Fréttablaðið - 18.11.2010, Qupperneq 64

48 18. nóvember 2010 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Í dómi um frábæra yfirlitsútgáfu hljómsveitarinnar XIII hér í blaðinu
um daginn minntist ég lítillega á fjórðu plötu sveitarinnar, Wintersun,
sem aldrei kom út. Í dómnum sagði ég að franska plötufyrirtækið
XIIIbis hefði hafnað disknum, en það er ekki allskostar rétt. Hið rétta
er að XIIIbis, sem er nokkuð öflug
útgáfa og hefur meðal annars gefið
út plötur með Marc Almond, Ramm-
stein, Front 242 og Suicidal Tend-
encies, var sátt við Wintersun og lét
framleiða fimm þúsund eintök af
disknum í janúar 2005. XIIIbis hafði
hinsvegar dreifingarsamning við
Sony, sem neitaði að dreifa plötunni
þar sem pantanir í forsölu náðu ekki
lágmarki fyrirtækisins. Og þannig
varð Wintersun ein af þessum plöt-
um sem lenda fullkláraðar á milli
þilja í rokksögunni. Sem vekur upp
spurninguna um það hvenær aðdáendur sveitarinnar fái að heyra grip-
inn.
Samkvæmt upplýsingum frá Halli Ingólfssyni, aðalsprautu XIII, er
ólíklegt að platan verði nokkurn tímann gefin út. Einhver lög af henni
voru endurhljóðrituð fyrir nýju plötuna Black Box og þar með hefur
hún öðlast framhaldslíf.
Á árunum sem XIII lá í dvala varð hljómsveitin að goðsögn meðal
íslenskra rokkáhugamanna. Þegar hún kom saman aftur og fór að
spila á tónleikum í fyrra kom öllum á óvart hvað áhuginn var mikill.
Yfirlitsútgáfan sem kom út í haust hefur svo aukið hann enn frekar og
fest XIII í sessi sem eina af öflugustu rokksveitum Íslands. Og hver
veit. Einn daginn verður kannski ekki hjá því komist að hleypa yfir-
spenntum áhangendum í Wintersun. Þangað til er hægt að blasta Black
Box. Þetta gæti auðvitað tekið tíma. Það liðu til dæmis 32 ár áður en
Bruce Springsteen hleypti sínum aðdáendum í þau ríflega tuttugu lög
sem er að finna á plötunni The Promise sem var að koma út …
Ráðgátan um Wintersun
XIII Fjórða plata sveitarinnar kom
aldrei út þar eð risinn Sony neitaði að
dreifa henni.
Billy Corgan, forsprakki Smashing
Pumpkins, hefur skotið föstum skot-
um að hljómsveitinni Pavement.
Corgan hefur haft horn í síðu
Pavement-liða eftir að þeir gerðu
grín að Pumpkins í laginu Range
Life sem kom út 1994, eða fyrir
sextán árum. Nýlega kom í ljós að
hljómsveitirnar tvær myndu báðar
spila á brasilísku tónlistarhátíðinni
Planeta Terre Festival á laugardag-
inn en Pavement kom nýlega aftur
saman eftir margra ára hlé. „Þetta
verður ein af þessum New Orleans-
jarðarförum,“ skrifaði Corgan á
Twitter-síðu sína. „Þetta segi ég
vegna þess að þeir eru fulltrúar
hins dauða „alternative“-draums
og við fylgjum í kjölfarið með stað-
festingu á lífinu,“ skrifaði hann og
bætti við: „Það er fyndið að þeir
sem gagnrýndu okkur fyrir að selja
okkur eru sjálfir að gera hið
sama núna. Það vantar alla
ást í þá. Við verðum líka
með ný lög á okkar efnis-
skrá vegna þess að við erum
svo ástríkir.“
Gagnrýnir Pavement-liða
FÖST SKOT Billy
Corgan (t.v.) skýtur
föstum skotum að
Stephen Malkmus
og félögum í
hljómsveitinni
Pavement.
Rapparinn umdeildi Kanye
West gefur út sína fimmtu
plötu eftir helgi. Gripurinn
nefnist My Beautiful Dark
Twisted Fantasy og á meðal
gesta eru Bon Iver, Jay-Z,
Rihanna og John Legend.
Fimmta hljóðsversplata banda-
ríska rapparans Kanye West, My
Beautiful Dark Twisted Fantasy,
kemur út eftir helgi. Justin Vern-
on, forsprakki Bon Iver, er í gesta-
hlutverki í tveimur lögum og á
meðal annarra gesta eru Jay-Z og
RZA. Auk þess kemur stórskotalið
við sögu í laginu All Those Lights,
þar á meðal Rihanna, Alicia Keys,
Elton John og Fergie. Söngvarinn
John Legend er einnig gestur í því
lagi og einu til viðbótar.
Kanye West hefur verið dug-
legur við að vekja á sér athygli og
koma sér um leið í vandræði með
ummælum sínum og hegðun. Árið
2005 sakaði hann þáverandi Banda-
ríkjaforseta, George W. Bush, um
að þykja ekki vænt um þeldökkt
fólk vegna viðbragða hans við
fellibylnum Katrinu. Hann baðst
afsökunar á ummælunum í spjall-
þætti fyrir skömmu og Bush fyrir-
gaf honum en kallaði hann reynd-
ar Conway West. Rapparinn hefur
tvisvar ruðst inn á sviðið á mynd-
bandaverðlaunum MTV-stöðvar-
innar. Árið 2006 fór hann upp á
svið þegar hljómsveitin Justice
var að taka á móti verð-
launum og sagðist sjálf-
ur hafa átt besta mynd-
bandið. Þremur árum
síðan ruddist hann aftur
upp á svið þegar Taylor
Swift tók á móti mynd-
bandaverðlaunum. Rapp-
arinn var ósáttur og taldi
að vinkona sín Beyonce
Knowles ætti sigurinn
skilinn fyrir myndbandið
við lagið Single Ladies
(Put a Ring on It).
West hefur stundum verið sagður
hrokafullur og leiðinlegur og hann
gerir sér sjálfur grein fyrir því.
„Ég ætla að draga úr viðtölum á
næstunni til að reyna að selja plöt-
una mína. Ég get ekki framkvæmt
einhver töfrabrögð sem fá fólk til að
líka við mig. Ég hef gert
mistök og ég hef þurft að
gjalda fyrir þau,“ skrif-
aði rapparinn á Twitter-
síðu sína. „Engar fleiri
Bush-spurningar, Taylor-
spurningar eða spurn-
ingar um ástarsambönd
mín. Það er ekki hægt að
draga tónlistina í efa. Ég
er skapandi manneskja.
Ég er ekki góð stjarna en
ég er frábær listamaður.
Ég er orðinn þreyttur á
að nota frægð mína til að selja list-
ina mína.“
Það er rétt hjá hinum 33 ára
West, tónlistin talar sínu máli og
þar hefur hann náð frábærum
árangri. Hann hefur hlotið fjórtán
Grammy-verðlaun á ferli sínum,
sem hófst 2004 með plötunni The
College Dropout. Áður hafði hann
vakið athygli sem upptökustjóri á
plötu Jay-Z, The Blueprint. Plötur
West hafa selst í milljónum eintaka
og margar hafa þær hlotið góða
dóma gagnrýnenda, þar á meðal
nýja platan sem Rolling Stone
splæsti á fimm stjörnum og lýsti
sem besta verki kappans.
West er með aðra plötu í undir-
búningi í samstarfi við Jay-Z sem
kemur út á næsta ári. Hún er hluti
af verkefninu GOOD Friday, þar
sem West gefur út eitt lag á hverj-
um föstudegi. Verkefnið hófst 20.
ágúst síðastliðinn og stendur yfir
til jóla. freyr@frettabladid.is
UMDEILDUR HROKAGIKKUR
UMDEILDUR Rapparinn umdeildi Kanye West gefur út sína fimmtu hljóðversplötu
eftir helgi. NORDICPHOTOS/GETTY
> Í SPILARANUM
Agent Fresco - A Long Time Listening
Robyn - Body Talk
Stereolab - Not Music
Björgvin Halldórsson - Duet II
Wings - Band on the Run
AGENT FRESCO WINGS
> Plata vikunnar
Blaz Roca - Kópacabana
★★★★
„Erpur Eyvindarson sýnir að
hann kann enn að taka stórt
upp í sig.“ - TJ
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Smekkleysa plötubúð, Havarí, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
TÓNLISTINN
Vikuna 11. - 17. nóvember 2010
LAGALISTINN
Vikuna 11. - 17. nóvember 2010
Sæti Flytjandi Lag
1 Páll Óskar og Memfismafían ............................................
...................................Það geta ekki allir verið gordjöss
2 Blaz Roca ásamt Ragga Bjarna ...... Allir eru að fá sér
3 Hjálmar ....................................................Gakktu alla leið
4 Kings of Leon ................................................Radioactive
5 Cee Lo Green ....................................... Forget You (F U)
6 Bruno Mars .................................. Just the Way You Are
7 Hurts ..........................................................Wonderful Life
8 Jón Jónsson ...................................When You’re Around
9 Dikta ......................................................................Goodbye
10 Rihanna ....................................... Only Girl in the World
Sæti Flytjandi Lag
1 Baggalútur ..........................................................Næstu jól
2 Prófessorinn og Memfismafían ................. Diskóeyjan
3 Hjálmar .................................................Keflavík Kingston
4 Blaz Roca ............................. Velkomin til KópaCabana
5 Helgi Björnsson og reiðmenn vindanna ......................
.................................................................Þú komst í hlaðið
6 Sálin hans Jóns míns................ Upp og niður stigann
7 Friðrik Dór ................................................. Allt sem þú átt
8 Ensími .................................................................... Gæludýr
9 Bubbi ..................................Sögur af ást, landi og þjóð
10 GRM ................................................................................. MS
Ég hef gert
mistök og ég
hef þurft að
gjalda fyrir
þau.
KANYE WEST
RAPPARI