Fréttablaðið - 23.10.2010, Qupperneq 2

2 23. október 2010 LAUGARDAGUR
TYRKLAND Daníel Ernir Jóhanns-
son, rúmlega sex mánaða gam-
all sonur hjónanna sem létust í
bílslysi í Tyrklandi, er kominn í
faðm fjölskyldu sinnar. Gunnar
Tryggvason, móðurbróðir Daní-
els litla, segir greinilegt að dreng-
urinn hafi notið góðs atlætis eftir
slysið á miðvikudag.
Foreldrar drengsins, þau
Jóhann Árnason og Dagbjört
Þóra Tryggvadóttir, létust bæði
í slysinu. Bíll þeirra lenti fram-
an á sendibíl sem kom akandi úr
gagnstæðri átt. Daníel var fyrst
um sinn á sjúkrahúsi í bænum
Mugla en ræðismaður Íslands og
eiginkona hans tóku við honum
eftir það.
Í fyrrakvöld komu Gunnar,
eiginkona hans, föðurafi og amma
til Tyrklands og fengu hann í
sínar hendur. Í samtali við frétta-
stofu Stöðvar 2 segir Gunnar það
hafa verið ánægjulega stund.
Hann vildi sérstaklega koma á
framfæri þökkum til utanríkis-
ráðuneytisins og ræðismanns-
hjónanna sem hann sagði hafa
hjálpað fjölskyldunni mikið.
Gunnar segir að fjölskyldan
geti jafnvel komið heim strax á
sunnudag. Hann segir að framtíð
Daníels litla sé björt þrátt fyrir
allt, enda eigi hann marga góða
að. - bl, shá
Arnar, er þetta ekki bara enn
ein bólan?
„Jú, þetta er enn ein bólan sem
kemur og fer.“
Veirusýking sem nefnist sláturbóla virðist
hafa herjað í óvenju miklum mæli á
starfsfólk í sláturhúsum í haust. Veiran er
í vessum innan í sauðfé sem slátrað er.
Arnar Þór Guðmundsson er yfirlæknir á
heilsugæslunni á Selfossi.
FÓLK Persónuvernd leggst gegn
áformum heilbrigðisráðuneyt-
isins um að leggja að mestu af
aðkomu stofnunarinnar að leyfis-
veitingum til aðgangs að sjúkra-
skrám.
Frumvarpsdrög frá ráðuneyt-
inu gera ráð fyrir því að verulega
verði dregið úr opinberu eftir-
liti með framkvæmd vísinda-
rannsókna þar sem unnið sé með
viðkvæmar persónuupplýsing-
ar. „Reynslan af núverandi fyr-
irkomulagi við leyfisveitingar
vegna vísindarannsókna á heil-
brigðissviði er góð og ekkert ligg-
ur fyrir um hvers vegna þurfi að
draga úr mannréttindum á þessu
sviði. Verði drögin að lögum er
hætta á að öryggi borgaranna
skerðist og að einkalífsvernd
verði fyrir borð borin,“ segir í
umsögn Persónuverndar. - gar
Andstaða við frumvarpsdrög:
Mannréttindi
og öryggi skert
DÓMSMÁL Gæsluvarðhald var
framlengt til 5. nóvember yfir
tveimur karlmönnum í Héraðs-
dómi Reykjavíkur í gær. Mennirn-
ir sitja inni vegna rannsóknar lög-
reglu á umfangsmiklum svikum á
virðisaukaskatti.
Upphaflega voru sex handteknir
vegna málsins. Fimm af þeim
eru nú lausir. Sá sem þarf að sitja
lengur í gæsluvarðhaldi er starfs-
maður ríkisskattstjóra. Hinn sem
gæsluvarðhald var framlengt yfir
er karlmaður á fertugsaldri, sem
úrskurðaður var í gæsluvarðhald
fyrr í mánuðinum. Sá hlaut fyrr
á þessu ári sex mánaða fangelsis-
dóm fyrir hlutdeild sína í kanna-
bisræktun. stjóra. - jss
Dóp- og fjársvikamál:
Framlengt á
fjársvikamenn
LEIDDUR FYRIR DÓMARA Mennirnir tveir
voru í gær leiddir fyrir dómara.
TÆKNI Nýr og endurbættur vefur Vísis.is fór í loftið í
gær, en um er að ræða töluverða breytingu frá fyrri
vef, þar sem nú er áhersla ekki aðeins á öfluga miðlun
frétta heldur hefur afþreying þar veigameiri sess.
Á Vísi er nú aðgengilegt á einum stað mikið af því
efni sem verður til á hverjum degi hjá öllum fjölmiðl-
um 365 miðla, meðal annars Fréttablaðinu, Stöð 2,
Stöð 2 Sport, Bylgjunni, FM957 og X-inu.
Sérstök áhersla er á miðlun sjónvarpsefnis sem
Freyr Einarsson, ritstjóri Vísis og Stöðvar 2 segir í
meiri gæðum en áður, auk þess sem eigendur Apple-
tölva geta einnig horft á sjónvarpsefnið.
Þá verður í boði á Vísi mikið af gömlu og nýju efni
úr 24 ára sögu Stöðvar 2, þar á meðal nýjum þáttum
eins og Steinda jr, Spaugstofunni og Hlemmavídeó.
„Við erum líka fyrsti íslenski fjölmiðillinn sem
býður upp á fréttir, íþróttir og sjónvarpsefni fyrir
farsíma og iPad,“ segir Freyr.
Aðspurður sagði hann að takmarkið væri að bæta
þjónustu við lesendur. „Vísir er mjög öflugur miðill
með um 280.000 notendur í viku hverri og við erum
aðallega að einbeita okkur að því að bæta þjónustuna
við þennan stóra hóp.“ - þj
Fjölbreytt afþreyingarefni í boði á einum öflugasta fréttavef landsins:
Nýr og endurbættur Vísir.is í loftið
NÝR VEFUR Ari Edwald forstjóri 365 miðla kynnti nýjan vísi.is
við hátíðlega athöfn í gær. Fréttablaðið/Valli
FÉLAGSMÁL Gylfi Arnbjörns-
son var endurkjörinn formaður
Alþýðusambands Íslands á árs-
fundi sam-
bandsins í
gær, en hann
bar sigurorð
af Guðrúnu J.
Ólafsdóttur
sem bauð sig
fram á móti
honum.
Gylfi vann
öruggan sigur
þar sem hann
hlaut tæp 73 prósent atkvæða
gegn 27 prósentum Guðrúnar, en
um 350 fulltrúar sátu fundinn. Í
ávarpi sínu þakkaði Gylfi fyrir
traustið sem fundarmenn sýndu
honum. Signý Jóhannesdóttir var
kjörin varaformaður sambands-
ins, en Guðrún J. Ólafsdóttir bauð
sig einnig fram gegn henni. - þj
Formaður ASÍ endurkjörinn:
Öruggur sigur
Gylfa í kjörinu
GYLFI
ARNBJÖRNSSON
Daníel litli kominn í
faðm fjölskyldunnar
Móðurbróðir Daníels Ernis segir vel hafa verið hugsað um drenginn eftir að
hann missti foreldra sína í slysi á miðvikudag. Fjölskyldan hugar að heimferð.
LETTLAND Íslenskur karlmaður, 29
ára að aldri, lést af slysförum í
Ríga í Lettlandi í gær. Maðurinn,
sem var í ferð með vinnufélögum
sínum, var einn á ferð í miðborg
Ríga þegar slysið varð, en sam-
kvæmt upplýsingum fréttastofu
Stöðvar 2 virðist hann hafa fengið
raflost frá spennustöð.
Sendiherra Íslands í Finnlandi
fer með málið og mun aðstoða lög-
regluna við rannsókn á tildrögum
slyssins. Maðurinn lætur eftir sig
unnustu. Ekki er hægt að greina
frá nafni hans að svo stöddu. - shá
29 ára karlmaður lést í slysi:
Lét lífið í slysi í
Ríga í Lettlandi
ÍSRAEL, AP Ísraelskir landtöku-
menn byggja fjórum sinnum
hraðar nú en þeir gerðu áður en
tíu mánaða framkvæmdabann var
lagt á þá.
Síðan bannið rann úr gildi í síð-
asta mánuði hafa landtökumenn
hafið byggingu á 600 nýjum íbúð-
um. Framkvæmdirnar stefna
friðarviðræðum í voða, því Pal-
estínumenn hafa ítrekað sagt að
þeir geti ekki tekið þátt í viðræð-
um nema framkvæmdir landtöku-
manna verði stöðvaðar á meðan.
Þeir segja framkvæmdahraðann
sýna að Ísraelum sé ekki alvara
með friðarviðræðum. - gb
Ísraelskir landtökumenn:
Byggja fjórum
sinnum hraðar
STJÓRNMÁL Málefnaþing Vinstri
grænna um utanríkismál hófst í
gær þar sem mál tengd umsókn
Íslands í Evrópusambandið voru
meðal þess sem brann á fólki.
Í fundinum kom hópur félags-
manna á framfæri áskorun á
forystu flokksins um að draga
umsóknina til baka, en annars
voru utanríkismál rædd almennt.
Að sögn Árna Þórs Sigurðarson-
ar, þingmanns og formanns utan-
ríkisnefndar, voru mjög góðar
umræður á fundinum.
„Þetta þing er í sjálfu sér ekki
stofnun innan flokksins og enginn
ályktunarvettvangur, Við erum
aðallega að reyna að tala saman
með faglegum og málefnalegum
hætti.“
Þing þetta er hluti af röð þinga
þar sem flokksmenn hittast og
ræða ákveðin málefni. Umhverf-
ismál voru á oddinum fyrir tveim-
ur vikum, og í upphafi næsta árs
verða velferðarmál og og jafnrétt-
ismál rædd.
„Við erum að taka þessar megin-
stoðir flokksins til umfjöllunar,“
sagði Árni, en á næsta ári verður
landsfundur Vinstri grænna.
Þingið heldur áfram á morgun
og lýkur með kynningu á niður-
stöðum hópavinnu. -þj
Vinstri græn með málefnaþing um utanríkismál:
Hópur vildi draga aftur ESB-umsókn
Í ÖRUGGRI HÖFN Gunnar Tryggvason kyssir hér á kollinn á Daníel litla. Úlfhildur
Leifsdóttir, eiginkona Gunnars, heldur á drengnum í fangi sínu. MYNDIR/HABEROKU.NET
MÁLIÐ VEKUR ATHYGLI Hér heldur ræð-
ismaður Íslands, Esat Kardicali, á Daníel
litla á fjölmennum blaðamannafundi. Sá
stutti lætur sér fátt um finnast.
KVEÐJUSTUND Hjúkrunarfræðingurinn
Sevdu Köse gaf þeim stutta brjóst á
sjúkrahúsinu. Hún segist ávallt hugsa til
Daníels með hlýju.
FUNDAÐ Í VG Árni Þór Sigurðsson segir
Vinstri græna hafa rætt saman á fagleg-
an og málefnalegan hátt.
SPURNING DAGSINS
Nánari upplýsingar
á expressferdir.is
eða í síma 5 900 100
F
í
t
o
n
/
S
Í
A
Innifalið: Flug með sköttum og öðrum greiðslum,
gisting á Hotel Park Inn í þrjár nætur með morgun-
verði og íslensk fararstjórn.
Berlín á tilboðsverði!
Verð á mann í tvíbýli:
74.500 kr.Fararstjóri: Eirik Sördal
Borgarferð
5. –8. nóvember 2010