Fréttablaðið - 02.12.2010, Síða 82

2. desember 2010 FIMMTUDAGUR66
golfogveidi@frettabladid.is
Nýverið tók Edwin Roald Rögn-
valdsson golfvallahönnuður sæti
í Umhverfisnefnd samtaka evr-
ópskra golf-
vallahönnuða,
EIGCA. Eitt
af fyrstu hlut-
verkum nefnd-
arinnar eftir
aðkomu Edwins
að henni er að
aðstoða við
mótun allsherj-
arstefnu GEO,
Golf Environ-
ment Organization, um sjálfbæra
þróun í skipulagningu, hönnun og
byggingu golfvalla.
Íslenskir golfvellir eru um
margt prýðileg dæmi um heil-
brigða nálgun hvað þetta varð-
ar, að sögn Edwins, og vonast
hann til að geta komið því til
skila. Reiknað er með að Hauka-
dalsvöllur við Geysi, sem Edwin
hannaði, verði notaður sem dæmi
á sérstakri vefsíðu GEO um sjálf-
bæra þróun. - shá
Umhverfismál fá aukið vægi:
Edwin fær sæti í
umhverfisnefnd
EDWIN ROALD
RÖGNVALDSSON
Siglfirðingar stefna að
uppbyggingu nýs níu holu
golfvallar við skógræktina
í Hólsdal, þar sem gömul
náma verður nýtt að hluta
undir vallarstæðið. Það
skýrist snemma á næsta
ári hvenær hægt verður að
hefjast handa.
Rauðka ehf. og Golfklúbbur Siglu-
fjarðar (GKS) hafa skrifað undir
viljayfirlýsingu um golfvöllinn en
grunnhugmyndin að verkefninu
er uppbygging samfélagsins og að
auka við það þjónustustig sem fyrir
er í Fjallabyggð.
Ólafur Kárason, sem hefur unnið
að verkefninu fyrir hönd GKS,
segir vallarstæðið liggja vestan
Hólsár, en golfvöllur klúbbsins er
austan árinnar. Gömul malarnáma
er í hjarta svæðisins og verður hún
grædd upp sem hluti nýs vallar. Þá
er þó aðeins hálf sagan sögð því á
staðnum verður byggt upp almennt
útivistarsvæði með fjölbreyttum
gönguleiðum, reiðgötum og stang-
veiði auk þess sem enn verður aukið
við glæsilegt skógræktarsvæði sem
fyrir er. „Það verður ekki kastað til
hendinni við golfvöllinn. Allt verður
fyrsta flokks með fullkomnu vökv-
unarkerfi svo dæmi sé nefnt.“
Ólafur segir að nú standi yfir við-
ræður við sveitarfélagið um aðkomu
þess við uppgræðslu malarnámunn-
ar. Þar sé mikilvægt verkefni sem
felist í að græða sár í bæjarland-
inu.
Edwin Roald Rögnvaldsson golf-
vallahönnuður hefur unnið tillögu að
hönnun svæðisins fyrir GKS. Hann
telur svæðið undir völlinn afburða-
gott þar sem áin og skógurinn verði
í forgrunni og bjóði upp á sérstöðu
meðal golfvalla á Norðurlandi.
Rauðka ehf. stendur fyrir metnað-
arfullu verkefni við uppbyggingu á
Siglufirði í samstarfi við fjölda aðila
í ferðaþjónustu. Fyrirtækið opnaði
fyrr á þessu ári nýjan veitinga-
stað og kaffihús við höfnina. Einn-
ig kemur félagið að opnun frum-
kvöðlaseturs, upplýsingamiðstöð
fyrir ferðafólk og að rekstri skíða-
svæðisins. Eins er hafinn undir-
búningur að byggingu 64 herbergja
hótels við höfnina sem verður í anda
gömlu húsanna þriggja sem þegar
hafa verið gerð upp.
Finnur Yngvi Kristinsson, verk-
efnisstjóri hjá Rauðku, segir að
hugmyndin að uppbyggingu golf-
vallar og útivistarsvæðis sé komin
frá golfklúbbnum en falli vel að
verkefni Rauðku um uppbyggingu
á Siglufirði. „Aðkoma okkar er
að leggja fram allt að 40 milljónir
króna, eða helming kostnaðar við
verkefnið. Við búumst við að heild-
arkostnaður verði 70 til 80 milljónir.
Til að þetta komist á koppinn verð-
ur þó að tryggja alla fjármögnunina
áður en hafist verður handa.“
Finnur segir að ef fjármögnun
gangi að vonum verði hægt að hefj-
ast handa með litlum fyrirvara. Þá
sé góður möguleiki á að kylfingar
nyrðra geti hafið golfleik á nýjum
velli árið 2014.
Byggja golfvöll í gamalli námu
Agaleysi er mjög til vansa á íslenskum golfvöllum að sögn Hinriks Gunnars
Hilmarssonar, sem annast hefur eftirlit, vallarvörslu og dómgæslu hjá Golf-
klúbbi Reykjavíkur. Eftirfarandi er gott að hafa í huga:
1. Eitt af því sem of margir kylfingar hafa tamið sér er að fylgja ekki leiðbein-
ingum um hámarkshraða við daglegan leik (ekki í keppni þótt það megi
skoða einnig) og telja að hámarkstími sé sá tími sem leika á 18 holur.
Það er að sjálfsögðu ekki þannig – fyrst og fremst eiga kylfingar að halda
í við leikhópinn á undan þannig að aldrei sé meira en ein hola auð á
undan.
2. Sumir kylfingar stytta sér oft leið á golfvellinum og
spila þar af leiðandi færri holur. Til dæmis er ekki
óalgengt í Grafarholtinu að skella sér af 10. flöt
og yfir á 17. teig og spila 12 holur.
Þetta er að sjálfsögðu allt í lagi ef umferð á
golfvellinum er ekki mikil. Hins vegar er þetta
bannað ef umferð er mikil og völlurinn nánast
fullur. Reglan er að sá leikhópur sem lengra er
kominn á réttinn!
3. Það er ofar mínum skilningi hversu mörg-
um kylfingum reynist erfitt að hleypa
fram úr þegar þeir eru seinir eða
eru að leita að boltanum sínum.
Að mínu viti er þetta sjálfsagt
og kylfingar ættu að temja sér
þetta og vera meðvitaðir um
það hvenær þörf er á þessu.
Það að hleypa fram úr
hjálpar til við að halda uppi
leikhraða og góðum anda á
golfvellinum.
Hollráð Hinna
Agaleysi 2
Halldór Ingólfsson, þjálfari Hauka í
handbolta, er ansi liðtækur kylfing-
ur sem spilar um 30 hringi á ári.
Hann hefur farið holu í höggi en
sá ekki kúluna fara ofan í. Halldór
spilar aðallega golf með gömlum
félögum úr handboltanum.
Uppáhaldsgolfholan? Þetta er
erfið spurning. Ég verð samt eigin-
lega að segja holan þar sem ég fór
holu í höggi í denn. Það var sjötta
holan á Nesvellinum gamla, verst
að það er búið að leggja hana af.
Það er búið að breyta vellinum
svo maður fær ekki að spila hana
lengur. Þetta var par 3 hola, um
140 metra löng. Það er langt síðan
þetta var, það var hrikalegur hlið-
arvindur og ég sló upp í vindinn.
Ég sá ekki neitt og týndi í raun kúl-
unni. Við leituðum í smá stund en
svo þegar strákarnir ætluðu að
klára þá fundum við kúluna
í holunni. Ég sá ekki neitt
en þetta var hola í höggi
engu að síður.
Forgjöfin? Ég er með
4,9 að mig minnir.
Markmiðið er að
halda mér þar, gott
að vera með svona
lága forgjöf af því
að ég spila líka svo lítið.
Hversu lengi hefur þú spilað
golf? Ég byrjaði fimmtán ára í golfi.
Nesvöllurinn var rétt hjá heimilinu
og við höfðum verið að leika okkur
þarna sem pollar. Vorum mikið að
flækjast fyrir gömlu körlunum.
Hverjir eru golffélagarnir? Við
félagarnir erum með golfklúbb,
erum tuttugu sem spilum reglu-
lega saman. Mínir helstu golffé-
lagar eru Jón Karl Björnsson, Palli
Ólafs og Ólafur Björnsson.
Hvað spilar þú marga hringi á
ári? Ég fer einu sinni til tvisvar
í viku – þetta eru svona þrjátíu
hringir á ári.
Hvað er í pokanum? Ég er með
Ping G57 járnkylfur, Ping G3 driver
og pútterinn er eldgamall jálkur
sem ég man ekki hvað heitir. Hann
hefur reynst vel svo ég hef haldið
tryggð við hann.
Sá ekki kúluna fara í holuna
Halldór Ingólfsson, þjálfari Hauka í handbolta, hefur farið holu í höggi.
Birgir Leifur Hafþórsson, kylf-
ingur úr GKG, er kominn á loka-
úrtökumótið fyrir Evrópumóta-
röðina í Katalóníu á Spáni. Hann
lék lokahringinn á öðru úrtöku-
mótinu af þremur á 68 höggum,
eða fjórum höggum undir pari,
og endaði í öðru sæti.
Í lokamótinu í Katalóníu verða
leiknir sex hringir og efstu 30
kylfingarnir í því móti vinna sér
inn keppnisrétt á Evrópumóta-
röðinni. - shá
Úrtökumótin í Evrópu:
Birgir kominn
á lokamótið
KOMINN Á LOKAMÓTIÐ Birgir Leifur spil-
ar á Spáni um helgina. Þá ræðst hvort
hann kemst á Evrópumótaröðina.
K
Y
LF
IN
G
U
R
IN
N
NÝI VÖLLURINN Á frumdrögum Edwins
Roalds Rögnvaldssonar sést grunnhug-
myndin að svæðinu. Eftir er að laga
hönnunina að gildandi skipulagi á Siglu-
firði og þörfum einstakra útivistarhópa.
MYND/EDWIN ROALD
MYND/EDWIN ROALD
VIÐ GAMLA VÖLLINN Hér er jarðýta
við endurgerð 5. brautar á Hólsvelli
í Siglufirði og bærinn í baksýn. Þess
verður kannski ekki langt að bíða að
ýtan fari í öllu umfangsmeiri verkefni
rétt handan árinnar.
20 ALÞJÓÐA- OG LANDSDÓMARAR í golfi starfa á Íslandi. Átta hafa R&A réttindi en
tólf landsdómararéttindi.
32.000 GOLFVELLIR voru skráðir í heim-inum árið 2009. Helmingur þeirra er í
Bandaríkjunum.
HALLDÓR INGÓLFSSON
Byrjaði að spila golf
þegar hann var um
fimmtán ára. Hann
spilar um þrjátíu
hringi á ári.