19. júní - 01.10.1995, Blaðsíða 2

• Ritstjóraspjall_______________
BETRIHEIMUR FYRIR ALLA
Stundum er eins og heimurinn skreppi saman og
verði eitt samfélag þegna sem komnir eru langt að
til að vinna um stund að sameiginlegu markmiði.
Þannig streymdu konur frá öllum heimshornum til
Kína, nánar tiltekið Peking eða Beijing, til að
vinna að bættum kjörum kvenna og barna. Það
var ómetanleg lífsreynsla að fá að taka þátt í þess-
um heimsviðburði. Einkum og sér í lagi fannst
mér gaman að sjá og kynnast konuin frá Asíu og
Afríku, sem búa við skilyrði sem eru mjög ólík
því sem við Vesturlandakonur eigum að venjast.
En þó að heimurinn skreppi svona saman þá er það einnig á
svona stundum sem maður gerir sér grein fyrir því hvað
heimurinn er stór og hvað menn búa við ólík kjör. Þannig er
það erfitt fyrir okkur Islendinga að gera okkur grein fyrir því
að jafnréttisbarátta í sumum löndum snýst um það að konur
og stúlkubörn fái að borða eins og karlar og drengir sem
ganga fyrir þegar matur er skammtaður innan heimilanna.
En hver sem baráttumálin eru þá skilar bættur hagur kvenna
og barna sér í betri heimi fyrir alla, við megum ekki gleyma
því að konur eru um helmingur mannkyns og sjá enn að
mestu leyti um að ala upp komandi kynslóðir, auk þess að
sinna alls kyns störfum. í framkvæmdaáætluninni, sem er
hinn opinberi afrakstur kvennaráðstefnunar í Peking, er m.a.
kveðið á um ábyrgð fjölmiðla til að hafa áhrif á stöðu kynj-
anna. Hin neikvæða umræða sem var um ráð-
stefnuna í heimspressunni sem og í íslenskum
fjölmiðlum sýnir að ekki er vanþörf á að benda á
hve þáttur fjölmiðla er mikilvægur þegar fjallað
er um málefni kynjanna og hve nauðsynlegt það
er að festa ekki í sessi úrelt viðhorf með fjöl-
miðlaumfjöllun. Til að vega upp á móti þeirri
slagsíðu sem komin er fjallar 19. júní að þessu
sinni um hinar ýmsu hliðar kvennaráðstefnunnar
sem ekki hefur verið sagt frá áður í íslenskum
fjölmiðlum. I lokin langar mig til að óska nýjum
formanni Alþýðubandalagsins, Margréti Frímannsdóttur,
til hamingju með að hafa brotið blað í sögu fjórflokkanna á
íslandi, en vegna plássleysis í blaðinu var því miður ekki
unnt að gera kjöri hennar frekari skii að sinni.
1/h/fUid'l< /fa/u j
d
Steinunn Sigrún Ingti Dóra Krístín Bryndís
Jóhannesdóttir Siguröardóttir Sigfúsdóttir Leifsdóttir Kristjánsdóttir
• EFNIS YFIRLIT
Kvennaráöstefnan í Kína:
„Viö viljum hugarfarsbyltingu." Sigríöur Lillý Baldursdóttir formaöur undirbún-
ingsnefndar íslenskra stjórnvalda, segir frá undirbúningi ráðstefnunnar og störfum
opinberu ráðstefnunnar I athyglisverðri samantekt Kristlnar Leifsdóttur. Bls. 4
NGOFORUM
Valgeröur Katrín Jónsdótttir fjallar um ráðstefnu frjálsra félagasamtaka í Peking, en
þangað mættu fulltrúar frá öllum heimshornum til aö bera saman bækur slnar,
skiptast á skoðunum og koma þeim á framfæri viö fulltrúa opinberu ráðstefnunnar.
Bls. 8
Þær voru á NGO FORUM:
Nokkrir þátttakendur á ráöstefnu frjálsra félagasamtaka teknir tali.
Bls. 15.
„Konur geta styrkt hver aöra.“ Dóra Stefánsdóttir var I undirbúningsnefnd
ráðstefnu frjálsra félagasamtaka I Pekíng og var ráðin til að vinna á skrifstofunni I
New York undir stjórn Irene Santiago framkvæmdastjóra. í viötali við Valgerði
Katrínu Jónsdóttur segir hún frá starfi sfnu og viðhorfum. Bls. 18.
Nokkur atriöi framkvæmdaáætlunarinnar sem komið geta að notum fyrir Is-
lenskar konur. Stjórnvöld hafa skuldbundið sig til aö framfylgja ákvæðum áætlunar-
innar með undirskrift sinni. Hvernig geta íslenskar konur nýtt sér þaö? Bls. 21.
Ungar konur og kvenréttindabaráttan. Athyglisverö grein eftir Huldu
Proppé um hvað efst var á baugi hjá ungum konum á NGO FORUM. Bls. 22.
„Kína heillaði hana.“ Bryndís Dagsdóttir var meðal þáttakenda á NGO FORUM
en hún hefur veriö búsett I Kína eins og fram kemur I viðtali sem Sigrún Sigurðar-
dóttir átti við hana. Bls. 28.
Bókmenntir:
„Karlar, konur og keöjusagir." Þórunn Siguröardóttir segir frá athyglisverðri
bók eftir Carol J. Clover. Bls. 30.
Fjölskyldumál:
Betri menn. Steinunn Jóhannesdóttir ræðir við Göran Wimmerström sem er sér-
fræðingur í karlmönnum, um fööurhlutverkiö og hvað hægt er að gera fyrir ofbeld-
isfulla karlmenn. Bls. 36.
Um íslensku karlanefndina Steinunn Jóhannesdóttir segir frá starfi
karlanefndar. Bls. 15
Að ráöa lífi og dauöa. Valgerður Katrln Jónsdóttir segir frá fyrirlestri Evu
Lundgren á ráðstefnu norrænna kvenna í Munaðarnesi. Bls. 16
Annaö efni:
Kvennafríiö mikla. Bryndís Kristjánsdóttir segir frá kvennafrídeginum. Nú eru
20 ár síðan hann var haldinn hátíölegur, en hann haföi mikil áhrif á kvennahreyfing-
una hér á landi. Bls. 32.
Punktafréttir. Bls. 29.
Fréttir úr starfi KRFÍ. Bls. 38.
Thorvaldsensfélagiö 120 ára. Bls. 29
Forsíöumynd:
Tekin at Vaigerbi Katrlnu Jónsdóttur á kvennaráðstefnunni I Klna.
19.júní
3. tbl. 45. árgangur 1995
Útgefandi: Kvenréttindafélag íslands
Ritstjóri og ábyrgðarmaður: Valgerður Katrín Jónsdóttir
Prófarkalesari: Þórdís Kristleifsdóttir
Ljósmyndir: Ruf Hallgrímsdóttir og fl.
Útlit, setning, prentun: Prentsmiðja Olafs Karlssonar
Bókband: Flatey
2