fyrsti námumaðurinn var kom-
inn upp fór sjúkraliði niður með hylkinu
til að huga betur að heilsufari mannanna
áður en þeir væru fluttir upp, og síðan
komu þeir einn af öðrum upp á yfirborðið
þar sem mannfjöldinn tók á móti þeim.
gudsteinn@frettabladid.is
Björgunarafrek í eyðimörkinni
Sannkölluð þjóðhátíðarstemning hefur ríkt í Síle undanfarinn sólarhring þegar hver námumaðurinn á fætur öðrum hefur verið hífður
upp úr námugöngum eftir nærri sjötíu daga innilokun. Björgunin gekk eins og í sögu og mönnunum var fagnað eins og þjóðhetjum.
TVEGGJA MÁNAÐA AÐSKILNAÐUR Námumaðurinn Mario Gomez, nýkominn upp úr göngunum, hittir eigin-
konu sína eftir 69 daga aðskilnað. FRÉTTABLAÐIÐ/AP
FORSETINN TÓK Á MÓTI Sebastian Pinera, forseti Síle, tók á móti fyrstu námamönnunum og faðmaði þá að
sér. NORDICPHOTOS/AFP