Fréttablaðið - 10.11.2010, Blaðsíða 42
10. nóvember 2010 MIÐVIKUDAGUR26
sport@frettabladid.is
FÓTBOLTI Óhætt er að segja að
Ísland hafi fengið flestar sínar
óskir uppfylltar þegar dregið var
í riðla fyrir úrslitakeppni EM í
flokki U-21 landsliða í gær. Mótið
fer fram í Danmörku í júní á næsta
ári.
Ísland lenti í A-riðli með heima-
mönnum sem og liðum Sviss og
Hvíta-Rússlands.
B-riðilinn skipa lið Tékklands,
Spánar, Englands og Úkraínu.
Ísland gat ekki dregist í sama riðil
og Spánn en Tékkar náðu besta
árangri allra liða í undankeppninni
og Englendingar komust í úrslita-
leikinn síðast þegar þetta mót var
haldið. Á hinum margfræga pappír
verður B-riðill því að teljast sterk-
ari en íslenski riðillinn.
„Við erum mjög sáttir,“ segir
aðstoðarþjálfarinn Tómas Ingi
Tómasson við Fréttablaðið en hann
var viðstaddur dráttinn í Álaborg
í gær.
Áður en dregið var í riðlana var
ljóst að Danmörk yrði í A-riðli en
Tékkland í B-riðli. Ísland og Tékk-
land voru saman í riðli í undan-
keppni mótsins og unnu Tékkar
báðar viðureignirnar gegn Íslandi.
„Við vildum frekar fá Dani en
Tékkana. Þar að auki fáum við að
spila okkar leiki í Álaborg og Árós-
um sem er sérstaklega ánægju-
legt fyrir mig þar sem ég er hálf-
ur Árósingur,“ segir hann í léttum
dúr en Tómas Ingi spilaði um ára-
bil með AGF, knattspyrnuliði bæj-
arins. „Það verður skemmtilegt
að fá leiki á mínum gamla heima-
velli.“
Hann segir að það hafi einnig
verið á óskalistanum að vera í riðli
með Hvíta-Rússlandi. „Ég held að
það lið sé í svipuðum styrkleika-
flokki og við. Öll hin liðin eru mjög
sterk og því skipti það litlu máli
hvort við fengjum Sviss eða eitt-
hvert annað lið,“ bætir hann við.
Mótið er einnig undankeppni
fyrir Ólympíuleikana í Lundúnum
árið 2012 en þrjú efstu liðin á mót-
inu, auk Bretlands, öðlast þátttöku-
rétt á Ólympíuleikunum.
„Það þýðir að það er okkur í
hag að fá England í undanúrslitin.
Það var því gott að England lenti
í hinum riðlinum,“ segir Tómas
Ingi en komist lið Englands í und-
anúrslit fá hin þrjú liðin sem þang-
að komast sjálfkrafa farseðilinn
til Lundúna. Að öðrum kosti þarf
að spila sérstakan aukaleik um
ólympíusætið.
Hann segir að nú geti undirbún-
ingsvinna þjálfaranna hafist af
fullum krafti. „Nú fer allt af stað
hjá okkur þegar við vitum hverj-
um við munum mæta. Við höfum
hingað til unnið okkar heimavinnu
mjög vel og það verður engin
breyting á því,“ segir Tómas Ingi.
„Við höfum aldrei verið hræddir
við að segja að við ætlum okkur að
vinna alla leiki og það mun ekki
breytast næsta sumar.“
Ísland hefur á að skipa afar
sterkum leikmannahópi en átta
leikmenn úr þessum aldurshópi
voru valdir í A-landsliðið sem
mætir Ísrael í vináttulandsleik í
næstu viku. „Það eru kynslóða-
skipti í landsliðinu og þessir strák-
ar eru tilbúnir til þess að spila með
A-landsliðinu. Oft vilja kynslóða-
skipti reynast erfið en þannig er
það ekki hjá okkur. Þessir strákar
eru einfaldlega framtíð íslenskrar
knattspyrnu,“ segir Tómas Ingi.
eirikur@frettabladid.is
VILJUM VINNA ALLA LEIKI
Dregið var í riðla í úrslitakeppni EM U-21 liða í gær og er Ísland í A-riðli með
Danmörku, Sviss og Hvíta-Rússlandi. Tómas Ingi Tómasson aðstoðarþjálfari er
ánægður með hlutskiptið en leikir Íslands fara fram í Álaborg og Árósum.
FAGNA ÞEIR NÆSTA SUMAR? Íslenska 21 árs landsliðið fagnar hér sigurmarki Almars
Ormarssonar í fyrri umspilsleiknum á móti Skotum á dögunum. FRÉTTABLAÐIÐ/VALLI
EM U-21 liða í Danmörku
A-riðill: B-riðill:
Danmörk Tékkland
Sviss Úkraína
Hvíta-Rússland Spánn
Ísland England
Leikir Íslands:
11. júní: Hvíta-Rússland - Ísland Árósar
14. júní: Sviss - Ísland Álaborg
18. júní: Ísland - Danmörk Álaborg
Undanúrslit:
22. júní: B1 - A2 Viborg
22. júní: A1 - B2 Herning
Úrslitaleikur:
25. júní Árósar
Tómas Ingi Tómasson, aðstoðarþjálfari íslenska U-21 landsliðsins, var við-
staddur í Álaborg í gær þegar dregið var í riðla í úrslitakeppni EM í Dan-
mörku. Hann segir að stærð atburðarins hafi verið yfirþyrmandi.
„Þetta er svo stórt að það er ómögulegt að gera sér grein fyrir
öllum umsvifunum fyrr en maður upplifir það sjálfur,“ segir
hann. „Þegar dregið var í umspilið og við fengum Skotana sat
ég heima fyrir framan tölvuskjá með fiðrildi í maganum. Nú
er ég með pelikana og ekki pláss fyrir fleiri fugla í maganum,“
bætti hann við og hló. „Þetta er ótrúleg upplifun.“
Hann segir viðbrögðin hjá þeim sem hann ræddi við
ytra góð. „Við skoruðum flest mörk allra í undankeppn-
inni og menn eru greinilega mjög hrifnir af okkar liði.
Við þykjum djarfir og hugaðir enda vöðum við yfirleitt
í sókn með 4-6 leikmenn. Það hefur gengið vel og
engin ástæða að breyta því.“
Fiðrildin orðin að pelikönum
Vetrarúlpa með hettu og
loðkraga. Litir: Bleik, svört.
Barnastærðir.
16-LIÐA
ÚRSLIT
HANDBOLTI KVENNA
LEIKIR Í DAG:
ÍBV – HAUKAR
kl. 18:00
Vestmannaeyjum
VALUR 2 – ÍR
kl. 19:10
Vodafonehöllinni
GRÓTTA – HK
kl. 19:30
Seltjarnarnesi
ÖRUGG SENDING – EIMSKIP
snjótennur
Vesturhrauni 3 · 210 Garðabæ.
Sími 480-0000 · www.aflvelar.is
- sala
- varahlutir
- þjónusta
STEFÁN LOGI MAGNÚSSON , markvörður norska úrvalsdeildarliðsins Lilleström, var í gær valinn í íslenska A-landsliðshóp-
inn í fyrsta sinn í tuttugu mánuði. Ólafur Jóhannesson landsliðsþjálfari tók Stefán inn í Ísraelshópinn þar sem Árni Gautur Arason er
meiddur. Steinþór Freyr Þorsteinsson kom einnig inn í hópinn vegna meiðsla Rúriks Gíslasonar.
FÓTBOLTI Stoke endaði fjögurra
leikja taphrinu sína í ensku úrvals-
deildinni með 3-2 sigri á Birming-
ham í gær en Tottenham náði hins
vegar aðeins 1-1 jafntefli á heima-
velli á móti Sunderland.
Robert Huth kom Stoke í 1-
0 rétt fyrir hálfleik og Ricardo
Fuller jók muninn á 72. mínútu.
Það tók Birmingham þó aðeins
fjórar mínútur að jafna leikinn.
Varamaðurinn Keith Fahey skor-
aði fyrst eftir sendingu frá Nikola
Zigic og Cameron Jerome jafnaði
síðan eftir fyrirgjöf frá Sebastian
Larsson.
Stoke-menn tryggðu sér hins
vegar öll þrjú stigin á 84. mínútu
þegar Dean Whitehead skoraði en
þetta var fyrsta mark Whitehead í
þrjú ár og í 85 leikjum.
Eiður Smári Guðjohnsen kom
ekki við sögu hjá Stoke og er þetta
þriðji leikurinn í röð þar sem hann
fær ekkert að spreyta sig.
Tottenham hefur ekki náð að
vinna í síðustu fjórum leikjum
sínum í deildinni eftir 1-1 jafntefli
á móti Sunderland á White Hart
Lane. Raphael van der Vaart kom
Tottenham í 1-0 á 64. mínútu eftir
skallasendingu frá Peter Crouch
en Asamoah Gyan tryggði Sund-
erland stig með sínu þriðja marki
í síðustu tveimur leikjum. - óój
Tveir leikir í ensku úrvalsdeildinni í gærkvöldi:
Stoke vann án Eiðs
LANGÞRÁÐUR SIGUR Robert Huth fagn-
ar sigri Stoke í gær. MYND/NORDICPHOTOS/GETTY