Fréttablaðið - 23.10.2010, Qupperneq 30

30 23. október 2010 LAUGARDAGUR
Rokkhundar og námshestar
Skemmtanabransinn er hverfull og næsta víst að það sem heitt er í dag verði kalt á morgun. Kjartan Guðmundsson valdi af
handahófi nokkra tónlistarmenn og leikara sem höfðu haft vaðið fyrir neðan sig og lokið námi í einhverju allt öðru.
Ekki er á allra vitorði að hinn ástsæli tónlistarmaður, skemmtikraftur og
fjölmiðlamaður Þorgeir Ástvaldsson er
útlærður landfræðingur. Sú staðreynd
ætti þó ekki að koma svo mjög á óvart
þegar haft er í huga að lengri og skemmri
ferðalög hafa verið Togga í Tempó, eins
og hann er gjarnan kallaður, hugleikin í
verkum sínum í gegnum tíðina, til dæmis
í smellum á borð við Ég fer í fríið og
Á puttanum.
Leikkonunni Brynhildi Guð-
jónsdóttur er fleira til lista lagt en
leiklistin,
enda
lauk hún frönskunámi í Háskóla Íslands.
Námið hefur vísast komið henni til góða
þegar hún fór með hlutverk frönsku stór-
söngkonunnar Edith Piaf í uppfærslu
Þjóðleikhússins fyrir nokkrum árum.
Þá er hinn eitilharði rokkari Elís
Pétursson, bassaleikari sveitarinnar
Jeff Who?, menntaður sálfræðingur frá
Háskóla Íslands.
Fleiri:
Valgeir Guðjónsson Stuðmað-
ur, félagsráðgjafi frá Noregi.
Einar Örn Benediktsson, fjöl-
miðlafræðingur frá Englandi.
Anna Svava Knútsdóttir leik-
kona, bókmenntafræðingur frá
Háskóla Íslands.
Þorsteinn Gunnarsson
leikari, arkitekt frá
Kaupmannahöfn.
Bergur Ebbi Bene-
diktsson, fyrrver-
andi gítarleikari í
Sprengihöllinni, lög-
fræðingur frá Háskóla
Íslands.
■ Á PUTTANUM UM HEIMINN Í HUGANUM
Ó líklegt er að nokkur grínistaflokkur, hvorki fyrr né síðar, hafi verið skip-
aður jafn sprenglærðum einstaklingum
og hinn breski Monty Python. Stofnmeð-
limurinn Graham Chapman, sem lést árið
1989, var útskrifaður læknir frá London
School of Medicine and Dentistry og nam
einnig við Cambridge-háskóla, en frá þeim
háskóla útskrifuðust einnig félagar hans í
gríninu, þeir John Cleese (sem lögfræðing-
ur) og Eric Idle (sem bókmenntafræðing-
ur). Sagnfræðingurinn Michael Palin og
bókmenntafræðingurinn Terry Jones sóttu
hins vegar báðir nám sitt til erkifjend-
anna í Oxford-háskóla. Ekki þarf að horfa
lengi á gamanþætti og kvikmyndir Monty
Python til að sjá alls kyns vísanir í mennt-
un þeirra félaga.
Það er ekki að ástæðulausu sem
tónlist hinnar gríðarvin-
sælu hljómsveitar Coldplay
er stundum nefnd gáfu-
mannapopp, en meðlimir
hennar kynntust þegar
þeir hófu allir nám í
University College
í London árið 1996.
Þrátt fyrir að mest-
ur tími þeirra næstu
þrjú árin færi í að
æfa og semja með
sveitinni náðu þrír
þeirra að útskrifast,
söngvarinn Chris Mart-
in, sem útskrifaðist með
láði úr fornfræði og
latínu, gítarleikarinn
Jonny Buckland úr
stjörnufræði og stærðfræði og trommarinn
Will Champion úr mannfræði. Fjórði með-
limurinn, bassafanturinn Guy Berryman,
valdi rokkið fram yfir menntunina.
Þá er ótalin gáfumannasveitin Hinir ást-
sælu Spaðar, sem hefur í gegnum tíðina
verið skipuð fjölmörgum langskólagengn-
um mönnum, til að mynda stjórnmála-,
bókmennta- og náttúrufræðingum svo
fátt eitt sé nefnt.
Aðrar sveitir sem haft hafa
gnótt af menntamönnum
innanborðs:
Dikta
Queen
Genesis
Vampire Weekend
Mosi frændi
■ HEFND BUSANNA
Sænski harðhausinn Dolph Lundgren, sem gert hefur garðinn frægan í myndum á borð við Rocky IV, Bond-
myndinni A View to a Kill, Universal Soldier og nú síð-
ast The Expendables, þótti snemma efnilegur námsmað-
ur. Hann fetaði í fótspor föður síns og útskrifaðist með
mastersgráðu í efnaverkfræði frá háskólanum í Sidney
í Ástralíu árið 1982. Ári síðar var Dolph veittur
skólastyrkur til að nema við hinn virta MIT-
háskóla í Boston, en þar greip leiklist-
arbakterían hann heljartökum og því
fór sem fór.
Friends-leikkonan Lisa Kudrow leit-
aði einnig innblásturs til líffræðings-
ins föður síns þegar hún ákvað að skrá
sig til náms í Vassar-háskólanum í New
York-fylki, þar sem hún sérhæfði sig í rann-
sóknum á höfuðverkjum og lauk BS-námi. Hún
starfaði einnig á rannsóknarstofu föður síns í
átta ár meðan hún reyndi að brjóta sér leið
inn í skemmtanaiðnaðinn.
Leikkonan
Ashley Judd
lærði frönsku
í háskólanum
í Kentucky og
í Frakklandi,
en tók sér
þó sautj-
án ára hlé
frá námi
frá árinu
1990 og
þar til hún
útskrif-
aðist vorið 2007. Hún stundar nú
mastersnám í opinberri stjórnsýslu
við Harvard Kennedy-háskólann.
Fleiri lærðir leikarar:
Tommy Lee Jones, BA í ensku frá Harvard.
Mira Sorvino, BA í kínversku frá Harvard.
Will Ferrell, íþróttafræðingur frá háskólan-
um í Suður-Kaliforníu.
Natalie Portman, BA í sálfræði frá Har-
vard.
■ EFNAVERKFRÆÐINGURINN IVAN DRAGO
Tony Morello, gítarleikari rokksveit-arinnar Rage Against the Machine,
varð fyrsti maðurinn frá Liberty Ville,
úthverfi Chicago þar sem hann ólst upp,
sem komst inn í Harvard-háskólann
mikilsvirta,
og þaðan
útskrifað-
ist hann
með BA-
gráðu í
stjórnmála-
fræði
árið
1986.
Eftir
námið flutti hann til
Hollywood og vann
meðal annars fyrir
sér sem fatafella áður
en Rage Against the
Machine sló í gegn
með sínu róttæka
og pólitíska rokki
nokkrum árum síðar.
Hin kúbanska
Gloria Estefan, söng-
kona hljómsveitar-
innar Miami Sound
Machine sem gerði allt
vitlaust á níunda ára-
tugnum með lögum
eins og Dr. Beat og
Rhythm Is Gonna Get
You, útskrifaðist með
BA-gráðu í sálfræði og
frönsku sem aukagrein
frá Miami-háskóla árið
1979. Þar sem hún tal-
aði allt í senn ensku,
spænsku og frönsku
reiprennandi sóttist
leyniþjónustan CIA
eftir starfskröftum
hennar, en poppið varð
ofan á.
Einkar viðeig-
andi er að Art Garfunkel,
annar hluti dúettsins Simon &
Garfunkel, hafi útskrifast með
BA-gráðu í Art history, lista-
sögu, frá Columbia-háskóla og
síðar lauk Art mastersnámi í
stærðfræði frá sama skóla. Art hóf einn-
ig doktorsnám í sama fagi en tónlistin
og Paul Simon kölluðu.
Fleiri lærðir tónlistarmenn:
Lionel Richie, hag-
fræðingur frá
Tuskegee.
Garth Brooks, blaða-
maður frá Oklahoma
State University.
Sting, kennari frá
Northern Counties
College of Education.
Rivers Cuomo úr
Weezer, BA í ensku frá
Harvard.
Dr. Alban, tannlækn-
ir frá Karoline-lækna-
skólanum í Stokkhólmi.
■ ART LEGGUR FYRIR SIG ART