Fréttablaðið - 05.11.2010, Blaðsíða 6

6 5. nóvember 2010 FÖSTUDAGUR
1919
R E STAU R A N T
AND LOUNGE
FRÁBÆR VÍN Í ÚRVALI
Radisson Blu 1919 Hótel Pósthússtræti 2 102 Reykjavík Sími: 599 1000
Í hjarta miðborgarinnar býður veitingastaðurinn 1919 upp á girnilega þriggja
og fimm rétta jólamatseðla og jólahlaðborð fyrir hópa. Flauelsmjúkir forréttir,
safaríkar jólasteikur og gómsætir eftirréttir koma þér í sannkallað jólaskap.
Pantaðu borð núna og njóttu þess að taka forskot á jólasæluna.
JÓLIN KOMA TIL ÞÍN
DÓMSMÁL Hæstiréttur dæmdi í
gær karlmann í tveggja og hálfs
árs fangelsi fyrir að hafa með
ólögmætri nauðung og ofbeldi
þröngvað fyrrverandi eiginkonu
sinni til samræðis í bifreið eftir
ökuferð sem þau fóru saman í.
Þá var maðurinn dæmdur til
að greiða konunni eina milljón
króna í skaðabætur. Hæstiréttur
staðfesti þar með dóm Héraðs-
dóms Vesturlands.
Maðurinn neitaði staðfastlega
fyrir dómi að hafa nauðgað kon-
unni. Kvað hann atvikið hafa átt
sér stað með samþykki hennar.
Framburður mannsins var
talinn afar ótrúverðugur í ljósi
aðstæðna. Framburður konunnar
hefði hins vegar verið nákvæmur
og greinargóður. - jss
Tveggja og hálfs árs fangelsi:
Nauðgaði fyrr-
um eiginkonu
VIÐSKIPTI Icelandair og norræna
flugfélagið SAS hafa samið sín
á milli um margháttað sam-
starf, svo sem um tengingar og
þjónustu flugfélaganna á milli
áfangastaða og gagnkvæm rétt-
indi fyrir vildarklúbbsfélaga.
Stefnt er að því að snemma á
næsta ári geti félagar í Vildar-
klúbbi Icelandair nýtt vildarrétt-
indi sín í EuroBonus-klúbbi SAS
og öfugt.
Helgi Már Björgvinsson, fram-
kvæmdastjóri sölu- og mark-
aðssviðs Icelandair, og Lars
Sandström, forstöðumaður sam-
starfsmála hjá SAS, skrifuðu
undir samninginn í Stokkhólmi í
gær. - jab
Icelandair og SAS í samstarfi:
Bónusar verða í
boði hjá báðum
SKRIFAÐ UPP Á SAMSTARF Framkvæmda-
stjóri Icelandair og forstöðumaður hjá
SAS kvittuðu undir margháttað samstarf
flugfélaganna í gær.
DÓMSMÁL Fiskverkanda frá Nova Scotia í Kanada
hafa verið dæmdir 180 þúsund dollarar, jafnvirði
um 20 milljóna króna, fyrir vangreidda ráðgjaf-
arþóknun frá Sölusambandi íslenskra fiskfram-
leiðenda (SÍF). Sagt er frá málinu í blaðinu The
Chronicle Herald.
Roger H. Smith og kona hans Gail seldu
SÍF saltfiskverkunina Sans Souci Seafoods í
Yarmouth árið 1997 fyrir 5,6 milljónir dollara,
sem þá voru um 400 milljónir króna. SÍF gerði
munnlegt samkomulag við Smith um að hann
stæði ekki í samkeppni við félagið í fimm ár gegn
því að hann fengi 100 þúsund dollara ráðgjafar-
þóknun frá félaginu árlega, að því er segir í dómi
Hæstaréttar Nova Scotia frá því á miðvikudag.
Strax hafi hins vegar komið í ljós að SÍF ætlaði
ekki að efna samkomulagið. Þess hafi heldur
hvergi séð stað í kaupsamningnum.
Dómarinn segir að fullnægjandi sannanir séu
eigi að síður fyrir því að samkomulagið hafi verið
gert. Hins vegar hafi Smith rofið það tveim-
ur árum síðar með því að stofna humarvinnslu
og hafi þar með fyrirgert rétti sínum til frekari
greiðslna.
Smith er því talinn hafa verið snuðaður um 200
þúsund dollara, og eigi að auki inni fimm þúsund
dollara í ferðakostnað vegna málarekstursins.
Frá því dragast 25 þúsund dollarar sem hann
fékk á sínum tíma greitt fyrir að vinna skýrslu en
gerði aldrei.
SÍF er nú starfrækt undir merkjum Iceland
Seafood. - sh
Dómur fellur í Nova Scotia um að Kanadamaður eigi rétt á 20 milljónum fyrir samningsbrot:
SÍF snuðaði kanadískan fiskverkanda
SÍF Höfuðstöðvar SÍF voru í Hafnarfirði.
FRÉTTABLAÐIÐ / PJETUR
SAMFÉLAGSMÁL Ungliði úr röðum
Svíþjóðardemókrata veittist að
barþjóni af erlendum uppruna á
Ölstofu Kormáks og Skjaldar í
fyrrakvöld og kastaði í hann bjór-
glasi. Sendi-
nefnd Svíþjóðar
á Norðurlanda-
ráðsþinginu
hafði samband
við barþjóninn
í gær og óskaði
eftir að fá að
hitta hann svo
ungliðinn gæti
beðist afsökun-
ar.
„Hann var búinn að vera til leið-
inda í svolítinn tíma,“ segir Kor-
mákur Geirharðsson, annar eig-
enda Ölstofunnar. Ungliðinn hafi
verið nokkuð drukkinn og linnu-
lítið hreytt rasískum ónotum
á sænsku í barþjóninn, sem er
íslenskur og sænskur, en af pal-
estínskum uppruna. „Það vildi til
að hann var alinn upp í Svíþjóð og
skildi allar blammeringarnar,“
segir Kormákur.
Þegar maðurinn hafi síðan vilj-
að fá afgreiðslu hjá barþjóninum
eftir svívirðingarnar – og hent í
hann greiðslukorti – hafi þjónninn
fengið nóg, hent kortinu til baka
og afþakkað viðskiptin við hann.
„Þá barði hann í borðið og svo tók
hann næsta bjórglas sem hann sá
og grýtti í drenginn,“ segir Kor-
mákur. Glasið hæfði barþjóninn
í öxlina en honum varð þó ekki
meint af.
„Hann sagði sjálfur að hann
hefði bara ætlað að skvetta á hann
en misst glasið,“ segir Kormákur. Í
kjölfarið hafi honum verið vísað út
af staðnum. Hann hafi þrætt fyrir
að eiga sök á uppákomunni og þá
verið boðið að fá lögreglu á staðinn
til að fara yfir upptökur úr örygg-
ismyndavél. Það hafi hann ekki
viljað.
Kormákur gerir ekki lítið úr
atvikinu. „Þetta er töluvert mikið
mál. Þetta á ekki að sjást og við
líðum ekki svona hér. Þetta setti
svartan blett á sænsku sendinefnd-
ina og ég veit að þeim finnst það
ekki gott.“
Og það stendur heima. Heimildir
Fréttablaðsins herma að sendi-
nefndin hafi verið svo miður sín
yfir uppákomunni að fulltrúi henn-
ar hafi, með hjálp starfsmanna
Alþingis, komið sér í samband við
barþjóninn og óskað eftir því að
fá að hitta hann áður en hópurinn
fór af landi brott síðdegis í gær
svo ungliðinn gæti beðist afsök-
unar á framferði sínu. Ekki feng-
ust upplýsingar um það í gær hvort
barþjónninn hefði þegið boðið.
stigur@frettabladid.is
Rasismi ungliða skók
sendinefnd Svíþjóðar
Ungur liðsmaður Svíþjóðardemókrata veittist að barþjóni af palestínskum upp-
runa með rasískum fúkyrðum og kastaði í hann glasi. Sænska sendinefndin á
þingi Norðurlandaráðs var miður sín og óskaði eftir að fá að hitta barþjóninn.
ÖLSTOFAN Ungliðanum var vísað út af staðnum eftir að hafa veist að barþjóninum.
Fjöldi gesta á Norðurlandaráðsþinginu var staddur á Ölstofunni að skemmta sér
þetta kvöld. FRÉTTABLAÐIÐ/VILHELM
KORMÁKUR
GEIRHARÐSSON
Svíþjóðardemókratar voru meðal sigurvegara þingkosninganna í Svíþjóð fyrr
í ár. Þessi þjóðernissinnaði hægriflokkur bauð fram í fyrsta sinn og hlaut
tuttugu þingsæti. Flokkurinn hefur harða innflytjendastefnu og lýstu fulltrúar
allra annarra flokka því yfir fyrir kosningar að vegna andúðar flokksmanna á
innflytjendum kæmi ekki til greina að mynda með þeim stjórn.
Berjast gegn innflytjendum í Svíþjóð
Réðst á konu með blæju
Jeanne Ruby, franskur enskukennari
á eftirlaunum, hefur hlotið mánaðar-
langan skilorðsbundinn fangelsisdóm
fyrir að ráðast á konu frá Sameinuðu
arabísku furstadæmunum, sem var
með andlitsblæju á ferðalagi í París.
FRAKKLAND
Hertar reglur um netöryggi
Framkvæmdastjórn Evrópusambands-
ins vill setja strangari reglur um að
netfyrirtæki á borð við Google og Fac-
ebook þurfi að gefa notendum sínum
frekari stjórn á því hvernig netnotkun
þeirra er skráð.
EVRÓPUSAMBANDIÐ
BANDARÍKIN George W. Bush, fyrr-
verandi Bandaríkjaforseti, segist
sjálfur bera ábyrgð á ákvörðun
um að vatns-
pyntingar voru
notaðar við
yfirheyrslur
á fanga sem
grunaður er um
aðild að hryðju-
verkaárásum
á Bandaríkin
haustið 2001.
Þetta kemur
fram í sjálfs-
ævisögu hans, sem kemur út á
næstu vikum. Bandaríska dag-
blaðið Washington Post skýrði frá
þessu í gær.
Hann segist hafa svarað því
játandi, þegar leyniþjónustumenn
spurðu hvort beita ætti þessari
pyntingaraðferð á Khalid Sheikh
Muhammed, sem enn situr í
Guantanamo-fangabúðunum á
Kúbu. - gb
Bush tekur af vafann:
Gaf sjálfur leyfi
til pyntinga
GEORGE W. BUSH
KJÖRKASSINN
Ætlar þú að fylgjast með Þjóð-
fundinum um helgina?
Já 26,2%
Nei 73,8%
SPURNING DAGSINS Í DAG
Á að byggja nýtt hótel á Þing-
völlum?
Segðu þína skoðun á visir.is.