19. júní - 19.06.1963, Page 40

4>oAe>6///&
9>
»>
/
/z /'■>////
/70/// /S °
/T /o/k
9. Vel lýstur leskrókur. Flúrpípa í bóka-
hillu yfir skrifborSinu.
Með því að breyta stefnu ljóssins, ljósmagni,
eða lit, er hægt að gjörbreyta anda og blæ um-
hverfisins og þá um leið huga og sálarástand þess,
sem í því dvelst.
Með ljósum má líka draga fram lögun her-
bergjanna, fela eða draga úr óæskilegum afbrigð-
um eins og til dæmis stokkum sem gerðir eru
um leiðslur eða af of mikilli lofthæð. Reykháfur,
sem rífur heild veggjar, getur horfið eða orðið
uppistaða í óbeinni heildarlýsingu. Þannig getur
hvert herbergi gefið tilefni til sérstakrar lýsingar,
sem eykur fegurð heimilisins og unað.
Við lýsingu í heimahúsum er litaval einnig
mikið atriði. Sumir litir drekka ljósið í sig, en
aðrir endurvarpa því, misjafnlega mikið.
Hvít-gráir, gulir eða ljós-blá-grænir litir endur-
varpa frá 60—70% ljósmagns þess er á þá fellur,
en bleikir, brún-drapp og fjólublátt hafa miklu
minni endurvarps hæfni, oft ekki nema 20—30%.
Nú sem stendur virðist hvítt eða ,,beinhvítt“
mjög vera ráðandi í flestum húsum og grá eða
ljós teppi, en það er sjálfsagt tíma fyrirbæri, svona
litvana verða heimilin ekki lengi.
Ljós og litir eru raunverulega „næring“ sem
fólk getur ekki verið án til lengdar á heimilunum.
Ljósabúnaður hefur breytzt um leið og her-
bergin stækka. Ljósakróna í miðju lofti er nú
ennþá fjær því að fullnægja hlutverki sínu; að
veita almenna lýsingu.
I stofur, eldhús og ganga er almenn lýsing nú
fengin með því að byggja hlífar úr tré, plasti,
gleri eða öðru tiltæku efni, fyrir flúrlampa, annað
hvort við veggi, glugga eða á loft. Þá er það
endurskinið frá vegg eða lofti, sem lýsir upp
umhverfið.
Flúrlampar hafa lítið verið notaðir hér í heima-
húsum ennþá, en þeir hafa ýmsa kosti, til dæmis
er allt að því þrisvar sinnum meiri birta frá 40
watta flúrlampa heldur en jafn sterkum glóðar-
lampa. Flúr skinið hefur manni fundist vera held-
ur hörð og köld birta, en nú er farið að framleiða
lampa með rauðl'eitum blæ og er það mun þægi-
legra.
Þó að óbein lýsing sé oft mjög falleg og þægi-
leg, er þörf á því að hafa með henni aðra
lampa. Til dæmis á þeim stöðum sem á að vinna
ljósvant verk, svo sem við stól eða skrifborð, til
lesturs, við hljóðfæri, yfir borði og fleiri stöðum.
Þessir lampar mega ekki vera byrgðir heldur
bjartir án þess þó að birta frá þeim „skeri“ í augu.
Mjólkurhvítir gler eða plasthjálmar eru mikið
notaðir og eru bæði látlausir og þægilegir.
Meðfylgjandi myndir sýna ljósatilhögun sem
þótt hefur góð hjá nágrannaþjóðum okkar.
Petrína K. Jakobsson.
38
19. JÚNÍ