Sameiningin - 01.03.1954, Síða 17

Sameiningin
15
Nýr biskup
Eins og öllum lesendum íslenzku blaðanna er fyrir
löngu kunnugt, er Ásmundur Guðmundsson, fyrrum forseti
guðfræðideildarinnar við Háskóla íslands, nú tekinn við
biskupsembætti á íslandi. í
tilefni af kosningu hans til
þessa virðulega embættis,
sendi forseti kirkjufélagsins
honum heillaóskaskeyti
fyrir félagsins hönd. Hefir
hann svarað því með fögru
bréfi og fyrirbænum.
Vér minnumst þess með
þakklæti, að á embættistíð
fyrrverandi biskups, hins
ástsæla dr. Sigurgeirs Sig-
urðssonar, naut kirkjufélag
vort æ vaxandi skilnings,
samúðar og samvinnu við
þjóðkirkju íslands. Vér
vonum að hugsjón bræðra-
lags og gagnkvæms skiln-
ings megi halda áfram að
eflast meðal vor, báðum
megin hafsins. Vér fögnum
því, að prófessor Ásmundur
Guðmundsson var hafinn til biskupstignar á ættjörðu vorri.
Af ýmsum afskiptum, sem hann hefir haft af oss hér vestra,
fyrr og tíðar, teljum vér oss eiga góðan vin á biskupsstóli
þar sem hann er. Vér vonum, að oss auðnist að verðskulda
vináttu hans og blessun móðurkirkjunnar.
Sameiningin flytur hinum nýja biskupi innilegar
kveðjur og hamingjuóskir. Vér biðjum Guð að blessa störf
hans og embættisferil, sem vér vonum að megi verða langur
og gifturíkur fyrir hina íslenzku þjóð.