Fréttablaðið - 02.12.2010, Síða 2

2 2. desember 2010 FIMMTUDAGUR
UMFERÐ „Eftir að nýi Lyngdals-
heiðarvegurinn milli Þingvalla og
Laugarvatns var opnaður hefur
hraði og hávaði frá umferð aukist
mikið í þjóðgarðinum og um leið
slysahætta,“ segir Ólafur Örn Har-
aldsson, þjóðgarðsvörður á Þing-
völlum.
Nýr vegur yfir Lyngdalsheiði
var tekinn í notkun í haust. Í stað
þess að beygt væri af þeim vegi á
gatnamótum inn á Gjábakkaveg
sem liggur inn í friðlandið eru veg-
irnir tveir nú í
beinu framhaldi
hvor af öðrum.
„Vegir beggja
vegna þjóð -
garðsins bera
90 kílómetra
hraða og greini-
legt er að bíl-
stjórar þurfa að
stilla sig þegar
í þjóðgarðinn
kemur og aka þar á löglegum 50
kílómetra hraða. Vegurinn gegn-
um þjóðgarðinn er mjög mjór og
hlykkjóttur og útsýni afar tak-
markað af hrauni og kjarri. Jafn-
framt þessu eru nokkur útskot og
útsýnisstaðir þröngir og þar leyn-
ast bílar og fólk á ferli. Lítið þarf
því út af að bera til að slys verði á
veginum,“ segir Ólafur, sem kveð-
ur mestu hættuna vera austanmeg-
in, í nágrenni Hrafnagjár.
Vegagerðin og Þingvallanefnd
hafa að sögn Ólafs með sér náið
samstarf um aðgerðir til að draga
úr umferðarhraða í þjóðgarðun-
um. Hann segir að gripið verði
til margvíslegra ráðstafana í því
skyni næsta vor.
Ólafur bendir á að kyrrð og frið-
sæld sé meðal þess sem eftirsókn-
arverðast sé í þjóðgarðinum. „Nú
hafa orðið mikil umskipti þegar
umferðin er mest í gegnum hann,
ekki síst um helgar, en einmitt þá
er flest fólk í þjóðgarðinum og vill
njóta einstakrar náttúrufegurðar
umhverfis Þingvallavatn,“ segir
hann.
Gerð nýja vegarins um Lyng dals-
heiði var nokkuð umdeild þegar
hann var í undirbúningi. Vísinda-
menn bentu á hættu á mengun frá
umferð sem smám saman myndi
leita út í Þingvallavatn. „Það drægi
enn frekar úr gæðum vatnsins en
verulega hefur dregið úr tærleika
vatnsins á undanförnum árum.
Mengun frá umferð eykst með
auknum hraða og er því enn rík-
ari ástæða til að ekið sé á löglegum
hrað um þjóðgarðinn,“ segir þjóð-
garðsvörður. gar@frettabladid.is
Lyngdalsheiðarvegur
Gjábakkavegur
Þingvallavatn
Gamli Lyngdals-
heiðarvegur
Þingvallavegur
90
90 50
Þjóðvegur
Þjóðgarðsmörk
Þjónustumiðstöð
Þingvellir
Brúsastaðir
Nýr vegur og hámarkshraði í friðlandinu
Gnýr og slysahætta af
hraðakstri í þjóðgarði
Vegagerðin og Þingvallanefnd ætla að draga úr miklum hraðakstri sem Ólaf-
ur Örn Haraldsson þjóðgarðsvörður segir fylgja nýjum vegi um Lyngdalsheiði.
Hraðanum fylgi slysahætta, mengun og hávaði sem spilli friðsæld Þingvalla.
ÓLAFUR ÖRN
HARALDSSON
OFAN AF LYNGDALSHEIÐI Beinn og
breiður vegur liggur nú af Lyngdalsheiði
inn í friðlandið á Þingvöllum. Þjóðgarðs-
vörður segir ökumenn gleyma að draga
úr hraðanum þegar komið sé inn á
Gjábakkaveg. MYND/EINAR SÆMUNDSEN
BYGGINGARKRANI Víða á höfuðborgar-
svæðinu standa byggingarkranar sem
ekki eru í notkun.
HAFNARFJÖRÐUR Skipulags- og
byggingarráð Hafnarfjarð-
ar ætlar að láta athuga á hvaða
stöðum í bænum byggingarkran-
ar eru uppistandandi sem ekki
eru í notkun.
Ráðið samþykkti einnig að
leggja til við bæjarstjórn að
lagðar yrðu dagsektir á fyrir-
tækið Mótás, fjarlægði það ekki
byggingarkrana af lóðinni á
Hvaleyrarbraut 26.
Fyrirtækið hafði óskað eftir
því að hafa kranann á lóðinni í
nokkra mánuði til að raða þar
efni. Ráðið sagði hins vegar að
uppsetning kranans væri ekki
í tengslum við neinar fram-
kvæmdir og því bæri að fjar-
lægja hann. - gar
Tekið á krönum í Hafnarfirði:
Vilja kortleggja
ónotaða krana
IÐNAÐUR Dreifing raforku hefur
hækkað meira í verði en raf-
orka frá árinu 2005, þegar sam-
keppni í orku-
sölu komst á.
Þetta kemur
fram í athug-
un sem Efla
verkfræði-
stofa hefur
gert fyrir Sam-
tök iðnaðarins
(SI).
Í frétt á
vef SI er haft
eftir Brynd-
ísi Skúladóttur, forstöðumanni
umhverfismála hjá SI, að nið-
urstöðurnar sýni mikinn mun
á verði milli dreifiveitusvæða.
Hún bendir á að dreifing raf-
orku sé sérleyfisstarfsemi sem
lúti eftirliti Orkustofnunar. Þró-
unin veki upp spurningar um
hvort tekjurammar hafi virkað
eins og til hafi verið ætlast. - óká
SI kannar raforkuverð:
Dreifing hefur
hækkað meira
Prjónahópur endurvakinn
Prjónahópur Rauða krossins í Hvera-
gerði hefur verið endurvakinn, að
því er fram kemur á vef Rauða kross
Íslands. „Á fyrsta hittingi mættu níu
galvaskar konur,“ segir þar en hittast
á hálfsmánaðarlega, á miðviku-
dagskvöldum klukkan átta. „Á fyrstu
kynningu var Örn Guðmundsson,
varaformaður deildarinnar, með sýni-
kennslu á hvernig jólasería er búin til
úr þæfðri ull.“
HJÁLPARSTARF
SVEITARSTJÓRNIR Þróunar- og ferða-
málanefnd Mosfellsbæjar legg-
ur til að sveitarfélagið taki þátt í
einkahlutafélagi um heilsuklasa í
bænum.
„Framtíðarsýn klasans, sem
hefur vinnuheitið „Heilsuvin í
Mosfellsbæ“ er að Mosfellsbær
verði þekktur sem miðstöð heilsu-
eflingar og heilsutengdrar ferða-
þjónustu á Íslandi með fjölbreytta
starfsemi á sviði lýðheilsu, heilsu-
eflingar og endurhæfingar,“ segir
í minnisblaði þar sem enn fremur
kemur fram að tilgangurinn sé að
tvöfalda umfang heilbrigðisstarf-
semi í bænum. Gert er ráð fyrir að
hlutafjárframlag Mosfellsbæjar
verði að hámarki þrjár milljónir af
því hlutafé sem safnist á næsta ári.
- gar
Framtíðarsýn í Mosfellsbæ:
Bærinn verði
heilsumiðstöð
BRASILÍA Eyðing Amazon-regnskógarins hefur ekki
verið hægari í 22 ár, að því er fram kemur í gögnum
frá ríkisstjórn Brasilíu.
Izabella Teixeira, umhverfisráðherra Brasilíu,
segir gervihnattamyndir sýna eyðingu skóga sem
nemi 6.450 ferkílómetrum frá því í ágúst 2009 til
júlí 2010. Það mun vera fjórtán prósentum minni
skógareyðing en ári fyrr. Skekkjumörk í mæling-
unni eru þó nokkur, eða tíu prósent.
Geimrannsóknastofnunin sem tók myndirnar
segir í tilkynningu að eyðing skóganna hafi ekki
verið minni frá árinu 1988.
„Skógareyðingin hefur ekki verið minni í sögu
Amazon og við erum staðföst í þeirri viðleitni okkar
að draga enn frekar úr henni,“ sagði Teixeira í gær
á ráðstefnu Sameinuðu þjóðanna um loftslagsbreyt-
ingar, sem fram fer í Cancun í Mexíkó. Á fréttavef
breska ríkisútvarpsins BBC er eftir henni haft að
nýju tölurnar séu „frábærar“. Teixeira segir stjórn-
völd í Brasilíu stefna að því að ná skógareyðingu
Amazon-regnskógarins niður í 5.000 ferkílómetra á
ári fyrir árið 2017.
Árangurinn sem nýju loftmyndirnar sýna segja
brasilísk stjórnvöld að megi þakka átaki í að fram-
fylgja umhverfislöggjöf landsins. - óká
Hægari skógareyðing þökkuð átaki í að framfylgja umhverfislöggjöf í Brasilíu:
Skógareyðing ekki minni í 22 ár
BRUNNINN REGNSKÓGUR Ársgömul mynd af brunnum skógi í
ólöglegri landnemabyggð í norðurhluta Brasilíu. NORDICPHOTOS/AFP
Birkir, eru FH-ingar núna
Hafnfirðingabrandarinn?
„Nei, þetta var okkar rimma síðast,
en sú næsta verður eflaust jafnari.“
Birkir Ívar Guðmundsson átti stórleik í
marki Hauka þegar þeir unnu stórsigur á
erkifjendunum í FH í fyrradag.
HEILBRIGÐISMÁL Lengd fingra karla getur
gefið vísbendingu um hversu hætt þeim
er við að fá krabbamein í blöðruhálskirtil.
Breska ríkisútvarpið BBC greinir frá því
að þetta megi lesa úr nýrri rannsókn sem
birt var í læknaritinu British Journal of
Cancer Study.
Rannsóknin leiddi í ljós að karlar sem eru
þannig vaxnir að vísifingur þeirra er lengri
en baugfingurinn séu mun ólíklegri til að fá
krabbamein í blöðruhálskirtil.
Niðurstaða rannsóknarinnar var feng-
in með því að bera saman hendur fimmt-
án hundruð sjúklinga með krabbamein í
blöðruhálskirtli og þrjú þúsund heilbrigðra
karla.
Fram kemur í umfjöllun BBC að lengd
fingra sé fastsett fyrir fæðingu og talið að
hún tengist magni hormóna í móðurkviði.
Minna magn testósteróns fyrir fæðingu
gerir það að verkum að vísifingur verður
lengri og getur um leið orðið til þess að lík-
aminn myndar síður krabbamein í blöðru-
hálskirtli síðar á ævinni, segja aðstandend-
ur rannsóknarinnar við Warwick-háskóla
og Stofnun krabbameinsrannsókna í Bret-
landi.
Prófessor Ros Eeles, einn höfunda rann-
sóknarinnar, sagði niðurstöðuna kalla á
frekari rannsóknir, en yrðu þær staðfestar
þá myndi fingramæling geta orðið einföld
mæling á krabbameinshættu. - óká
Niðurstöður nýrrar rannsóknar hjálpa til við greiningu á blöðruhálskirtilskrabbameini:
Lengd fingra segir til um áhættuna
HANDÞVOTTUR Hlutfallsleg lengd fingra er sögð ráðast
af magni hormóna í móðurkviði. FRÉTTABLAÐIÐ/GVA
BRYNDÍS
SKÚLADÓTTIR
SPURNING DAGSINS
Læknastö›in, Kringlunni • Sími 568 7777 • heyrnarstodin.is
Ókeypis
heyrnarmæling
úrvals
heyrnartæki
og afbragðs þjónusta!