19. júní - 19.06.1963, Qupperneq 37

I
■*.
— Þar sem ég vinn, að Hótel Borg, er dansmús-
ik 4 daga vikunnar, frá fimmtudegi til sunnudags.
En á veturna er oft mikið um einkasamkvæmi
ýmissa samtaka og félaga og eru þau stundum
haldin á einhverjum hinna daganna þriggja en
stundum líka á hinum venjulegu opnu kvöldum.
Eg byrja að syngja laust fyrir hálf tíu og tvo daga
vikunnar er dansað til hálf tólf og tvo til eitt. En
þegar um er að ræða einkasamkvæmi getur jafn-
vel verið dansað til klukkan þrjú og t. d. á Gaml-
árskvöld er dansað til 4. Að jafnaði syng ég eitt
af hverjum þrem lögum, sem leikin eru, en stund-
um fleiri. Auk þess reyni ég að verða að liði, þeg-
ar leikin er suður-amerísk músik, en þá eru
notuð ýmis konar áhöld til að framkalla hinn
rétta blæ í músikina. Svo eru æfingar hjá hljóm-
sveitinni einu sinni í viku hverri eða oftar. Það
getur oft verið töluverð vinna fólgin í að lœra
alla þá texta, sem nauðsynlegir eru, ég tala nú
ekki um, ef þeir eru á tungumáli, sem viðkomandi
þekkir ekki nógu vel. Ég hef til dæmis miklar
mætur á ítölskum og spænskum lögum, og ég sá
mér ekki annað fært en að taka mér tíma í
spænsku, en í ítölsku lærði ég aðeins undirstöðu-
atriðin í framburði.
— Heimtar fólk aðal'lega jazz?
— Nei, síður en svo. Það eru aðeins örfáar per-
sónur, sem biðja um jazz. Unga fólkið vill gjarnan
twista dálítið og kýs lög, sem eiga við þann dans
og yfirleytt aðra þá dansa, af slíku tagi. Eldra
fólk vill frekar gamla og góða tangóa og valsa,
sem minnir það jafnvel á gamla daga.
— Það er almennt álitið að dægurlagasöngvar-
ar hafi rosatekjur?
— Ég býst við að mörgum finnist það ágæt laun,
en þeir, sem hvað mest óskapast yfir hinum háu
tekjum dægurlagasöngvara gera sér ekki grein
fyrir því, hvað það útheimtir mikinn kostnað, að
minnsta kosti fyrir dægurlagasöngkonur. Þær
þurfa að eiga mikið af fallegum kjólum, ef vel á
að vera, og flestar konur vita, að það kostar sína
peninga. Og það versta við þessa kjólaeign er
það, að mjög erfiðlega gengur að fá þá hreinsaða
svo vel fari.Ég hef allt of oft fengið mjög dýra
kjóla algjörlega ónothæfa úr hreinsun, og þá er
það að sjálfsögðu glatað fé. Miklir peningar fara
í snyrtingu, því snyrtivörur eru dýrar, og svo er
leigubílakostnaður mjög stór liður. Strætisvagn-
ar ganga ekki á nóttunni, og ef eitthvað er að
veðri, verð ég að taka bíl á vinnustað.
19. JÚNÍ
— Getur hljómsveitarstjórinn ekki ráðið, hvaða
músik er leikin?
— Yfirleitt er það þannig. En fólk kemur alltaf
á hverju kvöldi og biður um ákveðin lög og stund-
um þarf ég jafnvel' að lesa kveðjur til hinna og
þssara, sem eiga að fylgja laginu og getur það
stundum verið all spaugilegt.
— Er þetta skemmtileg atvinna?
— Það er dálítið erfitt að segja um það. Vinna er
alltaf vinna. Stundum er bara reglulega gaman
og svo koma fyrir kvöld og kvöld, þegar ég er
fegin að allt er búið. En þetta er tilbreytingar-
ríkt starf, við sjáum auðvitað mikið af fólki og
tíminn líður oft fljótt. Annars er þetta ákaflega
þreytandi til lengdar finnst mér.
— Hvernig samrýmist þesi atvinna húsmóður-
störfunum?
— Þar stendur nú hnífurinn í kúnni. Og ég verð
að segja mjög illa. Ég á til dæmis ársgamla dótt-
ur, sem byrjar að gala á mig úr því klukkan er
sjö á morgnana, og þá er oft dálítið erfitt að fara
fram í eldhús og elda hafragraut, hafi ég verið að
vinna til 3 eða jafnvel 4. Og ég verð að segja,
að ég myndi ekki treysta mér til að stunda þessa
atvinnu, ætti ég fleiri en eitt ungt barn.
— Hvað vildir þú svo að lokum segja um fólk-
ið sem hlustar?
— Um það get ég verið fáorð. Ég hef haft mikla
ánægju af að syngja fyrir mína tilheyrendur og
þar af leiðandi er ég yfirleitt mjög ánægð með þá
og vil jafnframt nota tækifærið til að þakka áheyr-
endum mínum fyrir góðar undirtektir.
Sigríður J. Magnússon.
HÁSKÓLAPRÓF kvenna
Síðan blaðið kom út í fyrra hafa 10 konur lokið
prófi við Háskóla íslands, en þær eru þessar:
Arnheiður Sigurðardóttir, meistaraprófi í ísl.
fræðum.
Björg Gunnlaugsdóttir og Nína Sveinsdóttir í
viðskiptafræði.
Kristín Gísladóttir embættisprófi í læknisfræði.
B. A.-prófi luku:
Auður Gestsdóttir
Ásdís Kristjánsdóttir
Dóra Hafsteinsdóttir
Gyða Helgadóttir
Kristín Kaaber
Sigríður Sveinsdóttir.
35
L