Fréttablaðið - 10.11.2010, Qupperneq 19

MIÐVIKUDAGUR 10. nóvember 2010
Erzgebirge er fjallgarður milli Saxlands
og Böhmen í Þýskalandi. Það svæði
er heimsþekkt fyrir jólahefðir sínar
og jólaskraut en sumir vilja meina að
Erzgebirge sé sannkallað jólaland.
Þar eru meðal annars framleiddar
hefðbundnar útskornar jólastyttur
sem heita Räuchermann. Þær eru í
raun reykelsi í líki útskorins karls eða
kerlingar og hafa fylgt handverks-
mönnum í langan tíma, eða allt frá
1830.
Reykelsið sem notað er í karlana
er keilulaga. Botninn er tekinn neðan
af karlinum, reykelsinu komið fyrir á
honum og kveikt í. Karlinum er svo
tyllt ofan á en þá kemur reykurinn út
úr munninum á honum, en iðulega
eru karlarnir látnir vera með pípu.
Nokkrar gerðir af reykkörlunum eru
til. Þeir eru oft í líki handverksmanna
héraðsins; skógarhöggsmenn, námu-
menn og hermenn. Þeir eru þó til í
mun fleiri útgáfum. Sumir geta setið á
hillum, en einnig eru til reykkerlingar
sem kallast þá Räucherfrauen.
Karlar spúa jólareyk
RÄUCHERMANN KALLAST TÝPÍSKT
ÞÝSKT JÓLASKRAUT SEM HEFUR NÁÐ
FÓTFESTU VÍÐA UM HEIM.
Tveir reykkarlar, ættaðir frá Erzgebirge í
Þýskalandi.
Stórhöfða 25 • Sími 569 3100 •
Sigga Kling og Heiðar snyrtir
slá á létta strengi.
Ellý Ármanns kynnir.
Allt það nýjasta í tískunni.
10% af allri sölu rennur til
mæðrastyrksnefndar.
Allar konur fá blóm og léttar
veitingar.
20% afsláttur af öllum vörum.
Komum og höfum gaman saman
Cosmo – Konukvöld
í kvöld kl. 19
„Traffíkin hefur verið góð í allt sumar.
Ferðamennirnir koma hér mikið við og
skoða íslenskt handverk. Íslendingar
koma lítið á sumrin, nema ferðafólk
utan af landi en nú eru Íslending-
arnir farnir að streyma inn, það
er allt á fullu hér,“ segir Anne
Helen Lindsay, eigandi Litlu
jólabúðarinnar á Laugavegi 8.
„Hér er mikið skoðað og
mikið spáð. Mér finnst
fólk skoða meira en
áður og velta fyrir sér
áður en það kaupir,“
segir Anne Helen
en hún hefur rekið
Litlu jólabúðina
í bráðum tíu ár.
Fyrst í bakhúsi á
Grundarstíg en síðustu fimm
árin á Laugaveginum. „Þegar ég
opnaði hana á sínum tíma hélt ég að þetta yrði
bara lítil búð í bílskúrnum hjá mér.“
Í Litlu jólabúðinni selur Anne Helen meðal
annars íslenskt jólahandverk eftir hátt í
þrjátíu handverks- og listamenn. Mun-
irnir eru úr íslenskri ull, gleri og tré
og fleiru. En er hún þá í jólaskapi allan
ársins hring?
„Já já, en það er auðvitað
öðruvísi á sumrin í viðskipt-
um við ferðamennina. Svo
kemst ég í alvöru jólaskap
þegar ég finn gleðina í
Íslendingunum. Þetta
er bara eins og að búa
í lítilli dótabúð og ég
segi stundum að mér
finnist ég ekkert hafa
unnið síðustu tíu árin,
bara verið að leika mér.“
heida@frettabladid.is
Eins og að búa í dótabúð allt árið
Anne Helene Lindsay er innan um jóladót allan ársins hring en hún rekur Litlu jólabúðina á Laugavegi 8. Þar selur hún meðal annars ís-
lenskt jólahandverk eftir hátt í þrjátíu handverks- og listamenn sem hún segir erlenda ferðamenn vera mjög hrifna af.
Íslenskt handverk er áberandi í Litlu jólabúðinni.
Jólaskrautið er af ýmsum toga og jólasveinarnir íslensku spila sinn þátt. Anne Helene Lindsay stofnaði Litlu jólabúðina fyrir tíu árum í bakhúsi á Grundarstíg.
Síðustu fimm árin hefur hún verið á Laugavegi 8. FRÉTTABLAÐIÐ/ANTON