Fréttablaðið - 29.12.2010, Blaðsíða 6

6 29. desember 2010 MIÐVIKUDAGUR
LANDSDÓMUR Útlit er fyrir að Sig-
ríður Friðjónsdóttir, saksóknari
Alþingis, þurfi að leita til dómstóla
til að freista þess að fá aðgang að
61 skýrslu sem tekin var af fólki
hjá rannsóknarnefnd Alþingis og
tölvupóstsamskiptum
Geirs H. Haarde, fyrr-
verandi forsætisráð-
herra.
Rannsóknarnefndin
hefur lögum samkvæmt
afhent Þjóðskjalasafn-
inu öll gögn sín til varð-
veislu. Hluti þeirra hefur
verið gerður aðgengileg-
ur fræðimönnum að upp-
fylltum skilyrðum, en í
lögum um nefndina segir
að ef höfðað er sakamál á
hendur einhverjum sem
vikið er að í gögnunum
skuli sömu reglur gilda
um aðgang að upplýsing-
um eins og almennt um
sakamál.
Sigríður hefur farið
fram á það við Þjóð-
skjalasafnið að fá gögn-
in afhent en þeirri beiðni
var synjað með vísan til
stjórnarskrárákvæðisins
um friðhelgi einkalífsins
og þess hversu rík skylda
hvíldi á fólki að gefa
skýrslu fyrir nefndinni og
draga þar ekkert undan.
„Ég tel mjög nauðsyn-
legt að fá þessar skýrsl-
ur, meðal annars af
lykilfólki í bönkum, Seðlabanka og
ráðuneytum, en þau telja að það sé
ekki heimilt að afhenda skýrslurn-
ar og tölvupóstsamskipti Geirs,“
segir Sigríður. Án gagnanna verði
hins vegar tæplega hægt að útbúa
ákæru í málinu.
„ Annars þarf ég
kannski að fara að taka
einhverjar skýrslur, því
að það er erfitt að kalla
fólk fyrir landsdóm vit-
andi ekkert hvað það
hefur fram að færa,“
útskýrir Sigríður. Til
samanburðar nefnir hún
að í venjulegu sakamáli
liggi fyrir lögregluskýrsl-
ur sem ákæruvaldið geti
byggt málatilbúnað
sinn á.
Ekki dugi að vísa
til skýrslu rann-
sóknarnefndar-
innar því bæði
saksóknarinn og
dómurinn þurfi
að sjá gögnin sem
liggja að baki
ályktunum nefndar-
innar og leggja á þau
sjálfstætt mat. Kæmi
til þess að saksókn-
ari þyrfti að
taka skýrslur til að undirbyggja
ákæruna yrði það líklega gert fyrir
héraðsdómi.
Sigríður vill hins vegar fyrst
láta á það reyna hvort hún fái
aðgang að gögnunum og hyggst
því leggja fram beiðni um hald-
lagningu þeirra eftir áramót. Slík
beiðni færi líklega fyrir landsdóm.
Þangað til niðurstaða fæst í málið
verði hins vegar hægt að vinna
áfram að undirbúningi málsókn-
arinnar.
Rannsóknarnefndin tók alls
skýrslu af 163 einstaklingum og
Sigríður hefur því óskað eftir
aðgangi að drjúgum hluta þeirra.
Hún hefur jafnframt óskað eftir
öðrum gögnum, meðal
annars bréfum,
fundargerðum,
minnisblöðum og
lista yfir þá 183
sem rannsóknar-
nefndin fund-
aði með án þess
að taka af þeim
formlega skýrslu
og á von á að fá
þau í hendur fljót-
lega.
stigur@frettabladid.is
Saksóknara Alþingis
neitað um brýn gögn
Þjóðskjalavörður hefur hafnað beiðni saksóknara Alþingis um aðgang að yfir-
heyrslum rannsóknarnefndar Alþingis og tölvubréfum Geirs Haarde. Saksókn-
ari segir gögnin nauðsynleg svo smíða megi ákæru og ætlar með málið í dóm.
SIGRÍÐUR J.
FRIÐJÓNSDÓTTIR
GEIR H. HAARDE
Ég tel mjög
nauðsynlegt
að fá þessar
skýrslur,
meðal annars
af lykilfólki
í bönkum,
Seðlabanka og
ráðuneytum.
SIGRÍÐUR
FRIÐJÓNSDÓTTIR
SAKSÓKNARI
ALÞINGIS
MEXÍKÓ Enginn lögreglumaður er
nú starfandi í mexíkóska landa-
mærabænum Guadalupe eftir að
síðasta lögreglumanninum sem
eftir var í bænum var rænt af
undirtyllum fíkniefnabaróna.
Erika Gandara hafði ein reynt
að halda uppi lögum og reglum í
þessum níu þúsund manna bæ frá
því í júní, að því er fram kemur á
vef BBC. Kollegar hennar, sem á
tímabili voru um tíu talsins, hafa
ýmist sagt upp eða látið lífið í
bardögum við glæpamenn.
Mexíkósk stjórnvöld hafa átt í
mannskæðum átökum við fíkni-
efnabaróna í landinu síðustu ár.
Hermenn reyna nú að halda frið-
inn í Guadalupe. - bj
Landamærabær án lögreglu:
Rændu síðustu
löggu bæjarins
HORFIN Erika Gandara átti við ofurefli
að etja sem eini lögreglumaðurinn í
smábænum Guadalupe. NORDICPHOTOS/AFP
KÖNNUN Væntingavísitala Gallup
lækkar um tæplega tvö stig milli
mánaða og mælist nú 48,3 stig.
Þetta er undir meðaltali ársins,
sem var 53 stig.
Vísitalan mælir væntingar
landsmanna til efnahagslífs og
atvinnumála. Væntingavísitalan
komst lægst í 32 stig í október, en
komst upp í 50,6 stig í nóvember.
Væntingavísitalan er fundin
með því að spyrja þátttakendur í
könnunum Gallup spurninga um
efnahagsástandið og mat á fram-
tíðarhorfum. Ef vísitalan er 100
stig eru jafn margir bjartsýnir og
svartsýnir. Ef hún er undir 100
eru fleiri svartsýnir. - bj
Væntingavísitala á niðurleið:
Lítil bjartsýni
mælist í lok árs
EFNAHAGSMÁL Lánastofnanir hafa
60 daga frest til útreikninga á ólög-
mætum gengisbundnum bíla- og
fasteignaveðlánum eftir að frum-
varp um gengisbundin lán varð að
lögum í gær. Samkvæmt lögunum
skal uppgjör fara fram innan 90
daga frá gildistöku þeirra.
Í tilkynningu frá efnahags- og
viðskiptaráðuneyti segir að með
þessum lögum séu „stigin mikil-
væg skref í endurskipulagninu
skulda heimilanna“ og þau sýni
sanngirni gagnvart öllum lántak-
endum gengisbundinna fasteigna-
veðlána og bílalána.
Lög þessi eiga líka að vera
grundvöllur þess að takast á við
vanda lántakenda í samræmi við
nýlegt samkomulag ríkis stjórnar,
lánastofnana og lífeyrissjóða um
aðgerðir vegna skuldavanda heim-
ilanna. Meðal þeirra úrræða sem
það felur í sér er að lántakendum
í greiðsluvanda býðst að fá eftir-
stöðvar skulda færðar niður að
110% af verðmæti fasteignar. Hægt
verður að greiða upp skuldir af
ólöglegum lánum án álags og kröf-
ur ábyrgðarmanna sem hafa innt af
hendi greiðslur munu ganga fyrir
öðrum kröfum í uppgjöri. - þj
Lög um ólögleg gengislán tóku gildi í gær:
Lánastofnanir fá sextíu daga
GENGISLÁNALÖG TAKA GILDI Lög um
gengislán tóku gildi í gær. Þau eru talin
mikilvægt skref í endurskipulagningu
skulda heimilanna. NORDICPHOTOS/AFP
MENNTAMÁL Fimm nemendur sem til stóð að útskrif-
uðust af útstillingabraut Iðnskólans í Hafnarfirði
hafa óskað eftir fundi með menntamálaráðherra til
að ræða þá ákvörðun stjórnenda skólans að leggja
námið niður án fyrirvara frá áramótum.
„Það er bara svakalegt ef þessi ákvörðun fær að
standa,“ segir Sigríður Jóhannsdóttir, nemandi á
útstillingabraut.
„Þetta er hrikalegt áfall, við erum búin að eyða
einu og hálfu ári í þetta nám,“ segir Sigríður. Nem-
endur í útstillingum fengu á Þorláksmessu bréf frá
stjórnendum skólans þar sem tilkynnt var að námið
yrði fellt niður.
Elías Jón Guðjónsson, aðstoðarmaður mennta-
málaráðherra, segir að fundað verði með nemend-
unum vegna málsins í vikunni. Ráðuneytið hefur
kallað eftir upplýsingum frá skólanum um málið en
hefur ekki fengið svör. Elías ítrekar það sem haft
var eftir honum í Fréttablaðinu fyrir síðustu helgi
að nemendur eigi rétt á því að ljúka því námi sem
þeir séu byrjaðir á.
Í stuttu samtali við Fréttablaðið í gær sagðist
Jóhannes Einarsson, skólameistari Iðnskólans í
Hafnarfirði, ekki vilja skýra frekar þá ákvörðun
að leggja námið niður. Jóhannes lætur af störfum
fyrir aldurs sakir um áramót. Nýr skólameistari
verður skipaður fyrir vikulok. - bj
Nemendur funda með ráðherra til að ræða ákvörðun um að leggja niður nám:
Hrikalegt áfall segir nemandi
ÚTSTILLINGAR Í námi í útstillingum í Iðnskólanum í Hafnarfirði
læra nemendur að stilla upp vörum í búðargluggum.
FRÉTTABLAÐIÐ/STEFÁN
ÁSTRALÍA Vísindamenn telja sig
hafa uppgötvað hvers vegna
sumar hellamyndir sem taldar
eru tugþúsunda ára gamlar eru
enn litríkar á meðan aðrar hafa
dofnað eða jafnvel horfið. Ástæð-
an er sú að litirnir í myndunum
eru lifandi.
Í ljós hefur komið að bakteríur
og sveppir hafa tekið sér bólfestu
í myndunum. Þá hafi næringar-
efni í litum frumbyggjanna orðið
til þess að sambýli sveppa og
baktería hafi gert það að verkum
að litirnir viðhéldust. - bj
Litríkar myndir rannsakaðar:
Hellamyndir
hafa lifnað við
FÓLK Tímaritið Nýtt líf hefur
valið Gerplustúlkur konur árs-
ins 2010. Í rökstuðningi með val-
inu segir að stúlkurnar, sem eru
fimmtán, hafi komið heim með
gull um hálsinn eftir þátttöku
sína á Evrópumeistaramótinu í
hópfimleikum í október síðast-
liðnum. Mótið sé það stærsta í
þessari grein í heiminum.
Hópurinn sé flott fyrirmynd,
ekki einungis fyrir ungu kynslóð-
ina heldur þjóðina í heild sinni.
Hann hafi sýnt fram á einstaka
samvinnu og látið drauma sína
rætast.
Nýtt líf hefur útnefnt Konu
ársins frá árinu 1980. - jhh
Nýtt líf velur konu ársins:
Gerplustúlkur
skara fram úr
GERPLUSTÚLKUR Þykja flott fyrirmynd
fyrir þjóðina alla.
Tilboðum í Valaskjálf hafnað
Bæjarráð Fljótdalshéraðs hefur
hafnað öllum þremur tilboðum sem
bárust í rekstur félagsheimilishluta
Valaskjálfar. Viðræður við hæstbjóð-
anda báru ekki árangur. Auglýsa á
reksturinn að nýju. Bæjarráðið vill að
aðgengi félags- og menningarstarf-
semi að húsinu verði tryggt eins og
hægt er.
FLJÓTSDALSHÉRAÐ
MOSKVA, AP Igor Izmestjev, fyrr-
verandi öldungadeildarþingmað-
ur í Rússlandi, var í gær dæmdur
í lífstíðarfangelsi fyrir að hafa
fyrirskipað fjölda morða.
Izmestjev er olíubraskari frá
héraðinu Bashkiria, og var um
hríð öldungardeildarþingmaður,
en hann var einnig fjárhagslegur
bakhjarl Kingisepp-bófaflokksins
sem myrti 14 manns á árabilinu
1992 til 2004. Fjórir aðrir með-
limir klíkunnar voru dæmdir í
allt að 23 ára fangelsi
Gagnrýnendur stjórnvalda
í Rússlandi segja að hundruð
glæpamanna hafi náð pólitískum
frama þar í landi. - þj
Fyrrverandi þingmaður dæmdur:
Fyrirskipaði
fjölda morða
Skilaðir þú einhverjum jóla-
gjöfum í ár?
Já 28,2%
Nei 71,8%
SPURNING DAGSINS Í DAG
Ætlar þú að kaupa flugelda
fyrir áramótin?
Segðu skoðun þína á visir.is
KJÖRKASSINN
VIÐSKIPTI Nafni Eignastýringar
Íslandsbanka hefur verið breytt,
og mun starfsemin fara fram
undir merkjum VÍB á nýju
ári. Breytingunum er ætlað að
aðgreina eignastýringastarfsemi
bankans frá annarri bankastarf-
semi, að því er fram kemur í til-
kynningu frá Íslandsbanka.
Eignastýring bankans var
rekin undir nafninu Verðbréfa-
markaður Íslandsbanka, skamm-
stafað VÍB, á árunum 1986 til
2001. Nafnið VÍB er tilvísun í
gamla nafnið en ekki skammstöf-
un, samkvæmt upplýsingum frá
bankanum. - bj
Breytt nafn eignastýringar:
Taka aftur upp
nafnið VÍB